💖മംഗല്ല്യധാരണം – 3 22

 

 

ഓ പിന്നെ ഇവളുടെ അനുവാദം കിട്ടിയിട്ട് വേണമല്ലോ എനിക്ക് എവിടേലും പോവാൻ 😡. ബാൽകണിയിൽ തന്നെ ഞാൻ നിലയുറപ്പിച്ചു. സ്മൈലി ബോൾ പിന്നയും പ്രെസ്സ് ചെയ്തോണ്ട് ഇരുന്നു. അമ്മുവിന്റെ കാര്യം ആലോചിച്ചപ്പോ എനിക്ക് വിഷമം തോന്നി. ഇതുവരെ അവളോട് ഞാൻ ഇങ്ങനെ ഒന്നും പെരുമാറിയിട്ടില്ല. എനിക്ക് എന്നോട് തന്നെ വെറുപ്പ് തോന്നി. നേരെ അമ്മുവിന്റെ റൂമിലേക്കു പോയി. പുള്ളി ടെടിയും കെട്ടിപിടിച് കമന്നു കിടക്കാണ്. കണ്ടപ്പോഴേ എന്റെ ഉള്ളൊന്നു കാളി പാവം കരയായിരിക്കും. ഞാൻ കട്ടിലിൽ ഇരുന്നു അവളുടെ തലമുടിയിൽ ഒന്ന് തലോടി എന്റെ കൈ അവൾ തട്ടിമറ്റി. പിന്നെയും തടവി വീണ്ടും തട്ടിമാറ്റി.

 

 

“… എന്നെ ഇഷ്ടല്ലാത്തവർ എന്നെ തൊടണ്ട പോ…” പെണ്ണ് കലിപ്പ് മൂഡ് ആണ്

 

 

“… എന്റെ അമ്മുക്കുട്ടിയെ ഇവിടെ ആർക്കാ ഇഷ്ടല്ലാത്തെ…”

 

 

“… കൊഞ്ചാൻ ഒന്നും വരണ്ട. പോവനല്ലേ പറഞ്ഞെ…” അത് പറഞ്ഞു അവൾ ഏങ്ങൽ അടിക്കുന്നുണ്ടായിരുന്നു.

 

 

“… അമ്മൂസേ എഴീക്കടി നാളെ അമ്പലത്തിൽ പോണ്ടേ…”

 

 

“… ഞാൻ എങ്ങോട്ടും ഇല്ല. തനിയെ അങ്ങ് പോയ മതി…” രക്ഷയില്ല പുള്ളിക്കാരി അടുക്കുന്നില്ല.

 

 

“… എന്നാ ശെരി. നീ വീട്ടിൽ ഇരുന്നോ നമ്മൾ എല്ലാരും പോയിട്ടു വരാം…” ഇത്രയും പറഞ്ഞു തിരിച്ചു പോവാൻ ഒരുങ്ങി.

 

 

“… നമ്മൾ എല്ലാരുമോ..?” മനസ്സിലാവാതെ അമ്മു ചോദിച്ചു.

 

 

“… നീ വരുന്നില്ലലോ. അപ്പൊ ഞാനും അമ്മയും അച്ഛനും പോവാന്ന് തീരുമാനിച്ചു…”

 

 

“…നിങ്ങൾ എല്ലാരും പോയ ഞാൻ ഇവിടെ ഒറ്റക് ഇരുന്നു എന്ത് ചെയ്യാനാ. ഞാനും വരുന്നു…” കൊച്ചുകുട്ടികളെ പോലെ അവൾ പറഞ്ഞു.

 

 

അങ്ങനെ വഴിക്ക് വാടി മോളെ. നിന്നെ എങ്ങനെ മെരുക്കണം എന്ന് എനിക്ക് അറിയാം.

 

 

“… രാവിലെ ഞാൻ പറഞ്ഞത് നിനക്ക് നല്ലപോലെ വിഷമയെന്നു എനിക്ക് അറിയാം. ഏട്ടനോട് ക്ഷമിക്കടി…” അവൾ എന്റെ നെഞ്ചിലേക് ചാഞ്ഞു. കുറച്ചു നേരം അവളുടെ ഒപ്പം ഇരുന്നിട്ട് അടുക്കളയിലേക്ക് പോയി.

 

 

“… അമ്മേ… എന്നാ ചെയ്യുവാ…” അമ്മയെ പിന്നിൽ നിന്നും കെട്ടിപിടിച് ചോദിച്ചു.

 

 

“…അങ്ങോട്ട് മാറ് ചെക്കാ. വായിതോന്നിയത് ഒക്കെ പറഞ്ഞിട്ട് അവൻ കൊഞ്ചാൻ വന്നിരിക്കുന്നു…” അമ്മയ്ക്കും ഞാൻ രാവിലെ പറഞ്ഞത് ഒന്നും പിടിച്ചിട്ടില്ല അതിന്റെയ.

 

 

“… അതൊക്കെ വിട് അമ്മേ…”

 

 

“… നിനക്ക് എന്താടാ പറ്റിയെ. 2,3 ദിവസമായിട്ടു ഞാൻ നിന്നെ ശ്രെദ്ധിക്കുന്നു. കുടിച്ചോണ്ട് വീട്ടിൽ വരുന്നു എന്ത് എടുത്താലും ദേഷ്യം…” വിഷമത്തോടെ അമ്മ തിരക്കി.

 

 

“… അങ്ങനെ ഒന്നും ഇല്ല അമ്മേ. അന്ന് ഒരു അബദ്ധം പറ്റിയത ഇനി ഞാൻ കുടിക്കില്ല…” അമ്മയുടെ പുറത്ത് കെട്ടിപിടിച്ചു പറഞ്ഞു.

 

 

“… എനിക്ക് അറിയാടാ എന്റെ മോൻ ഇനി അങ്ങനെ ഒന്നും ചെയ്യില്ല എന്ന്. എങ്കിലും നിനക്ക് എന്തോ പറ്റിയിട്ടുണ്ട്…” എത്ര മറച്ചാലും മക്കളുടെ മുഖം കാണുമ്പോൾ അമ്മമാർക്ക് മനസ്സിലാവും അല്ലോ.

 

 

“… കുറച്ചു പ്രശ്നങ്ങൾ ഉണ്ട് അമ്മേ. അത് ഞാൻ തന്നെ ശരിയാക്കിക്കോളാം…” ചാരുവും ആയിട്ടുള്ള വിഷയം ഈ വീട്ടിൽ ആരും അറിയാൻ പാടില്ല.

 

 

“… അമ്മുന് ഇന്ന് ഒരുപാട് സങ്കടം ആയി. നീ അല്ലെ എല്ലാ കൊല്ലവും ഓണത്തിന് അവളെ അമ്പലത്തിൽ കൊണ്ട് പോവുന്നെ…”

 

 

“… എന്താണ് അമ്മയും മോനും ഒരു ചർച്ച…” അമ്മു അടുക്കളയിലേക്ക് വന്നതാ.

 

 

“…നിന്നെ കെട്ടിച്ചു വിടുന്നതിനെ കുറിച്ച് സംസാരിച്ചതാ…”ഞാൻ അവളെ ഒന്ന് ഇളക്കാൻ നോക്കിയതാ.

 

 

“… അതിപ്പോ നിങ്ങൾ എല്ലാരും തീരുമാനം എടുത്ത സ്ഥിതിക്ക് ഞാൻ എതിരൊന്നും നിൽക്കുന്നില്ല 😁…”

 

 

“… അടി.. പൊക്കോണം അവിടന്ന്. പെണ്ണിന്റെ മനസിലിരുപ്പ് കേട്ടില്ലേ…” അമ്മ അടിക്കാനായി കൈ ഓങ്ങി.