“നീ ഇന്ന് എന്നെ ഒന്നു ഓഫീസിൽ കൊണ്ട് പോയി വിടണം”
“ഞാനോ”
“അതേ നീ തന്നെ”
“അപ്പൊ അച്ഛനോ”
“എന്നും അച്ചൻ തന്നെ അല്ലെ കൊണ്ട് വിടുന്നത് ഇന്ന് നീ വന്നാമതി ”
“അത് അമ്മേ ഞാൻ….”
“എന്തേ നിനക്ക് വല്ല ബുദ്ധിമുട്ടും ഉണ്ടോ”കുറച്ച് ശബ്ദം കടുപ്പിച്ച് ചോദിച്ചു.
“ഏയ് എനിക്കെന്ത് ബുദ്ധിമുട്ട് ഞാൻ വന്നോളാം”
“ഞാൻ ഒരു 9:30 ആവുമ്പോഴേക്കും റേഡിയവും.അപ്പോഴേക്കും കുളിച്ച് ഒരുങ്ങിക്കോ”
“മമ്മ്മ്മ് ”ഞാൻ കൂടുതൽ ഉടക്കാൻ ഒന്നും നിക്കണ്ട എന്ന് കരുതി എല്ലാത്തിനും അങ്ങ് സമ്മതിച്ചു കൊടുത്തു.
കുറച്ച് കഴിഞ്ഞപ്പോൾ അമ്മ എനിക്ക് ഒരു ചായ കൊണ്ട് തന്നു ഞാൻ അതും എടുത്തോണ്ട് വീടിൻ്റെ മുറ്റത്തിറങ്ങി എന്നിട്ട് പുലരി ഒക്കെ കുറച്ച് നേരം ആസ്വദിച്ച് നിന്നു.
പതുക്കെ പതുക്കെ സമയം മുന്നോട്ട് പോയി.വീട്ടിൽ ഓരോരുത്തരായി എണീറ്റു.പിന്നെ ബ്രേക്ക് ഫാസ്റ്റ് ഒക്കെ കഴിച്ചു കുളി ഒക്കെ കഴിഞ്ഞപ്പോഴേക്കും സമയം 9: 30ആയി.
ഞാൻ ഹാളിൽ സോഫ യിൽ അമ്മയെയും കത്ത് ഇരുന്നു എൻ്റെ കൂടെ അപ്പുവും ഉണ്ട്.
“നീ എങ്ങോട്ടാ ഇത്ര നേരത്തെ തന്നെ റെഡി ആയി നിൽക്കുന്നെ ”
“അമ്മയെ ഓഫീസിൽ കൊണ്ടാക്കാൻ”
“അതിന് അമ്മയും, അച്ചനും അശ്വതിം,ചേച്ചിയും ഒരുമിച്ചല്ലേ പോകുന്നേ?”
“എന്നോടൊന്നും ചോദിക്കല്ലേ മാഡത്തിനു ഇന്ന് എൻ്റെ കൂടെ തന്നെ പോരാണമത്രേ”
“അതെന്താണ്”
“ആവോ”
“ചിലപ്പോ നിന്നെ നല്ലോണം മിസ്സ് ചെയ്യുന്നുണ്ടാവുമെടാ പണ്ട് നീ അല്ലെ ഓഫീസിൽ കൊണ്ട് വിട്ടിരുന്നേ”
“ആ അതവനും ചാൻസ് ഉണ്ട്”
അങ്ങനെ ഞാനും അപ്പുവും പലതും പറഞ്ഞിരിക്കുമ്പോൾ ആണ്.അമ്മ അങ്ങോട്ടേക്ക് വരുന്നത്.
“പോവാം”
“ആ ”
“അപ്പു മുഴുവൻ നേരവും മൊബൈലും നോക്കിക്കൊണ്ട് ഇരിക്കരുത്.വല്ലതും ഇരുന്നു പഠിച്ചോണം.പിന്നെ ഇവനെ കാത്തു നിൽക്കേണ്ട നീ ഫുഡ് കഴിച്ചോ ഞങൾ വരാൻ വഴുകും”
ഞാൻ അത് കേട്ടതും അമ്മയെ ഒന്നു നോക്കി
“എന്താടാ…”
ഞാൻ ഒന്നുമില്ല എന്ന മട്ടിൽ എൻ്റെ ഷോൾഡറുകൾ ഉയർത്തി ആംഗ്യം കാണിച്ചു.അപ്പുവിന് ചിരി വന്നു എങ്കിലും അവൾ അത് കടിച്ചു പിടിച്ചു.
“എന്ന വാ പോവാം”
അങ്ങനെ ഞാൻ എൻ്റെ ബൈക്ക് എടുത്തു പുറത്തേക്ക് ഇറക്കി അമ്മ എൻ്റെ പുറകിൽ വന്നു കയറി എൻ്റെ വയറിലൂടെ കയ്യിട്ട് പിടിച്ചു
“പോവാം”
ഞാൻ വണ്ടി എടുത്ത് ഓഫീസിലേക്ക് ലക്ഷ്യമിട്ട് പായിച്ചു.വീട്ടിൽ നിന്നും ഏകദേശം അര മണിക്കൂർ ദൂരം ഉണ്ട് അങ്ങോട്ട്.
“നിൻ്റെ ആരേലും അവിടെ ചവാൻ കിടക്കുന്നുണ്ടോ” പുറകിൽ നിന്നും ചോദ്യം വന്നു.
“ഇല്ല” ഞാൻ കുറച്ച് ചളിപോടെ മറുപടി പറഞ്ഞു .
“എന്ന പിന്നെ മര്യാദക്ക് ഓടിക്ക്”
ഞാൻ കുറച്ച് സ്പീഡ് കുറച്ചു.പിന്നെയും ഞങ്ങളുടെ ഇടയിൽ വല്ലാത്തൊരു നിശബ്ദത കൂടിക്കിടന്നു.അതിന് ഒരു അവസാന എന്നോണം അമ്മ തന്നെ സംസാരിച്ചു തുടങ്ങി.
“നീ എന്താ അശ്വതിയോടൊന്നും സംസാരിക്കാൻ പോവത്തേ”
ഞാൻ കുറച്ച് നേരം മിണ്ടാതെ.വണ്ടി ഓടിച്ചു.
“ഞാൻ ചോദിച്ചത് കേട്ടില്ലേ”
“ഇനിയും പണ്ടത്തെ പോലെ അവൾ ഒരു പ്രാവശ്യം കൂടി എന്നെ കണ്ട് പേടിക്കുന്ന കാണാൻ എനിക്ക് വയ്യ അമ്മേ”
ഞാൻ കുറച്ച് സങ്കടത്തോടെ പറഞ്ഞു.
“ഞാൻ കാരണം അവൾ ഒരുപാട് അനുഭവിച്ചതല്ലേ.അവൾക്കും എന്നോടു അതിൻ്റെ അകൽച്ച ഉണ്ടാവും.അവൾക്ക് എന്ന് ഞാൻ പണ്ടത്തെ അഭിഷേക് ആയി തോന്നുന്നുവോ അന്നു അവൾ വരും എന്നാണ് എൻ്റെ മനസ്സ് പറയുന്നെ”
അമ്മ തല എൻ്റെ പുറകിലേക്ക് മുട്ടിച്ചിരുന്നു.പിന്നെ അങ്ങനെ കാര്യമായിട്ട് സംസാരം ഒന്നും ഉണ്ടായില്ല.
ഞങ്ങൾ കമ്പനിയിൽ എത്തി.അമ്മ പുറകിൽ നിന്നും എഴുന്നേറ്റ് ഇറങ്ങി.
“നീ വണ്ടി പാർക്കിങ്ങിൽ നിർത്തി വാ…”
“ഞാൻ എന്തിനാ വരുന്നേ”
“പറയുന്നത് കേട്ടാൽ മതി.നേരത്തെ വീട്ടിൽ പോയി വലിയ പണി ഒന്നും ഇല്ലല്ലോ”
ഇനി ഒന്നും പറഞ്ഞു കാര്യം ഇല്ല എന്ന് മനസ്സിലായ ഞാൻ വണ്ടി പാർക്കിലേക്ക് വിട്ടു.അവിടെ നല്ല തിരക്കായിരുന്നു ഒന്നു കാലുകുത്താൻ പോലും സ്ഥലം ഇല്ല.ഞാൻ കുറെ അങ്ങോട്ടും ഇങ്ങോട്ടും പാർക്ക് ചെയ്യാൻ ഒരു സ്ഥലം നോക്കി നടന്നു.അങ്ങനെ ഒരു മൂലയിൽ കൊണ്ട് വണ്ടി പാർക്ക് ചെയ്ത് ഞാൻ തിരിഞ്ഞ് നടന്നു.ഞാനും അമ്മയും കൂടി ആ ബിൽഡിങ്ങിന് അകത്ത് കയറി.വളരെ മനോഹരമായ ഒരു ഇൻ്റർനാഷണൽ വൈബ് ഒക്കെ തരുന്ന രീതിയിൽ ആണ് അതിൻ്റെ ഇൻ്റീരിയർ ഒക്കെ ചെയ്തിരിക്കുന്നത്.അവിടുത്തെ ഫർണിച്ചറുകൾ വളരെ മിനിമലും ലക്ഷ്വറി ഫീൽ തരുന്നതും ആയി എനിക്ക് തോന്നി.എല്ലാത്തിനും ഒത്ത നടുക്ക് ഒരു കൊമ്പൻ ആനയുടെ പ്രതിമ കൂടി എൻ്റെ കണ്ണിൽ പെട്ടു.ഞാൻ റിസപ്ഷന് പുറകിൽ എഴുതിയ പേര് വായിച്ചു.