💞ആയിരം കണ്ണുമായി – 9 108അടിപൊളി 

 

ശ്രുതി : എടാ ദ്രോഹി

 

അഖിൽ : ഞാൻ വേണോന്ന് വച്ച് ചെയ്തതല്ല.. ശെരിക്കും ഞാനും പേടിച്ചു പോയി… അപ്പോഴേക്കും അവൻ എന്നെ ഇടിക്കാൻ ഓടി കൊണ്ടുവന്നു പിന്നെ പൊരിഞ്ഞ അടിയായിരുന്നു

 

ശ്രുതി : അപ്പോൾ ആ ചെറുക്കനെ നീ ഇടിച്ചല്ലേ… ജൂനിയറിനെ ഇടിച്ച് വമ്പ് കാണിച്ചിട്ടാ ഇങ്ങോട്ട് വന്നത് അല്ലെ…

 

അഖിൽ : ആര് ഇടിച്ചു അവനാ എന്നെ ഇടിച്ചെ… അവന് പേ പിടിച്ചത് പോലെ ആയിരുന്നു.. എന്റെ കൈ അടിച്ച് ഓടിച്ചു.. ഒരുമാസം പ്ലാസ്റ്റർ ഇടേണ്ടി വന്നു… എല്ലാം കഴിഞ്ഞിട്ട് അവനെ വെറുതെ വിട്ട ശേഷം എനിക്ക്‌ ഡിസ്സ്മിസ്സും എല്ലാത്തിനും കൂടെ നിന്ന രണ്ട് നാറികൾ അവസാനം കാലും മാറി

 

ഇത് കേട്ട് ശ്രുതി ഉറക്കെ ചിരിക്കാൻ തുടങ്ങി

 

അഖിൽ : എന്തിനാടി ചിരിക്കുന്നെ

 

ശ്രുതി : ചിരിക്കാതെ പിന്നെ… എന്തൊക്കെ കഥകളാ ഓരോരുത്തർ പറഞ്ഞു നടക്കുന്നത്… ജൂനിയർ തല്ലി ഓടിച്ചതാണെന്ന് ഇപ്പോഴല്ലേ മനസ്സിലായെ.. എന്തായാലും നിനക്കത് ആവശ്യമായിരുന്നു..

 

അഖിൽ : എടി നിന്നെ… വെറും പീറ പയ്യനായിരുന്നെടി… പെട്ടെന്ന് അങ്ങ് കയറി വയലന്റ് ആകുവായിരുന്നു… ഞാൻ അത് ഒട്ടും പ്രതീക്ഷിച്ചില്ല അതുകൊണ്ടാ ഇല്ലെങ്കിൽ അവന്റെ എല്ല് ഒടിഞ്ഞേനെ

 

ശ്രുതി : നീ അവന്റെ ഹൃദയത്തെയാ നോവിച്ചതെന്ന് തോന്നുന്നു.. അതാ അവനെ പിടിച്ചാൽ കിട്ടാതത്… അത് അങ്ങനെയാ ഈ സ്നേഹത്തിന്റെ പവർ പിടിച്ചു നിൽക്കാൻ ഇത്തിരി പാടാ…

 

അഖിൽ : ഇത് നീ ഇനി ആരോടും പോയി പറയണ്ട കഥയൊക്കെ അങ്ങനെ തന്നെ ഇരുന്നോട്ടെ 🙄

 

ശ്രുതി : ഓഹ് ശരി..ഞാനായിട്ട് നാണം കെടുത്തുന്നില്ല… നിനക്ക് കടല വേണോ…

 

അഖിൽ : അല്പം എടുക്ക്

 

ശ്രുതി ഒരുപിടി വാരി അഖിലിന് കൊടുത്തു അവൻ പതിയെ കടലിൽ നോക്കി അത് കഴിക്കാൻ തുടങ്ങി

 

ശ്രുതി അവൻ കഴിക്കുന്നത് നോക്കി നിന്നു.. ശേഷം പതിയെ പുഞ്ചിരിച്ചു

 

അഖിൽ : എന്താ ഇങ്ങനെ നോക്കുന്നെ

 

ശ്രുതി : ഹേയ് വെറുതെ… കഴിച്ചോ..

 

“ഹലോ രണ്ട് പൊതി കപ്പലണ്ടി ”

 

പെട്ടെന്നാണ് ഒരു പയ്യനും പെണ്ണും അങ്ങോട്ടേക്ക് വന്നത്

 

അഖിൽ പതിയെ അവരെ നോക്കി

 

“നീതു നിനക്ക് ഉപ്പ് മാങ്ങ വേണോ ”

 

“വേണ്ട അശ്വിനെ പോകാം ”

 

അശ്വിൻ : അതൊക്കെ പോകാം സമയം കിടക്കുവല്ലേ

 

അവൻ ആ പെൺകുട്ടിയുടെ തോളിൽ കയ്യിട്ട ശേഷം പറഞ്ഞു

 

അശ്വിൻ : എത്രയാ

 

ശ്രുതി : 20

 

കപ്പലണ്ടി വാങ്ങിയ ശേഷം അവർ അവിടെ നിന്നും പോയി അഖിൽ അവരെ തന്നെ നോക്കി ഇരുന്നു

 

ശ്രുതി : എന്താ ഇത്ര നോക്കാൻ

 

അഖിൽ : ഹേയ് ഒന്നുമില്ല

 

ശ്രുതി : ആ പയ്യൻ അത്ര ശരിയല്ല എന്ന് തോന്നുന്നു അല്ലെ…

 

അഖിൽ : ഞാൻ നോക്കിയത് അവളെയാ

 

ശ്രുതി : അല്ലെങ്കിലും കണ്ണ് വേണ്ടാത്ത സ്ഥലത്തേക്കല്ലേ പോകു…ഒരു പാവം കൊച്ച് അല്ലെ… പാവപോലെ ഉണ്ട്…

 

അഖിൽ : നല്ല പാവമാ…

 

ശ്രുതി : നിനക്ക് അവളെ അറിയാമോ…

 

അഖിൽ : ഹൈസ്കൂളിൽ എന്റെ സ്കൂളിൽ ആയിരുന്നു ഒരേ ക്ലാസ്സ്‌ അല്ലായിരുന്നു പക്ഷെ അറിയാം… നീതുന്നാ പേര്

 

ശ്രുതി : എന്താ പ്രശ്നക്കാരിയാണോ

 

അഖിൽ : കേട്ടത് വെച്ച് അല്പം പിശകാണ്…പഴയ സ്വഭാവം ആണെങ്കിൽ ആ പയ്യെന്റെ കാര്യം പോക്കാ ഉം നീ അതൊക്കെ വിട് അവരായി അവരുടെ പാടായി…

 

ശ്രുതി : ശോ… നിന്നോട് വേറൊരു കാര്യം കൂടി ചോദിക്കാൻ ഉണ്ടായിരുന്നു

 

അഖിൽ : അപ്പോൾ കഴിഞ്ഞില്ലേ…

 

ശ്രുതി : ടാ നിനക്ക് ഫസ്റ്റ് ഇയറിൽ എത്ര സപ്പ്ളി ഉണ്ട്

 

അഖിൽ : നിനക്ക് വേറെ ഒന്നും ചോദിക്കാൻ ഇല്ലേ…

 

ശ്രുതി : നീ പറഞ്ഞെ അഖിലെ

 

അഖിൽ : 5 എണ്ണം

 

ശ്രുതി : അറിൽ അഞ്ചും പോയി അല്ലെ ബെസ്റ്റ്… അല്ല ഏതാ കിട്ടിയെ

 

അഖിൽ : മലയാളം കിട്ടി…

 

ശ്രുതി : ഉം… ഫസ്റ്റ് ഇയറിന് എക്സാം ഫീസ് അടക്കേണ്ട സമയമായി നീ അറിഞ്ഞോ

 

അഖിൽ : അറിഞ്ഞു

 

ശ്രുതി : അപ്പോൾ ഇനി എക്സാമിന് കുറച്ച് ദിവസമേ ഉള്ളു നീ പഠിക്കുന്നുണ്ടോ… ഫസ്റ്റ് ഇയർ എഴുതി എടുക്കണ്ടേ അത് കഴിഞ്ഞാൽ ഉടനെ നമുക്ക് എക്സാം തുടങ്ങും