💖മംഗല്ല്യധാരണം – 3 22

യാത്ര ക്ഷീണം കാരണം ഉറങ്ങിയാലോ എന്ന് ചിന്തിച്ചതാ. പിന്നെ വേണ്ടാന്ന് വച്ച് എല്ലാരും ഉമ്മറത്തു ഒത്തുകൂടി.

 

 

“… അമ്മയുടെ വീട് ഒക്കെ എങ്ങനെ ഉണ്ട്…” ചരുവിന്റെ അമ്മ ചോദിച്ചു.

 

 

“… കൊള്ളാം നല്ല രസമുണ്ട്. ഇങ്ങനെ ഉള്ള വീട് ഒക്കെ അപൂർപമായേ കാണാൻ പറ്റുകയുള്ളു…” എന്റെ അഭിപ്രായം വ്യക്തമാക്കി.

 

 

“… നാളെ നിങ്ങടെ അടുത്ത മാമനും മാമിയും ഒക്കെ വരും…” അമ്മ പറഞ്ഞു.

 

 

അമ്മക്ക് 2 ആങ്ങളമാര ഉള്ളത്. ഒരാൾ വീടും അമ്മുമ്മയെയും നോക്കി ഇവിടെ തന്നെ മറ്റേ ആൾ നഗരത്തിൽ ആണ് താമസം.

 

 

രാവിലെ ഭയങ്കര ബഹളം കേട്ടാണ് ഞാൻ ഉണർന്നെ. ഉമ്മറത്തേക്ക് ചെന്നപ്പോ പുതിയ അതിഥികൾ വന്നിട്ടുണ്ട്.

 

 

“… ഞങ്ങളെ ഒക്കെ മനസ്സിലായോ മോനെ…” ഒരു സ്ത്രീ ചോദിച്ചു.

 

 

വരുന്നവരും പോകുന്നവരും എല്ലാം ആദ്യം ചോദിക്കുന്നത് എന്നെ മനസ്സിലായോ എന്നെ മനസ്സിലായോ എന്നാ. ഇവരെയൊക്കെ ഞാൻ ആദ്യമായിട്ടാ കാണുന്നെ എന്നുള്ള ബോധം ഇവർക്ക് വേണ്ടേ. ആരോട് പറയാൻ.ഒന്നും മിണ്ടാതെയുള്ള എന്റെ നിൽപ്പ് കണ്ട് അവർ തുടർന്നു.

 

 

“… ഞാൻ നിന്റെ മാമിയ. ഇത് നിന്റെ മാമൻ…” ഞാൻ ചിരിച്ചു കാണിച്ചു.

 

 

“… ഈ ഓണം നമുക്ക് ഉഷാർ ആക്കണം കേട്ടോ…” ആരും പേടിക്കണ്ട മാമൻ വരവ് അറിയിച്ചതാ

 

 

“… ഓ അതിന് എന്താ മാമ നമുക്ക് ഉഷാർ ആക്കാം…” ഞാനും വിട്ടു കൊടുത്തില്ല

 

 

“…അവൾ എവിടെ പോയി. കണ്ണ് തെറ്റിയ പെണ്ണിനെ ഇവിടെ എങ്ങും കാണില്ല…” ആശങ്കയോടെ മാമി പറഞ്ഞു.

 

 

പെണ്ണോ. ഏത് പെണ്ണ് ഞാൻ ആലോചിച്ചു

 

 

“… ദാ വന്നല്ലോ…”എന്റെ പിന്നിലേക്ക് നോക്കി പറഞ്ഞു.

 

 

“… എവിടെ പോയിരുന്നടി…”ചരുവിന്റെയും അമ്മുവിന്റെയും കൂടെ വന്ന പെൺകുട്ടിയോട് മാമി ചോദിച്ചു.

 

 

“… ഞാൻ ചാരു ചേച്ചിയെ കാണാൻ പോയതാ…”ഓടി മാമിയുടെ അടുത്തേക്ക് എത്തി അവൾ പറഞ്ഞു.

 

 

“…ഇതാണ് ആദി…” അവളെ എനിക്ക് പരിചയപ്പെടുത്തി.

 

 

“…ഇതാണോ ചാരുചേച്ചി പറഞ്ഞ ജിമ്മൻ.Helo മിസ്റ്റർ ആദി. ഞാൻ ഗായത്രി…” എനിക്ക് നേരെ കൈ നീട്ടി അവൾ പറഞ്ഞു.ഞാനും കൈ കൊടുത്തു.

 

 

“… പേര് വിളിക്കുന്നോ. ചേട്ടന്ന് വിളിക്കടി. ഒന്നുമില്ലേലും നിന്റെ മുറച്ചെക്കൻ അല്ലെ…” മാമിയുടെ ആ ഡയലോഗ് മനുഷ്യന്റെ തൊലി ഉരിഞ്ഞു പോയി.

 

 

“…എന്നാ അങ്ങനെ ആവട്ടെ. ആദി ഏട്ടാ…” ഇല്ലാത്ത നാണം ഉണ്ടാക്കി പറയുന്ന പോലെ തോന്നി.

 

 

“… അത്രക്ക് വിനയം എന്റെ മോൾക്ക് ചേരില്ല …” മാമന്റെ കൗണ്ടർ സ്പോട്ടിൽ എത്തി.

 

 

“…എന്നാ അങ്ങനെ ആവട്ടെ. ആദിയേട്ടൻ വല്ലതും കഴിച്ചോ…” ഗായത്രി ചോദിച്ചു.

 

 

ഞാൻ ഇല്ലന്ന് തലയാട്ടി.

 

 

“…എന്നാ വാ ഞാനും ഒന്നും കഴിച്ചിട്ടില്ല നമുക്ക് ഒരുമിച്ചു കഴിക്കാം…” അതും പറഞ്ഞു എന്റെ കൈയ്യും പിടിച്ചോണ്ട് കാപ്പി കുടിക്കാൻ പോയി.

 

 

“… ചാരുചേച്ചി ജിമ്മൻ എന്നൊക്കെ പറഞ്ഞപ്പോ സിക്സ് പാക്ക് ഒക്കെ കാണും എന്ന് കരുതി.അതൊന്നും കാണാൻ ഇല്ലല്ലോ…” കഴിക്കുന്നതിന്റെ ഇടക് ഗായത്രി ചോദിച്ചു.

 

 

“… സിക്സ് പാക്ക് ഒക്കെ ഉണ്ടായിരുന്നു ഇപ്പോ എല്ലാം പോയി…”

 

 

“… അത് എന്ത് പറ്റി…”

 

 

“… ഇടക്ക് ഒരു പണി കിട്ടി അതിന്റെ ഇടക് ബോഡി നോക്കാൻ ഒന്നും പറ്റിയില്ല…” എതിരെ ഇരുന്ന ചാരുവിനെ നോക്കി ഞാൻ പറഞ്ഞു.

 

 

“…ഇനി നമ്മൾ കാണുമ്പോൾ ബോഡി ഒക്കെ സെറ്റ് ആക്കണം കേട്ടോ…”

 

 

“…അതൊക്കെ ശെരിയാക്കാം ഗായു…”

 

 

“… ആഹ ചെല്ലപേരൊക്കെ പഠിച്ചല്ലോ…”

 

 

“…ഇതിൽ ഇത്ര പഠിക്കാൻ എന്തിരിക്കുന്നു ☺️…”

 

 

“… ചേച്ചിയും ചേട്ടനും ഒരു ക്ലാസ്സിൽ ആണോ…” ഗായുവിന്റെ സംശയങ്ങൾക്ക് ഒരു അന്ത്യോമില്ല

 

 

“… അല്ല. വേറെ വേറെ ക്ലാസ്സിലാ…” ചാരു മറുപടി നൽകി.