💞ആയിരം കണ്ണുമായി – 9 108അടിപൊളി 

 

ശ്രുതി : അതൊക്കെ മാറ്റി എടുത്തോളാം..പക്ഷെ എന്റെ കാലിന്റെ…

 

ലക്ഷ്മി : കാലിന്റെ തേങ്ങ… ഇല്ലെങ്കിൽ നിനക്ക് നല്ല കോൺഫിഡൻഡ് ആണല്ലോ… അവന് പ്രശ്നമില്ല പിന്നെ നിനക്ക് എന്താ… പക്ഷെ ഒരു കാര്യം ആദ്യം നീ അവനോട് ഇഷ്ടം പറയണ്ട എന്നാ എന്റെ അഭിപ്രായം അവൻ പറയട്ടെ

 

ശ്രുതി : അത് തന്നെയാ നല്ലത്… അതിന് മുൻപ് അവനെ കുറച്ച് കൂടി മാറ്റി എടുക്കണം..

 

ലക്ഷ്മി : ഉം അത് മതി…

 

****************

 

ഇന്റർവെൽ ടൈം ശ്രുതി അഖിലിനടുത്ത്

 

ശ്രുതി : ഇന്ന് മുതൽ പഠിക്കേണ്ട നോട്ടുകൾ ഞാൻ അയച്ചുതരാം കുറച്ചേ കാണുള്ളൂ… അത് പഠിച്ച ശേഷമേ ഉറങ്ങാവു… മനസ്സിലായോ

 

അഖിൽ : ശരി..ശരി

 

ശ്രുതി : എന്താ ഒരു ഉഷാറില്ലാത്തത്…അടുത്ത ദിവസം വരുമ്പോൾ പഠിച്ച കാര്യം ഞാൻ ചോദിക്കും എനിക്ക് പറഞ്ഞു തരണം മനസ്സിലായോ

 

അഖിൽ : ഇതെന്ത് കാഷ്ടമാ പഠിച്ചാൽ മാത്രം പോരെ

 

ശ്രുതി : പോര നീ പഠിച്ചോന്ന് എനിക്ക് അറിയണം…

 

അഖിൽ : ( ഇവള് ) ശെരി… എന്താ പോരെ…

 

ശ്രുതി : പിന്നെ… ഒരു കാര്യം കൂടി പറഞ്ഞേക്കാം കേട്ടിട്ട് എന്നോട് ദേഷ്യപ്പെടരുത്… പിണങ്ങുകയും ചെയ്യരുത്…

 

അഖിൽ : അത് എന്ത് കാര്യം

 

ശ്രുതി : ഈ കുടിയും വലിയുമൊക്കെ നിർത്തണം…പിന്നെ നീ മറ്റെന്തെങ്കിലും ലഹരി ഉപയോഗിക്കുന്നുണ്ടോ

 

അഖിൽ : ലഹരി നിന്റെ… ഞാൻ ഡ്രഗ് അഡിക്റ്റ് ഒന്നുമല്ല മനസ്സിലായോ…

 

ശ്രുതി : ഇതാ പറഞ്ഞെ ദേഷ്യപ്പെടരുതെന്ന് ഞാൻ അറിയാൻ വേണ്ടി ചോദിച്ചതാ

 

അഖിൽ : ഞാൻ ലഹരി ഒന്നും ഉപയോഗിക്കാറില്ല…ഇപ്പോൾ കുറച്ചായി വലിയും ഇല്ല…

 

ശ്രുതി : അപ്പോൾ കുടിക്കും അല്ലെ

 

അഖിൽ : ഓരോന്ന് ആലോചിച്ചു ചിലപ്പോൾ എനിക്ക് ഉറക്കം കിട്ടില്ല… അപ്പോൾ രണ്ടെണ്ണം കഴിച്ചേ പറ്റു… മനുഷ്യന് സമാധാനം വേണ്ടേ…

 

ശ്രുതി : കുടിച്ചാൽ സമാധാനം കിട്ടുവോ…

 

അഖിൽ : ഒന്നും ഓർക്കാതെ കിടന്ന് ഉറങ്ങാം എനിക്ക് അത് മതി…

 

ശ്രുതി : എന്നാൽ അല്പം അല്പമായി നിർത്തികൂടെ… ഇത് പറയാൻ ഇവള് ആരാ എന്നൊന്നും ചിന്തിക്കണ്ട നിന്റെ നല്ലതിന് വേണ്ടിയാ ഞാൻ പറയുന്നെ… കുടിച്ചാൽ ഒന്നും പഠിക്കാനും പറ്റില്ല…

 

അഖിൽ : ഞാൻ നോക്കാം ഉറപ്പൊന്നും പറയാൻ പറ്റില്ല

 

ശ്രുതി : അതുമതി… പക്ഷെ നോക്കണം..

 

അഖിൽ : ഉം…

 

അന്നേ ദിവസം രാത്രി ശ്രുതി തന്റെ വീട്ടിൽ…

 

ശ്രുതി : ഇത്രയും മതി… ഇതിൽ കൂടുതൽ ആയാൽ അവൻ പഠിക്കില്ല…

 

ശ്രുതി പതിയെ പഠിക്കുവാനുള്ള നോട്ടുകൾ സെന്റ് ചെയ്ത ശേഷം പഠിക്കാൻ തുടങ്ങി

 

കുറച്ച് മണിക്കൂറുകൾക്ക്‌ ശേഷം ശ്രുയുടെ അച്ഛൻ കച്ചവടത്തിന് ശേഷം തിരികെയെത്തി

 

ശ്രുതി : ഇന്ന് നേരത്തെയാണല്ലോ

 

അച്ഛൻ : വലിയ ആളൊന്നും ഇല്ല അതുകൊണ്ട് നേരത്തെ പൂട്ടി… നീ കഴിച്ചോ

 

ശ്രുതി : ഇല്ല

 

അച്ഛൻ : എന്നാൽ വാ കഴിക്കാം

 

അല്പനേരത്തിനുള്ളിൽ അവർ കഴിക്കാൻ തുടങ്ങി

 

അച്ഛൻ : രണ്ട് ദിവസമായി നിന്റെ കൂടെ കടയിൽ ഒരു പയ്യൻ വന്നിരിക്കുന്നുണ്ട് എന്ന് ഒന്ന് രണ്ട് പേർ പറയുന്നത് കേട്ടു…

 

ശ്രുതി : ഓഹ്… അത് അഖിലാ അച്ഛാ ടീച്ചറിന്റെ മകൻ… അതിനിടയിൽ ഇത് ആരാ അച്ഛനോട് വന്നു പറഞ്ഞെ

 

അച്ഛൻ : അഖിൽ… അവന്റെ കൂടെയല്ലേ അന്ന് നീ പുറത്ത് പോയെ

 

ശ്രുതി : അതെ… അവൻ നല്ല ആളാ അച്ഛാ ഞാൻ പറഞ്ഞിട്ടുണ്ടല്ലോ

 

അച്ഛൻ : നല്ലതാണോ അല്ലെ എന്നൊന്നും ഞാൻ ചോദിച്ചില്ലല്ലോ മോളെ… നല്ലതല്ലെങ്കിൽ മോള് കൂട്ടുകൂടില്ല എന്ന് അച്ഛന് അറിയാം..

 

ശ്രുതി : ആളുകളൊക്കെ അച്ഛനോട് ഓരോന്നൊക്കെ പറഞ്ഞു തന്നുകാണും അല്ലെ

 

അച്ഛൻ : ഹേയ് എന്ത് പറയാൻ.. നിങ്ങള് ഫ്രണ്ട്‌സ് ആണെന്ന് അച്ഛന് അറിയാം… അങ്ങനെ തന്നെയല്ലേ അതോ മോൾക്ക് വേറെ എന്തെങ്കിലും ഇഷ്ടം ഉണ്ടോ

 

ശ്രുതി ഉത്തരം ഒന്നും പറഞ്ഞില്ല

 

അച്ഛൻ : കഴിഞ്ഞ തവണ ചോദിച്ചപ്പോൾ പെട്ടെന്ന് ഉത്തരം പറഞ്ഞല്ലോ… ഇപ്പോൾ എന്ത് പറ്റി