ഞാൻ വാട്സ്ആപ്പ് എടുത്തു. ലാസ്റ്റ് ചാറ്റ് തന്നെ അവളുടെ ഭർത്താവുമായി ആയിരുന്നു. അതിൽ ഓപ്ഷൻസിൽ പോയി അൺബ്ലോക്ക് എടുത്തു ക്ലിക്ക് ചെയ്യുന്നതിന് മുൻപ് അവളുടെ നേരെ നോക്കി. എന്റെ കൈയിൽ അവളുടെ നഖങ്ങൾ അമർനത് അവളുടെ ടെൻഷൻ കാണിച്ചെങ്കിലും കണ്ണുകൊണ്ട് എനിക്കവൾ പെർമിഷൻ നൽകി. പത്തു പതിനഞ്ചോളം മെസേജ് ഡിലീറ്റഡ് എന്നു വന്നതിനു ശേഷം ഒരു മെസ്സേജ് മാത്രം ഡെലീറ്റഡ് അല്ലാതെ കിടന്നിരുന്നു.
“സ്റ്റിൽ ഐ വാണ്ട്‌ യു വിത്ത്‌ മി.”
പെട്ടെന്ന് അവൾ എന്റെ കൈയിൽ നിന്നും ഫോൺ വാങ്ങി വീണ്ടും ആ നമ്പർ ബ്ലോക്ക്‌ ചെയ്തു.
“ഡാ എന്തോ, എനിക്കിപ്പോളും പറ്റുന്നില്ലെടാ.”
ഞാൻ മറുപടി പറയാതെ അവളെ നോക്കി.
“ഞാൻ പറ്റില്ലാന്ന് പറഞ്ഞില്ലല്ലോ. എനിക്കിത്തിരി സമയം തരുമോ?”
“ശരി. പക്ഷെ നമുക്ക് അയാളെ വിളിച്ചാലോ.”
“എനിക്ക് സംസാരിക്കാൻ വയ്യ.”
“ഞാൻ സംസാരിച്ച് നോക്കിക്കോട്ടെ?”
“ഇന്ന് വേണ്ടെടാ. ഞാൻ പറയാം ”
“ഒക്കെ ഞാൻ നീ പറയുന്നത് വരെ വെയിറ്റ് ചെയ്യാം ”
“ഡീ പിന്നേ ഇതുവരെ മഴ പെയ്തില്ല. നിന്നെ കാണാതെ അച്ഛൻ അന്വേഷിക്കോ? ”
“അച്ഛനോട് ഞാൻ വിളിച്ചു പറഞ്ഞിരുന്നു. എന്നാലും പാവം ടെൻഷൻ അടിക്കും. നമുക്ക് പോയാലോ. ”
അല്പം കഴിഞ്ഞ് ഞങ്ങൾ റെഡി ആയിറങ്ങി. പോകുന്ന വഴിക്ക് കാലിക്കറ്റ് പാരഗണിൽ കയറി മസാലദോശയും കഴിച്ചു. ഒരു മണിക്കൂർ യാത്ര ഉണ്ടായിരുന്നു. ആദ്യ പത്തു മിനിറ്റ് ഞങ്ങൾ നിശ്ശബ്ദരായിരുന്നു. ഞാൻ തന്നെ ഒടുവിൽ സംസാരിച്ചു തുടങ്ങി.
“എന്താടി വല്ലാതെ ആലോചിച്ചു കൂട്ടുന്നെ. ”
“ഏയ്‌ ഒന്നുല്ല ഡാ ”
“ഞാൻ ഒരു കാര്യം പറയട്ടെ ”
അവൾ ചോദ്യഭാവത്തോടെ എന്നെ നോക്കി.
“നിന്റെ അച്ഛൻ എന്നും രാവിലെ നിന്നെ കൊണ്ടുവിട്ടു കഴിഞ്ഞു ജോലിക്ക് പോകണം. അതുകഴിഞ്ഞു നിന്നെ പിക്ക് ചെയാൻ വരണം. അതിലും നല്ലതല്ലേ ദുബായിൽ താമസിക്കുന്നത്. എന്റെ കൂടെ താമസിച്ചു കൂടെ നിനക്ക്. അച്ഛനോടൊക്കെ ചോദിച്ചു കഴിഞ്ഞു മതി. “
“എടാ എന്റെ അച്ഛൻ ഒരു ഓത്തഡോൿസ് ചിന്താഗതി ആണ്. ഒരു പുരുഷന്റെ കൂടെ താമസം സമ്മതിക്കാൻ ചാൻസില്ല. ഞാൻ ഇപ്പോൾ അച്ഛന്റെ കൂടെ താമസം തുടങ്ങിയപ്പോൾ അച്ഛൻ റൂമിൽ ഉണ്ടായിരുന്ന ഫ്രണ്ടിനെ വേറെ മാറ്റിയതാ. ഇനി ഞാൻ മാറിയാൽ അച്ഛൻ തനിച്ചാവും.”
“ഓക്കേ. ഞാൻ പറഞ്ഞെന്നെ ഒള്ളു. എനിവേ നിനക്ക് എപ്പോ വേണേലും വരാം എന്റെ വീട്ടിൽ ”
“ഓക്കേഡാ ഞാൻ എന്തായാലും അച്ഛനൊട് സംസാരിച്ചു നോക്കാം. ബട്ട് നോ ഹോപ്‌.”
അപ്പോളെക്കും അവളുടെ വീട്ടിലേക്കുള്ള സർവീസ് റോഡ് എത്തിയിരുന്നു. ഒട്ടും ആളില്ലാത്ത ഒരു മരത്തിന്റെ കീഴെ എത്തിയപ്പോൾ അവൾ വണ്ടി ഒതുക്കാൻ പറഞ്ഞു. വണ്ടി നിറുത്തി പാർക്കിങ് ബ്രേക്ക്‌ ഇട്ടപ്പോളെക്കും സീറ്റബെൽറ്റ് ഊരി അവളുടെ മുഖം എന്റെ നേരെ എത്തിയിരുന്നു. എന്താണ് നടക്കുന്നതെന്ന് മനസിലാക്കുന്നതിനും മുൻപ് അവളുടെ ചുണ്ടുകൾ എന്റെ ഇരു ചുണ്ടുകളെയും വിഴുങ്ങിയിരുന്നു. ശ്വാസം എടുക്കാൻ ഒരു നിമിഷം അകന്ന ആ ചുണ്ടുകൾ അതിതീവ്രാനുരാഗത്തിൽ വീണ്ടും എന്റെ ചുണ്ടിൽ ഏതാനും നിമിഷം അമർന്നു.
“ഐ വിൽ ഡിഫെനിറ്റ്ലി മിസ്സ്‌ യൂ ബാഡ്‌ലി. തെറ്റാണെന്നറിയാം. ബട്ട് പറയാതെ പറ്റുന്നില്ലടാ”
ഞാൻ നോക്കിയപ്പോൾ അവളുടെ കണ്ണുകൾ നിറഞ്ഞു ഇപ്പോൾ തുളുമ്പും എന്ന അവസ്ഥയിലാണ്.
“കണ്ണ് തുടക്കെടി ആരേലും വരും. ”
ഒടുവിൽ ഞാൻ തന്നെ ആ കണ്ണുകൾ തുടച്ചു.
“ഡീ ഇതാണോ വീട്. ”
“അല്ലെടാ നേരെ പോണം. ഇനി പറ്റില്ലാലോ അതാ നിറുത്തിച്ചേ. ”
ഒരു നിമിഷം കഴിഞ്ഞു അവൾ തുടർന്നു.
“കല്യാണം കഴിഞ്ഞു എട്ടു മാസമായി എനിക്ക് കിട്ടാത്ത സന്തോഷം എനിക്കിന്ന് കിട്ടി. എന്താടാ നിനക്ക് പകരം തരാ ഞാൻ. ”
“മിണ്ടാതെ അവിടിരുന്നു വഴി പറയെടി.”
“മിണ്ടാതെ എങ്ങനാ വഴി പറയാ പൊട്ടാ. അയ്യോ ദി വഴി രണ്ടാമത്തെ വീട്. ”
അവിടെ തന്നെ റിവേഴ്സ് കയറ്റി പാർക്ക് ചെയ്തു.
“ഇറങ്ങിപ്പൊടി. ”
“അപ്പോൾ ചേട്ടൻ വരുന്നില്ലേ.”
“ചേട്ടനോ. ഇത്ര നേരം എന്താ വിളിച്ചേ.”
“ഇനി പറ്റില്ല അച്ഛനൊക്കെ കാണും. സൊ നമ്മൾ മാത്രമുള്ളപ്പോൾ എനിക്കിഷ്ടമുള്ളതൊക്കെ വിളിക്കും.”
“ഓക്കേ ഇറങ്ങു. ഞാൻ വരുന്നില്ല.”
“അത് പറ്റില്ല വന്നേ പറ്റു.”
ഒടുവിൽ ഞാനും ചെന്നു.
ബ്രാഹ്മണരുടെ കൈപുണ്യം തെളിയിക്കുന്ന ചായ കുടിച്ചു ഞാൻ തിരിച്ചിറങ്ങി. പോരാൻ നേരം മകളെ നോക്കിയതിന് എന്റെ രണ്ടുകയ്യും ചേർത്ത് പിടിച്ചു പറഞ്ഞ നന്ദി എന്റെ കണ്ണു നിറക്കുമെന്നു തോന്നിച്ചപ്പോളേക്കും അവിടെ നിന്നും രക്ഷപെട്ടു.
നേരെ ഫ്രെണ്ട്സിന്റെ അടുത്ത് പോയി അവരുടെ അടുത്ത് ചെല്ലാത്തതിന്റെ പരിഭവം തീർത്തു. എന്തെടുക്കുന്നെന്നറിയാൻ അവളെ വിളിച്ചപ്പോൾ അവൾ എടുത്തില്ല. പിന്നെ ഫ്രെണ്ട്സിന്റെ കൂടെ റമ്മി കളിക്കുമ്പോ തിരിച്ചു വിളിച്ചെങ്കിലും അധികം സംസാരിക്കാനുമായില്ല. ഒടുവിൽ രാത്രി ഫോണിലൂടെ കൈമാറിയ ഉമ്മകളിലൂടെ ആ ദിവസം അവസാനിച്ചു.
പിറ്റേന്ന് ജോലി ഉണ്ടായിരുന്നു. ഓഫിസിൽ പഴയ പോലെ പെരുമാറണം എന്നുള്ളത് കൊണ്ട് അധികം സംസാരിക്കാൻ നിന്നില്ല. പക്ഷെ ഇടക്കവൾ എന്റെ ടേബിളിന് മുൻപിലൂടെ പോകുന്നെന്ന ഭാവത്തിൽ പാതികടിച്ച ചോക്ലേറ്റ് എനിക്കായി നീക്കിവച്ചു.
പിറ്റേന്നു ഞാൻ സൈറ്റിലായിരുന്നു. പുതിയ പ്രോഡക്റ്റ്റിന്റെ ഡിസൈൻ ക്ലയന്റിന് ഇൻട്രൊഡ്യൂസ് ചെയ്യണം. വലിയ പണി ഇല്ലാതിരുന്നത് കൊണ്ട് ആര്യ ഇടക്കിടക്ക് വിളിച്ചു ശല്യപെടുത്തികൊണ്ടിരുന്നു. വൈകിട്ട് അവളെ വന്നു കാണാം എന്ന വ്യവസ്ഥയിൽ ഒരുവിധം സമാധാനിപ്പിച്ചു അത് അവസാനിപ്പിച്ചു.
വൈകിട്ട് മൂന്നരയ്ക്ക് എങ്ങനെയൊക്കെയോ അവസാനിപ്പിച്ചു അവളുടെ അടുത്തേക്ക് പായുക ആയിരുന്നു ഞാൻ. ഇടക്ക് നാല് ബിയറും വാങ്ങി വച്ചിരുന്നു വണ്ടിയുടെ കൂളറിൽ. ഓൺ ദ വെ അവളോട് നേരത്തെ ഇറങ്ങാൻ പറഞ്ഞിരുന്നു. അവൾ നാലുമണിക്ക് തന്നെ ഇറങ്ങി ഓഫിസിൽ നിന്നും കുറച്ചു ദൂരെ വന്നു എനിക്ക് വേണ്ടി വെയിറ്റ് ചെയ്തു. എന്നെ കണ്ടതും വണ്ടിയിൽ കയറിയ അവൾ എന്റെ കൈ എടുത്തു പിറകിൽ ചുംബിച്ചു.
“എന്താ മോളെ പ്ലാൻ രണ്ട് മണിക്കൂറോളം ഇല്ലേ ഡാഡി വരാൻ?”
“നിന്റെ വീട്ടിൽ പോവാടാ.”
“ഏയ്‌ അവിടെ എത്താൻ ഒരു മണിക്കൂറിലും മുകളിൽ ടൈം വേണം വേറെ ഓപ്‌ഷൻസ് പറയ്.”
“എന്നെ വീട്ടിൽ കൊണ്ട് വിടാമോ ”
ഞാനും ഹാപ്പി ആയിരുന്നു അതിൽ എങ്കിലും അവളെ പിരി കയറ്റാൻ ഞാൻ ചുമ്മാ പറഞ്ഞു,
“എന്നെക്കൊണ്ടൊന്നും വയ്യ . നിന്നെ ഫാദർ പട്ടരോട് പറഞ്ഞ മതി വന്നു കൊണ്ടോവാൻ.”
“അയ്യടാ എന്റെ അച്ഛൻ നിന്നെ പോലെ അല്ല. പറയാതെ തന്നെ വരും. അല്ലേലും ഈ പുരുഷൻമാരൊക്കെ കണക്കാ.”
അവളുടെ കവിളൊക്കെ ദേഷ്യം കൊണ്ട് വീർത്തുതുടിച്ചു.
“ഡീ ഇപ്പോൾ നിന്നെ കാണാൻ നല്ല രസം. പിടിച്ചു ഉമ്മ വയ്ക്കാൻ തോന്നുന്നു. ”
