“വീട്ടിലേക്ക്..”
“വീട്ടിലേക്കോ..? ആരുടെ വീട്ടിലേക്ക്…? ”
“എന്റെ ശ്യാമയുടെ വീട്ടിലേക്ക്..”
അങ്ങനെ പറഞ്ഞു ഒന്ന് നിർത്തിയ ശേഷം സുധി വീണ്ടും തുടർന്നു.
“എന്റെ ഭാര്യയുടെ വീട്ടിലേക്ക്.? എന്റെ ഭാര്യ ആയ ശ്യാമയുടെ വീട്ടിലേക്ക്..”
“അയ്യടാ. ഭാര്യ. ഇത് തന്നെ ആണോ എല്ലാവരോടും പറയുന്നത്..?” ശ്യാമ ചോദിച്ചു.
“പിന്നെ അല്ലാതെ. ശ്യാമയല്ലേ എന്റെ ഭാര്യ ആണെന്ന് പറഞ്ഞു ഒപ്പ് ഇട്ട് കൊടുത്തത് . പിന്നെ ഞാൻ ശ്യാമയെ ഭാര്യ എന്നല്ലാതെ എന്ത് പറയും.?”
“അപ്പോൾ. അന്ന് ഹോസ്പിറ്റലിൽ നിന്ന് കൂടെ പോയത് ആരുടെ ഭാര്യയാണ്..?”
“അതോ.. അത് ശ്യാമ എങ്ങനെ അറിഞ്ഞു. ?”
“ആ ഞാൻ എല്ലാം അറിഞ്ഞു. ഇനി പറഞ്ഞോ.?
അത് ആരുടെ ഭാര്യയാണ്. ?”
“അത് ആരുടേയും ഭാര്യ ഒന്നും അല്ല. അത് സുചിത്രയാണ്. അവളെ കുറച്ചു ഞാൻ പിന്നെ പറയാം. ഇപ്പോൾ വണ്ടിയെടുക്കടോ. എനിക്ക് വിശക്കുന്നു. പിന്നെ ഒന്ന് കുളിക്കുകയും വേണം. വേറെ ആര് കുളിപ്പിച്ചാലും ശ്യാമ കുളിപ്പിക്കുന്ന സുഖം കിട്ടില്ല. പ്ലീസ് വണ്ടിയെടുക്കടോ.. ഞങ്ങൾ ഇങ്ങനെ നിന്ന് സംസാരിക്കുന്നത് ആ മാനേജർ കണ്ടാൽ ശ്യാമയ്ക്ക് ആണ് അതിന്റെ മോശം..”
സുധി ഒരു കള്ളച്ചിരിയോടെ പറഞ്ഞു.
ശ്യാമ വേഗം സ്കൂട്ടറിനടുത്തേക്ക് നടക്കാൻ നോക്കി.
” എന്നെയും കൂട്ടടോ . കാലിലെ കെട്ട് അഴിച്ചെന്നെ ഉള്ളൂ. അങ്ങനെ നടക്കാൻ ഒന്നുമായിട്ടില്ല. എന്നെ ഒന്ന് പിടിക്കടോ. ”
ശ്യാമ വേഗം വന്ന് സുധിയുടെ ഇടത് കയ്യെടുത്ത് തന്റെ തോളിൽ കൂടെയിട്ട് സ്കൂട്ടറിന്റെ അടുത്തേക്ക് നടന്നു.
ശ്യാമ സ്കൂട്ടറിൽ കയറി. സുധീ ശ്യാമയുടെ തോളിൽ പിടിച്ചു കൊണ്ട് സ്കൂട്ടറിൽ കയറി. ശ്യാമ മെല്ലെ സ്കൂട്ടർ മുന്നോട്ടേക്ക് എടുത്തുകൊണ്ട് ചോദിച്ചു.
” അപ്പു ഏട്ടൻ പിടിക്കുന്നില്ലേ….?. ”
“പിടിച്ചിട്ടുണ്ടല്ലോ…?”
“എവിടെ പിറകിലോ..? അവിടെ പിടിച്ചിട്ട് ശരിക്കും ഇരിക്കാൻ പറ്റുന്നുണ്ടോ..? ഇല്ലെങ്കിൽ എന്നെ പിടിച്ചോ.”
സുധി മെല്ലെ കൈയെടുത്ത് ശ്യാമയുടെ വയറിൽ പിടിച്ചു. ശ്യാമിക്ക് എന്തോ സന്തോഷം തോന്നി. സ്വപ്നത്തിൽ കണ്ടതുപോലെ അപ്പു ഏട്ടൻ എന്നെ പിടിക്കുമോ എന്ന് ശ്യാമ സംശയിച്ചു.
എന്നാൽ സുധി ശ്യാമയുടെ വയറിൽ പിടിച്ചതല്ലാതെ മറ്റൊന്നും ചെയ്തില്ല.
വണ്ടി ചെറിയൊരു കുഴിയിൽ ചാടിയപ്പോൾ സുധിയുടെ കൈ ശ്യാമയുടെ വയറിൽ നിന്നും വിട്ട് പോയി . ഇത്തവണ സുധി വീണ്ടും പിടിച്ചത് ശ്യാമയുടെ നഗ്നമായ ഇടുപ്പിൽ ആണ്. പിന്നെ അത് പതിയെ ഇഴഞ്ഞു ഇഴഞ്ഞു ശ്യാമയുടെ സാരിയുടെ അടിയിൽകൂടെ വയറിൽ തന്നെ എത്തി.
“എവിടെ പിടിച്ചാലും ശ്യാമേ ഇങ്ങനെ പിടിച്ചു കൊണ്ട് പോകുന്ന സുഖം കിട്ടില്ല. ഇങ്ങനെ പിടിച്ചാൽ ശരിക്കും ഇരിക്കാം.”
ശ്യാമ ഒന്നും പറയാതെ പുഞ്ചിരിച്ചു. എന്നാൽ പുഞ്ചിരി സുധി കണ്ടില്ല.
“ശ്യാമയുടെ സോപ്പിന് ഇപ്പോഴും നല്ല മണം ആണല്ലോ..? ”
സുധി ശ്യാമയുടെ തോളിൽ മുഖം അമർത്തി മണപ്പിച്ചിട്ട് പറഞ്ഞു..
“എന്ത് പറ്റിയിട്ടും എന്താ അപ്പു ഏട്ടന്റെ കുറുമ്പിന് ഒരു കുറവും വന്നിട്ടില്ല.” ശ്യാമ ചിരിച്ചുകൊണ്ട് പറഞ്ഞു.
“എന്തോ എനിക്ക് അറിയില്ല. എന്റെ ഭാര്യയെ കാണുമ്പോൾ മാത്രം എന്റെ കുറുമ്പുകൾ ഉണരുന്നു..”സുധി ചിരിച്ചുകൊണ്ട് പറഞ്ഞു.
“അത് നല്ല അടി കിട്ടാത്തത് കൊണ്ടാണ്. അടി കിട്ടിയാൽ ഈ കുറുമ്പോക്കെ മാറിക്കോളും. കണ്ട പെണ്ണിനെ ഭാര്യ എന്ന് പറയുന്നതും പോര. അവളോട് ഇനി കുറുമ്പും എടുക്കണം അല്ലെ..?”
“അത് ഒരു രസം അല്ലേ നമുക്ക് ഇഷ്ട്ടം തോന്നുന്നവരോടല്ലേ കുറുമ്പോക്കെ കാണിക്കാൻ പറ്റു. ശ്യാമയ്ക്ക് അത് ഇഷ്ട്ടം അല്ലെങ്കിൽ ശ്യാമ നേരത്തെ അടിച്ചത് പോലെ അടിച്ചോ. ഞാൻ കൊണ്ടോളും. ”