” ഞാൻ പിടിച്ചാൽ മാത്രേ കൊഴപ്പം ഉളളുവല്ലേ… കുഞ്ഞേച്ചി നേരത്തെ പിടിച്ചപ്പോ ഈ തട്ടലൊന്ന് കണ്ടില്ലല്ലോ ? “
പൂർവ്വാധികം ശക്തിയോടേ അവള് വീണ്ടുമെൻ്റെ കൈയ്യിൽ പിടിച്ച് എൻ്റെ തോളിൽ തലയും ചായ്ച്ച് നടക്കാൻ തുടങ്ങി …..അത് കേട്ടപ്പോ ഞാനും ഒന്ന് അയഞ്ഞു….
” അപ്പോ.. ഇത്ര നേരം നീ എന്നാ കാണിച്ചത്.. എത്ര സോറി പറഞ്ഞു ഞാൻ .. അന്നേരം അവളുടേ കോപ്പിലെ ഒരു ജാഡ…. വീട്ടിലായി പോയീ ഇല്ലേ നല്ലത് തരാനറിയ്യാന്മേലാഞ്ഞിട്ടല്ല എനിക്ക് ….. “
” ചോറീ…ഡാ ചേട്ടായി …… “
അവളതേ നടപ്പിൽ കൊഞ്ചിക്കൊണ്ട് പറഞ്ഞു …. എൻ്റെ പിണക്കമെല്ലാം എങ്ങോട്ടോ ഒലിച്ചു പോകുന്നത് പോലേ തോന്നി എനിക്ക് ……
” നീയൊന്ന് നേരേ നടക്കച്ചൂ… കൂട്ടുകാർ കണ്ടാ എന്നാ വിചാരിക്കും …… “
” അവള്മാര് കാണാൻ വേണ്ടി തന്നെയ്യാ ഇങ്ങനെ നടക്കണേ… ക്ലാസില് വന്നിരുന്ന് എന്തൊക്കെയ്യാ പറയ്യണേന്നറിയ്യോ.. എന്തോ അവർക്ക് മാത്രേ ഈ കാമുകന്മാരൊള്ളൂന്നാ വിചാരം… “
ഓഹൊ.. അവര് കാണാൻ വേണ്ടി ആണോ ഇവള് ഈ പ്രകടനം ഒക്കെ കാണിക്കുന്നത് … ഏതായാലും അത് കൊണ്ട് അവളുടെ വഴക്ക് മാറിയല്ലോ ……..
” അതൊക്കെ ശരി .. വേറേ ആരെങ്കിലും കണ്ടാലോ ?.. പിന്നെ അത് മതി ……”
അത് കേട്ടവളൊന്ന് ഭയന്ന് കാണണം … പിന്നെ എന്നിൽ നിന്ന് കുറച്ച് അകന്നാണ് നടന്നത് …..
” ഇന്ന് വരുന്നില്ലാ എന്ന് ശ്രുതിയോട് പറഞ്ഞു എന്നാണല്ലോ കേട്ടത്.. പിന്നെ എന്തിനാ വന്നേ…….”
അവളുടെ ഒരു സംശയം
” ഓഹോ ഞാനിപ്പോ വന്നതാണോ പ്രശ്നം . “
” അതല്ല….. എന്നാലും ..വഴക്കിട്ട് പോയതല്ലേ…
എന്നെ കാണാഞ്ഞ് ഇരിക്കാന്മേലാതേ ആയോ എൻ്റെ മുത്തിന് ?….”
അത് പറഞ്ഞ് അവളെൻ്റെ മൂക്കിൽ പിടിച്ച് ഞെരിച്ചു …
ഞാനവളുടെ കൈതട്ടിമാറ്റി….
” പിന്നെ ….. ഒരുത്തി എന്നോട് പിണങ്ങി ആണല്ലോ പോയത് .. ഇന്നവളുടെ ബർത്ത് ഡേ ആണല്ലോ… ഞാൻ ചെന്നില്ലേ ചിലപ്പോൾ കേക്ക് പോലും മുറിച്ചില്ലേലോ…. എന്നൊക്കെ വിചാരിച്ചാ വന്നേ…. വന്നപ്പോഴല്ലേ .. കേക്ക് മുറിക്കണ കാണാനും പറ്റില്ല … പെണ്ണിനാണേ ഇപ്പോ ഒരു പിണക്കോമില്ല ….”
” ആഹ്.. ശരിക്കും ദേഷ്യം പിടിച്ച് തന്നെയ്യാ പോന്നേ…. “
” അല്ലച്ചൂ ശരിക്കും നീ എന്തിനാ എന്നോട് പിണങ്ങിയേ.. “
” ങാ…. എന്തിനാന്നോ ? ഇന്നലെ വൈകീട്ട് ആരും കാണാതെ വന്ന് കയ്യും കാലും പിടിച്ചിട്ടല്ലേ ഇന്നെൻ്റെ കൂടെ വരാന്ന് പറഞ്ഞ് പോയത് അല്ലേ ചേട്ടായി …..”
” അതിനിപ്പൊ എന്തേ ഞാൻ വന്നില്ലെ….”
” വന്നത് വലിയ കേമായീ….എവിടെ ഇറങ്ങിയ്യാലും താമസിച്ചെ വരൂ…എന്തോരം നേരം ഞാൻ നോക്കി നിന്നൂ ബസ്സ് സ്റ്റോപ്പില്…. കേക്ക് മുറിക്കാന്നേരത്തും അങ്ങനെ തന്നെ … ചേട്ടായി ഇപ്പോ വരൂന്ന് വിചാരിച്ച് കുറേ കാത്തു ……
അതെങ്ങനെയ്യാ നിൻ്റെ ചേച്ചിയും ആയുളള കളീടേ ക്ഷീണം കൊണ്ട് ഉറങ്ങി പോയതല്ലെ….എന്ന് ഞാൻ മനസിൽ പറഞ്ഞ് ചിരിച്ചു ..
” എന്നിട്ട് ചേട്ടായിക്ക് ഏറ്റവും ഇഷ്ടമുള്ള നീലക്കളറ് ഡ്രസ്സൂട്ട് ചേട്ടായിടെ കൈയ്യിന്ന് നല്ല സമ്മാനം ഒക്കെ കിട്ടൂന്ന് കരുതി രാവിലെ ഒരുങ്ങി കെട്ടി വന്നപ്പോ ഇവിടൊരാള് ചോദിക്കുവാ ഇന്നെന്താ വിശേഷന്ന്…. വിഷമം വരാതിരിക്കുവൊ ?”
ഈ…. ഞാനവളെ ഒന്ന് ഇളിച്ച് കാണിച്ചതേയുള്ളൂ… അവള് പിന്നേയും പറഞ്ഞ് തുടങ്ങി .. ഇനിയും ഉണ്ടോ ദൈവമേ…
” അതും കഴിഞ്ഞ് കുളിക്ക്വ പോലും ചെയ്യാതെ അമ്പലത്തില് വന്നേക്കണൂ… എൻ്റെ കൂടെ വന്ന് ഒന്ന് തൊഴാൻ പോലും വന്നില്ലല്ലോ..എന്നിട്ട് ഞാൻ വഴക്ക് ഉണ്ടാക്കീത് എന്തിനാന്ന് അല്ലേ…”
സത്യത്തിൽ അവള് പറഞ്ഞപ്പോൾ ആണ് ഞാൻ ഇത്രയും കുറ്റങ്ങൾ ചെയ്തു എന്ന് എനിക്ക് മനസിലായത്….
” പിന്നെ ഞാൻ വഴക്ക് ഉണ്ടാക്കിയാലും ചേട്ടായി വഴക്കുണ്ടാക്കിയാലും അവസാനം ഞാൻ കരയും … അതോണ്ട ഞാൻ വന്ന് മിണ്ടിയേ…… “
അവളത് കൂടി കൂട്ടി ചേർത്തപ്പോൾ അവളുടെ ശബ്ദം ഇടറിയിരുന്നൂ… ശരിക്കും പ്രണയം എന്തെന്നും എൻ്റെ അച്ചൂൻ്റെ സ്നേഹം എന്തെന്നും ഞാൻ തിരിച്ചറിയുകയായിരുന്നു അപ്പോൾ…. ഇനിയവളെ ഒരിക്കലും അറിഞ്ഞുകൊണ്ട് കരയിക്കില്ല എന്ന് ആ നിമിഷം ഞാൻ അവൾക്ക് മനസ്സ് കൊണ്ട് വാക്ക് കൊടുക്കുകയായിരുന്നു …….
” എടീ അച്ചൂട്ടീ നിനക്കെൻ്റെ ബർത്ത് ഡേ ഗിഫ്റ്റ് വേണ്ടേടീ….”
” ഉം… വേണം … വേഗം താ…….”
അതൊരു പൊതുവഴിയാണെന്നു കൂടി ഓർക്കാതെ അവളെൻ്റെ മുന്നിൽ കയറി കണ്ണുമടച്ച് മുഖമൽപ്പം ഉയർത്തി നിന്നു..
“നീ എന്താ ഈ കാട്ടണേ ? “
അവളെന്താ ഉദ്ദേശിച്ചത് എന്നെനിക്ക് മനസിലായില്ല…
“ഉമ്മ തരാനല്ലേ… എൻ്റെ പിറന്നാളാണെന്ന് അറിയില്ലാരുന്നല്ലോ.. അപ്പോൾ ഗിഫ്റ്റ് ഒന്നും വാങ്ങി കാണില്ലല്ലോ ….. “
ഞാൻ ഒരു നിമിഷം പൊട്ടിച്ചിരിച്ച് പോയീ…. എന്തിനാ ചിരിച്ചതെന്ന് പോലുമറിയ്യാതെ അവളുമെൻ്റെ കൂടെയതില് പങ്ക് ചേർന്നു
“എൻ്റെ പൊന്നച്ചൂ ഉമ്മയൊന്നുമല്ല …. നീയാ കൈയ്യിങ്ങ് നീട്ടിക്കേ…”
അവളാകാംഷയോടേ രണ്ട് കൈയ്യും നീട്ടി പിടിച്ചു..
ഞാൻ ആ മലർത്തി പിടിച്ച കൈകളിലെ വലതു കൈ പിടിച്ച് തിരിച്ച് വച്ച് എൻ്റെ പിറന്നാൾ സമ്മാനം ആയ കല്ല് വച്ച മോതിരം അവളുടെ വിരലിൽ അണിയിച്ചൂ… അവളുടെ കണ്ണിലൂടെ മിന്നിയ ഏതോ വികാരത്തിൻ്റെ തിളക്കം ഞാൻ മനപ്പൂർവ്വം കണ്ടില്ലെന്ന് നടിച്ചൂ…. ഒരു പുഞ്ചിരി ആയിരുന്നു എല്ലാത്തിനുമുള്ള അവളുടെ മറുപടി …. ചിലപ്പോൾ ഇവൾ ഇതൊട്ടും പ്രതീക്ഷിച്ചിരിക്കില്ല……
പിരിയ്യാൻ നേരം
“ഇന്ന് ഉമ്മേം കുമ്മേം ഒന്നും വേണ്ടേ ? “
എന്നവൾ ചോദിച്ചു …. ഒരു ചുംബനം കൊണ്ട് ലഭിക്കുന്ന സുഖത്തേക്കാൾ എത്രയോ വലിയ സുഖം എന്തോ ഒന്ന് വന്ന് മൂടി എൻ്റെ മനസ്സ് നിറഞ്ഞിരുന്നു ആ നിമിഷത്തിൽ …….
…………….
പിന്നീട് ഞാനച്ചൂട്ടീനെ കാണുന്നത് രണ്ടാഴ്ച കഴിഞ്ഞാണ്… അജീടെ പെങ്ങൾ അഞ്ചൂൻ്റെ കല്ല്യാണത്തിന് രണ്ട് ദിവസം മുൻപ് … അന്ന് മുതലേ അവരുടേ വീട്ടിൽ നല്ല തിരക്കായിരുന്നു … അയൽക്കാരോടും നാട്ടുകാരോടും ഉള്ള അജിയുടെ വീട്ടുകാരുടെ പെരുമാറ്റത്തിൻ്റെയാവാം കല്ല്യാണത്തിൻ്റെ എല്ലാ ചുമതലകളും നാട്ടുകാരേറ്റെടുത്തിരുന്നൂ…. അത്കൊണ്ട് തന്നെ നിശ്ചയത്തിൻ്റെ അന്ന് എടുത്ത പണിയുടെ പകുതി പോലും ഞങ്ങൾക്ക് അവിടെ ചെയ്യേണ്ടി വന്നില്ല . എങ്കിലും എന്തോ തിരക്കിട്ട പണിയിൽ നിക്കുമ്പോളാണ് അച്ചുവിൻ്റെ വരവ്.. എല്ലാവരും തിരക്കിട്ട ജോലി ആയിരുന്നതിനാൽ അവളും സഹായിക്കനെന്ന പോലെ എൻ്റെ അടുത്ത് വന്നു നിന്നു ..
” നിനക്ക് ഇന്ന് ക്ലാസ്സ് ഇല്ലായിരുന്നോ ? “
ഞാൻ പണിയോടൊപ്പം അവളോട് ചോദിച്ചു .
“‘ഉണ്ടാരുന്നൂ .. ക്ലാസ് കഴിഞ്ഞ് വന്നതാ..”
അപ്പോൾ ആണ് സമയം വൈകുന്നേരം അഞ്ച് മണി ആയി എന്ന് മനസിലായത്.
” എന്താ മോൾടേ ഉദ്ദേശം ? “
ഞാനൽപം ഗൗരവമായി ചോദിച്ചു .ഒന്നും ഇല്ല എന്നവൾ ഇരു കണ്ണുകളുമടച്ച് തോളുയർത്തി കാട്ടി…
