💖മംഗല്ല്യധാരണം – 3 22

“… അയ്യോ അമ്മേ ഞാൻ ചുമ്മാ പറഞ്ഞതാ. എനിക്ക് നാളെ അമ്പലത്തിൽ പോവാനുള്ള ഡ്രസ്സ്‌ എടുത്ത് താ…” അമ്മയോട് അവൾ പറഞ്ഞു.

 

 

“… നീ ഒറ്റക് ആണോ പോണേ…” അമ്മുവിനോട് ചോദിച്ചു

 

 

“… ഏട്ടനും ഉണ്ട്…”

 

 

“… അത് കൊള്ളാം അപ്പൊ നിങ്ങൾ തമ്മിലുള്ള പ്രശ്നങ്ങൾ ഒക്കെ തീർന്നോ…” അതിശയത്തോടെ അമ്മ ചോദിച്ചു.

 

 

“…അതിനു നമ്മൾ തമ്മിൽ എന്താ പ്രശ്നം…” അമ്മുവിന്റെ തോളിൽ കൈയിട്ടു ഞാൻ ചോദിച്ചു.

 

 

“…സില്ലി അമ്മ…🤦🏻‍♀️”അമ്മു സ്വന്തം തലക്കടിച്ചു

 

 

“… അത് കൊള്ളാം ഇപ്പൊ കുറ്റക്കാരി ഞാൻ ആയോ…”അമ്മ മുറുമുറുത്തു

 

 

“…ഞാൻ സഹായിക്കണോ അപ്പച്ചി…” ചാരു ചിരിച്ചോണ്ട് നമുക്ക് അടുത്തേക്ക് വന്നു.

 

 

“…വേണ്ട മോളെ …”അമ്മ അതും പറഞ്ഞു ജോലിയിലേക്ക് തിരിഞ്ഞു.

 

ചാരു എന്നെ നോക്കുന്നുണ്ട്. ഞാൻ മൈൻഡ് ആക്കാൻ പോയില്ല.

 

 

“…മോൾ നാളെ ഏത് ഡ്രസ്സ്‌ അമ്പലത്തിൽ ഇടുന്നെ എടുത്ത് തന്നാൽ ഞാൻ ഇസ്തിരി ഇട്ടു വയ്ക്കാം…” അമ്മ ചാരുനോട് ചോദിച്ചു.

 

 

“… ഞാൻ അമ്പലത്തിൽ പോവുന്നില്ല അപ്പച്ചി…” ചരുവിന്റെ മറുപടി എത്തി.

 

 

“… അയ്യോ ചേച്ചിയും ചേട്ടനെ പോലെ തുടങ്ങാതെ. ഒരാൾ ഇപ്പൊ സമ്മതിച്ചതെ ഉള്ളു…” അമ്മു എന്നെ നോക്കി.

 

 

“… ചേച്ചി ഇല്ലാതെ ഒരു രസവും കാണില്ല. വാ ചേച്ചി…” അമ്മു വാശിപിടിക്കാൻ തുടങ്ങി.

 

 

“… വരാൻ പറ്റില്ല മോളു. എനിക്ക് ഡേറ്റ് ആയി…” എന്നെ നോക്കിയാണ് അവൾ അത് പറഞ്ഞത്.

 

 

“… അയ്യോ അത് കഷ്ടമായി പോയി ചേച്ചി🥲 …”

 

 

“… മോൾ വിഷമിക്കണ്ട. നാളെ നമുക്ക് ഒരുമിച്ച് സദ്യ ഉണ്ടാക്കാം കേട്ടോ…” അമ്മയുടെ ആശ്വാസ വാക്കുകൾ എത്തി.

 

 

അവിടെ അധികനേരം നിൽക്കാൻ തോന്നാത്തത് കൊണ്ട് ഞാൻ നേരെ റൂമിൽ പോയി കിടന്നു.

 

 

സത്യത്തിൽ അവൾക്ക് പീരീഡ്സ് ആയോണ്ട് ആണോ അമ്പലത്തിൽ വരാതെ. അതോ ഞാൻ രാവിലെ കാണിച്ച ഷോഓഫ് കണ്ടിട്ടാണോ. എന്ത് കോപ്പ് ആണെങ്കിലും എനിക്ക് ഒരു മൈരും ഇല്ല. വൈകിട്ട് ജിമ്മിൽ പോയി രാത്രി ഇച്ചിരി താമസിച്ചാണ് വന്നത്. ബാൽക്കണിയിൽ വെട്ടം കണ്ട് പോയി നോക്കിയപ്പോ ചാരു അവിടെ ഇരിപ്പുണ്ട്. എന്നെ അവൾ കാണുന്നതിന് മുൻപ് തന്നെ ഞാൻ തിരിച്ചു റൂമിലേക്ക് പോയി.

 

 

പതിവുപോലെ അമ്മു എന്നെ കുത്തിപ്പൊക്കി എഴുനേൽപ്പിച്ചു. ഓണക്കോടിയും ഉടുത്ത്‌ കണ്ണാടി നോക്കി സ്വയം പൊക്കി പറയുമ്പോൾ കിട്ടുന്ന സുഖം. ആഹ അന്തസ്.അമ്മു പുത്തൻ പാട്ടുപാവാട ഒക്കെ ഇട്ടു സുന്ദരി ആയിട്ടുണ്ട്. മുറ്റത്ത്‌ രാവിലെ തന്നെ പൂക്കളം ഇട്ടു കളർ ആക്കിയിട്ടുണ്ട്.

 

 

ചാരു ഇല്ലാത്തത് കൊണ്ട് അമ്മയും അമ്പലത്തിൽ വരുന്നില്ല എന്ന് പറഞ്ഞു. സ്വാഭാവികമായി അമ്മ ഇല്ലാത്തത് കൊണ്ട് അച്ഛനും പിൻവലിഞ്ഞു. അവസാനം ഞാനും അമ്മുവും കൂടി അമ്പലത്തിൽ പോയി. നാട്ടിലെ എല്ലാം പെൺകിടാങ്ങളും എത്തിയിട്ടുണ്ട്. എനിക്ക് ഒന്നിനെയും നോക്കാൻ തോന്നിയില്ല. കാരണം ഒന്നിനെ നോക്കിയതിന്റെ ക്ഷീണം മാറിയിട്ടില്ല പിന്നെയാ അടുത്തത്. തിരിച്ചു വീട്ടിൽ വന്നു കാപ്പികുടിച്ചു. ക്ലബ്ബിന്റെ വക ഓണപരിപാടികൾ ഉണ്ടായിരുന്നു ഞാനും കൂടെ കൂടി ആടിതിമിർത്തു. ഓണസദ്യ കഴിക്കാൻ വീട്ടുകാർ എല്ലാം ഉമ്മറത്തെ തറയിൽ നിരന്നു. അമ്മയും ചാരുവും വിളമ്പൽ ഏറ്റെടുത്തു എല്ലാം വിളമ്പി ഒരുമിച്ചു ഇരുന്നു കഴിക്കാൻ തുടങ്ങി.

 

 

“…നാളെയാണ് നമ്മൾ പോകുന്നത് ആരും മറക്കണ്ട…”അമ്മ ഓർമിപ്പിച്ചു.

 

 

“… എവിടെ പോണ കാര്യമാ അമ്മ പറയുന്നേ…” മനസ്സിലാവാതെ ഞാൻ ചോദിച്ചു

 

 

“…നീ അപ്പോഴേക്കും മറന്നോ ചരുവിന്റെ വീട്ടിൽ പോണ കാര്യമാ പറഞ്ഞെ…”

 

 

“… ഓ അതാണോ 😒. ഞാൻ വരണോ അമ്മേ..?” സംശയത്തോടെ ഞാൻ ചോദിച്ചു.

 

 

“… നീ എന്തായാലും വരണം. ആദ്യമായിട്ടാ നിങ്ങൾ അവരെ എല്ലാരേയും കാണാൻ പോണേ…”അമ്മയുടെ അന്ത്യശാസനം എത്തി.