“അങ്ങനെ എന്നെ ആരും നോക്കണ്ടാ. ”
“നീ അച്ഛനോട് വിളിച്ചു പറഞ്ഞോ വരേണ്ടെന്ന്.”
“അതൊക്കെ മുൻപേ പറഞ്ഞു മോനെ. എനിക്കറിഞ്ഞൂടെ നീ കൊണ്ടുവിടുമെന്നു.”
“എപ്പോ വിടണം നിന്നെ?”
“എപ്പോളായാലും മതിടാ പത്ത് മണിക്ക് മുൻപ് വേണം എന്നെ ഒള്ളു. അതാ പറഞ്ഞെ വീട്ടിൽ പോകാമെന്നു. എനിക്കാണേൽ രണ്ടെണ്ണം അടിക്കാം നിനക്ക് വണ്ടി ഓടിക്കണ്ടേ?.”
“അതിനു റൂമിൽ കള്ളുണ്ടെന്നു ആരു പറഞ്ഞു”
“ഇല്ലേ? ദുഷ്ടൻ. പിന്നെന്തിനാ നിന്നോട് വരാൻ പറഞ്ഞെ. ഈ ചപ്പടാ മോന്ത കാണാനോ?”
“അത് നിന്റെ മറ്റവന്.”
“അത് തന്നെയാ പറഞ്ഞെ. മോൻ വണ്ടി എടുക്ക് ആരേലും കണ്ടാ അത് മതി.”
ഞാൻ വണ്ടി പതുക്കെ മെയിൻ റോഡിലിറക്കി. കൂളർ തുറന്നു അവളെ കാണിച്ചു. വെപ്രാളം കാണിച്ചു അതെടുക്കാൻ നോക്കി അവളെങ്കിലും ഞാൻ വീണ്ടും അതടച്ചു.
“ജ്യുസ് നിനക്ക് ബിയർ എനിക്ക്.”
“അതങ്ങ് പള്ളിൽ പോയി പറഞ്ഞ മതി.”
“ഓ എങ്ങോട്ടാ പോണ്ടേ എന്നു പറയ് സിനിമ നോക്കിയാലോ.”
“വേണ്ടെടാ. അധികതിരക്കില്ലാത്ത നമുക്ക് സംസാരിക്കാൻ പറ്റിയ സ്ഥലം ഏതാ?”
“ഒക്കെ എഗ്രിഡ്. അൽ കുദ്ര ലേക്.”
എന്റെ വണ്ടി വേഗം ആർജ്ജിച്ചു. ഇരുപത് മിനിറ്റ് കൊണ്ട് കുദ്ര ലേക്കിൽ എത്തി. അധികം തിരക്കില്ലാത്തൊരു സ്ഥലമാണ് കുദ്ര ലേക്ക്. മരുഭൂമിക്ക് നടുവിൽ ഏതാനും തടാകങ്ങളുടെ കൂട്ടം.
വണ്ടി അധികം ആരും വരാത്ത മണലിൽ കയറ്റി ഇട്ടു ബിയർ അടിച്ചു ഞങ്ങൾ പുറത്തിറങ്ങി.
അധികം തിരക്ക് ഉണ്ടായിരുന്നില്ല. അതിനാൽ തന്നെ ഇണക്കുരുവികളെ പോലെ പലപ്പോഴും ചുണ്ടുകൾ ഉരുമ്മിയും തല്ല് കൂടിയും ഒക്കെ ആണ് ഞങ്ങൾ നടന്നത്
ഇടക്ക് ഒരു ചെറിയ കുറ്റികാടിനു മറുവശം പരിപൂർണ സ്വകാര്യത ഞങ്ങളുടെ ചുംബനത്തെ ചുണ്ടുകൾ തമ്മിൽ സ്പര്ശിക്കുന്നിടത്ത് നിന്നും മുന്നേറി. അവളുടെ നാവും എന്റെ നാവും തമ്മിൽ കെട്ടുപിണഞ്ഞു പരിചയം പുതുക്കിയപ്പോൾ ഒരുവേള അവളുടെ മൃദുകൈകൾ എന്റെ ജീൻസിന്റെ സിബഴിച്ചു ഉള്ളിലേക്ക് കടന്നെങ്കിലും ഞാൻ വിലക്കി. അധികസമയം ചിലവഴിക്കാൻ പറ്റാത്ത ഏരിയ ആയതിനാൽ നന്നായി ഇരുട്ടിയപ്പോൾ അവളെയും കൊണ്ട് തിരിച്ചിറങ്ങി പോകുന്ന വഴിയിൽ ഭക്ഷണവും കഴിച്ചു അവളെ വീട്ടിലെത്തിച്ചു.
……..
അവളില്ലാത്ത വൈകുന്നേരങ്ങൾ വിരസമായികൊണ്ടിരുന്നു. അവളെന്നെ വെറും രണ്ട് ദിവസം കൊണ്ട് എത്ര സ്വാധീനിച്ചു എന്നു മനസിലായ സമയങ്ങൾ. പക്ഷെ ഏതുസമയവും ഫോണിൽ ഉള്ള സംസാരം ഒരുവിധം എന്റെ ബോറടി മാറ്റി. പക്ഷെ പിന്നീട് വന്ന ഞായറാഴ്ച രാവിലെ തന്നെ അവൾ വിളിച്ചു.
“ഡാ മടിയാ”
“എന്തെടി കൊരങ്ങത്തീ”
“എണീറ്റോ”
“മം മൊബൈൽ നോക്കി കിടക്കുന്നു.”
“എന്നാലേ വേഗം റെഡി ആവു. ഇന്ന് ഏഴരക്ക് നമ്മൾ മീറ്റ് ചെയാറുള്ള പാർക്കിങ്ങിൽ എത്തണം.”
“എന്നെക്കൊണ്ടൊന്നും വയ്യ.”
“കളിക്കാതെ എനിക്ക് മോൻ.”
എന്തായാലും ഞാൻ ഏഴരക്ക് അവിടെ എത്തി. അവൾ അച്ഛനോടൊത്ത് വെയിറ്റ് ചെയ്യുന്നുണ്ടായിരുന്നു. എന്നെ കണ്ടതും രണ്ട് വലിയ ട്രോളി ബാഗ് അവൾ എന്റെ വണ്ടിക്ക് നേരെ ഉരുട്ടി.
“ഇന്നാ മോനെ. നീ ഇതും കൊണ്ട് വിട്ടോ. വൈകിട്ട് ആറുമണിക്ക് ഇതേ സ്ഥലം. എന്നെ പിക്ക് ചെയ്യാൻ. ഓക്കേ?”
അവളുടെ അച്ഛൻ അടുത്ത് വന്നു പറഞ്ഞു.
“മോനു കുഴപ്പമില്ല എന്നു അവൾ പറഞ്ഞതോണ്ടാ. എനിക്കാകെ അവളെ ഒള്ളു. ഇനി അവളെ അവൾക്കിഷ്ടമുള്ളതുപോലെ വിടാനേ എനിക്ക് പറ്റൂ. ഇവൾ കൂടി ഇല്ലാതായ ഞാൻ എന്തിനാ ജീവിക്കുന്നെ. പിന്നെ മോൻ പിക്ക് ചെയാനൊന്നും വരണ്ട. അവൾ ടാക്സി എങ്ങാനും പിടിക്കട്ടെ.”
“അച്ഛൻ അതൊന്നും അന്വേഷിക്കണ്ടാ. അവളുടെ കാര്യമൊക്കെ ഒരു പ്രശ്നവുമില്ലാതെ നടക്കും. അച്ഛൻ ധൈര്യമായി പൊയ്ക്കോ”
അവൾ അച്ഛനോട് യാത്ര പറഞ്ഞു പോകുന്നത് ഒരു നിമിഷം നോക്കി നിന്ന ശേഷം ഞാനും സൈറ്റിലേക്ക് തിരിച്ചു. ഇന്ന് അവസാനദിവസം ആണ് എനിക്ക് സൈറ്റിൽ. നാളെ മുതൽ ഓഫീസിലാകും.
….
വൈകിട്ട് അവളെയും കൊണ്ട് പോകുമ്പോൾ അവൾ മൗനമായിരുന്നു. എന്തോ ഗഹനമായ ചിന്ത. ഞാനും ശല്യപെടുത്തിയില്ല. പക്ഷെ പതിവിൽ നിന്നും വ്യത്യസ്തമായി അവൾ ഡോർ ലോക്ക് ചെയ്തിട്ടാണ് കുളിച്ചതും ഡ്രെസ് മാറിയതും. ബോഡി ഷേപ് അറിയിക്കുന്ന ത്രീ ഫോർത്തും ടീ ഷർട്ടും ഇട്ടെങ്കിലും അവൾ ഇന്നർവെയേഴ്സ് ഇട്ടിട്ടുണ്ടെന്നും വ്യക്തമായിരുന്നു. ആലോചിച്ചപ്പോൾ ഓഫിസിലെ സല എന്ന ഈജിപ്ഷ്യൻ പെണ്ണുമായി സംസാരിച്ചു നിന്നത് മാത്രമേ കാരണമായി തോന്നിയുള്ളൂ.
“എന്തുപറ്റി ഇത്ര മൂഡോഫ് “?
“ആരു ഞാനോ? ഏയ്. ഞാൻ ഹാപ്പിയാടാ.”
“നീ എന്നോട് നുണ പറയല്ലേ. ഇനി ഞാൻ സലയോട് സംസാരിച്ചതാണോ?”
പക്ഷെ ഒരു ഭാവമാറ്റവുമില്ലാതെ അവൾ ഒരു പുഞ്ചിരി മുഖത്ത് വരുത്തി പറഞ്ഞു
“നീ സംസാരിച്ചോടാ എനിക്ക് എന്തിനു അതിനു വിഷമം വരണം? ”
“എന്നാ നീ കാര്യം പറയ് പെണ്ണെ”
“ഒന്നുല്ല മോനെ . അയ്യോ അച്ഛനെ വിളിക്കാൻ മറന്നൂടാ. ഇപ്പോൾ വരാമേ”
അവളാ സംസാരം നിറുത്താൻ വേണ്ടി പറഞ്ഞതാണെന്ന് എനിക്ക് മനസിലായി. ഇനി ഞാനായി ഒന്നും ചോദിക്കില്ലെന്നു ഞാനും തീരുമാനിച്ചു.
അവൾ വരുമ്പോളേക്കും ഞാൻ ഫുഡ് വിളിച്ചു പറഞ്ഞു രണ്ട് ഗ്ലാസ്സും കുപ്പിയുമെടുത്ത് ഹാളിൽ റെഡി ആയിരുന്നു.
“എനിക്ക് വേണ്ടെടാ.”
“എന്താ നിന്റെ പ്രശ്നം?”
എനിക്ക് ചോദിക്കാതിരിക്കാനായില്ല. ഞാൻ സീരിയസ് ആണെന്ന് കണ്ട അവൾ അന്ന് ആദ്യമായി എന്റെ അടുത്ത് വന്നിരുന്നു എന്റെ ഷോള്ഡറില് കാഷ്വൽ ആയി കൈ വച്ച് പറഞ്ഞു.
“ഡാ അയാം ആൾറൈറ്റ്. നിന്നെ പോലെ എന്നും കുടിച്ചു കൂമ്പ് വാട്ടാൻ എന്നെ കിട്ടില്ല.”
ആ സംസാരത്തിലെ ആൽമാർത്ഥത ഇല്ലായ്മ എനിക്ക് മനസിലായെങ്കിലും കൂടുതൽ ഒന്നും ചോദിക്കാൻ ഞാൻ നിന്നില്ല.
രണ്ട് പെഗ്ഗടിച്ചപ്പോളേക്കും ചപ്പാത്തിയും കുറുമ കറിയും വന്നു. അത് കഴിച്ചു അൽപനേരം ടീവിക്ക് മുൻപിൽ ഇരുന്നെങ്കിലും രണ്ടുപേരുടെയും ശ്രദ്ധ അതിലില്ലായിരുന്നു. എനിക്ക് മടുത്തു.
“ഡീ ഞാൻ കിടക്കാൻ പോകാണ്. നീ എപ്പളാ വരണേ. ”
“ഞാൻ ഹാളിൽ കിടന്നോളാം”
“നീ ഈ വിട്ടിൽ താമസിക്കുന്നെങ്കിൽ ആണ് ബെഡിൽ കിടക്കണം. ഞാൻ നിന്നെ കടിച്ചു തിന്നാനൊന്നും പോകുന്നില്ല. കൂടുതലൊന്നും എനിക്ക് പറയാനില്ല.”
ഞാൻ കിടന്നു അഞ്ചു മിനിറ്റ് കഴിഞ്ഞു അവൾ കട്ടിലിന്റെ അരികിൽ എന്നോട് സ്പർശിക്കാതിരിക്കാൻ ശ്രമിച്ചു കിടന്നു. അവളെ എന്നോട് ചേർക്കാൻ വല്ലാത്ത ത്വര വന്നെങ്കിലും വളരെ പണിപ്പെട്ട് ഞാൻ അതടക്കി. രണ്ട് പേരും ഉറക്കം കിട്ടാതെ അപരിചിതരെപോലെ ഒരു ബെഡിൽ കുറെ നേരം കിടന്നു. അവസാനം ഞാൻ തന്നെ ചോദിച്ചു.
“ഉറക്കം വരുന്നില്ലേ?”
“ഡാ “
അല്പസമയം നിശ്ശബ്ദനായിരുന്നതിന് അവൾ തുടർന്നു
“നമുക്ക് അയാളെ വിളിച്ചാലോ.”
“ആരെ ”
“എന്റെ ഭർത്താവിനെ. ”
എന്റെ നെഞ്ചിൽ ഒരു ഇടിതീ ആയിരുന്നു ആ മറുപടി. എങ്കിലും ഞാൻ അത് മറച്ചു വച്ച് അവളോട് ചോദിച്ചു