അവിഹിതത്തിന്റെ മുല്ലപ്പൂക്കൾ – 2 49അടിപൊളി 

 

അമ്മ: ആഹ. ഞാൻ മറന്നു പോയി കാണും മോളെ.. നിങ്ങൾ അകത്തു വാ.. വാ മോനേ

 

ഞാൻ: വാടാ..

 

ഞങ്ങൾ എല്ലാവരും അകത്തേക്ക് കയറി.

 

അമ്മ: മോൻ ഇരിക്ക് ഞാൻ എന്തെങ്കിലും കഴിക്കാൻ ഉണ്ടാക്കാം.

 

ഞാൻ: അമ്മ, അതൊന്നും വേണ്ട..

 

പെട്ടെന്ന് ഞാൻ അവനെ നോക്കി..

 

ഞാൻ: മനു നിനക്ക് വിശക്കുന്നുണ്ടോ.

 

അവൻ ഒന്നും മിണ്ടിയില്ല നല്ല വിശപ്പുണ്ടെന്ന് എനിക്ക് മനസ്സിലായി. ചെറുതായി ചിരിച്ചുകൊണ്ട് ഞാൻ പറഞ്ഞു.

 

ഞാൻ: ശരി അമ്മ അവൻ എന്തേലും കഴിക്കാൻ കൊടുത്തേക്ക് എനിക്കൊന്നും വേണ്ട..

 

അമ്മ അടുക്കളയിലേക്ക് നടന്നു. മനു ഹാളിലെ സോഫയിൽ ഇരുന്നു.

 

ഞാൻ: നീ ഇരിക്കോ കേട്ടോ.. ഇതാ എന്റെ മുറി. നിന്റെ മുറി ആ ഡൈനിങ് റൂമിൽ നിന്ന് ഇടത്തേക്ക് പോയാൽ മതി

 

അങ്ങോട്ട് ചൂണ്ടിക്കൊണ്ട് ഞാൻ പറഞ്ഞു.

 

ഞാൻ: ഞാൻ പോയി ഇതെല്ലാം കൊണ്ടുപോയി വെക്കട്ടെ.

 

നേരെ ഞാൻ എന്റെ മുറിയിൽ കയറി. സമയം അപ്പോൾ എട്ടര ആയിട്ടുണ്ടായിരുന്നു. അവിടെ ഇരുന്ന് ഞാൻ ഇച്ചായനെയും മോളെയും ഒക്കെ വിളിച്ചു അല്പസമയം സംസാരിച്ചു. വീട്ടിലെ അത്താഴവും എല്ലാം കഴിഞ്ഞു കിടക്കാൻ പോവുകയാണ് എന്നാണ് അവരോട് പറഞ്ഞത്. വീട്ടിലെ മൂന്ന് മുറികൾക്കും ഒരേ വലുപ്പമാണ്. ഈ മുറിയിൽ ആയിരുന്നു ഞാൻ ചെറുപ്പം തൊട്ടേ വളർന്നത്. എന്റെ കുഞ്ഞിലേ ഉള്ള ഡ്രസ്സ് മുതൽ പഠിച്ച പുസ്തകം അടക്കം എല്ലാം ആ മുറിയിൽ ഉണ്ട്.

ഇച്ചായന്റെ വീട്ടിൽ നിൽക്കുമ്പോൾ മാത്രമേ ഞാൻ ടവൽ ഉപയോഗിച്ച് തോർത്താറുള്ളൂ. ഇവിടെ വന്നു കഴിഞ്ഞാൽ സാധാരണ തോർത്താണ് ഉപയോഗിക്കുന്നത്. ഇവിടെ വന്നു കഴിഞ്ഞാൽ ശരിക്കും ഞാൻ ആ പഴയ പെണ്ണായി മാറും. ഫോൺ എല്ലാം വിളിച്ചു വെച്ചതിനുശേഷം എനിക്ക് നല്ല ക്ഷീണം തോന്നി.. ക്ഷീണിക്കാനുള്ള കാരണം ഓർത്തപ്പോൾ എന്റെ ചുണ്ടിൽ ചെറിയ ഒരു ചിരി വിടർന്നു.

ഒന്ന് കുളിച്ച് ഫ്രഷ് ആകാം എന്ന് ഞാൻ കരുതി. അതെ കുർത്തിയും ലെഗ്ഗിങ്‌സും ഇട്ട്, തോർത്ത് എടുത്ത് ഞാൻ കുളിക്കാനായി മുറിയുടെ പുറത്തേക്ക് ഇറങ്ങി. കുളിമുറിയും ടോയ്‌ലറ്റും ഒരുമിച്ച് വീടിന് പുറത്താണ്.. അവിടേക്ക് പോകണമെങ്കിൽ ഒന്നെങ്കിൽ മെയിൻ ഡോർ കടന്നുപോണം ഇല്ലെങ്കിൽ ഡൈനിങ് റൂമിലൂടെ അടുക്കളവാതിൽ കടന്ന് പോണം. രാത്രി ആയതുകൊണ്ട് മെയിൻ ഡോർ വീണ്ടും തുറക്കാൻ എനിക്ക് മടി ആയിരുന്നു.

തോർത്ത് തോളിലിട്ട് ഷോൾ ഇല്ലാതെ ഞാൻ ഡൈനിങ് റൂമിലേക്ക് നടന്നു, അവിടെയപ്പോൾ ഉച്ചത്തിലുള്ള ചിരിയും സംസാരവും.. ചെറിയ ഒരു അമ്പരപ്പോടെയാണ് ഞാൻ അങ്ങോട്ട് തന്നത്. ആ ചെറിയ സമയത്തിനുള്ളിൽ അവനും അമ്മയും നല്ല കൂട്ടായതുപോലെ എനിക്ക് തോന്നി.

 

ഞാൻ: ആഹ നിങ്ങള് ഇത്രവേഗം കമ്പനി ആയോ

 

ഡൈനിങ് ടേബിളിൽ ഇരുന്ന് ചൂട് കഞ്ഞിയും ചമ്മന്തിയും പപ്പടവും കഴിക്കുന്ന അവനെ നോക്കി ഞാൻ ചോദിച്ചു.

 

അമ്മ: പിന്നെ ഞങ്ങളൊക്കെ പെട്ടെന്ന് ബ്രണ്ട്സ് ആയി

 

അമ്മയുടെ ഇംഗ്ലീഷ് കേട്ട് ഞാൻ ചെറുതായി ചിരിച്ചു എന്നിട്ട് അവനെ നോക്കി.

 

മനു: ചേച്ചി എങ്ങോട്ടാ ഈ രാത്രി

 

ഞാൻ: ഞാനൊന്ന് കുളിച്ചിട്ട് വരാം നിന്റെ റൂം കണ്ടില്ലേ..

 

ആ മുറിയുടെ വാതിൽ തള്ളിക്കൊണ്ട് ഞാൻ ചോദിച്ചു. മെയിൻ ഡോർ ഒഴികെയുള്ള ബാക്കി എല്ലാ വാതിലുകളും രണ്ട് പാളിയാണ്.

 

ഞാൻ: അമ്മയെ അതിൽ ബെഡ്ഷീറ്റ് ഇല്ലേ

 

ഇരുട്ട് നിറഞ്ഞ ആ മുറിയിലേക്ക് നോക്കി ഞാൻ ചോദിച്ചു.

 

മനു: അതൊക്കെ ഞാൻ എടുത്തോളാൻ അമ്മമ്മ..

 

സാധാരണ അമ്മയെ അമ്മമ്മ എന്ന് വിളിക്കുന്നത് നേഹ മോൾ മാത്രമാണ്. ഞാൻ ഒറ്റ മോൾ ആയതുകൊണ്ട് അമ്മയ്ക്ക് വേറെ പേരക്കുട്ടികളും ഇല്ല. അവനത് വിളിച്ചത് കേട്ട് ഞാൻ അമ്മയെ നോക്കി. ചിരിച്ചുകൊണ്ട് അമ്മ പറഞ്ഞു.

 

അമ്മ: അവനു എന്നെ എന്തു വിളിക്കണം എന്ന് അറിയില്ല.. അമ്മൂമ്മ എന്ന് വിളിച്ചോട്ടെ എന്ന് ചോദിച്ചപ്പോൾ ഞാൻ ഇങ്ങനെ വിളിച്ചോളാൻ പറഞ്ഞു. അങ്ങനെ വിളിക്കാൻ ആരെങ്കിലും ഒക്കെ വേണ്ടേ നീ അവളെ ഒരിക്കലും കൊണ്ടുവരില്ലല്ലോ..