എന്നിട്ട് ഞാൻ കൊറച്ചുനേരം തുള്ളി, ഇവർക്കറിയില്ലല്ലോ ഞങ്ങൾ ആണുങ്ങക്ക് മണിക്കിട്ട് കിട്ടിയാൽ ജീവൻ എടുക്കുന്നപോലെ ആണെന്ന്.
ആ വേദനക്ക് അൽപ്പം ശമനമായി
“”മാറിയോ “”പൊട്ടത്തി കണ്ണും നിറച്ചോണ്ട് ചോദിക്കുന്നു..
ഇവൾക്ക് ഇത് എന്താ പറ്റിയെ ഇവൾ ഇതിലും വലിയ വേദന സമ്മാനിച്ചിട്ടുണ്ട് ശരീരത്തിനും മനസിനും അന്നൊന്നും ഇതുപോലെ ഒരു പെരുമാറ്റം ഞാൻ കണ്ടിട്ടില്ല.
“”ഓഹ്! ഇപ്പൊ കൊഴാപ്പം ഇല്ല, ഇഷ്ടം ഇല്ലേ പറഞ്ഞ പോരെ എന്തിനാ ചേച്ചി അതൊക്ക കുത്തി പൊട്ടിക്കുന്നെ?””
എനിക്ക് വലിയ പ്രശ്നം ഇല്ലന്ന് മനസിലാക്കിയ അവൾ
“”ഞാൻ വയറ്റിൽ തള്ളി മാറ്റാനാ നോക്കിയത് അറിഞ്ഞില്ല അവിടെ അടി വീഴുമെന്ന് സോറി “”
“”വയറ്റിൽ ആണേലും ആര്യേച്ചി ഇടിക്കോ?””
“”ഇല്ലാ….. എന്താ ഏട്ടൻ ഇപ്പൊ….. എന്നെ എന്താ വിളിച്ചേ… “”
“”ഇല്ല ആര്യേച്ചി ഞാൻ അറിയാതെ വേദനിച്ചപ്പോൾ നീ എന്ന് വിളിച്ചതാ ഇനി അതിനു എന്നെ തല്ലാൻ വരണ്ട“”
“”അതല്ല…. ആര്യേച്ചീ …. “”
“”അതിനെന്താ, ഇപ്പൊ അതും കുറ്റമായോ “”
അപ്രേദിക്ഷിത മായി അവൾ എന്നെ കെട്ടി പിടിച്ചു ഒരുപാട് ഉമ്മ മുഖത്തും നെറ്റിയിലും ഒക്കെ വെച്ച്..
“”ശ്രീ ഹരി “”
“”എന്താ എന്താ ആര്യേച്ചി….. എന്താ ഇപ്പൊ ഇങ്ങനെ ഒക്കെ ചെയ്‌തെ ….!””
“”ഇല്ല ഒന്നും ഇല്ല ഞാൻ ഞാൻ ഇപ്പൊ വരാം….””
എന്നെ അവിടെ ആക്കി അവൾ ഓടി, ആര്യേച്ചിടെ ആ പാച്ചിലിനിടയിൽ ഞാൻ അവളുടെ മുഖത്തു സന്തോഷമൊ അങ്ങനെ എന്തെക്കെയോ വികാരങ്ങൾ കണ്ടു. ആരെയൊക്കെയോ ഫോൺ ചെയ്തു കുറച്ചു കഴിഞ്ഞു വന്നു ഒന്നും സംഭവിക്കാത്ത ഭാവത്തിൽ.
എനിക്ക് അക്കെ ഒന്നും മനസിലാകുന്നില്ല ആര്യേച്ചി എന്തിനു എന്നെ ഏട്ടാ എന്ന് വിളിക്കണം?, എന്നെ ഭരിച്ചു കൊണ്ടിരിന്ന വൾ എന്തിനു എനിക്ക് കീഴ്പ്പെട്ട് സംസാരിക്കണം? ഒന്നറിയാം ഞാൻ ഇതൊന്നും സ്വപ്നം കണ്ടതല്ല എന്തോ എനിക്ക് സംഭവിച്ചിട്ടുണ്ട് . എനിക്ക് കാര്യങ്ങൾ ഓർക്കാൻ അൽപ്പം ബുദ്ധിമുട്ട് ഉണ്ട് പക്ഷെ എന്റെ ഓർമയിലെ ആര്യേച്ചിക്ക് ഇത്രതടി ഇല്ല, അന്ന് ഒരു ഈർക്കിലിൽ തുണി ചുറ്റിയ രൂപം ആയിരുന്നു, ഇപ്പൊ കണ്ടാൽ എന്റെ ആര്യക്ക് സൗന്ദര്യം കൂടിട്ടെ ഉള്ളു.
ഓർമ വെച്ചനാൾ മുതൽ ഞാൻ പ്രണയിക്കുന്ന എന്റെ മുറപ്പെണ്ണാണവൾ, എന്അനെക്ല്ലകാളും ൪ വയസ് കൂടുതല്‍ ഉണ്ട് , പക്ഷെ പരിജയം ഇല്ലാത്തൊരുടെ കണ്ണില്‍ ഞാന്‍ ആണ് മൂത്തത്. ചെറുപ്പത്തിൽ എനിക്ക് പ്രണയം ഒന്നുമല്ലാരുന്നു സത്യത്തില്‍ എന്റെ ശത്രു ആയിരുന്നു അവൾ. എന്നെ കരയിക്കുന്നതാരുന്നു അവൾക്ക് വിനോദം. പക്ഷേ എപ്പോഴോ അറിയാതെ ഞാൻ അവളെ പ്രണയിച്ചു പോയി, പറയാൻ ഭയം ആയിരുന്നു ഇപ്പോഴും അത് അങ്ങനെ തന്നാണ്. പക്ഷേ ഇപ്പോഴത്തെ ഈ പെരുമാറ്റത്തിൽ എന്തൊക്കെയോ നേടിയന്നൊരു തോന്നൽ.
“”ഏട്ടാ ല്ലാ… ശ്രീഹരി ഞാൻ നിന്നോട് കുളിക്കാൻ പറഞ്ഞത് നീ കേട്ടില്ലേ , നീ വേഗം പോയി കുക്കാൻനോക്ക്“”
ആര്യേച്ചി എനിക്ക് പരിജയം ഉള്ള ഗൗരവ ഭാവം മുഖത്തു വരുത്തി. ഒരു മാറ്റവും ഇല്ല ഇത് ആര്യ മഹാദേവ് തന്നെ ഞാൻ പിറുപിറുത്തു.
“ഹമ് എന്താ!…ഇപ്പൊ കൊഴാപ്പം ഇല്ലല്ലോ, തല ചുറ്റുന്നുണ്ടോ? “” അവള്‍ തുടര്‍ന്നു
ഇല്ലാ ന്നു ഞാൻ തലയാട്ടി എങ്കിലും ഇപ്പോഴും ഞാൻ പൂർണ ബോധത്തിൽ വരുന്നേ ഉള്ളു
“”എന്നെ നീ പോയി കുളിക്കു. എനിക്ക് ദോശ ചുടണം, രാവിലെ കുളിക്കാതെ നന്നയ്കാതേം അടുക്കളയിൽ വന്നേക്കുന്നു അവൻ.””
“”ഞാൻ വേണമെങ്കിൽ “”
“”നീ വേണമെങ്കിൽ “”
“”അല്ല ദോശ ചുട്ട് തരാം “”
“”” നീ അങ്ങനെ ചുട്ടതാണല്ലോ അവിടെ ആ കരിഞ്ഞു കിടക്കുന്നത് “”
അവൾ എന്നോട് ചൂടായി ഞാൻ ആ ദോശ കരിഞ്ഞതോന്നും ശ്രെദ്ധിച്ചില്ലരുന്നു. അവൾ ഓടി ഗ്യാസിന്റെ തിരിതാഴ്ത്തി.
“”നീ പോയില്ലേ?””
“”സോപ്പ് അല്ല കുളിമുറി?””
“”സോപ്പും തോർത്തും എല്ലാം കുലുമുറിയി ഉണ്ട് കൈ നീട്ട് എണ്ണ തെരാം. “”
കൈ നീട്ടി എണ്ണ മേടിച്ചുഅപ്പോഴും എന്റെ പ്രധാന സംശയം ബാക്കി. കുളിമുറി എവിടെ?
“”എന്താ “” അവൾ വീണ്ടും ചോദിച്ചു
“”കുളിമുറി “”
“”നിന്‍റെ റൂമില്ലേ കുളിമുറി ഞാൻ കാണിച്ചു തെരണോ? “”
അടുത്ത ചോദ്യം എന്റെ റൂം എവിടെ എന്നാരുന്നു പക്ഷെ പെട്ടെന്ന് ചിന്തിച്ചപ്പോൾ എന്റെ റൂം ഞാൻ കിടന്ന റൂം ആയിരിക്കും എന്ന് തോന്നി.
ഒന്നും പറയാതെ റൂമിൽ കയറി, അവിടെ കണ്ണാടി ഉള്ള ഒരു ഡോർ കണ്ടു, അപ്പൊ അതാണ് കുളിമുറി ആ കണ്ണാടിയിൽ എന്റെ കോലം കണ്ടു ഞാൻ തന്നെ അന്തം വിട്ടു. വെളുത്തു തുടുത്തു ഒരു ഹീറോയെ പോലെ നിന്ന ഞാൻ ഏതോ ഭീഗര ജീവി പോലെ ആയി. മനസിൽ പെട്ടെന്ന് ഒരു രൂപം ചങ്ങലയിൽ കിടക്കുന്ന സീൻ പാഞ്ഞുപോയി. ഞാൻ ആകെ പേടിച്ചു.
ഇത്രയും താടിയും മീശയും എനിക്ക് വളരുമോ? പണ്ട് ആര്യേച്ചിയെ ഇമ്പ്രെസ്സ് ചെയ്യിക്കാൻ ആയി അൽപ്പം മീശ വന്നെങ്കിൽ എന്ന് ആശിച്ചിട്ടുണ്ട് പക്ഷെ ഈ കോലം സഹിക്കാൻ പറ്റണതിലും അപ്പുറത്തായി. അവിടെ ഇരുന്ന ഡ്രിംമ്മർ എടുത്തു മുടി കുറച്ചു താടിയും മീശയും പൂർണമായും ഒഴിവാക്കി. കുളിച്ചു ഇറങ്ങി. അലമാര തുറന്നു നോക്കിയപ്പോൾ ആര്യയുടെ സാരിയും ചുരിതാറും കൊണ്ട് നിറഞ്ഞിരിക്കുന്നു അടുത്ത കതക് തുറന്നപ്പോ കറുത്ത രണ്ട്‌ ജോഡി ഉടുപ്പും പാൻസും പിന്നെ ഉള്ളത് രണ്ടു മൂന്ന് ജോഡി ഫോർമൽ ഡ്രെസ്. കറുപ്പൊക്കെ കോളജിൽ ഇല്ലാത്ത മാസ് കാണിക്കാൻ അല്ലേ കൊള്ളൂ. പിന്നെ പൊട്ടിക്കാത്ത ഒരു ജോഡി ഷർട്ടും പാന്റ്സും കണ്ടപ്പോൾ തന്നെ ഒന്നും ആലോചിക്കാതെ എടുത്തിട്ടു. എനിക്ക് എന്റെ പഴയ ശ്രീ ഹരിയുടെ രൂപം തിരിച്ചു വന്നപോലെ തോന്നി. കുളി കഴിഞ്ഞപ്പോൾ വല്ലാത്ത ഒരാശ്വാസം നേരത്തെ അടുക്കളയിൽ നടന്നതൊക്കെയും ഓർമയിൽ മങ്ങാൻ തുടങ്ങി, അല്ലേലും അർത്ഥബോധാവസ്തയിൽ ഉള്ളത് ഒരുപാട് നേരം ഓർത്തിക്കില്ലല്ലോ.
ഞാൻ പിന്നെ നേരെ അടുക്കളയിലേക്ക് നടന്നു. എന്നെ കണ്ട പാടേ ആര്യേച്ചി വന്നു കെട്ടിപിടിച്ചു. എനിക്ക് ഒന്നും മനസിലായില്ല എങ്കിലും ഞാൻ വൃത്തിആയതിനുള്ള സന്തോഷം ആകും എന്ന് തോന്നി.
അപ്പോഴേക്കും അപ്പുറത്തെ മുറിയിൽ ഒരു കുഞ്ഞു കരഞ്ഞു, ഞാൻ ഒന്ന് ഞെട്ടി ചേച്ചി ഓടി അവിടേക്ക് പോയി. അപ്പൊ ഇവളുടെ കല്യാണം കഴിഞ്ഞോ? ഇതൊകെ എപ്പോ ! എനിക്ക് അത് ഒരു ഷോക്ക് ആയി, എനിക്ക് സ്ഥിരം ബോധം പോകുന്ന പോലെ ഇപ്പോഴും പോകും എന്ന് തോന്നി. എങ്കിലും ഇപ്രാവശ്യം ഞാൻ പിടിച്ചു നിന്നു.
എനിക്ക് അങ്ങനെ ആണ് ഒരുപാട് ഞെട്ടിക്കുന്ന അല്ലേ വേദനിപ്പിക്കുന്ന എന്തേലും കണ്ടാൽ ബോധം പൊകും. വളരെ പരിശ്രമിച്ചാണ് ഇപ്പൊ ഈ ബോധം മറയാതെ ഞാൻ പിടിച്ചു നിർത്തുന്നത്. അവളുടെ കല്യാണം കഴിഞ്ഞു , കുടുബം ആയി എന്നൊക്കെ ഞാൻ ഓർത്തിരിക്കണം എന്ന് മനസിന് നിർബന്ധം കാണും. അല്ലങ്കിൽ സാധാരണ ഞാൻ ബോധം കെട്ടാൽ അതിന് തൊട്ട് മുൻപും പിൻപും നടന്ന കാര്യങ്ങൾ ഞാൻ മറന്നുപോകും. ചെറുപ്പത്തിൽ എപ്പഴോ തുടങ്ങിയ അസുഖം ആണ്.
അവൾ കൊച്ചിനെ എടുത്തുകൊണ്ട് എന്റെ അടുത്തേക്ക് വന്നു, എനിക്ക് എന്ത് പറയണം എന്ന് അറിയില്ലരുന്നു. കുഞ്ഞിനെ കണ്ടപ്പോൾ തന്നെ അത് ആര്യേച്ചിയുടെ മുറിച്ചു മുറി ആണ്. ഞാൻ അറിയാതെ ചോദിച്ചു പോയി.
