കുറച്ചു ദൂരം കൂടി വണ്ടി മുന്നോട്ടോടി..
വിനോദ സഞ്ചാരികളുടെ ചെറുതും വലുതുമായ കൂട്ടങ്ങളെ കണ്ടുതുടങ്ങി …
ഇരു വശങ്ങളിലും പാർക്ക് ചെയ്തിരിക്കുന്ന വാഹനങ്ങൾക്കിടയിലൂടെ സെൽവൻ വേഗം കുറച്ച് വണ്ടി ഓടിച്ചു……
“തമ്പീ……….”
സെൽവൻ വിളിച്ചു……
” പറ അണ്ണാ .”
“നീങ്ക ഇവിടെ വെയ്റ്റ് ചെയ്താൽ പോതും…… “
അജയ് തല കുലുക്കി …
വാഹനമൊതുക്കാൻ ഒരു സ്ഥലം കിട്ടിയപ്പോൾ സെൽവൻ കാർ നിർത്തി…
സെൽവൻ ഡോർ തുറന്ന് പുറത്തിറങ്ങി…
പിന്നാലെ ബാഗുമെടുത്ത് അജയ് ഇറങ്ങി…
അവനിറങ്ങിയ ഡോറിലൂടെ തന്നെ ഇറങ്ങി അഭിരാമി അവനോടു ചേർന്നു നിന്നു…
“മലയാളം സൂപ്പർ സ്റ്റാർ നടിച്ച ഊരിത് … “
അയാൾ പറഞ്ഞത് അവന് മനസ്സിലായില്ല…
അത് സെൽവന് മനസ്സിലായി……
അയാൾ ഒരു വശം ചെരിഞ്ഞ് മോഹൻലാലിനെപ്പോലെ അനുകരിച്ചു ..
മോഹൻലാലിനെ സംബന്ധിച്ച എതോ കാര്യമാണ് സെൽവൻ പറഞ്ഞതെന്ന് അവന് മനസ്സിലായി…
” നീങ്ക ആദ്യം വന്താൽ ഇങ്കെ വെയ്റ്റ് പണ്ണുങ്കോ…… “
അയാൾ തിരികെ ഡോറിനടുത്തേക്ക് ചെന്നു… പിന്നെ അതുപോലെ തന്നെ തിരികെ വന്നു.
“അമ്മാ………. എല്ലാമേ സരിയായിടും…… ഇത് എൻ ദൈവം ആണ്ടവനുക്ക് കൂടി താൻ ഊര്… “
അജയ് പേഴ്സ് തുറന്ന് അഞ്ഞൂറിന്റെ രണ്ട് നോട്ടുകൾ അയാൾക്ക് നേരെ നീട്ടി..
“വേണ്ട തമ്പീ…………”
അയാളത് വാങ്ങാൻ കൂട്ടാക്കിയില്ല……
അജയ് നിർബന്ധത്തോടെ പണം അയാളുടെ കീശയിൽ വെച്ചു കൊടുത്തു…
ചെറിയ ഒരു സന്തോഷം അയാളുടെ മുഖത്ത് പ്രകടമായി……
“സൗഖ്യമാ വരും അമ്മാ… “
അയാൾ അഭിരാമിക്കു നേരെ തൊഴുതു.
മുനിച്ചാമി സെൽവനോട് എല്ലാക്കാര്യങ്ങളും പറഞ്ഞുവെന്ന് ആ പെരുമാറ്റത്തിൽ നിന്ന് അജയ്ക്ക് മനസ്സിലായി …
” പാക്കലാം തമ്പി…… നാൻ തിരുമ്പി വരേൻ..”
നെറ്റിക്കു മുകളിൽ കൈത്തലം വിരിച്ചു പിടിച്ച് രജനി സ്റ്റൈൽ ഒരു സല്യൂട്ട് അടിച്ച് സെൽവൻ പോയി…
സഞ്ചാരികൾ കൂടുതലുള്ള സ്ഥലത്തേക്കാണ് അവർ നീങ്ങിയത്..
വട്ടവടയേക്കാൾ കൂടുതൽ തണുപ്പ് അവർക്ക് അവിടെ അനുഭവപ്പെട്ടു …
ബാഗിൽ സൂക്ഷിച്ചിരുന്ന കോട്ട് അജയ് അഭിരാമിക്ക് എടുത്തു കൊടുത്തു……
വഴിയരികിൽ കണ്ട ഒരു കച്ചവടക്കാരനിൽ നിന്നും രണ്ട് കമ്പിളി തൊപ്പി വാങ്ങി അവർ ധരിച്ചു……
ഭ്രമരം വ്യൂ പോയന്റിലേക്കാണ് അവർ ചെന്നു കയറിയത്..
കുട്ടികളും യൗവനയുക്തരും സെൽഫികളും ഫോട്ടോസുമെടുക്കുന്നത് അവർ കണ്ടു……
“നല്ല സ്ഥലം അല്ലേടാ………”
അഭിരാമി അവനെ നോക്കി…
” മനോഹരമായ സ്ഥലം എന്നൊക്കെ പറയമ്മാ… “
അജയ് അവളെ തിരുത്തി …
” ഓ… എനിക്കത്രയ്ക്കുള്ള കലാബോധമൊക്കെയേ ഉള്ളൂ…… നിനക്കിപ്പോൾ എന്നെ ഒഴിവാക്കാനൊക്കെ തോന്നും..”
ചുറ്റിനും പല തരത്തിലുള്ള വസ്ത്രങ്ങൾ ധരിച്ചു ഉല്ലസിക്കുന്ന സഞ്ചാരികളായ തരുണികളെ നോക്കി അവൾ പറഞ്ഞു……
അജയ് അതു കണ്ടു …
” ഞാനെന്താ വായ്നോക്കാൻ വന്നതാണെന്നാണോ അമ്മ കരുതിയത്…..? “
അവൻ ദേഷ്യപ്പെട്ടു.
“നീ നോക്കുന്നത് ഞാൻ കണ്ടല്ലോ… “
“എന്നാൽ നോക്കി…… അങ്ങനെ തന്നെ കരുതിക്കോ… “
അജയ് അവളിൽ നിന്നും കുറച്ചു മാറി നിന്നു..
മുകളിലും താഴെയുമായി ചെറിയ മൊട്ടക്കുന്നുകളും ഗോവണിയടിച്ച ഏറുമാടങ്ങളും അവൻ കണ്ടു……
അപ്പുറം റിസർവ്വ് ഫോറസ്റ്റാകാമെന്ന് മരങ്ങളുടെ വലുപ്പം കണ്ടപ്പോൾ അവനൂഹിച്ചു……
പുല്ലു നിറഞ്ഞ ചെരിവിലൂടെ കുട്ടികൾ ഊർന്നിറങ്ങിക്കളിക്കുന്നത് കൗതുകത്തോടെ അവൻ നോക്കി നിന്നു…
” ഇവിടെത്തന്നെ നിന്നാൽ മതിയോ…?”
അഭിരാമി അവന്റെ പിന്നിൽ വന്നു ചേർന്നു നിന്നു…
” ഓടിയാലോ…….?”
അജയ് അസ്തമിക്കാത്ത ദേഷ്യത്തോടെ പറഞ്ഞു……
“എന്തൊരു മനുഷ്യനാപ്പാ ഇത്… ഒരു തമാശ പോലും പറയാൻ പറ്റാത്ത പോലെ .”
അഭിരാമി കെറുവിച്ച് അവന്റെ മുന്നിൽക്കയറി നിന്നു …
” ഇത് ഞാൻ കണ്ടതാ… കാണത്തത് നോക്കട്ടെ… മാറി നിൽക്ക്… “
അജയ് പറഞ്ഞത് മനസ്സിലായി വരാൻ അഭിരാമിക്കു സമയം വേണ്ടി വന്നു……
അവൾ ഒന്നും പറയാതെ അവന്റെ മുന്നിൽ നിന്നും പതിയെ മാറി……
അഭിരാമിക്കത് ഫീൽ ചെയ്തു എന്നവന് മനസ്സിലായി ……
“അമ്മാ………. “
അവൾ വിളി കേട്ടില്ല …
അജയ് ബലംപ്രയോഗിച്ച് അവളെ വലിച്ചു നെഞ്ചിലേക്കിട്ടു …