എന്റെ ഡോക്ടറൂട്ടി 12

Ente Docterootty Part 12 | Author : Arjun Dev | Previous Part

കോപ്പിചെയ്ത് അയച്ചപ്പോൾ ചെറിയൊരു എററ് പറ്റിയിരുന്നു… പതിനൊന്നാം പാർട്ടും പന്ത്രണ്ടാം പാർട്ടും അഡ്ജസ്റ്റ് ചെയ്തത് മാറിപ്പോയി…

കഥയുടെ കണ്ടിന്യൂഏഷൻ മാത്രം നോക്കുന്നവർ പതിനൊന്നു വായിച്ചിട്ടുണ്ടേൽ ഇതു വായിയ്ക്കണംന്നില്ല…

പ്രേസന്റ് സിറ്റുവേഷനൊക്കെ ഒന്നുകൂടി അറിയണമെന്നുള്ളവർക്ക് നോക്കാവുന്നതുമാണ്…

അബദ്ധം പറ്റിയതിൽ ക്ഷമിയ്ക്കുമല്ലോ.!

വെല്ലുവിളിപോലെ ആ ഹെവി ഡയലോഗുമടിച്ച് തിരിഞ്ഞുനടന്ന മീനാക്ഷിയെ നോക്കിനിന്നെങ്കിലും കണ്ണുകൾ നിറഞ്ഞിരുന്നതിനാലാവണം കാഴ്ച പലപ്പോഴും മങ്ങിപ്പോയത്…

കുറച്ചു നിമിഷങ്ങൾക്കു മുന്നേവരെ കൂടെയുണ്ടാകുമെന്നുകരുതിയ കീത്തുപോലും തല്ലുംതന്ന് ഒറ്റപ്പെടുത്തിയപ്പോൾ ഈ ഊരാക്കുടുക്കിൽ നിന്നും രക്ഷപ്പെടാനുള്ള സകലവഴികളും അടഞ്ഞെന്നു തോന്നിപ്പോയി…

…ശെരിയാ… എന്റെ പിടിപ്പുകേടുകൊണ്ടാണ് ഇതിവിടംവരെയെത്തീത്…

എന്നുകരുതി തോറ്റുകൊടുക്കാനൊന്നും സിദ്ധാർഥിനെ കിട്ടില്ല…

ഞാനാരാന്നവൾക്ക് കാണിച്ചുകൊടുക്കാം.!

പെട്ടെന്നാണെന്റെ ചെവിയിലൊരു നുള്ളുകിട്ടുന്നത്…

ഉടനടി ഞെട്ടിക്കൊണ്ട് ചാടിയെഴുന്നേറ്റ ഞാൻ:

“”…ആരടാ മൈരേ..!!”””_ ന്ന് ചീറിയതും ഒറ്റപൊട്ടിച്ചിരിയാണ് മറുപടിയായിവന്നത്…

കണ്ണുമിഴിച്ചു നോക്കുമ്പോൾ ഞാൻകാണുന്നത്, കൈത്തണ്ടയിൽ ഫോൾഡ്ചെയ്തിട്ട വൈറ്റ്കോട്ടും വലതുകൈയിൽ സ്റ്റെത്തുമായി നിൽക്കുന്ന മീനാക്ഷിയെയാണ്…

“”…ഏഹ്.! നീയോ..?? നെനക്കിതെന്തിന്റെ കഴപ്പാടീ പട്ടീ..??”””_ അപ്പോഴും കലിയടങ്ങാത്ത ഞാൻ കണ്ണുംതിരുമ്മി അവളെ തുറിച്ചുനോക്കീതും,

“”…ഈ ഉറങ്ങിക്കിടക്കുമ്പോൾ നുള്ളിയുണത്തുന്ന സുഖമെന്താണെന്ന് ഞാൻമാത്രമറിഞ്ഞാൽ മതിയോ..?? എന്റെ കുട്ടൂസ്സാറിനുമറിയാണ്ടായോ..??”””_ അവളുവീണ്ടും വാപൊത്തിനിന്ന് പൊട്ടിച്ചിരിച്ചു…

“”…ഹൊ.! ഒന്നങ്ങട് പകരംവീട്ടിയപ്പോളെന്താ സുഖം..!!”””_ കൂട്ടത്തിലവളൊന്നു പിറുപിറുക്കുവേം ചെയ്തു…

ശേഷം,

“”…എന്നാലുമെന്തൊരൊറക്കാടാ പട്ടീ..??
വല്ലവളുമാരും എടുത്തോണ്ടു പോയാപ്പോലും നീയറിയൂലല്ലോ..!!”””_ അവള് താടിയ്ക്കു കൈകൊടുത്തു…

“”…അങ്ങനെടുത്തിട്ടു പോയാൽ ഞാൻ കൂടെയങ്ങുപോവും..!!”””_ ഞാൻ കെറുവോടെപറഞ്ഞു…

“”…അയ്യടാ.! കൊണ്ടോവാൻ പറ്റിയൊരുസാധനം… ഇനി കൊണ്ടോയാത്തന്നെ പിറ്റേന്നു തിരിച്ചോണ്ടോന്ന് ഇവടെത്തന്നെ വെയ്ക്കും… അത്ര നല്ല സ്വഭാവമാണല്ലോ..!!”””_ അവള് വീണ്ടുമമർത്തി ചിരിച്ചു…

“”…ആം.! സ്വഭാവംകൊറച്ചു മോശമാ… സയിയ്ക്കാമ്പറ്റൂലേ പൊക്കോ..!!”””

“”…ശെരിയാ..! സ്വഭാവംകൊറച്ചു മോശവാ… എന്നുകരുതി സയ്ക്കാമ്പറ്റൂലാന്നു ഞാമ്പറഞ്ഞോ..??”””_ ഒരു കള്ളച്ചിരിയോടെ ചോദിച്ചശേഷം,

“”…ദേ… ചിറീല് ചാളുവായൊക്കെ ഇരിയ്ക്കണു..!!”””_ എന്നുപറഞ്ഞ് കൈകൊണ്ടവളെന്റെ മുഖമൊക്കെയൊന്നു തുടച്ചു…

“”…വാ… വീട്ടിപ്പോവാം… നാളെരാവിലെ പ്രാക്ടീസുള്ളതല്ലേ..??”””_ പറഞ്ഞശേഷം അവളെന്റെ കൈപിടിച്ചു പുറത്തേയ്ക്കുനടന്നു…

നടക്കുമ്പോഴും ഞാനവളെത്തന്നെ നോക്കുവായ്രുന്നു…

“”…നീയെന്തോത്തിനാ തുറിച്ചുനോക്കണേ..?? ഒറക്കങ്കളഞ്ഞേനാണോ..?? നാണോല്ലല്ലോ
വായിക്കൂടി ഈറേമൊലിപ്പിച്ചു കെടന്നൊറങ്ങാൻ… ആരേലുങ്കണ്ടാലേ മാനക്കേടെനിയ്ക്കാ..!!”””_ അവളു കപടദേഷ്യംനടിച്ചതും ഞാനവൾടെ കൈതട്ടിമാറ്റി…

“”…അങ്ങനെ മാനക്കേടാണെങ്കി എന്തോത്തിനാ കൂടെക്കൊണ്ടു നടക്കുന്നേ..??
വരുന്നില്ലെന്നു ഞാമ്പറഞ്ഞേല്ലേ… എന്നിട്ടും വിളിച്ചോണ്ടുവന്നിട്ട്
കൊറച്ചൊറങ്ങിപ്പോയതായോ കുറ്റം..??”””_ പറഞ്ഞതിനൊപ്പം അവൾടെ പുറത്തിട്ടൊരു തള്ളുകൂടിക്കൊടുത്ത് ഞാനൊറ്റ നടത്തമായ്രുന്നു…

എന്നാൽ കുറച്ചുനടന്നപ്പോഴേയ്ക്കും അവൾ പിന്നാലേയോടി വരുന്നത് ഞാനറിഞ്ഞു…

നിശബ്ദമായിരുന്ന കോറിഡോറിലവൾടെ
ഹീൽസിന്റെ ശബ്ദമരിച്ചിറങ്ങുന്നതിനൊപ്പം അവളെന്റെ ഇടതു കൈയ്ക്കുള്ളിലൂടെ കൈകോർത്തു
പിടിച്ചു കഴിഞ്ഞിരുന്നു…

“”…അതേ… കുട്ടൂസ് പെണങ്ങിയാണോ..??”””

“”…ആണെങ്കി..??”””

“”…ആണേലുമല്ലേലും എനിയ്‌ക്കൊന്നൂല്ല… പിന്നൊരു വഴിയ്ക്കുപോകുവല്ലേന്നു വെച്ച് ചോദിച്ചതാ..!!”””_ അവളൊന്നു ചിരിച്ചു…

ശേഷം;

“”…പിന്നൊന്നു നിയ്ക്കേ… ഞാനൊന്നു
റിസെപ്ഷനിക്കേറീട്ടും വരാം..!!”””_ പറഞ്ഞിട്ട് കൈവിടുവിച്ചു തിരിയാനൊരുങ്ങീതും
ഞാനാ കയ്യേൽ ചുറ്റിപിടിച്ചു;

“”…ഒറ്റയ്ക്കു പോണ്ട… ഞാനുമ്മരാം..!!”””_ നാണംകലർന്ന ചിരിയോടെപറഞ്ഞതും മീനാക്ഷിയുടെ മുഖത്തും ചിരിപരന്നു;

“”…ഹൊ.! എന്തു മനുഷ്യനാടാ നീയ്..?? ഈ നട്ടപാതിരായ്ക്കെങ്കിലും ഒന്നു
നന്നായിക്കൂടേടാ..??”””_ അവളാ ചിരി മായ്ക്കാതെ ചോദിച്ചപ്പോൾ,

“”…ഓ.!
ഇന്നിപ്പോളിത്രേന്നേരവായില്ലേ..?? ഇനീപ്പൊ നാളെനോക്കാം..!!”””_ ന്നും മറുപടിപറഞ്ഞ് ഞാനവളേം തള്ളി റിസപ്ഷനിലേയ്ക്കു കേറി…

“”…അതേ… വന്നപ്പൊ പറഞ്ഞപോലെ ഗുഡ് മോണിങൊന്നുമിനി പറഞ്ഞേക്കല്ലേ… എനിയ്ക്കിങ്ങനെ ആ പിള്ളേരുടെമുന്നിൽ
നാണങ്കെടാൻ വയ്യ..!!”””_ റിസെപ്ഷനിൽനിന്ന കുട്ടികൾ കേൾക്കാതവളെന്റെ
ചെവിയിൽ പറഞ്ഞപ്പോൾ ഞാനെല്ലാം തലകുലുക്കി സമ്മതിച്ചു…

“”…അനഘാ… ഇപ്പോൾ ഡെലിവറികഴിഞ്ഞ കുട്ടീടെ റിപ്പോർട്സ് ഞാൻ കൊടുത്തിട്ടുണ്ട്…
നാളെ ഡോക്ടർ രാകേഷ് വരുമ്പോളതു കൊടുക്കണം..!!”””_ മീനാക്ഷിപറയുന്നതു കേട്ടവൾ തലകുലുക്കി…

“”…ആം.! എന്നാ ഞങ്ങളിറങ്ങുവാ… പിന്നൊരുകാര്യം, നാളെമുതൽ കുറച്ചു ഡേയ്‌സ് ഞാൻ
ലീവായിരിയ്ക്കും… ഡോക്ടറോട് പറഞ്ഞിട്ടുണ്ട്… എന്നാലുമൊന്നൂകൂടി
സൂചിപ്പിച്ചേക്ക്..!!”””

“”…അതെന്താ ഡോക്ടർ ലീവ്..?? എന്തേലും…”””_ അനഘ ചോദിയ്ക്കാൻ തുടങ്ങിയത്
മീനാക്ഷിയുടെ സ്വഭാവമോർത്തിട്ടാവണം മുറിച്ചത്…

“”…ഹേയ്.! കൊഴപ്പോന്നുവില്ല… ഞങ്ങളൊന്നു നാട്ടിലേയ്ക്കു പോവുവാ..!!”””

“”…അപ്പൊപ്പിന്നെന്നാ ഇങ്ങോട്ടേയ്ക്ക്..??”””_ മീനാക്ഷിയുടെ മറുപടികേട്ടതും കൂടെനിന്ന ജ്യോതി ആകാംഷയോടെയാണ് ചോദിച്ചത്…

“”…അതൊക്കെ പെട്ടെന്നിങ്ങുപോരും… അത്രയ്ക്കും നല്ല കയ്യിലിരിപ്പാണല്ലോ ഇവിടെപലർക്കും..!!”””_ എന്നെ പാളിനോക്കിയതു പറയുമ്പോൾ അവളുമാര്
ചിരിയടക്കാൻ പാടുപെടുന്നുണ്ടായിരുന്നു…

“”…ഏയ്.! സിദ്ധു പാവാ..!!”””_ ജ്യോതിയെന്നെ നോക്കി പറഞ്ഞതും,

“”…ശെരിയാ.! ഇത്രേം ക്യൂട്ടും സപ്പോർട്ടീവുമായൊരു ഹസ്ബെന്റിനെ
കിട്ടിയേല് ഡോക്ടറ് ഭയങ്കരലക്കിയാട്ടോ… ചിലപ്പോഴൊക്കെ നിങ്ങളെക്കാണുമ്പോൾ കൊതിയാവും… ലൈഫ്‌ഫുള്ളായ് എൻജോയ്ചെയ്യുവല്ലേ..??”””_ അനഘയവളെ സപ്പോർട്ടുചെയ്തു…

കേട്ടതും മീനാക്ഷി തിരിഞ്ഞെന്നെയൊരു നോട്ടം… ശേഷമൊന്നു തലകുലുക്കിയിട്ട്;

“”…എന്നാ ശെരി… ഞങ്ങളിറങ്ങുവാ… അപ്പൊ വന്നേച്ചും കാണാം..!!”””_ അവളൊരിയ്ക്കൽ കൂടി
യാത്ര പറഞ്ഞിറങ്ങീതും ഞാനും തിരിഞ്ഞുനോക്കി തലകാണിച്ചു…