💖മംഗല്ല്യധാരണം – 3 22

 

 

“… എന്തിനാടാ എന്നെ ഇങ്ങനെ വിഷമിപ്പിക്കുന്നെ…”അമ്മ കരയാൻ തുടങ്ങി.

 

 

അമ്മയെ അശ്വസിപ്പിക്കാൻ തക്ക വാക്കുകൾ എന്റെ പക്കൽ ഇല്ലാത്തതിനാൽ ഞാൻ എന്റെ റൂമിലേക്കു പോയി.

 

 

ആദ്യമായി അമ്മ എന്നെ അടിച്ചു. ഇതിനെല്ലാം കാരണം അവള. ആലോചിക്കുതോറും എന്റെ ദേഷ്യം ഇരട്ടിച്ചു വന്നു. പയ്യെ ഉറക്കത്തിലേക്ക് വീണു.

 

 

രാവിലെ അസഹീനമായ തലവേദന കാരണമാണ് ഉറക്കം എഴുന്നേറ്റത്. ഇന്നലത്തെ കാര്യങ്ങൾ ആലോചിച്ചപ്പോ എന്റെ തല വെട്ടി പൊളിക്കുന്നപോലെ തോന്നി. ഫ്രഷ് ആയി താഴേക്കു ചെന്നു.

 

“… അമ്മേ ചായ…”ഉളുപ്പില്ലാതെ ഞാൻ ചോദിച്ചു.

 

“… ഇന്നാ എടുത്ത് കുടിക്ക്…”ദേഷ്യത്തോടെ ഡെയിനിങ് ടേബിളിൽ അതും വച്ച് അമ്മ പോയി.

 

 

ഞാൻ പയ്യെ അത് കുടിച്ചു. അപ്പോ ചാരു എനിക്ക് എതിർവശം വന്നിരുന്നു. പക്ഷെ എനിക്ക് അത് ഇഷ്ടപ്പെട്ടില്ല. പാതി ചായ അവിടെ വച്ചു ഞാൻ പുറത്തേക്ക് പോയി.

 

 

“… ടാ കാപ്പി കുടിക്കുന്നില്ലേ…”അമ്മ തിരക്കി

 

 

“… എനിക്ക് വേണ്ട…” അത്രമാത്രം പറഞ്ഞു ജിമ്മിലേക്ക് നടക്കാൻ തുടങ്ങി.

 

 

അത്യാവശ്യം നല്ല ദൂരം ഉണ്ട് ജിമ്മിലേക്ക്. എന്തോ അവളോടുള്ള ദേഷ്യം കൊണ്ട് ആണെന്ന് തോന്നുന്നു നടന്ന ദൂരവും കാലിന്റെ വേദനയും ഒന്നും ഞാൻ അറിഞ്ഞില്ല.

 

 

“… നീ എവിടെയാടാ എന്റെ ബൈക്കും കൊണ്ട് പോയത്…”കാർത്തിയെ ഫോൺ വിളിച്ചു ചൂടായി.

 

 

“…എന്താടാ മൈരേ രാവിലെ വിളിക്കുന്നെ ഉറങ്ങാനും സമ്മതിക്കില്ലേ…”ഫോൺ എടുത്ത് കാർത്തി കയർത്തു.

 

 

“… ഓഹോ ഇത്രയും ദിവസം എന്നെ രാവിലെ ഉറങ്ങാൻ സമ്മതിക്കാതെ വിളിക്കുമ്പോൾ നിനക്ക് നല്ല സുഖം കിട്ടിയില്ലേ ഇനി ഞാനും സുഖിക്കട്ടെടാ…”

 

 

“… നീ പക പോക്കുവാണല്ലേ. നിന്റെ ബൈക്ക് ഞാൻ തിന്നിട്ടൊന്നുമില്ല ഇപ്പൊ തന്നെ നിന്റെ വീട്ടിൽ കൊണ്ട് തരാം പോരെ…”

 

 

“… വീട്ടിൽ ഒന്നും പോണ്ട ഞാൻ ഇവിടെ ജിമ്മിൽ ഉണ്ട്…”

 

 

“… നീ രാവിലെ അവിടെ എന്ത് ചെയ്യാ…”

 

 

“… വീട്ടിൽ ഇരുന്നിട്ട് ഒരു മനസമാധാനവും ഇല്ല അപ്പൊ ജിമ്മിൽ വരാന്നു വച്ചു…”

 

 

“…എന്നാ നീ അവിടെ നിൽ ഞാൻ ഇപ്പൊ വരാം…”

 

 

ഫോണും വച്ചു ഞാൻ ജിമ്മിൽ കയറി. ബോഡി നോക്കുന്ന കണ്ണാടിക്ക് മുന്നിൽ എത്തി. ഷർട്ട്‌ ഊരി സ്വയം ബോഡി ഒന്ന് മൊത്തം നോക്കി.

 

 

2,3 മാസം കൊണ്ട് ശരീരം മുഴുവൻ ഒന്ന് മാറിയിട്ടുണ്ട്. സിസ്പാക്കും മസിലും എല്ലാം പോയി. ഒരു പെണ്ണിന് വേണ്ടി എന്റെ മനസും ശരീരവും എല്ലാം നശിപ്പിച്ചു. എനിക്ക് എന്നോട് തന്നെ പുച്ഛം തോന്നി.

 

 

“… എന്താടാ കണ്ണാടിക്ക് മുന്നിൽ നിന്നും കോപ്രായം കാണിക്കുന്നേ…” കാർത്തിയായിരുന്നു.

 

 

“… ഒന്നും ഇല്ലടാ. എന്റെ പഴയ ബോഡി ഒക്കെ പോയി അല്ലെ 🥲…” വിഷമത്തോടെ ഞാൻ ചോദിച്ചു.

 

 

“…നമുക്ക് ശരിയാക്കാട ഞാൻ ഇല്ലേ നിന്റെകൂടെ…”ആ വാക്കുകൾ എനിക്ക് നൽകിയ ആത്മവിശ്വാസം ചെറുതൊന്നുമല്ല.

 

 

“… നീ വല്ലതും കഴിച്ചോ…”കാർത്തി തിരക്കി.

 

 

“… ഇല്ലടാ. വിശക്കുന്നുണ്ട് 😁…”

 

 

“…ആഹ് ബെസ്റ്റ്. ഈ പ്രായത്തിലുള്ള പിള്ളേർ വിശന്നിരിക്കാൻ പാടില്ല. വീട്ടിൽ പോയി വല്ലതും കഴിക്കട…”

 

 

“… നീ വല്ലതും കഴിച്ചോ..?” ഞാൻ കാർത്തിയോട് തിരക്കി.

 

 

“…ഇല്ല. നീ സമ്മതിച്ചാൽ അല്ലെ വല്ലതും കഴിക്കാൻ പറ്റു. രാവിലെ തന്നെ ഇങ്ങോട്ട് കെട്ടിയെടുത്തില്ലേ…”

 

 

“… അത് നന്നായി. വണ്ടി നിന്റെ വീട്ടിലോട്ട് പോട്ടെ. ഇന്ന് ആഹാരം അവിടെ നിന്നാണ്…”

 

 

“… അതൊന്നും പറ്റില്ല എന്റെ വീട്ടിൽ എനിക്ക് കഴിക്കാനുള്ളതേ ഉള്ളു…”

 

 

“…എന്റെ വീട്ടിൽ പോവാൻ വയ്യട അതോണ്ട് അല്ലെ…”

 

 

എന്റെ അവസ്ഥാ അവന് മനസിലായി. കൂടുതൽ ഒന്നും പറയാതെ അവന്റെ വീട്ടിൽ പോയി കഴിച്ചു. അന്നത്തെ ദിവസം മുഴുവൻ അവനോട് ചിലവഴിച്ചു വീട്ടിൽ പോവാൻ തോന്നിയില്ല. ഉച്ചക്കും അവിടന്ന് തന്നെ കഴിച്ചു. അമ്മയും അമ്മുവും എന്നെ കാണാത്തതോണ്ട് വിളിച്ചോണ്ട് ഇരുന്നു. എനിക്ക് ഫോൺ എടുത്തില്ല.