…
…
…..
…
“നിൻ്റെ മേൽ പതിച്ച കറുത്ത കറകൾ ചൂടു രക്തം. കൊണ്ട് ശുദ്ധിയാക്ക്”
എൻ്റെ കണ്ണുകൾ ഞെട്ടലോടെ ഞാൻ തുറന്നു.ആരൊക്കായി എന്നെ പിടിച്ച് വലിക്കുന്നുണ്ട്.ചുറ്റുമുള്ള കാഴ്ചകൾ വളരെ മങ്ങി യാണ് എനിക്ക് കാണുന്നത്.ചുറ്റുമുള്ളവർ എന്നെ തന്നെ നോക്കി നിൽക്കുന്നു അപ്പൊൾ അവരുടെ കണ്ണിൽ കുറച്ച് മുൻപ് വരെ കണ്ട ദയ അല്ല എനിക്ക് തോന്നിയത് ജീവിതത്തിൽ ആദ്യം ആയി ഒരു രാക്ഷസനെ കണ്ട ഭയം അത് അവിടെ കൂടി നിൽക്കുന്ന എല്ലാവരുടെ മുഖത്തും പ്രത്യക്ഷമായിരുന്നു.
അഭി….
വേണ്ട ….
അഭി… നിർത്ത്….
ഞാൻ എൻ്റെ വലതു വശത്തേക്ക് നോക്കി
അത് അശ്വതി ആയിരുന്നു.അവളുടെ കണ്ണുകൾ നിറഞ്ഞു ഒഴുകിയിരുന്ന.അവളുടെ ശബ്ദത്തിൽ അവൾ എത്ര മാത്രം സങ്കടവതിയാണ് എന്ന് പെട്ടെന്ന് തന്നെ നമുക്ക് മനസ്സിലാവും.
“എല്ലാം മതി അഭി നമുക്ക് പോവാം…”
അവൾ എന്നെ മുറുകെ പിടിച്ച് വലിച്ചു.അപ്പോഴാണ് ഞാൻ എൻ്റെ മുമ്പിലേക്ക് നോക്കുന്നത്.എന്നെ ഇത് വരെ ഉപദ്രവിച്ചവർ ജീവക്ഷയമായി നിലത്ത് കിടക്കുന്നു.നിലത്ത് മുഴുവൻ രക്തം കൊണ്ട് ചിത്രം വരച്ച പോലെ.ഓരോരുത്തരുടെം കിടത്തം കണ്ടാൽ തന്നെ ഇവമ്മറൊക്കെ ഇനി എണീക്കുമോ എന്ന് തോന്നിപ്പോവും.ചിലരുടെ കാലുകൾ വിവരീത ദിശയിലേക്ക് ആയിരിക്കുന്നു.ചിലരുടെ ദേഹം മുഴുവൻവലിയ മുറിവുകൾ കൊണ്ട് നിറഞ്ഞിരിക്കുന്നു.ഞാൻ അതിനിടയിൽ മറ്റവനെ ശ്രദ്ധിച്ചു എൻ്റെ കാൽ കീഴിൽ ബോധമില്ലാതെ കിടക്കുന്നു.അവൻ്റെ മുഖത്തോട്ട് നോക്കിയപ്പോൾ അവൻ കുറച്ച് നേരം മുമ്പ് എനിക്ക് നേരെ നീട്ടിയ ആ ഫോൺ അവൻ്റെ വായിക്കകത്തേക്ക് അടിച്ചു അണ്ണാക്ക് വരെ കയറ്റിയിരിക്കുന്നു.അത് കണ്ടപ്പോൾ എനിക്ക് വല്ലാത്തൊരു സന്തോഷം തോന്നി.
അഭി..
അശ്വതിയുടെ വിളി കേട്ടപ്പോൾ ഞാൻ. അവളുടെ ഭാഗത്തേക്ക് നോക്കി.അവൾ എന്നെ ഒരു ദയനീയ അവസ്ഥയിൽ നോക്കി കൊണ്ടിരിക്കുകയായിരുന്നു.പെട്ടെന്നാണ് ഞാൻ ഒരു കാര്യം ശ്രദ്ധിച്ചത് എൻ്റെ രണ്ടു കയ്യും മുകളിലേക്ക് ഉയർത്തി പിടിച്ചിരിക്കുകയാണ്. എൻ്റെ കൈകളിൽ നേരത്തെ അവൻ എൻ്റെ മുഖത്തടിച്ച ഇരുമ്പ് കമ്പിയും കണ്ടു്.എൻ്റെ ശ്വാസംഗതി പെട്ടെന്ന് തന്നെ വർദ്ധിച്ചു.ഇതൊക്കെ ചെയ്തത് ഞാൻ ആണോ?.ഞാൻ ഒന്ന് സ്തംഭിച്ചു നിന്നുപോയി.കുറച്ച് കൂടി കഴിഞ്ഞിരുന്നു എങ്കിൽ ഞാൻ ഇവനെ കൊന്നു കളഞ്ഞിരുന്നേനേ.ഞാൻ നിലത്ത് കിടക്കുന്ന എല്ലാവരെയും ഒന്നു കൂടി നോക്കി. എൻ്റെ കൈകൾ വിറക്കാൻ തുടങ്ങി. ശ്വാസം പോലും എടുക്കാൻ കഴിയാത്ത പോലെ.എൻ്റെ ചെവിയിൽ വല്ലാത്തൊരു മുഴക്കം അനുഭവ പെട്ടു.അതിൻ്റെ മുഴക്കം ഓരോ സെക്കൻ്റിലും വർദ്ധിക്കുന്ന പോലെ.
അഭി….
അഭി…
അഭി……..
ഞാൻ ഞെട്ടി ഉറക്കത്തിൽ നിന്നും ഉണർന്നു.എൻ്റെ മുറി മുഴുവൻ ഞാൻ ഒന്ന് കണ്ണോടിച്ചു .ഞാൻ നന്നായി തന്നെ വിയർത്തിട്ടുണ്ടായിരുന്നു.ഒപ്പം വല്ലാതെ കിതയ്ക്കുന്നുമുണ്ട്.
മൈര്
ബെഡിൽ കിടന്നിരുന്ന എൻ്റെ ഫോൺ എടുത്ത് ഞാൻ സമയം നോക്കി.
സമയം രാവിലെ ആറ് മണി
വീണ്ടും ഉറങ്ങാൻ കിടന്നെങ്കിലും ഉറക്കം വന്നില്ല.ഞാൻ എഴുന്നേറ്റ് റൂമിനു പുറത്തേക്ക് ഇറങ്ങി എന്നിട്ട് താഴേക്ക് നടന്നു. പോകുന്ന വഴി ഞാൻ അശ്വതിയുടെ മുറിയിലേക്ക് ഒന്നു നോക്കി. അവളുടെ മുറിയുടെ വാതിൽ അടഞ്ഞു കിടക്കുക ആയിരുന്നു. എനിക്ക് നല്ല ദാഹം ഉള്ളത് കൊണ്ട് ഞാൻ നേരെ കിച്ചണിലേക്ക് നടന്നു. അവിടെ ആരും ഉണ്ടായിരുന്നില്ല.എല്ലാവരും നല്ല ഉറക്കം ആയിരിക്കു.ഞാൻ ഫ്രിഡ്ജിൽ നിന്നും ഒരു ബോട്ടിൽ എടുത്ത് വെള്ളം കുടിച്ചു.
പെട്ടെന്ന് ആണ് എൻ്റെ പുറകിൽനിന്നും ആരോ നടന്നു വരുന്ന ഒരു ശബ്ദം കേട്ടത്.ഞാൻ തിരിഞ്ഞ് നോക്കിയപ്പോൾ അമ്മ ആയിരുന്നു അത്.
“ഹും നിയായിരുന്നോ”അമ്മ എന്നെ ഒന്നു നോക്കിക്കൊണ്ട് പറഞ്ഞു.
“ആ “ഞാൻ ഒന്ന് ശരിവച്ച് കൊടുത്തു.
“എന്താ പതിവില്ലാതെ ഈ സമയത്തൊക്കെ എഴുന്നേറ്റിരിക്കുന്നത്”
“ഒന്നുമില്ല ഇടക്ക് വച്ച് എണീറ്റു പിന്നെ ഉറക്കം വരുന്നില്ല”
അമ്മ എൻ്റെ മുന്നിലൂടെ സിങ്കിൻ്റെ അടുത്ത് പോയി മുഖം ഒന്ന് കഴുകി എന്നിട്ട് brush എടുത്ത് പേസ്റ്റും അതിലേക്കിട്ടു പല്ലു തേക്കാൻ തുടങ്ങി.