‘ഞാൻ പറയുന്നത് കേട്ട് അച്ഛൻ ആകെ ഷോക്കായ് നിൽക്കുകയാണ്’…
‘നിങ്ങൾക്കറിയുമോ നിങ്ങളെ ഞാൻ എൻ്റെ കല്യാണിയമ്മയായ് തന്നെയാണ് കണ്ടത്’
ആ എന്നെപ്പറ്റിയാണ് നിങ്ങൾ അച്ഛനോട് പറഞ്ഞത് നിങ്ങളുടെ ,,,,,””ഛേ”’…..
‘പറയുവാൻ തന്നെ എനിക്ക് അറപ്പ് തോന്നുന്നു’….
“ആദിമോളേപ്പോലും നിങ്ങൾ എന്നിൽ നിന്നും അകറ്റി”….
”’നിങ്ങളുടെ വാക്ക് കേട്ട് എന്ന് അച്ഛൻ എന്നെ തല്ലിയോ അതോടെ ഞാൻ സ്നേഹിക്കുകയും വിശ്വസിക്കുകയും ചെയ്ത എൻ്റെ രാജീവച്ഛൻ എൻ്റെ മനസ്സിൽ മരിച്ചു”’
“പിന്നീട് ഇന്ന് വരെ ഞാൻ നിങ്ങളെ സ്നേഹിച്ചിട്ടില്ല
നിങ്ങൾ മറന്ന് പോയ ഒരു മുഖമുണ്ട് എൻ്റെ കല്യാണിയമ്മയുടെ മുഖം എന്നാൽ ദാ എൻ്റെ ഈ നെഞ്ചിനകത്ത് മുഴുവൻ എൻ്റെ കല്യാണിയമ്മ മാത്രമേ ഉള്ളു ഇനി എൻ്റെ ജീവിതത്തിൽ വേറെ ഒരു സ്ത്രീകൾക്കും സ്ഥാനമില്ല”….
ഞാൻ പറയുന്നത് കേട്ട് അച്ഛൻ നിശ്ചലമായ് പെട്ടെന്ന് തന്നെ മോനെ എന്ന് വിളിച്ച് കരയുവാൻ തുടങ്ങി….
വേണ്ട ഇനി നിങ്ങൾ എനിക്കായ് കരയണ്ട ””’നിങ്ങളുടെ അച്ഛനെ കൊന്ന് പുറത്തേക്ക് വന്നവനാണ് ഞാൻ”” ‘എനിക്ക് വേണ്ടിക്കരയാൻ നിങ്ങൾക്കിനി
യാതൊരവകാശവുമില്ല’…..
‘ദയവ് ചെയ്ത് ഇനി നിങ്ങളാരും എന്നെ കാണാൻ ശ്രമിക്കരുത് എനിക്ക് നിങ്ങളെ കാണുന്നത് പോലും വെറുപ്പാണ് ഇനി എൻ്റെ മുന്നിൽ വന്നാൽ ഞാൻ എങ്ങനെ പെരുമാറുമെന്ന് പറയാൻ സാധിക്കില്ല’….
ഇത്രയും പറഞ്ഞ് ഞാൻ കരഞ്ഞ്കൊണ്ട് ആദി മോളെ കെട്ടിപ്പിടിച്ചു ‘അവളുടെ മുഖമെല്ലാം ഉമ്മകൾകൊണ്ട് മൂടി’
അവിടെ നിന്നും യാത്രയായ് പുതു ജീവിതം തേടി ആ യാത്രയാണിന്ന് ഈ KSRTC സൂപ്പർഫാസ്റ്റ് ബസ്സിൽ നിങ്ങൾ കണ്ട് കൊണ്ടിരിക്കുന്നത്……
മോനേ……
ആ പ്രദീപേട്ടാ…..
വണ്ടി ഇതെവിടെത്തി????
തൃശ്ശൂർ എത്തി മോനേ എന്തൊരുറക്കമായിരുന്നു ,പിന്നെ ശല്യം ചെയ്യണ്ടാന്ന് കരുതി അതാ ഞാൻ വിളിക്കാതിരുന്നത് ….
ബാ ഇവിടുന്നാണ് ഭക്ഷണം കഴിക്കുന്നത്…
ഞാൻ പ്രദീപേട്ടനോടൊപ്പം നടന്നു എന്നെക്കണ്ടതും ഡ്രൈവർ ചോദിച്ചു ഇതാരാ????
അതിന് പ്രദീപേട്ടൻ ”’എൻ്റെ അനിയനാണെന്ന് മറുപടി പറഞ്ഞു”’ കഴിച്ച ഭക്ഷണത്തിൻ്റെ പൈസ നൽകാൻ നിന്ന എന്നെ പ്രദീപേട്ടൻ വിലക്കി പൈസ പ്രദീപേട്ടൻ നൽകി വണ്ടി തൃശ്ശൂറും കുന്ദംകുളവും പൊന്നാനിയും തിരൂരും പരപ്പനങ്ങാടിയും കഴിഞ്ഞ് വേഗത്തിൽ മുന്നോട്ട് നീങ്ങിക്കൊണ്ടിരുന്നു
ഇതിനിടയിൽ പ്രദീപേട്ടനോട് ഞാനെല്ലാകാര്യങ്ങളും പറഞ്ഞു
”’എന്തോ അദ്ദേഹവുമായ് എനിക്ക് വലിയൊരാത്മ ബന്ധമുള്ള പോലെ തോന്നി”’
എൻ്റെ കഥകേട്ട് അദ്ദേഹത്തിന് ഒരുപാട് സങ്കടമായ് അദ്ദേഹം എന്നോട് പറഞ്ഞു…
“””മോനെ എല്ലാ സ്ത്രീകളും മോന്റെ രണ്ടാനമ്മയെ പോലെ അല്ല 100 ൽ ഒരാൾ ചിലപ്പോൾ അങ്ങനെ ആയിരിക്കും ജിതിന്റെ അമ്മയ്ക്ക് മോനെ ഒത്തിരി ഇഷ്ടമായിരുന്നില്ലേ അതുപോലെ നല്ലവരും ഉണ്ട് മോനത് വൈകാതെ മനസ്സിലാവും”””
കാരണം മോൻ കൊയ്‌ക്കോട്ടേക്കാണ് വരുന്നത് കൊയ്‌ക്കോട് മോനെ മാറ്റിയെടുക്കും ആതുറപ്പാണ്…..
മോന് എന്ത് സഹായത്തിനും ഈ പ്രദീപേട്ടനെ വിളിക്കാം ഇതാണെന്റെ ഫോൺ നമ്പർ എന്ന് പറഞ്ഞു ഏട്ടൻ ഫോൺ നമ്പർ എനിക്ക് നൽകി…. പിന്നെ അദ്ദേഹത്തിൻ്റെ കുടുംബത്തെയൊക്കെപ്പറ്റി ഒരുപാട് സംസാരിച്ചു അങ്ങനെ വണ്ടി ഫറോക്കും കല്ലായിയും താണ്ടി രാത്രി 2 മണിയായപ്പോൾ കോഴിക്കോട് KSRTC സ്റ്റാൻഡിൽ എത്തിച്ചേർന്നു….
വണ്ടിയിൽ നിന്നും വെളിയിലേക്ക് ഇറങ്ങിയപ്പോൾ പ്രദീപേട്ടൻ എന്നെ വിളിച്ചു
മോനെ നീ ഇവിടെ നിൽക്ക് ഞാനിതൊന്ന് ഏൽപ്പിച്ചിട്ടു വരാം പ്രദീപേട്ടൻ എന്നോട് പറഞ്ഞു …
ശരിയേട്ടാ….
അങ്ങനെ ഒരു 15 മിനിട്ട് കഴിഞ്ഞപ്പോൾ പ്രദീപേട്ടനെത്തി ….
ബാ മോനേ….
ഇതെവിടേക്കാ എട്ടാ????
”ഈ കോയ്ക്കോട്ട് ആദ്യാല്ലേ അപ്പോ ഐശ്വര്യായിട്ട് ഒരു സുലൈമാനി കയ്ച്ചിട്ട് കോയ്ക്കോടൻ ജീവിതം അങ്ങ് അടിച്ച് പൊളിക്ക്”….
ഏ….. ഇതെന്താ പ്രദീപേട്ടാ സംസാരത്തിനൊക്കെ ഒരു മാറ്റം????
പ്രദീപേട്ടൻ ചിരിച്ചോണ്ട് പറഞ്ഞു മോനേ ഈ കോയ്ക്കോട്ടാര് സംസാരിക്കുന്നതിങ്ങനാണ് മോനും അത് പതിയെ പഠിച്ചോളും ഞങ്ങൾ നടന്ന് നടന്ന് സ്റ്റാൻഡിനു വെളിയിലുള്ള ഒരു ഹോട്ടലിന് അടുത്തേക്കെത്താറായി .
കടയുടെ അടുത്തേക്ക് അടുക്കും തോറും ””””കോഴിക്കോടിൻ്റെ ദേശീയ ഗാനം””’ കടയിലെ പാട്ടു പെട്ടിയിൽ നിന്നും കേൾക്കുവാൻ തുടങ്ങി…..
“”” ഇസ് ദുനിയാമേ അഗർ ജന്നത് ഹേ തോ ബസ് യഹീ ഹേ യഹീ ഹേ”””” …….
“””സുബഹാനള്ളാ സുബഹാനള്ളാ സുബഹാനള്ളാ ……
നിസ ഗരി….
നിസ ഗരീ സാ…
നിസ ഗമാ ഗമ ഗമ
ഗമ നിനി സാനി പാമ മനിപ ഗാരി ഗമനിനി സാനി പാമ മനിപ ഗാരി””” ….
പാട്ട് കേട്ടുകോണ്ട് ഞാനും പ്രദീപേട്ടനും ആ കടയുടെ അടുത്തേക്ക് ചെന്നു ഞാൻ പതിയെ കടയുടെ ബോർഡിലേക്ക് നോക്കി……
“””ഉസ്താദ് ഹോട്ടൽ”””
”ഫൈസീ മോനേ 2 പെഷ്യൽ സുലൈമാനി”’….
ഓനേതാ പ്രദീപേട്ടാ???
എന്നെ ചൂണ്ടി ഫൈസി ചോദിച്ചു…
”’ഓൻ മ്മടെ അനിയനാ ഇന്നു മുതൽ കോയ്ക്കോട്ട്കാരനാ ഓനും”’….
”’മോനേ ഇതാണ് ഫൈസി മ്മടെ കരീമിക്കാൻ്റെ കൊച്ചുമോൻ ഇവർക്ക് കോയ്ക്കോട്ട് ബീച്ചിലും ഇവിടെയും രണ്ട് ഹോട്ടലുകളാണുള്ളത് ഇവിടെയാണ് കോയ്ക്കോട്ടെ ഏറ്റവും നല്ല ”’ബിരിയാണിയും സുലൈമാനിയും കിട്ടുന്നത്”’….
ഇനി മോന് ഇവിടെ വരാം എപ്പോഴും മോനിഷ്ടമുള്ള ഭക്ഷണം വാങ്ങിക്കഴിക്കാം ”പൈസ കൊടുത്തില്ലേലും പ്രശ്നമില്ല അതാണ്‌ കരീമിക്കാന്റെ പോളിസി”…..
‘ദാ പ്രദീപേട്ടാ സുലൈമാനി’ ….
പ്രദീപേട്ടൻ സുലൈമാനിയെടുത്ത് എൻ്റെ കയ്യിൽ തന്നു
”’ഞാൻ പതിയെ ഊതിയൂതി സുലൈമാനിയിൽ ഒന്നു മൊത്തി അറിയാതെ എൻ്റെ കണ്ണുകൾ അടഞ്ഞുപോയ് സുലൈമാനിയുടെ രുചിയിൽ ഞാൻ എന്നെത്തന്നെ മറന്ന് ആസ്വദിച്ച് കുടിക്കുവാൻ തുടങ്ങി ഈ ലോകം തന്നെ
കറങ്ങി എന്റെ അടുത്ത് വരുന്നൊരു ഫീലിംഗ് എനിക്ക് കിട്ടി”’…
“എങ്ങനുണ്ട് മോനേ സുലൈമാനി”….
“”എൻ്റെ പ്രദീപേട്ടാ നിങ്ങള് പറഞ്ഞപ്പോൾ ഞാനിത്രയും പ്രദീക്ഷിച്ചില്ല ഒരു രക്ഷയുമില്ല വേറെ ലെവൽ””….
പ്രദീപേട്ടൻ ചിരിച്ച്കൊണ്ട് സുലൈമാനിയുടെ പൈസ നൽകാൻ പോയി..
“”പൈസ വേണ്ട പ്രദീപേട്ടാ ഓൻ ഇനിമുതൽ മ്മടെ കോഴിക്കോട്ട് കാരനല്ലേ
ഫൈസി മറുപടി പറഞ്ഞു””
ശരി എന്ന് പറഞ്ഞു ഞങ്ങൾ അവിടെ
നിന്നുമിറങ്ങി…..
മോനേ ഇനി കൊയിലാണ്ടിക്ക് നീ ബസ്സിനു പോകണ്ടാ ഇവിടുന്ന് ഓട്ടോ പിടിച്ചു പോയാൽ മതി അവർ വീടിൻ്റെ വാതിൽക്കൽ കൊണ്ടാക്കും…. പേടിക്കണ്ട രാത്രിയാണേലും ഇവിടുത്തെ ഓട്ടോക്കാർ മീറ്റർ ചാർജേ വാങ്ങിക്കു…
അങ്ങനെ പ്രദീപേട്ടൻ എന്നെ ഓട്ടോയിൽ കയറ്റി……
മോനേ എത്തിയിട്ട് വിളിക്കണം ””നാളെ എനിക്ക് ഡ്യൂട്ടിയില്ല ഇനി മറ്റന്നാൾ പോയാൽ മതി””…
ശരി എട്ടാ ഞാൻ എത്തിയിട്ട് വിളിക്കാം….
“ഓട്ടോ മുന്നോട്ട് യാത്രയായ്” …..
