“”…ഉവ്വ.! ഇട്ടിരിയ്ക്കുന്ന നിക്കറൂരി വെയ്ക്കാണ്ടിരുന്നാ മതി..!!”””_ ഞാനാത്മഗതമ്പോലെ പറഞ്ഞതും അവളുമറിയാതെ ചിരിച്ചുപോയി…
“”…അന്നെന്നെയവൾക്ക് അനിയനെന്നു പറഞ്ഞു പരിചയപ്പെടുത്തീപ്പൊ എന്റെന്തായ്രുന്നു ഡയലോഗ്… ഇതൊക്കൊരു സ്പോർട്സ്മാൻ സ്പിരിറ്റിലെടുക്കണ്ടേ… അങ്ങന പറഞ്ഞേനാണോ മൊഖോം വീർപ്പിച്ചിരിയ്ക്കുന്നേ…. എന്നൊക്കെ പറഞ്ഞിട്ടിപ്പെന്തോ പറ്റി…
നൊന്തല്ലേ…??”””_ ഞാൻ ഡ്രൈവു ചെയ്യുന്നതിനിടയിൽ തലചെരിച്ചു ചോദിയ്ക്കുമ്പോൾ പുള്ളിക്കാരിയെന്നെയൊന്നു തുറിച്ചു നോക്കിയശേഷം ലെയ്സ്പാക്കറ്റ് കടിച്ചുപൊട്ടിച്ചു…
“”…ഞാനന്നു പറഞ്ഞേലേ അതു കാര്യോണ്ടാഞ്ഞിട്ടാ… നീയങ്ങനല്ലല്ലോ…. നീയെന്നെ കളിയാക്കുന്നേല്ലേ… പിന്നെ ഞാനങ്ങനെ വന്നു കേറിയേല് ഞാമ്മാത്രോന്നുവല്ലല്ലോ കാരണക്കാരി… നെനക്കുവൊണ്ട് പങ്ക്..!!”””
“”…ആടീ… ഞാനാ കാരണക്കാരൻ… ഞാന്നിന്റെ ഹോസ്പിറ്റലിക്കേറിയങ്ങനൊരു തന്തയില്ലായ്ക ചെയ്തു…. എന്നുകരുതി എല്ലാം നീയെന്റെ തോളത്തുകൊണ്ടേ ചാർത്തണ്ടാട്ടാ..!!”””
“”…കുട്ടൂസേ… നിർത്ത്… എനിയ്ക്കീ കോൺവെർസേഷൻ കൊണ്ടോവാൻ താല്പര്യമില്ല…. ഇതൊക്കെ നമ്മളന്നുതന്നെ പറഞ്ഞു കോമ്പർമെയ്സ് ചെയ്തതല്ലേ… പിന്നെന്തോത്തിനാ വെറുതെ… നീ വേറെന്തേലുമ്പറെ..!!”””_ അവൾ സീറ്റിലേയ്ക്കു ചമ്രമ്പടഞ്ഞിരുന്ന് എന്റെനേരേ തിരിഞ്ഞു…
“”…ഡീ കോപ്പേ… കാലുതാഴ്ത്തിയിട്…. സീറ്റിച്ചെളിയാവും… അല്ലേ ഷൂസെങ്കിലുമഴിച്ചിട്..!!”””_ അതു പറയുമ്പോളാണ് ഞാനവൾടെ വെള്ള ക്യാൻവാസ് മോഡൽ ഷൂസ് ശ്രെദ്ധിയ്ക്കുന്നത്…
ഉടനെ ഞാനതിലൊന്നു പിടിച്ചുനോക്കി…
“”…എന്തോത്തിനാ തൊട്ടുനോക്കണേ… ഇതുകാലാ… അല്ലാണ്ട് അമ്മിഞ്ഞയല്ല..!!”””
“”…ഒന്നു പോടീ…. ഞാനിതിമ്മേല് പീപ്പി കേക്കോന്നറിയാമ്മേണ്ടി പിടിച്ചുനോക്കീതാ..!!”””
“”…പോടാ നാറി…!!”””
“”…അല്ല… നെനക്കിപ്പൊ എങ്ങോട്ടേയ്ക്കാ പോണ്ടേ…??”””_ വണ്ടി മെയിൻജെങ്ഷനിൽ കൊണ്ടോയിനിർത്തി ഞാനവളോടു ചോദിച്ചു…
“”…നീയെങ്ങോട്ടേലും വിട്… ഏതേലും നല്ല ടെക്സ്റ്റെയിൽ ഷോപ്പു കാണുവാണേ നിർത്തിയാമതി…!!”””_ ലെയ്സ് കഴിഞ്ഞതും അവളാ പാക്കറ്റിനുള്ളിലേയ്ക്കു കൈകടത്തി അതിനുള്ളിലെ മസാല വിരലുകൊണ്ടെടുത്ത് വായിലേയ്ക്കു വെച്ചീമ്പാൻ തുടങ്ങി…
“”…ഒരു കട തൊടങ്ങാനുള്ള ലെയ്സുണ്ടല്ലോടീ കൂടെ… എന്നിട്ടുമെന്തോത്തിനായീ ദാരിദ്ര്യം കാണിയ്ക്കുന്നേ..!!”””
“”…അതിതിനാ കുട്ടൂസേ ടേസ്റ്റ്കൂടുതല്..!!”””_ അവള് വീണ്ടും തൊട്ടുനക്കി വിരല് വായിവെച്ചൂമ്പിക്കൊണ്ട് പറഞ്ഞു…
“”…ഉവ്വ… പൊറമേകണ്ടാൽ എന്താലുക്ക്… എന്താ ജാഡ…. ലെയ്സ് പാക്കറ്റില് വെരലിട്ടുനക്കുന്നു… പാക്കറ്റ് ചെറുതായ നന്നായി… അല്ലേ നീ തല കൂടിയുളേള കേറ്റിയേനെ..!!”””_ ഞാനതു പറഞ്ഞതുമവള് പേക്കറ്റ് ഞെരടി കാലിന്റെ ഭാഗത്തുള്ള ചെറിയ ബോക്സിലേയ്ക്കിട്ടു…
“”…ആഹാ… വേസ്റ്റ്ബിന്നൊക്കെണ്ടാർന്നോ…??”””_ ഞാൻ ചിരിയമർത്തി ചോദിയ്ക്കുമ്പോളവൾ ലെയ്സിന്റടുത്ത പാക്കറ്റും കടിച്ചുപൊട്ടിച്ചു…
“”…ഡാ… ദേ അവടെ നിർത്ത്…!!”””_ അവൾ റോഡിനിടതു വശത്തുള്ള ടെക്സ്റ്റെയിൽ ഷോപ്പിലേയ്ക്കു വിരൽ ചൂണ്ടിക്കൊണ്ടു പറഞ്ഞു…
“”…എന്റെ മിന്നൂസേ…. ഇനിയുമെന്തോത്തിനാടീ ഡ്രസ്സ്‌..?? ഇന്നലത്തന്നെ നീ കൊറേ വാങ്ങീതല്ലേ…. വെറുതെയെന്തോത്തിനാ പൈസ പാഴിക്കളയുന്നേ..??”””
“”…ഇന്നലത്തെയാ ദേഷ്യത്തിനു വാവയ്ക്കു വേണ്ടീട്ടൊന്നുമ്മേടിച്ചില്ല… അപ്പൊ ഇന്നതൂടി മേടിച്ചേച്ചുമ്പോവാം…!!”””_ അവൾ ലെയ്സിന്റെപാക്കറ്റ് സീറ്റിൽ കുത്തനേ ചാരി നിർത്തിക്കൊണ്ട് പുറത്തേയ്ക്കിറങ്ങി…
ഇറങ്ങിയപാടെ ചുറ്റുമൊന്നു കണ്ണോടിച്ചശേഷം ജീൻസു പിടിച്ചു മുകളിലേയ്ക്കിട്ടു….
പിന്നെ വണ്ടിയുടെ ഗ്ലാസ്സിൽനോക്കി സ്വയമൊന്നു വിശകലനംകൂടി ചെയ്തിട്ടെന്നെ നോക്കി…
“”…മിന്നൂസേ…??”””- ടെക്സ്റ്റെയിലിലേയ്ക്കു നടക്കുന്നേരം ഞാനവളെ മെല്ലെവിളിച്ചു…
“”….മ്മ്മ്…??”””
‘”…നീയകത്ത് ഷിമ്മിയിട്ടിട്ടുണ്ടോ…??”””
“”…മ്ച്ചും… ന്തേ…??”””_ അവളില്ലെന്നു ചുമൽകൂച്ചി പറഞ്ഞശേഷം ചോദിച്ചു…
“”…എങ്കില് കൈപൊക്കുമ്പൊന്നു സൂക്ഷിച്ചോ… വയറും വടയുമൊക്കെ നാട്ടാരു കാണും..!!”””_ ഞാനാക്കി പറഞ്ഞു ചിരിച്ചതും അവളു ജാക്കറ്റു കൂട്ടിപ്പിടിച്ചു….
“”…പോടാ തെണ്ടീ… അങ്ങനൊന്നുങ്കാണൂല….!!”””- അവൾ ശബ്ദകുറച്ചു പറഞ്ഞുകൊണ്ടെന്നെ നുള്ളി…
പിന്നെ ഷോപ്പിനുള്ളിലേയ്ക്കെന്റെ കയ്യുംപിടിച്ചു നടന്നു…
“”…അതേ… ഈ ഒരുവയസ്സൊക്കെയുള്ള കുഞ്ഞിനിടാമ്പറ്റിയ ഡ്രെസ്സുണ്ടോ..??”””_ ചെന്നുകേറിയപാടെ അടുത്തുകണ്ട സെയിൽസ്ഗേൾ പെൺകുട്ടിയോടു ഞാൻചോദിച്ചതും അവളെന്നെ ചുമ്മാതൊന്നുനോക്കി…
“”….ബേബി സെക്ഷനെവിടെയാ…??”””_ അവളെന്നെ നോക്കി നിൽക്കുന്ന കണ്ടതും മീനാക്ഷി പെട്ടന്നിയിടയ്ക്കു കേറി…
“”…സെക്കന്റ് ഫ്ലോറിലാ മാഡം..!!”””_ അവൾ മറുപടിപറഞ്ഞതും
മീനാക്ഷി എന്നെയും പിടിച്ചുവലിച്ചുകൊണ്ടു ലിഫ്റ്റിനടുത്തേയ്ക്കു നടന്നു…
“”…പെമ്പിള്ളേരെ കാണുമ്പോൾ ആളാകുന്നേക്കെ കൊള്ളാം… എന്നുകരുതി വെറുമ്പൊട്ടനാവല്ലും… വായിങ്ങട്..!!”””_ അവളെന്നെ പിടിച്ചു ലിഫ്റ്റിലേയ്ക്കു തള്ളിക്കൊണ്ടു പറഞ്ഞു…
“”…ഓ… അല്ലേലും നമ്മളെന്തേലുമ്പറഞ്ഞാ നെങ്ങക്കൊക്കെ പൊട്ടത്തരം…. നെങ്ങക്കൊക്കെന്തു വേണേലുമാവാം… ഇനി നമ്മളൊന്നുമ്മിണ്ടുന്നില്ലേ..!!”””_ ഞാൻ രാജമാണിക്യം സ്റ്റൈലിൽ തലേൽ കയ്യുംവെച്ചു പറഞ്ഞതും അവളെന്നെ നോക്കിയടക്കി ചിരിച്ചു…
“”…വാ…. ദേ… ആ സെക്ഷനിലേയ്ക്കു പോയി നോക്കാം..!!”””_ ലിഫ്റ്റിറങ്ങിയപാടെ അവളെന്റെ കൈകൂട്ടി പിടിച്ചുംകൊണ്ട് നടന്നു…
“”…മിന്നൂസേ… കയ്യീന്നു വിടടീ… ആളോളൊക്കെ നോക്കുന്നെടീ..!!”””_ ആടിനെ കൊണ്ടോവുമ്പോലെ വലിച്ചോണ്ടു പോയ മീനാക്ഷിയോടു ഞാൻ ദയനീയമായി പറഞ്ഞതുമവളൊന്നു ചുറ്റും നോക്കിക്കൊണ്ടു കൈവിട്ടു…
“”…അതേ… ഈ ഒരുവയസ്സായ കുട്ടിയ്ക്കിടാമ്പോന്ന ഡ്രെസ്സ്..??”””_ അവളവിടെനിന്ന സെയിൽസ്ഗേളിനോടു ചോദിച്ചതും ഞാനിടുപ്പിലൊന്നുമർത്തി നുള്ളി…
“”…സ്ഹൂ.! എന്തെടാ തെണ്ടീ..??”””_ അവൾ ഡ്രെസ്സിനുമുകളിലൂടെ വയറുതടവിക്കൊണ്ടു ചോദിച്ചതും,
“”…നേരത്തേ ഇതുതന്നല്ലേടീ ഞാനുമ്പറഞ്ഞേ…?? അപ്പതു പൊട്ടത്തരമല്ലേ..??”””_ എന്നു ഞാൻ മറുചോദ്യം ചോദിച്ചു…
അതിനവൾ ചളിച്ചമട്ടിലൊന്നു ചിരിച്ചതും അവിടെ വശത്തുകിടന്നൊരു കസേരയിലേയ്ക്കു ഞാൻ പോയിരുന്നു…
അവളോരോന്നോരോന്നായി വലിച്ചു വാരിയിട്ടു നോക്കിക്കൊണ്ടിരുന്നു മടുത്തപ്പോൾ പിന്നെ ഫോണെടുത്തു തലങ്ങുംവെലങ്ങും കുത്തി…
“”…കുട്ടൂസേ… ഒന്നിങ്ങടുവന്നേ… ഇതൊക്കൊന്നു നോക്കിയേ..!!”””_ അവൾ കുറേ ബേബി ഡ്രെസ്സെടുത്തു മാറ്റിവെച്ചിട്ടെന്നെ തിരിഞ്ഞുനിന്നു വിളിച്ചതും അവിടെ സെയിൽസ്ഗേൾ പിള്ളേരെന്നെ നോക്കി ചിരിയ്ക്കാൻ തുടങ്ങി…