എല്ലാം അറിയാം എങ്കിലും ഒന്നും അറിയാത്ത പോലെ ഭാവിച്ചു ആഷിക്ക്.
അഞ്ചു സിനിയുടെ കയ്യിൽ സൂക്ഷിച്ചു നോക്കി. കൈ കണ്ടാൽ അറിയാം വർക്ക് ഔട്ട് ചെയ്തിരുന്നു എന്ന്.
ആഷിക്ക് അത് കഴിഞ്ഞ് അഞ്ജുവിനോട് ചോദിച്ചു : ചേച്ചി.. എന്നാൽ ഞാൻ പോട്ടെ. ഫൈസൽ ഇക്കയെ കാണാൻ ആണ്. എന്തുണ്ടെങ്കിലും വിളിച്ചാൽ മതി..
അഞ്ചു ഓകെ പറഞ്ഞു…
ആഷിക്ക് തിരിഞ്ഞു നടക്കുമ്പോൾ ആഷിക്കിന്റെ ബാക്കിൽ നോക്കി സിനി പറഞ്ഞു : ബോഡി കൊള്ളാം ചന്തി പോരാ……
ആദ്യം അത്ഭുതം തോന്നി എങ്കിലും പിന്നീട് ചിരിയിലേക്ക് വഴി മാറി അത് അഞ്ജുവിന്.
ആദ്യം ഒന്ന് മടിച്ചെങ്കിലും സിനിയുടെ പിറകെ ബുള്ളറ്റിൽ കയറി അഞ്ചു.
പോകുന്ന വഴി ഓരോ കാഴ്ചകൾ കാണിച്ച്, വിവരിച്ചു കൊടുത്ത് അഞ്ജുവുമായി നല്ലൊരു കൂട്ടുണ്ടാക്കാൻ ശ്രമിച്ചു കൊണ്ടിരുന്നു സിനി…
ഒരു ജിമ്മിന് മുന്നിൽ വണ്ടി നിർത്തി ” ഇവിടാണ് ഷൂട്ടിംഗ്. ആദ്യമായത് കൊണ്ട്, ഷൂട്ടിനു മുൻപ് ബേസിക് കാര്യങ്ങൾ പറഞ്ഞു പഠിപ്പിച്ച് തരാം ” എന്ന് പറഞ് അഞ്ജുവിനെ കൂട്ടി തന്റെ ഫ്ലാറ്റിലേക്ക് വിട്ടു സിനി.
ഫ്ലാറ്റിലെ സെക്യൂരിറ്റി മനസ്സിൽ പറഞ്ഞു ” ആണോ, പെണ്ണോ.. എവിടുന്ന് കിട്ടുന്നു ആവോ ഈ പെണ്ണിന്, ഇങ്ങനത്തെ കമ്പനി “.
സിനി തിരിഞ്ഞ് ചോദിച്ചു : എന്തേലും പറഞ്ഞോ ആവോ?..
അയാളുടെ മുഖത്തെ പേടി പിടിച്ച ഭാവം കണ്ട് അഞ്ചു അത്ഭുതപ്പെട്ടു. അയാൾ പതിയെ വിറക്കുന്ന ശബ്ദത്തോടെ പറഞ്ഞു : ഇല്ല…
സിനി : എന്നാൽ തനിക്ക് നല്ലത്…
സിനിയുടെ പിന്നാലെ നടക്കുമ്പോൾ എന്തോ ഒരു ധൈര്യം മനസ്സിന് തോന്നി അഞ്ജുവിന്.
സിനിയുടെ ഫ്ലാറ്റിൽ കയറി, ചുവരിൽ ഉള്ള, സിനിയുടെ യാത്ര ചിത്രങ്ങൾ എല്ലാം സൂക്ഷിച്ചു നോക്കി കാണുന്നതിനിടയിൽ, സിനി രണ്ടു കപ്പ് കോഫിയുമായി വന്ന് പറഞ്ഞു : ബാൽക്കണിയിൽ ഇരിക്കാം നമുക്ക്.
അഞ്ജുവിന്റെ തൊട്ടടുത്തായി വേറൊരു ചെയറിൽ ഇരുന്ന്, മുന്നിൽ ലാപ്ടോപ് തുറന്നു വച്ചു കൊണ്ട് ഉള്ളടക്കം പറയാൻ തുടങ്ങി സിനി.
അത് കഴിഞ്ഞ് തന്റെ റൂമിലേക്ക് കൊണ്ട് പോയി, റൂമിൽ ഉള്ള വലിയ കണ്ണാടിയുടെ മുന്നിൽ അഞ്ജുവിനെ നിർത്തി റിഹേഴ്സലിംഗ് ആരംഭിച്ചു സിനി.
വളരെ പ്രൊഫഷണൽ ആയി കാര്യങ്ങൾ പറഞ്ഞു തരുന്ന സിനിയെ സസൂക്ഷ്മമം നോക്കി നിന്ന് എല്ലാം പഠിക്കാൻ ആരംഭിച്ചു അഞ്ചു.
രണ്ടു മണിക്കൂർ കടന്ന് പോയത് അഞ്ചു അറിഞ്ഞേ ഇല്ല.
ബ്രേക്ക് എടുത്ത് വീണ്ടും ബാൽക്കണിയിൽ എത്തി ഇരുവരും.
സിഗരറ്റ് എടുത്ത് കത്തിച്ച് അഞ്ജുവിനോട് ചോദിച്ചു : വലിക്കുമോ?..
അഞ്ചു : എനിക്ക് മണം പോലും ഇഷ്ടം അല്ല.
കത്തിച്ച സിഗരറ്റ് കുത്തി കെടുത്തി സിനി പറഞ്ഞു : ഓ സോറി..
അഞ്ചു : അയ്യോ വേണ്ടിയിരുന്നില്ല..
വീട്ടിലെ കാര്യങ്ങളും തന്റെ കാര്യങ്ങളും എല്ലാം പരസ്പരം ഷെയർ ചെയ്തു ഇരുവരും.
വീട്ടിൽ, പപ്പാ അമ്മ, ഇന്റർ കാസ്റ് റിലേഷൻ, അല്ലെങ്കിൽ ലിവിങ് ടുഗെതർ. ഒറ്റ മോൾ, 18 വയസ്സിൽ തന്റെ ഇഷ്ടം പോലെ എന്താണ് എന്ന് വച്ചാൽ ചെയ്തോളാൻ പറഞ് ഫ്രീ ആക്കി വിട്ടു……. ജിം… യാത്രകൾ.. ഫോട്ടോഗ്രാഫി… ഇഷ്ടങ്ങൾ… അഞ്ചു ഒരു കഥ കേൾക്കുന്ന പോലെ കേട്ടു.
സിനി : ഇനി നമുക്ക് കോസ്റ്റും ഇട്ട് നോക്കി, ഒന്നുടെ പ്രാക്ടീസ് ചെയ്യാം..
അഞ്ചു ഓകെ പറഞ്ഞു…
താൻ ജിമ്മിൽ ഇടുന്ന അതേ അപ്പറും പാന്റ്സും കണ്ടപ്പോൾ മനസ്സിന് ആശ്വാസം ആയി അഞ്ജുവിന്.
റൂമിൽ നിന്നും പുറത്ത് ഇറങ്ങുമ്പോൾ സിനി പറഞ്ഞു : വേണമെങ്കിൽ റൂം ഒന്ന് ശരിക്ക് നോക്കിക്കോളൂ, ക്യാമറ വല്ലതും ഉണ്ടോ എന്ന്…
അഞ്ചു പുഞ്ചിരിച്ചു……
സിനി അകത്തു വന്ന് അഞ്ജുവിന് ചുറ്റും അടിമുടി നോക്കി കൊണ്ട് നടന്നു…
സിനി മുന്നിൽ വന്ന് പറഞ്ഞു : പെർഫെക്ട് ബോഡി സ്ട്രക്ച്ചർ ആണ് അഞ്ജുവിന്. ടു ബി ഫ്രാങ്ക്,,, അസൂയ തോന്നുന്നുണ്ട് എനിക്ക്. ഞാൻ ഈ അടുത്ത് എന്നല്ല, ഇവിടെ ഇങ്ങനെ സ്ട്രക്ച്ചർ ഉള്ള ആരെയും കണ്ടിട്ടില്ല.
അഞ്ജുവിന് സിനിയുടെ പുകഴ്ത്തൽ ഏറ്റു… അഞ്ചു ചിരിച്ചു കൊണ്ട് താങ്ക്സ് പറഞ്ഞു.
സിനി : അപ്പോൾ നോക്കാം..
ഒരു മണിക്കൂർ കൂടെ കടന്നു പോയി…