വിവേക്: അമൃതയ്ക് ഈ സ്ഥലം എല്ലാം ഇഷ്ടപ്പെട്ടോ
അമൃത: സത്യത്തിൽ ഇവിടെ വന്ന ശേഷം ഇതേവരെ ഈ വീടിന് പുറത്തേക്ക് ഇറങ്ങാൻ പറ്റിയിട്ടില്ല ഫസൽ ജോലി തിരക്ക് ആയതുകൊണ്ട്
വിവേക്: തനിക്ക് കാണണം എന്നുണ്ട് എങ്കിൽ ഞാൻ കാണിച്ചു തരാം
അമൃത അവനെ ഒന്ന് നോക്കി
വിവേക്: തെറ്റിദ്ധരിക്കണ്ട ഇവിടെ അങ്ങനെ കാണാൻ മാത്രം ഉള്ള സ്ഥലം കുറവ് ആണ് ഇവിടെ അടുത്തുന്തന്നെയാണ് എൻ്റെ ഫാം അങ്ങോട്ട് കൊണ്ട് പോകാം.താല്പര്യം ഉണ്ടായാൽ മതി.
അമൃത: ഞാൻ പറയാം ഫസലിനോട് ഒന്ന് ചോതികട്ടെ
വിവേക് ശെരി എന്ന് പറഞ്ഞു വീണ്ടും അവർ വിശേഷങ്ങൾ പറഞ്ഞു ഉച്ചഭക്ഷണം കഴിച്ചു ശേഷം വിവേക് മുറിയിലേക്ക് വിശ്രമിക്കാൻ പോയ്. ആ സമയം അമൃത ടെറസ്സിൽ ചുമ്മാ കയറി അപ്പോള് അപ്പുറത്തെ വീട്ടിലെ സ്ത്രീ അവളെ കണ്ട് വിളിച്ചു
അയൽക്കാരി: അതേ എന്താ പേര്
അമൃത: അമൃത
അയൽക്കാരി: ഞാൻ കേട്ടിരുന്നു അപ്പുറത്ത് പുതിയ ഒരാള് വന്നു എന്ന് പക്ഷേ ഞാൻ ഒട്ടും കരുതിയില്ല വിവേക് മോൻ അവന് ഇഷ്ടപെട്ട പെണ്ണിനെ തന്നെ കെട്ടും എന്ന്
അമൃത: അയ്യോ ഞാൻ
അയൽക്കാരി: മോളൊന്നും പറയണ്ട ഞങ്ങളെ കഴിഞ്ഞ മാസം വരെ മോളുടെ ഫോട്ടോ കാണിച്ചത് ആണ് ഇഷ്ടപെട്ട പെൺകുട്ടി ഇതാണ് എന്ന് പറഞ്ഞു എന്തായാലും ഞങ്ങൾക്ക് സമാധാനമായി.
തിരിച്ചു പറയാൻ അനുവദിക്കാതെ ആ അയൽക്കാരി പറഞ്ഞു കൊണ്ടിരുന്നു.
അയൽക്കാരി: എന്തായാലും മോള് സമയം കിട്ടുമ്പോൾ ഇങ്ങ് പോര് ഞങ്ങടെ വിവേക് മോനെ നല്ല പോലെ നോക്കണേ
അതു പറഞ്ഞു അവർ അകത്തേക്ക് പോയി. അമൃത അതു കേട്ട് തിരുത്താനും പറ്റിയില്ല പക്ഷേ തന്നെ വിവേക് ഇത്രയേറെ സ്നേഹിക്കുന്നു എന്ന് അവള് ആ സമയം തിരിച്ചറിഞ്ഞു.
അമൃത പിന്നീട് താഴേക്ക് വന്നപ്പോൾ മുന്നിൽ ബൈക്കു കണ്ടില്ല വിവേക് പോയ് എന്ന് മനസ്സിലായി.
അങ്ങനെ വൈകിട്ട് ശോഭ വന്നപ്പോൾ അമൃത അയൽക്കാരി പറഞ്ഞ കാര്യങ്ങള് ശോഭയോട് പറഞ്ഞു ശോഭ ഇതെല്ലാം ചിരിച്ചുകൊണ്ട് കേട്ടൂ.
സത്യത്തിൽ അതെല്ലാം ശോഭയുടെ നിർദേശ പ്രകാരം ആയിരുന്നു
അമൃത: എന്താ ചിരിക്കുന്നത്
ശോഭ: ചിരിക്കാതെ പിന്നെ എന്താ പറയുക. എൻ്റെ പൊന്നു മോളെ വിവേക് മോൻ അങ്ങനെ ആയിരുന്നു പറഞ്ഞിരുന്നത് പക്ഷേ വിധി വെറെ അല്ലേ
അമൃത: എന്നാലും എന്നെ അങ്ങനെ അല്ലേ കാണുന്നതു
ശോഭ: അങ്ങനെ കണ്ടാൽ എന്താ കുഴപ്പം അങ്ങനെ കണ്ടാലുള്ള ഗുണം മോൾക്കു ഈ വീടിൻ്റെ പുറത്ത് ഇറങ്ങുമ്പോൾ മനസ്സിലാവും
അമൃത: പക്ഷേ ഫസൽ ഇത് വല്ലതും അറിഞ്ഞാൽ
ശോഭ: സത്യത്തിൽ ഈ നാട്ടിൽ പലർക്കും അങ്ങനെ ഒരുത്തൻ ഈ വീട്ടിൽ ഉണ്ടെന്ന് അറിയില്ല മോളായി തിരുത്താൻ പോകണ്ട. നമ്മൾ എന്തിനാ നല്ല കാര്യങ്ങള് തിരുത്താൻ പോകുന്നത്. മോൾ ബുദ്ധിപൂർവം കാര്യങ്ങള് തിരിച്ചറിയാൻ ശ്രേമിക്
അമൃത പിന്നീട് അതിനു മറുപടി പറയാൻ നിന്നില്ല.
ശോഭ: മോളെ നാളെ രാവിലെ എൻ്റെ കൂടെ അമ്പലത്തിൽ വരുന്നോ അതാവുമ്പോൾ മോൾക്കു ഈ നാടും കാണാമല്ലോ
അമൃത: വരാം ചേച്ചി.
പിന്നീട് ഫസൽ വന്നു അവൻ അന്ന് വന്നപ്പോഴും അധികം സംസാരിക്കാൻ നിന്നില്ല ഓഫിസിൽ മനഃപൂർവം തന്നെ അവന് വർക്ക് ലോഡ് നൽകിക്കൊണ്ട് ഇരുന്നു. ചുറ്റുമുള്ളവർ തന്നെ ചതിക്കുക ആണ് എന്നുള്ള സത്യം തിരിച്ചറിയാതെ അവൻ അന്നത്തെ ദിവസവും തള്ളി നീക്കി അമൃത ആണെങ്കിൽ അവനോട് ഇന്ന് അയൽക്കാരി പറഞ്ഞ കാര്യങ്ങള് അവനോട് പറയാനും നിന്നില്ല.
അടുത്ത ദിവസവും ശോഭ ശോഭയുടെ പണി കൃത്യമായി ചെയ്തു. ഫസലിന് കൊണ്ട് പോകാനുള്ള ടിഫിനിൽ മരുന്ന് ചേർത്ത ശേഷം അതു അവനൺകൊണ്ട് പോകാൻ ആയി ഡൈനിങ്ങ് ടേബിളിൽ വെച്ച ശേഷം ശോഭ അമൃതയെ വിളിച്ചുകൊണ്ട് അവിടെ അടുത്തുള്ള അമ്പലത്തിൽ പോയി.
പോകുന്ന വഴിയിൽ പലരും അവളെ നോക്കി ചിരിക്കുന്നുണ്ട് അതു കണ്ട് അമൃത
അമൃത:ചേച്ചി ഇവരൊക്കെ എന്താ ഇങ്ങനെ നോക്കി ചിരിക്കുന്നത് ഞാൻ ഇവരെ എല്ലാം ആദ്യമായി കാണുകയാണ്
ശോഭ: അതു മോളെ വേറൊന്നുമല്ല മോൾ നമ്മുടെ വിവേക് മോൻ്റെ ഭാര്യ ആണന്നു വിചാരിച്ചു ആണ്. വിവേക് മോനോട് ഈ നാട്ടിലെ പലർക്കും ഭയങ്കര മതിപ്പ് ആണ്.