💞ആയിരം കണ്ണുമായി – 9 108അടിപൊളി 

 

“🎶 പുല്ലാഞ്ഞികൾ പൂത്തുലഞ്ഞിടും

മേച്ചിൽപ്പുറം തന്നിലും

ആകാശ കൂടാരക്കീഴിലെ

ആശാമരച്ചോട്ടിലും 🎶 ”

 

പാട്ട് കേട്ട ശ്രുതി നേട്ടലോട് അഖിലിനെ തിരിഞ്ഞു നോക്കി

 

“🎶ഈ പാഴ്‌മുളം തണ്ട് പൊട്ടും വരെ

ഈ ഗാനമില്ലാതെയാകും വരെ

കുഞ്ഞാടുകൾക്കെന്നും

കൂട്ടായിരുന്നീടും

ഇടയൻ്റെ മനമാകുമീ

പുല്ലാങ്കുഴൽ നാദമായ്🎶”

 

അഖിൽ പതിയെ പാടി നിർത്തി

 

അഖിൽ : എന്താ ഇങ്ങനെ നോക്കുന്നെ

 

ശ്രുതി : നീ പാടുവോ

 

അഖിൽ : എന്താ എനിക്ക് പാടിക്കൂടെ.. അമ്മ നിന്നെ മാത്രമല്ല എന്നെയും പാട്ടൊക്കെ പഠിപ്പിച്ചിട്ടുണ്ട് എന്താ കൊള്ളാവോ…

 

ശ്രുതി : ഇത്ര നന്നായിട്ട് പാടിയിട്ട് കൊള്ളാവോന്നോ…നിന്നോട് ഞാൻ മിണ്ടില്ല കേട്ടോ

 

അഖിൽ : എന്തിന് പാടിയത് കൊണ്ടോ

 

ശ്രുതി : അല്ല… പാടാൻ അറിയാം എന്ന് എന്നോട് പറയാത്തത് കൊണ്ട്..

 

അഖിൽ : അവസരം കിട്ടിയാലല്ലേ പറയാൻ പറ്റു… പിന്നെ എനിക്ക് ഇപ്പോൾ പാട്ടൊന്നും ഓർമ്മയില്ല ഇപ്പോൾ എങ്ങനെയോ രണ്ട് മൂന്നു വരി ഓർമ്മ വന്നു

 

ശ്രുതി : അടുത്ത ആർട്സ് ഡേയ്‌ക്ക്‌ നീ പാടണം കേട്ടോ

 

അഖിൽ : ഇതാണ് നിന്റെ പ്രശ്നം…

 

ശ്രുതി : ഒരു പ്രശ്നവും ഇല്ല നീ പാടും

 

****************

 

പിറ്റേന്ന് ശ്രുതി ക്ലാസ്സിൽ

 

ലക്ഷ്മി : രാവിലെ രണ്ട് പേരും കൂടി മീഡിയേറ്റർ ഇല്ലാതെ സംസാരിക്കുന്നത് കണ്ടു എന്താ മൗന വൃതം അവസാനിച്ചോ

 

ശ്രുതി : എപ്പോഴെ

 

ലക്ഷ്മി : ആരാ തോറ്റെ

 

ശ്രുതി : അവൻ തന്നെ… ഞാൻ പ്രേതീക്ഷിച്ചില്ലകേട്ടോ അവൻ അല്പം കൂടി വാശി കാണിക്കും എന്നാ ഞാൻ കരുതിയെ

 

ലക്ഷ്മി : ഞാൻ പറഞ്ഞില്ലേ ഇത് അധികം പോകില്ല എന്ന്… ശ്രുതി ഒരു കാര്യം ഞാൻ സീരിയസായി ചോദിച്ചോട്ടെ

 

ശ്രുതി : എന്ത് കാര്യം

 

ലക്ഷ്മി : നിനക്ക് അഖിലിനെ ഇഷ്ടമാണോ..

 

ശ്രുതി : നീ പോയേ

 

ലക്ഷ്മി :ഇപ്പോഴത്തെയും പോലെയല്ല ഞാൻ സീരിയസ് ആയി ചോദിക്കുവാ..

 

ശ്രുതി : നിനക്ക് എന്താ…ഞാൻ എന്തെങ്കിലും പറഞ്ഞിട്ടു വേണം… അന്ന് സ്കൂളിൽ വച്ച് ഉണ്ടായത് ഓർമ്മയുണ്ടല്ലോ

 

ലക്ഷ്മി : നീ പറയുന്നത് എല്ലാരോടും വിളിച്ചു പറയാൻ ഞാൻ ടീന അല്ല.. നീ പറയ് അവനോട് ഇഷ്ടമുണ്ടോ

 

ശ്രുതി പതിയെ ചിരിക്കുക മാത്രം ചെയ്തു

 

ലക്ഷ്മി : അപ്പോൾ അത് തന്നെ…എനിക്ക് തോന്നി…

 

ശ്രുതി : ആരും അറിയരുത്… നിന്റെയും എന്റയും മനസ്സിൽ തന്നെ ഇതിരുന്നോട്ടെ

 

ലക്ഷ്മി : അപ്പോൾ അവനോട് പറയണ്ടേ

 

ശ്രുതി : വേണ്ട.. എന്നെ ആര് ഇഷ്ടപ്പെടാനാ… എന്റെ മനസ്സിൽ തോന്നിയത് എന്റെ മനസ്സിൽ തന്നെ ഇരിക്കട്ടെ..ഇനിയും വെറുതെ നൊണ്ടിക്ക് പ്രേമം എന്ന് എല്ലാവരുടെയും വായിൽ നിന്ന് കേൾക്കാൻ വയ്യ

 

ലക്ഷ്മി : എന്നാലെ… നീ പറഞ്ഞില്ലെങ്കിലും കുറച്ച് ദിവസത്തിനുള്ളിൽ അവൻ നിന്നോട് വന്നു ഇഷ്ടം പറഞ്ഞോളും

 

ശ്രുതി : നീ എന്താ പറയരുന്നെ…

 

ലക്ഷ്മി : അവന് പ്രണയ പനി പിടിച്ചിട്ട് കുറച്ചായി… നീ ചെറുതായി ഇടക്കണ്ണിട്ട് അവനെ നോക്കിയെ… തിരിഞ്ഞു നോക്കരുത് ജസ്റ്റ്‌ കണ്ണ് ചരിച്ചു നോക്ക് അവൻ നിന്നെ തന്നെ നോക്കികൊണ്ട് ഇരിക്കുവാ…

 

ശ്രുതി പതിയെ കണ്ണ് ചരിച്ചു അവനെ നോക്കി

 

ലക്ഷ്മി : കണ്ടോ… കണ്ണെടുക്കാതെ നോക്കുന്നത് കണ്ടോ…

 

ശ്രുതി : അത് ചിലപ്പോൾ… എന്നോടുള്ള സഹതാപം കൊണ്ടോ മറ്റോ ആണെങ്കിലോ..

 

ലക്ഷ്മി : എന്തിനാടി വെറുതെ… അവന് നിന്നെ ഇഷ്ടമാണെന്ന് നിനക്കിപ്പോൾ തന്നെ മനസ്സിലായിട്ടുണ്ട് എന്നിട്ടും ഉരുണ്ട് കളിക്കുവാണോ…

 

ശ്രുതി : ലക്ഷ്മി.. ഇത് ശെരിയാകുവോ

 

ലക്ഷ്മി : അതാണ് ആലോചിക്കേണ്ടത്… ഇത് ശെരിയാകുവോ… അവൻ അത്ര നല്ല ആളൊന്നും അല്ല എന്നല്ലേ നമ്മൾ കേട്ടിട്ടുള്ളത്

 

ശ്രുതി :ഇപ്പോൾ അങ്ങനെയൊന്നും അല്ല

 

ലക്ഷ്മി : കള്ള് കുടിക്കും… സിഗരറ്റ് വലിക്കും എന്നൊക്കെ നീ തന്നെ പറഞ്ഞിട്ടുണ്ട്… ഇങ്ങനെയുള്ള ഒരാളെ വേണോ എന്ന് നീ നല്ലത് പോലെ ആലോചിച്ചു തീരുമാനിക്ക്