ഇതിനിടയിൽ നേഴ്സിങ്ങ് പഠിക്കാൻ പോയ ശ്യാമയുടെ അനുജത്തി വീട്ടിൽ തിരിച്ചു വന്നു, അതോടെ പാചകം ഭംഗിയായി നടക്കുന്നതിനാലായിരിക്കാം ശ്യാമ കൊണ്ടുവരുന്ന ഭക്ഷണങ്ങളിൽ ധാരാളിത്ത്വവും അതിനൊപ്പം തന്നെ അവളുടെ രൂപ ഭാവങ്ങളിൽ മാറ്റവും പ്രകടമാകാൻ തുടങ്ങി. ശരീരം ഒന്നുകൂടി തടിച്ചു. നിതബം വിടർന്നു, സ്വതവേ വലുപ്പമേറിയ മാറിടങ്ങൾ ഒന്നുകൂടി തുടുത്തു.
ശ്യാമ : “എന്റെ ഡ്രെസുകൾ പലതും ടൈറ്റ് ആയി , ഞാൻ തടി വയ്ക്കുന്നുണ്ടെന്നാ തോന്നുന്നേ, രമ്യയാണ് ഇപ്പോൾ പാചകം” – അവൾ പരിതപിച്ചു.
ബാലു : “ദാ താഴത്തെ കടയിൽ കിട്ടും.” ബാലു മുഖം ഉയർത്താതെ മോണിറ്ററിൽ നോക്കി പറഞ്ഞു.
താഴെ ഒരു കടയുള്ളത് സ്ത്രീകളുടെ അടിവസ്ത്രങ്ങൾ വിൽക്കുന്നതായിരുന്നു.
സ്വൽപ്പം കഴിഞ്ഞ് മുഖം ഉയർത്തിയപ്പോൾ അവൾ തുറിച്ച് നോക്കുന്നു, പിണക്കമല്ല. “എനിക്ക് മനസിലായി കെട്ടോ” എന്ന ഭാവം മുഖത്ത്.
ബാലു ഊറിചിരിച്ചു.
ശ്യാമ : “ഓ വലിയ തമാശ”
ബാലു : “അപ്പോൾ മനസിലായി?”
ശ്യാമ : “വലിയ തമാശക്കാരനാണെന്നാ ഭാവം, എല്ലാം വെറും ചളിയാണെന്നു മാത്രം.”
ബാലു : “ഓഹോ”
ശ്യാമ : “ങാഹാ”
ബാലു അവളുടെ മുൻഭാഗത്തേയ്ക്ക് നോക്കി.. അത് മനസിലാക്കി അവൾ പെട്ടെന്ന് തിരിഞ്ഞു കളഞ്ഞു.
ബാലു : “ഇപ്പോളാണ് ആവശ്യത്തിന് ആരോഗ്യം വച്ചത്, ഹും എന്റെ കാശിന് ഉള്ള ഷേക്ക് മുഴുവൻ കുടിച്ച് പെണ്ണങ്ങ് മിനുങ്ങി.”
ശ്യാമ : “പിന്നെ ചേട്ടന്റെ ഒരു കാശ്!! എത്ര തവണ തന്നിട്ടുണ്ട്? ഞാൻ എന്റെ കാശിനാണ് ഷേക്ക് കുടിക്കുന്നത്.”
അത് ശ്രദ്ധിക്കാതെ ബാലു സ്വരം താഴ്ത്തി പറഞ്ഞു, “എന്റെ കാശും പോകും, പ്രയോജനം വേറെ ആർക്കെങ്കിലും..”
ശ്യാമ അത് കേൾക്കാത്തപോലെ വാതിൽക്കൽ ചെന്നു നിന്ന് പുറത്തെ കാഴ്ച്ചകൾ ആസ്വദിച്ചു.
ശ്യാമ : “ഈ ചേട്ടൻ ഇങ്ങിനാണെന്ന് ചേച്ചിക്ക് അറിയാമോ?” കുറച്ചുകഴിഞ്ഞ് അവൾ അകത്തുവന്ന് ചോദിച്ചു.
ബാലു : “ആർക്ക്?”
ശ്യാമ : “ഓ ‘ഇതിന്റെ’ കൂട്ടുകാരിക്ക്..” മുഖം കൊണ്ട് ബാലുവിനെ പോയിന്റ് ചെയ്താണ് അത് ചോദിച്ചത്.
മുതലാളിയെ വിളിക്കുന്നത് “ഇതിന്റെ” എന്ന് !!
ബാലു കണ്ണുരുട്ടി
അവൾ കിലുകിലെ ചിരിച്ചു.
ശ്യാമ : “എന്നാ?”
ബാലു : “ഒന്നുമില്ല.”
ശ്യാമ : “ചേച്ചിയെ കാണട്ടെ ഞാൻ പറയുന്നുണ്ട്.”
ബാലു : “എന്ത്?”
ശ്യാമ : “ആള് കോഴി ആന്ന്.”
ബാലു : “പോ പെണ്ണേ, നീ വേണ്ടാത്തതൊന്നും പറഞ്ഞ് പിടിപ്പിക്കേണ്ട, ഒരു കാര്യം നോക്കിയിരിക്കുകയാണ് അവൾ എന്നെ ഇട്ടിട്ടുപോകാൻ.”
ശ്യാമ : “എന്നാൽ ഞാൻ ഉറപ്പായും പറയും.”
ബാലു : “പിന്നെ നീ എന്നെ കെട്ടുമോ?”
ശ്യാമ : “അച്ചോടാ, അതിന് വേറെ ആളെ നോക്ക്, എനിക്കൊന്നും വേണ്ടെ ഇങ്ങിനത്തെ ചെറുക്കൻമാരെ.”
ബാലു : “പിന്നെ നിനക്ക് എങ്ങിനത്തെ ചെറുക്കൻമാരെയാണ് വേണ്ടത്.”
ശ്യാമ : “ഒരു പാവം.”
ബാലു : “ഞാൻ പാവമല്ലേ?”
ശ്യാമ : “ഹും ഒരു ഷേയ്ക്കിന് കാശു പോലും തരാത്ത പാവം!!”
ബാലു : “അപ്പോൾ ഷേക്ക് വാങ്ങി തന്നാൽ പാവമായോ?”
അവൾ മുഖം പ്രസാദിച്ചപോലെ പുഞ്ചിരിച്ചു.
ബാലു : “നീയും നിന്റെയൊരു ഷേക്കും! ആരോ ഷേക്കിൽ കൈവിഷം തന്നതാണോ?”
ശ്യാമ : “അതെ, എന്താ?”
ബാലു : “അല്ല കാര്യം പറഞ്ഞില്ലല്ലോ നിന്റെ മനസിലെ ചെറുക്കൻ എങ്ങിനാണ്.”
ശ്യാമ : “കട്ടി മീശ.”
ബാലു : “ഒക്കെ, അത് കുഴപ്പമില്ല.”
ശ്യാമ : “ആവശ്യത്തിന് ഉയരം.”
ബാലു : “5 അടി 8 ഇഞ്ച് മതിയോ?”
അത് കേൾക്കാത്ത പോലെ അവൾ തുടർന്നു..
ശ്യാമ : “നല്ല സ്വഭാവം..”
ബാലു : “ന്ന്ച്ചാൽ?”
ശ്യാമ : “വായിൽ നോക്കരുത്.”
ബാലു : “ഓക്കെ അത് കല്യാണത്തിന് ശേഷം പോരെ..”
അത് ശ്രദ്ധിക്കാതെ മറുപടി –
ശ്യാമ : “എന്നെ അല്ലാതെ മറ്റാരേയും സ്നേഹിക്കരുത്.”
ബാലു : “അതും പരിഗണിക്കാം.”
ശ്യാമ : “വിഷമിക്കേണ്ട.. ഞാൻ ആളെ കണ്ടു വച്ചിട്ടുണ്ട്”
ബാലു : “അവൻ ഭയങ്കര വെള്ളമല്ലേ?”
ശ്യാമ : “പിന്നെ – ആരാ പറഞ്ഞേ?”
ബാലു : “ഞാൻ ചുമ്മ പറഞ്ഞതാ..” അവളുടെ മുഖം അനിഷ്ടം പ്രകടിപിച്ചതിനാൽ ബാലു പെട്ടെന്ന് ട്രാക്ക് മാറ്റി.
ശ്യാമ : “ഹും.. പിന്നെ നന്നായി പാട്ടുപാടണം.”