അജുവിന്റെ കൈകൾ ഞൊടിയിടയിൽ ആണ്‌ പ്രവർത്തിച്ചത്.. നിധി യുടെ കയ്യിൽ പിടിച്ചിരുന്ന അയാളുടെ കൈ തണ്ടയിൽ അവൻറെ കൈ മുറുകി..
നിധിയുടെ കയ്യിലെ പിടി വിടുവിച്ചു..
തല്ലാൻ ഓങ്ങിയ അയാളുടെ അടുത്ത കയ്യിലും അജുവിന്റെ പിടിത്തം വീണു.. അയാളുടെ വലം കൈ ഇടത്തേക്കും ഇടം കൈ വലത്തേക്കും തിരിച്ചു അജുവിന്‌ അഭിമുഖമായി അയാളെ നിർത്തി…
ശക്തിയായി രണ്ടു ഭാഗത്തേക്കും തിരിച്ചപ്പോൾ അയാൾ വേദന കൊണ്ട് പുറകോട്ട് ആഞ്ഞു.. ആ നിമിഷം അയാളെ ഫ്രണ്ടിലൊട് വലിച്ചടുപ്പിച്ചു തല കൊണ്ട് മൂക്കിന്റെ പാലത്തിനു ശക്തമായ പ്രഹരം ഏല്പിച്ചു.. അയാൾ ഉറക്കെ അലറി താഴേക്കു ഇരിക്കാൻ പോയപ്പോൾ അവൻറെ ശക്തിയായ പ്രഹരം അയാളുടെ കാലുകൾക്കിടയിൽ ആയി കിട്ടി..ഉടഞ്ഞു പോയ വൃഷണം പൊത്തി പിടിച്ചു അയാൾ റോഡിലേക്ക് പിടച്ചു വീണു…ഒന്നാമൻ അടി ഏറ്റു വീഴുന്നത് ജീപ്പിൽ ഇരുന്ന മറ്റു 3പേരും കണ്ടു…അവർ ചാടി ഇറങ്ങി അജു വിന്റെ നേരേ പാഞ്ഞടുത്തു..
ആദ്യം ഓടി വന്ന രണ്ടാമൻ അജുവിന്റെ മുഖത്തിനു നേരേ മുഷ്ടി ചുരുട്ടി ഇടിച്ചു..പക്ഷെ അജുവിന്റെ മുഖത്തെത്തുന്നതിന്റെ ഇഞ്ചു കൾക്ക് മുമ്പ് ആ മുഷ്ടി അവൻറെ കൈപ്പത്തിക്കുളിൽ ഞെരിഞ്ഞു…ആ കയ്യിൽ പിടിച്ചു വലിച്ച ശക്തിയിൽ അയാൾ അജുവിന്റെ പിന്നിലേക്ക് തെറിച്ചു
..കൈ മുട്ടുകൊണ്ടു അയാളുടെ കഴുത്തിനു പിന്നിൽ പ്രഹരം ഏല്പിക്കുകയും പിന്നിലേക്ക് കയ്യിട്ട് അയാളുടെ കഴുത്തു തന്റെ തോളത്തേക് വലിച്ചമർത്തുകയും ചെയ്തു പിന്നോട്ട് കഴുത്തു ഒടിഞ്ഞു തൂങ്ങിയ വേദനയിൽ അയാൾ നിലവിളിക്കുമ്പോൾ.. മുന്നിലെത്തിയ മൂന്നാമൻന്റെ അടി വയറു അജുവിന്റെ തൊഴിയേറ്റു കലങ്ങിയിരുന്നു…
ഇതെല്ലാം കണ്ട നാലാമൻ പതിയെ പിന്നിലോട്ടു നടന്നു….
പെട്ടെന്നായിരുന്നു ഒരു കരുത്തുറ്റ കരം അജുവിന്റെ പിന്നിലൂടെ അവൻറെ കഴുത്തിൽ പിടി മുറുക്കിയത്….
ഇത് കണ്ട നാലാമന്റെ മുഖത്തു ഒരു ക്രൂരമായ ചിരി വിടർന്നു.. ഓടി വന്ന അവന്റെ ചുരുട്ടിയ മുഷ്ടി ഒരു ഇരുമ്പ് കൂടം പോലെ അജുവിന്റെ നെഞ്ചിലേക് പതിച്ചു…
അജുവിന്റെ നിലവിളിയുടെ കൂടെ വായിൽ നിന്നും രക്തവും വന്നു അത്ര ശക്തമായിരുന്നു ആ ഇടി…
അവൻറെ വാരിയെല്ലുകൾ ഒടിയുന്ന വേദന അവൻ അറിഞ്ഞു…. ഇതെല്ലാം കണ്ട നിധി അലറി കരഞ്ഞു… ദത്തെട്ടാ വേണ്ടാ… അജുവിന്റെ മുടിയിൽ പിടിച്ചു ദത്തൻ അവൻറെ മുഖം ബുള്ളറ്റിന്റെ ടാങ്കിലേക് ഇടിച്ചു.. അവൻറെ മൂക്കിൽ നിന്നും വായിൽ നിന്നും കട്ട ചോര ഒലിച്ചിറങ്ങി… അതു കണ്ട ദത്തന് യാതൊരു ഭാവ ഭേദവും ഉണ്ടായിരുന്നില്ല.അവൻ വീണ്ടും അജുവിന്റെ മുടിയിൽ കുത്തി പിടിച്ചു ബുള്ളറ്റിന്റെ ടാങ്കിലേക് മുഖം ഇടിപ്പിച്ചു അജു പിടഞ്ഞെങ്കിലും ദത്തന്റെ കരുത്തിനു മുന്നിൽ അവന്റെ വീര്യം ചോർന്നു പോയി….
ദത്തെട്ടാ വേണ്ടാ…നിധി ദത്തന്റെ കൽക്കലേക്…വീണു…. അലച്ചു കരഞ്ഞു കൊണ്ടിരുന്നു…
“പോടീ.. കൂത്തിച്ചി… “
തന്റെ കാലിൽ പിടിച്ചിരുന്ന അവളെ ദത്തൻ തൊഴിച്ചെറിഞ്ഞു… റോഡിലേക്കു തലയിടിച്ചു അവൾ വീണെങ്കിലും അവൾ അലറി കരഞ്ഞു…
“അജുവേട്ടാ …” ആ വിളി അവ്യക്തമെന്നോണം കേള്കുമ്പോളേക്കും അവൻറെ ബോധം മറഞ്ഞിരുന്നു….
അജുവിനെ ബുള്ളറ്റോടു കൂടി.. റോഡിന്റെ സൈഡിലെ ചെരിവിലേക് ദത്തൻ മറിച്ചിട്ടു…
“അവൻ തീർന്നോ.. ദത്താ.. “
“തീർന്നാൽ തീരട്ടെ.. ആക്‌സിഡന്റ് വന്നാൽ ചാവുന്നതു ആദ്യായിട്ടല്ലലോ…”
നിധിയുടെ മുന്നിൽ അവൻ ക്രൂരമായ വാക്കുകൾ പറഞ്ഞു കൊണ്ടിരുന്നു….
താഴെ വീണു കിടന്നു അലറി കരഞ്ഞു കൊണ്ടിരുന്ന നിധിയുടെ മുടി കൂട്ടി പിടിച്ചു..അവൻ പൊക്കിയെടുത്തു…
“നിന്റെ മറ്റവൻ ചത്തെന് ആണോടി
കാറുന്നെ… മിണ്ടി പോകരുത്.. “
അവൻറെ കൈ ശക്തിയായി അവളുടെ കവിളത്തു പതിഞ്ഞു… “അജുവേട്ടാ “…. ദത്തൻ അവളെ വലിച്ചിഴച്ചു ജീപ്പിലേക് കൊണ്ടിടുമ്പോളും…അവൾ അലറി കരഞ്ഞു കൊണ്ടിരുന്നു…..
ദത്തന് അവളുടെ കരച്ചിൽ കൊടുത്തത് വല്ലാതൊരു നിർവൃതി ആണ്‌.. അവൻ അവളുടെ രണ്ടു കവിളിലും മാറി മാറി അടിച്ചു…അവളുടെ ബോധം മറഞ്ഞതും അവളെ എടുത്തു ജീപ്പിന്റെ പുറകിലെ പ്ലാറ്റഫോമിലേക് എടുത്തിട്ടു… വീണു കിടന്ന മൂന്ന് പേരെയും നാലാമൻ അപ്പോളേക്കും എങ്ങനെയൊക്കെയോ ജീപ്പിലേക് കയറ്റി ഇരുത്തിയിരുന്നു..
“നീ എന്റെ വണ്ടി എടുത്തു പുറകെ വാ… ”
തന്റെ ബുള്ളറ്റിന്റെ കീ നാലാമന്റെ നേരേ എറിഞ്ഞു കൊടുത്തു.. ദത്തൻ ജീപ്പിനു നേരേ നടന്നു…ജീപ്പ് ചെന്നു നിന്നത് പഴയൊരു വീടിനു മുന്നിലാണ് അവിടെ ദത്തന്റെ കാർ പാർക്ക്‌ ചെയ്തിരുന്നു… പിന്നിൽ കിടക്കുന്ന നിധിയെ എടുത്തു അവൻ കാറിലേക് കിടത്തി..
“ഞാൻ പോകുന്നു ഇവന്മാരെ ഏതേലും ഹോസ്പിറ്റലിൽ ആക്കിയേക്… “
കാറിൽ കയറിയ ദത്തൻ.. അവിടേക്കു ബുള്ളറ്റിൽ വന്ന ആളോട് പറഞ്ഞു…
അതിനു ശേഷം അവൻറെ കാർ ശ്രീലകം ലക്ഷ്യമാക്കി പാഞ്ഞു….സ്റ്റിയറിംഗ് വീലിൽ താളം പിടിച്ചിരുന്ന അവൻറെ ചുണ്ടിൽ ക്രൂരമായൊരു ചിരി വിടർന്നു… കാറിന്റെ പിൻ സീറ്റിൽ അപ്പോളും ബോധം വരാതെ.. നിധി ഉണ്ടായിരുന്നു…..
✳️✳️✳️✳️✳️✳️✳️✳️✳️✳️✳️✳️✳️✳️
ദത്തന്റെ കാർ ശ്രീലകത്തിന്റെ മുറ്റത്തേക്കു പൊടി പറത്തി കൊണ്ടാണ് വന്നു നിന്നത്…. വണ്ടി മുറ്റത്തു ബ്രേക്കിടുന്ന ശബ്ദം കേട്ടു.. വിശ്വ നാഥൻ പുറത്തേക് ഇറങ്ങി വന്നു…
ഇറങ്ങി വന്ന വിശ്വനാഥന്റെ കൽക്കലേക്കാണ് കാറിൽ നിന്നും ഇറക്കിയ.. നിധിയെ ദത്തൻ മുടിക്ക് പിടിച്ചു ഉന്തിയിട്ടത്…പാറി പറന്ന മുടിയും ദത്തന്റെ അടിയേറ്റു തിണർത്ത കവിളുകളും കരഞ്ഞു കണ്ണീർ വറ്റിയ മിഴികളുമായി നിധി വിശ്വനാഥന്റെ കൽക്കലേക്.. തല്ലി അലച്ചു ആണ്‌ വീണത്….
“എടാ… “വിശ്വനാഥൻ കോപത്തിൽ ദത്തനെ തല്ലാനായി പാഞ്ഞടുത്തു..
“എന്റെ മോളെ തല്ലാൻ നിനക്ക് ആരാടാ അധികാരം തന്നത്…”!
“അധികാരമോ.. അതു അറിയില്ലേ.. അവളുടെ ചേച്ചിയെ കെട്ടാൻ പോകുന്ന ഞാൻ അവൾക്കു ചേട്ടനല്ലേ.. “
“അനിയത്തി തെറ്റ് കാണിച്ചാൽ ശിക്ഷിക്കാൻ ആ അധികാരം പോരെ….”
“അതിനു അവൾ എന്ത് തെറ്റാണോ ചെയ്തത്… ” വിശ്വനാഥൻ സംശയത്തോടെ ചോദിച്ചു
“അവൾക്കു ഏതോ തെണ്ടി ചെറുക്കനും ആയിട്ട് പ്രേമം.. കോളേജിൽ പഠിക്കാൻ വിട്ട അവൾ അവനുമായി ചുറ്റി തിരിഞ്ഞു നടത്തം…”
“ചോദിക്കാൻ ചെന്നപ്പോൾ അവളുടെ മറ്റവന് എന്നെ തല്ലണം.. അതു കൊണ്ട് രണ്ടു പേർക്കിട്ടും കൊടുത്തിട്ടു തന്നെയാണ് ഇവളെ കൂട്ടി കൊണ്ട് വന്നതു… “
“മോശമായ രീതിയിൽ അവരെ കണ്ടപ്പോൾ ചിറ്റപ്പൻ ആണേ എന്ത് ചെയ്തേനെ അതെ ഞാനും ചെയ്തുള്ളു… രണ്ടെണ്ണം അവൾക്കിട്ടും കൊടുക്കേണ്ടി വന്നു…”
എന്റെ അച്ഛനും ചിറ്റപ്പനും ഒക്കെ എനിക്ക് പറഞ്ഞും കാണിച്ചും തന്ന പാഠം ആണ്‌.. പഠിച്ചതൊക്കെ പരീക്ഷിച്ചറിയാൻ ഒരവസരം കിട്ടുമ്പോൾ നമ്മളായിട്ടെന്തിനാ വേണ്ടാന്ന് വെക്കുന്നെ …
