അപ്പോൾ കേക്ക് മുറിയൊക്കെ കഴിഞ്ഞോ … ഞാൻ സ്വൽപം താമസിച്ചു പോയീ…..
” ആരാടീ അത് ” എന്ന ശ്രുതിയുടെ ശബ്ദം മാത്രം മുറിയിൽ നിന്ന് കേട്ടു അങ്ങോട്ട് നോക്കുമ്പോൾ മുറിക്കുളളിൽ നിന്ന് കുറേ തലകൾ വാതിൽക്കൽ വന്ന് എത്തി എന്നെ എന്തോ കൗതുക വസ്തു എന്ന വണ്ണം നോക്കുന്നത് കണ്ടാണ് ഞാൻ പായസം കുടിക്കാൻ തുടങ്ങിയത് ….. .
പായസം കുടി കഴിഞ്ഞ് ചേച്ചിയോട് യാത്ര പറഞ്ഞിറങ്ങാനൊരുങ്ങിയ എന്നെ ചേച്ചിയും മനുവുമൊക്കെ പിറന്നാൾ സദ്യ കഴിച്ചിട്ട് പോകാം എന്ന് പറഞ്ഞു.. എങ്കിലും എനിക്ക് താത്പര്യം ഇല്ല എന്ന് കണ്ട ചേച്ചി എൻ്റെ കൈയ്യിൽ മുറുകെ പിടിച്ച് നിന്ന് കൊഞ്ചാൻ തുടങ്ങി…. നിവൃത്തി ഇല്ലാതെ എനിക്ക് വീണ്ടും അവിടെ ഇരിക്കേണ്ടി വന്നു… ഇതെല്ലാം കണ്ട് കതകിൽ ചാരി നിന്നിരുന്ന അച്ചൂ കലിതുള്ളി അകത്തേക്ക് കയറി പോയത് ഞാൻ കണ്ടു… ഇത്തവണ ഇരുന്നപ്പോൾ അവളുടെ മുറിയുടെ നേരെ ആണ് ഇരുന്നത്…. ചേച്ചിയും ഞങ്ങളുടെ കൂടേ ഓരോന്ന് സംസാരിച്ചിരുന്നൂ…. അപ്പോഴാണ്
ഞങ്ങൾ സംസാരിച്ചിരിക്കുന്ന ഇടയിലേക്ക് ചേച്ചിയുടെ ഇളയ കുട്ടി കേറി വന്നത്…. വന്നതേ എന്നെ കണ്ടതും എവിടെയോ വച്ച് കണ്ട പരിചയത്തിന്റെ ഓർമ്മയിലവളെൻ്റെ മടിയിൽ കേറി ഇരിപ്പുറപ്പിച്ചു…
” ആഹാ…. നിങ്ങള് ഇതെപ്പഴാ കൂട്ടായെ..? “
ചേച്ചിയുടെ സംശയം..
“അതൊക്കെ ആയീ.ഞങ്ങളിപ്പൊ വലിയ കൂട്ടാ.. അല്ലെ പൊന്നൂ..”
ചോദിച്ചതും അതേ എന്നവൾ തലയാട്ടി…
” ഇവളങ്ങനെയ്യാ… എല്ലാരോടും പെട്ടെന്ന് കൂട്ടാകും…”
” ചേച്ചിയെ പോലെ ആണല്ലേ.?”
ഇതെല്ലാം കേട്ട് നിന്ന മനുവിൻ്റെ
വകയായിരുന്നു ആ ചോദ്യം..
” അതേ..അതേ….. ” തന്നെ കളിയാക്കിയത് ആണെന്ന് പോലും മനസ്സിലാകാതേ അശ്വനി ചേച്ചി പറഞ്ഞ് തുടങ്ങി ..
” പക്ഷേ .. അച്ചൂം ഇവളും എപ്പഴും വഴക്കാ… ചില സമയത്തൊക്കെ തല്ലു കൂടുന്നത് കാണാം.. കൊച്ച് കൊച്ചാന്നാ ഇപ്പഴും അവളുടെ വിചാരം …
കിട്ടിയ അവസരം മുതലെടുത്ത് അജിയും മനുവും കൂടി അച്ചൂനെ കളിയാക്കാൻ ചേച്ചിയുടെ കൂടേ കൂടി..
അശ്വനി ചേച്ചിക്ക് അത് ആവേശമായീ… ചേച്ചി അവളെക്കുറിച്ചുള്ള കുറ്റവും കുറവും പറഞ്ഞ് ചിരിക്കാൻ തുടങ്ങി..കൂടെ അവരും ..അച്ചു അവരുടെ കൂട്ടുകാരോട് കത്തിവക്കുകയാണ്….ഇവിടെ നടക്കുന്നത് അവളറിയുന്നല്ലല്ലോ…
” ഒരു സാധനം ഉണ്ടാക്കാനറിയ്യില്ലാന്നേ .. ഇങ്ങനെ ഒക്കെ ആണേ കെട്ടിക്കഴിഞ്ഞ് ഇവളെന്ത് ചെയ്യും ?…..”
പറഞ്ഞ് പറഞ്ഞ് ചേച്ചി കാട് കേറി തുടങ്ങി…
” അതിപ്പോ കെട്ടാൻ പോകുന്നവൻ പാചകം പഠിച്ചാപ്പോരെ… അല്ലേടാ മുത്തേ…. “
അതും പറഞ്ഞ് മനുവിന്റെ തോളിലൊന്ന് തട്ടി.. ഇവന്മാര് കിട്ടിയ അവസരത്തിലെനിക്കിട്ടും താങ്ങി തുടങ്ങിയല്ലോ….
പെട്ടെന്ന് ആണ് ഫോൺ വൈബ്രേറ്റ് ചെയ്തത്…പ്രതീക്ഷിക്കാതെ നടന്നത് കൊണ്ട് ഞാനും എൻ്റെ മടിയിലിരുന്ന കുട്ടിയും ഞെട്ടി പോയീ… ഇനി ഇങ്ങനെ പേടിക്കണ്ട എന്ന് കരുതിയാണ് ഞാൻ ഫോൺ പുറത്തെടുത്തത്. നോക്കുമ്പോൾ ഞങ്ങളെ ഞെട്ടിച്ചത് സാക്ഷാൽ അച്ചൂൻ്റെ ടെസ്റ്റ് മെസ്സേജ് ആയിരുന്നു….ഇവള് ഈ അപ്പുറത്തിരുന്നെന്തിനാ ഇപ്പോ മെസ്സെജ് അയച്ചത്? വേറെ ആരും കാണാതെ ഞാൻ അത് ഓപ്പൺ ചെയ്തു …
” ആ തെണ്ടികളോട് മിണ്ടാതിരിക്കാൻ പറ…”
എന്നതായിരുന്നൂ മെസ്സെജ്. അപ്പോൾ അവളുടെ കണ്ണ് മാത്രമേ അവിടെയുള്ളൂ ശ്രദ്ധ മുഴുവൻ ഇവിടെ ആണല്ലേ. ഭാഗ്യം ഞാൻ വാ തുറക്കാഞ്ഞത്…ഞാൻ അവളെ പാളി ഒന്ന് നോക്കി.. അവള് കട്ടിലിനടുത്തൊരു കസേരയിൽ എന്നെ തന്നെ നോക്കി ഇരിക്കയായിരുന്നൂ….. ഞാൻ നോക്കിയതും എന്താണെന്ന് അവൾ കണ്ണുകൊണ്ട് ചോദിച്ചു …. എങ്കിലും എന്നോടുള്ള ദേക്ഷ്യം ആ മുഖത്ത് നിന്ന് തെല്ല് പോലും ചോർന്നു പോയതായീ തോന്നിയില്ല … അവളുടെ നോട്ടം നേരിടാനാകാതെ ഞാൻ തലതാഴ്ത്തി ഇരുന്നൂ…. അപ്പോഴും അശ്വനി ചേച്ചിയും അവന്മാരും എന്തൊക്കെയോ പറഞ്ഞ് എവിടെയോ എത്തിയിരുന്നൂ..
” എന്തിനാ വന്നേ….?”
ഒരുപാട് താമസിക്കാതെ അച്ചൂൻ്റെ അടുത്ത മെസ്സെജുമെത്തി.. ഇവള് വിടാനുദ്ദേശം ഇല്ലല്ലോ…
” സോറീ അച്ചൂ…..”
ഞാനും അയച്ചൂ ഒരു മെസ്സേജ് തിരിച്ച് …
” ഞാൻ പോകുവാ…. “
മറുപടി ഒന്നും കാണാഞ്ഞ്
ഞാൻ ഒരു മെസ്സേജ് കൂടി അയച്ചൂ….
” പോയാൽ കൊല്ലും ഞാൻ … അവിടെ ഇരിക്ക്…..”
അവളുടെ ഭീഷണി വായിച്ചു അവളെ നോക്കിയപ്പോൾ പെണ്ണെന്നെ കണ്ണുരുട്ടി കാട്ടി… ഈ പെണ്ണിതെന്തൊക്കെയാ ഈ കാട്ടണെ… ഭ്രാന്ത് ….!
” ആഹ്.. ഇനി എന്തെങ്കിലും കഴിക്കാം… “
അടുക്കളയിൽ നിന്ന് ഭക്ഷണത്തിനുള്ള സൈറൻ മുഴങ്ങി. ചേച്ചി എഴുന്നേറ്റ് അടുക്കളയിലേക്ക് പോയതും അച്ചൂം കൂട്ടുകാരികളും മുറിയിൽ നിന്ന് ഇറങ്ങി വന്നൂ… അവരെ നോക്കാൻ മടി തോന്നി ഞാൻ പതിയെ വീടിന് വെളിയിലേക്കിറങ്ങീ…. ഞാൻ പോവുകയാണെന്ന് കരുതിയാകണം അച്ചൂം പിറകെ വന്നൂ…
” പോകുവാണോ ?….. “
അവളുടേ ചോദ്യം കേട്ടാണ് ഞാൻ തിരിഞ്ഞത്… ഞാൻ മിണ്ടാതെ നിന്നപ്പോൾ അവളെന്നേ കഴിക്കാൻ വിളിച്ചു..
ഞങ്ങളവിടെ ഒറ്റക്കാണെന്ന് കണ്ട് ഞാനവളോട് ഒരുതവണ കൂടി ക്ഷമ ചോദിച്ചു …
” മ്്…… ഒരു ചോറീ… വാ.. വന്ന് കഴിക്ക്… “
അതും പറഞ്ഞവളകത്തേക്ക് കയറി പോയീ.
“എടീ… അവിടെ നിക്കെടീ കോപ്പേ…..”
ഞാൻ അൽപ്പം ശബ്ദം കുറച്ച് കലിപ്പിച്ചെങ്കിലും അവള് നിന്നില്ല … ഇതെല്ലാം കണ്ട് നിന്ന ശ്രുതുയൊന്ന് കളിയാക്കി ചിരിച്ച് എന്നേയും വിളിച്ചകത്ത് കൊണ്ട് പോയീ….
ഞങ്ങളെല്ലാവരും ഒരുമിച്ച് കഴിക്കാനിരുന്നൂ…വിരുന്നുകാർക്ക് വിളമ്പാനെന്നും പറഞ്ഞ് അച്ചുവും ചേച്ചിയും മാത്രം ഇരുന്നില്ല… ഇടക്കിടക്ക് കൂട്ടുകാരികളെന്നെ നോക്കി എന്തൊക്കെയൊ പറയുന്നത് കണ്ടു …. വിളമ്പാന്നേരം എൻ്റെ പാത്രത്തിൽ മാത്രം ചോറ് ഇടുന്നതിൽ അച്ചൂ ആവേശം കാണിച്ചു…. മതി എന്ന് പറഞ്ഞത് കൊണ്ടാകണം രണ്ട് തവി ചോറുകൂടി അവൾ കൂടുതൽ വിളമ്പി …. ചോറ് മാത്രം അല്ല കറിയും … ഇവളിപ്പോ എന്നെ സ്നേഹിക്കുകയാണോ അതോ ദ്രോഹിക്കുകയാണോ….. പ്രതികരിക്കാനാകാതേ എല്ലാം എനിക്ക് സഹിച്ചിരിക്കേണ്ടി വന്നൂ…..
…………
എല്ലാം കഴിഞ്ഞ് ഞാൻ ഇറങ്ങുന്നതിനോടൊപ്പം തന്നെ അവളുടെ കൂട്ടുകാരും പോകാനിറങ്ങീ… കൂടേ അച്ചുവും ഇറങ്ങി…. കുറച്ച് നടന്നതും കൂട്ടുകാരെയൊക്കെ മുന്നിലേക്ക് കയറ്റി വിട്ട് അച്ചൂ എൻ്റെ അടുത്ത് വന്ന് കയ്യിൽ തൂങ്ങി നടക്കാൻ തുടങ്ങി…..
” കൈയ്യെടുക്കെടീ കോപ്പേ…… “
അത്ര നേരവും അടക്കി വച്ച ദേക്ഷ്യവും അമർഷവും എല്ലാം പെട്ടെന്ന് പുറത്ത് വന്നപ്പോൾ ഞാനവളോട് പൊട്ടിതെറിച്ചു….. ആദ്യമൊന്ന് പകച്ച് പോയെങ്കിലും അവള് പിന്നെയും എൻ്റെ കൈയ്യിൽ തൂങ്ങികൊണ്ട് കൊഞ്ചി..
” ഇല്ല ….”
ഇത്തവണ ബലമായി തന്നെ ഞാനവളുടേ കൈ വിടുവിച്ചൂ….
അവളൊരൂ നിരാശയോടെ എന്നെ നോക്കി ചുണ്ട് കൂർപ്പിച്ചൂ….
