💞ആയിരം കണ്ണുമായി – 9 108അടിപൊളി 

 

അഖിൽ : പിന്നെ ഇല്ലാതെ… രേഷ്മ, കരിഷ്മാ, അഞ്ചു, സോഫി, ലിസി, റസിയ,

 

ശ്രുതി : മതി… മതി… ഞാൻ വായിനോക്കിയിട്ടുള്ളവരുടെ പേര് അല്ല ചോദിച്ചേ… ഒരു പ്രതേക ഇഷ്ടം അങ്ങനെ ആരോടെങ്കിലും തോന്നിയിട്ടുണ്ടോ

 

അഖിൽ : പ്രതേക ഇഷ്മോ അതെന്ത് സാധനം…

 

ശ്രുതി : അയ്യൊ… നല്ല ആളോടാ ഞാൻ പ്രേമത്തെ പറ്റി ചോദിച്ചെ… അസ്സല് മുരടൻ

 

അഖിൽ : മുരടൻ നിന്റെ…ഞാൻ അങ്ങനെ പെണ്ണുങ്ങളോട് അധികം മിണ്ടിയിട്ടില്ല.. തിരിച്ച് അവരും… മിണ്ടിയാൽ ഒരു അടി ഉറപ്പാ..

 

ഇത് കേട്ട ശ്രുതി പതിയെ ചിരിച്ചു

 

അഖിൽ : അല്ല നീ ഈ പറയുന്ന പ്രതേക ഇഷ്ടം എങ്ങനെയാ മനസ്സിലാക്കുക..

 

ശ്രുതി : ഉം… അങ്ങനെ ചോദിച്ചാൽ… ഒരാളെ പറ്റി തന്നെ എപ്പോഴും ഓർത്തുകൊണ്ട് ഇരിക്കുക… ആരെയെങ്കിലും പറ്റി ഓർക്കുമ്പോൾ അറിയാതെ ചിരിക്കുക..ഉറക്കം വരാതിരിക്കുക.. പിന്നെ നമ്മുടെ മസ്സിൽ കുളിർമപോലെ… സന്തോഷം പോലെ ഒരു ഫീൽ ഉണ്ടാകുക.. ഒരാളെ കാണുമ്പോൾ തന്നെ സന്തോഷം തോന്നുക ഇതൊക്കെ പ്രതേക ഇഷ്ടത്തിന്റെ സിഗ്നൽസാ

 

അഖിൽ : ഇതാണോ സിഗ്നൽസ്

 

ശ്രുതി : ആണെന്നാ കേട്ടിട്ടുള്ളത്

 

അഖിൽ : ( കോപ്പ് അപ്പോൾ എനിക്ക് ഇവളോട് പ്രേമമാണോ കുറച്ച് ദിവസമായിട്ട് ഇതൊക്കെ തന്നെയല്ലേ എനിക്ക് നടക്കുന്നെ)

 

ശ്രുതി : എന്താ ഈ ചിന്തിക്കുന്നെ

 

അഖിൽ : ഹേയ് ഒന്നുമില്ല…

 

അഖിലിനെ ഒന്നുകൂടി നോക്കി ചിരിച്ച ശേഷം ശ്രുതി വീണ്ടും കപ്പലണ്ടി വറുക്കാൻ തുടങ്ങി അഖിൽ പതിയെ നോട്ടം അവളിലേക്ക് മാറ്റി കടലിൽ നിന്ന് വീശുന്ന കാറ്റ് പതിയെ ശ്രുതിയുടെ തലമുടിയിൽ തഴുകികൊണ്ട് കടന്നു പോകുന്നുണ്ടായിരുന്നു അഖിൽ പതിയെ താടിയിൽ കയ്യും കൊടുത്ത് അത് കണ്ണെടുക്കാതെ നോക്കി ഇരുന്നു…

 

ശ്രുതി : അതെ അഖിലെ നീ സൈമൻ സാറിന്റെ അസൈൻമെന്റ് ചെയ്തായിരുന്നോ.. അഖിലെ… അഖിലെ… ടാ പൊട്ടാ…

 

അഖിൽ വേഗം താടിൽ നിന്ന് കയ്യെടുത്ത ശേഷം അവളെ നോക്കി

 

ശ്രുതി : പറഞ്ഞത് വല്ലതും കേട്ടോ

 

അഖിൽ : നീ എന്ത് പറഞ്ഞു

 

ശ്രുതി : മനസ്സ് ഇവിടെ ഒന്നുമല്ല… താടിയിൽ കയ്യും കൊടുത്തു ഇരുന്നേക്കുവാ… എന്താണാവോ ആലോച്ചിച്ചു കൂട്ടുന്നെ..

 

അഖിൽ : അങ്ങനെ ഒന്നുമില്ല… ഞാൻ വെറുതെ…

 

ശ്രുതി : ഉം… അതിരിക്കട്ടെ.. ഞാൻ കുറേ നാളായി ചോദിക്കണം എന്ന് വെക്കുന്നു കഴിഞ്ഞ കോളേജിൽ എന്തായിരുന്നു പ്രശ്നം… ഞാൻ കുറേ കഥകൾ കേട്ടു.. ആരെയൊക്കെയോ ഇടിച്ചെന്നോ, കൊന്നെന്നോ സത്യത്തിൽ എന്താ സംഭവം

 

അഖിൽ : അതൊക്കെ വലിയ കഥയാ

 

ശ്രുതി : സാരമില്ല പറഞ്ഞോ

 

അഖിൽ : എടി കഥയിൽ ഞാൻ വില്ലനാ…

 

ശ്രുതി : അത് അല്ലെങ്കിലേ അത്ഭുതമുള്ളു..

 

അഖിൽ : അത് പിന്നെ… കോളേജിൽ പുതിയ ഫ്രഷേഴ്സ് വന്നു… ഞാനും കൂട്ടുകാരും വെറുതെ വരെ ചോറിഞൊക്കെ നടക്കുവായിരുന്നു അതിനിടയിൽ ഒരു പെണ്ണുമായും ചെറുക്കനുമായും ഉടക്കി… രണ്ട് പേരും ഇഷ്ടത്തിൽ ആയിരുന്നെന്ന് തോന്നുന്നു..

 

ശ്രുതി : നിങ്ങളുടെ ഡിപ്പാർട്ട് മെന്റിൽ ഉള്ളതാണോ

 

അഖിൽ : അല്ല കെമിസ്ട്രി

 

ശ്രുതി : കെമിസ്ട്രിയിൽ പോയി വള്ളി പിടിച്ചു അല്ലെ

 

അഖിൽ : അങ്ങനെയും പറയാം… ഇടക്കിടക്ക് ഞങ്ങൾ തമ്മിൽ ഉരസി.. ആ പെണ്ണിന് ഭയങ്കര അഹങ്കാരമായിരുന്നു

 

ശ്രുതി : മോൻ മാന്യൻ അല്ലെ…എന്നിട്ട്

 

അഖിൽ : എന്നിട്ട് എന്താ ഓണം സെലിബ്രേഷന്റെ അന്ന് ഞങ്ങൾ ചെറിയൊരു ഫൺ പരുപാടി ചെയ്തു

 

ശ്രുതി : എന്ത് ഫൺ പരുപാടി

 

അഖിൽ : ഈ വാട്ടർ ബലൂണില്ലേ അതിൽ വെള്ളം നിറച്ച് വെറുതെ പിള്ളേരെ എറിഞ്ഞു… വെറുതെ ഒരു രസത്തിന്

 

ശ്രുതി : 😠 കേട്ടിട്ട് എനിക്ക് തന്നെ ചൊറിഞ്ഞു വരുന്നുണ്ട്

 

അഖിൽ : അങ്ങനെയിരുന്നപ്പോൾ ആ പെണ്ണ് അതുവഴി പോയി ഞാൻ വിടുവോ ഒന്നെടുത്തു എറിഞ്ഞു… അവളുമായി വഴക്കായി… അതിനിടയിൽ അവളുടെ ആ കാമുകൻ പയ്യൻ വന്നു കയറി കച്ചറയായി.. ഞാൻ ദേഷ്യത്തിൽ അടുത്ത് കിടന്ന ഫുട്ബോൾ അവനു നേരെ ഷൂട്ട്‌ ചെയ്തു അത് നേരെ കൊണ്ടത് ആ പെണ്ണിന്റെ മുഖത്തും… അവളുടെ മൂക്ക് പഞ്ചറായി…