💖മംഗല്ല്യധാരണം – 3 22

 

 

“…ആഹ് എന്നാ പോവാം…” വല്യ താല്പര്യം ഇല്ലാതെ പറഞ്ഞു.

 

 

വൈകുന്നേരം ആയപ്പോ പെട്ടി എല്ലാം പാക്ക് ചെയ്തു. പായസവും കുടിച്ച് ബാൽക്കണിയിൽ ഇരുന്നു.

 

 

“… ആദി… എനിക്ക് കുറച്ചു സംസാരിക്കണം…” ചാരു പിന്നിൽ നിന്നും പറഞ്ഞു.

 

 

ഞാൻ അത് കേൾക്കാൻ ഉള്ള മൂഡിൽ അല്ലായിരുന്നു. തിരിഞ്ഞു പോലും നോക്കാതെ ഹെഡ്സെറ്റ് എടുത്ത് വച്ച് ഉച്ചത്തിൽ പാട്ടുവച്ചു. ആദ്യ പാട്ട് കഴിഞ്ഞപ്പോ ഞാൻ മെല്ലെ തിരിഞ്ഞു നോക്കി. ചാരു അവിടെ ഇല്ല. കുറച്ചു നേരം അവിടെ ഇരുന്നു തിരിച്ചു എന്റെ റൂമിൽ പോയി.

 

 

രാവിലെ 11.00 മണിയോട് കൂടി ഞങ്ങൾ ഇറങ്ങി. ഞാൻ ആണ് ഡ്രൈവ് ചെയ്തേ അച്ഛനും കൂടെ കയറി. ഞങ്ങൾ ഓരോരോ കാര്യങ്ങൾ പറഞ്ഞു ഓരോ കുസൃതികൾ കാണിച്ചും നീങ്ങി. ചാരു മൂഖയായി ഇരുന്നു. ഇടക് അമ്മു ചോദിക്കുന്നത് കേട്ടു എന്ത് പറ്റിയെന്നു. അവൾ തലവേദന ആണെന്ന് പറഞ്ഞു.

 

 

ഉച്ച ആയപ്പോ ഒരു ഹോട്ടലിൽ കയറി നല്ല ബിരിയാണി തട്ടി. ബാക്കി ദൂരം അച്ഛൻ ഓടിക്കാം എന്ന് പറഞ്ഞു. സ്ഥലങ്ങൾ കാണണം എന്ന് പറഞ്ഞ് അടിയുണ്ടാക്കി അമ്മു മുന്നിൽ കേറി. ശർദിക്കും എന്ന് പറഞ്ഞ് അമ്മ സൈഡ് സീറ്റ്‌ പിടിച്ചു. ഞാനും ചാരുവും അടുത്ത് അടുത്ത് ആയി. ഞാൻ ഒട്ടും തന്നെ കംഫർട് ആയിരുന്നില്ല. എന്ത് ചെയ്യാൻ ഇരുന്നല്ലേ പറ്റു.

 

 

കാർ മുന്നിലേക്ക് കുതിച്ചു അമ്മു സ്ഥലങ്ങൾ ഒക്കെ കണ്ട് ആസ്വദിക്കാണ്. അമ്മ ഉറക്കമായി ഞാനും ചാരുവും അപരിചിതരെ പോലെ ഇരുന്നു. ചുമ്മാ ഇരുന്നു ബോർ അടിച്ചത് കൊണ്ട് ഞാനും ഉറങ്ങാൻ തയ്യാറെടുത്തു.

 

 

ഏതോ ഒരു വണ്ടിയുടെ മൂളിച്ച കേട്ടാണ് കണ്ണ് തുറന്നത്. നോക്കിയപ്പോ അമ്മ ഉറക്കം ഉണർന്നിട്ടുണ്ട് അമ്മു ഫുൾ ആക്റ്റീവ് ആയിരുന്നു. ചാരു എന്റെ തോളിൽ ചാരി ഇരുന്നു ഉറങ്ങുവാണ്. പണ്ട് ഞാൻ ഏറെ സന്തോഷിച്ച മൊമെന്റ് ആയിരുന്നു ഇതൊക്കെ പക്ഷെ ഇപ്പൊ എനിക്ക് അതിനു കഴിയുന്നില്ല.

 

 

“… എവിടെ എത്തി അച്ഛാ…”

 

 

“… ഇനി കുറച്ചൂടിയെ ഉള്ളട. നമ്മൾ ഇപ്പൊ എത്തും…”അമ്മ ഉത്സാഹത്തോടെ പറഞ്ഞു. അത് കേട്ടിട്ട് ആണെന്ന് തോന്നുന്നു ചാരു ഉറക്കമുണർന്നു.

 

 

“… സോറി…”പാറിപറന്ന മുടി ഒതുക്കി എന്റെ തോളിൽ നിന്നും തലമാറ്റി നേരെ ഇരുന്നു ചാരു എന്നോട് പറഞ്ഞു.

 

 

ഞാൻ ഒന്ന് നീട്ടി മൂളി. കൂടുതൽ സംസാരിക്കാൻ താല്പര്യം ഇല്ലാത്തനിനാൽ പുറത്തെ കാഴ്ചകളിലേക്ക് ശ്രെദ്ധ കേന്ദ്രീകരിച്ചു.

 

വൈകുന്നേരത്തോടെ ചരുവിന്റെ വീട്ടിൽ എത്തി. ഒരു കോവിലകം സെറ്റപ്പ് ആയിരുന്നു വീട്. ചരുവിന്റെ അമ്മയും അച്ഛനും നമ്മളെ വരവേറ്റു നേരെ അമ്മുമ്മയുടെ അടുത്തേക്ക് പോയി. പിന്നെ അമ്മയും അമ്മുമ്മയും കെട്ടിപ്പിടുത്തം ആയി കരച്ചിൽ ആയി.

 

 

“… നിങ്ങൾ എന്താ അവിടെ തന്നെ നിൽക്കുന്നെ അമ്മൂമ്മേടെ അടുത്തേക്ക് വാ…” അമ്മുവിനെയും എന്നെയും അമ്മുമ്മ വിളിച്ചു.

 

 

“… എന്താ മക്കളുടെ പേര്…” അമ്മുവിന്റെ കവിളിൽ തലോടികൊണ്ട് ചോദിച്ചു.

 

 

“… അമൃത, ആദിദേവ്…” പുഞ്ചിരിയോടെ അമ്മു പറഞ്ഞു.

 

 

“… നല്ല പേര് ആണല്ലോ. എത്രയും നാൾ എന്താ അമ്മുമ്മേ കാണാൻ വരാത്തെ…”

 

 

“… ഇനി എപ്പോ വേണോ വരാലോ…”ഞാൻ ഇടക് കേറി പറഞ്ഞു.

 

 

 

“… മോൻ എന്ത് ചെയ്യാ…” എന്റെ നേരെയായി ചോദ്യം.

 

 

“… അവൻ പഠിക്കാണ്. ചരുവിന്റെ കോളേജിൽ തന്നെ…” അമ്മ പറഞ്ഞു.

 

 

“…വിശേഷം ഒക്കെ പിന്നെ ആവാം. ആദ്യം പോയി വേഷം ഒക്കെ മാറി ഫ്രഷ് ആവു. ഒരുപാടു ദൂരം എത്ര ചെയ്തത് അല്ലെ ക്ഷീണം കാണും…” ചരുവിന്റെ അമ്മ നിർദ്ദേശിച്ചു.

 

 

“… എന്നാ മക്കൾ ചെല്ല്…”അമ്മുമ്മയുടെ അനുവാദവും കിട്ടി

 

 

അങ്ങനെ ഞങ്ങൾ ചരുവിന്റെ അമ്മയുടെ പിന്നാലെ പോയി. അമ്മയ്ക്കും അച്ഛനും ഒരു മുറിക്കൊടുത്തു. അമ്മു ചരുവിന്റെ മുറി കൈയേറി. എനിക്ക് വേറൊരു മുറിയും തന്നു.