“”…വിട്രാ… എനിയ്‌ക്കൊന്നുമ്മേണ്ട… വേണ്ടെന്നു പറഞ്ഞില്ലേ..!!”””_ അവളാ സീറ്റിലിരുന്നെന്നെ ചവിട്ടാനാഞ്ഞു…
“”…അതെന്താടീ നെനക്കു വേണ്ടാത്തേ… തിന്നെടീതിന്ന്… തിന്ന് ബില്ലുംകൊടുത്തേച്ചു പോയാമതി നീ..!!”””_ പോഞ്ഞിക്കര ടോണിൽ പറഞ്ഞുകൊണ്ടവൾടെ കാലിൽപിടിച്ചു വലിച്ചതും മീനാക്ഷി സീറ്റിൽ ചുറ്റിടുപിടിച്ചുകൊണ്ടു പ്രതിരോധത്തിനു ശ്രെമിച്ചു…
“”…പിടിച്ചു വലിയ്ക്കുന്നതൊക്കെ കൊള്ളാം… ന്റെ പാന്റ്സാണമൂരിപ്പോയാ കൊല്ലും ഞാൻ..!!”””
“”…അതെന്തായാലുമൂരൂല… തുണിയില്ലാണ്ടു നിന്നെക്കണ്ടാ ചെലപ്പോളെന്റെ വെശപ്പിന്റെ സ്ഥാനമ്മാറിപ്പോവും..!!”””_ ഒരു വെകിടചിരിയോടെ ഞാമ്പറഞ്ഞതും അവളും ചിരിച്ചുപോയി…
“”…കള്ളത്തെമ്മാടി..!!”””_ എന്റെ കവിളിലൊരു കുത്തുംതന്നവൾ പുറത്തേയ്ക്കിറങ്ങിയതും ഞാനവളെയും വലിച്ചുകൊണ്ട് റെസ്റ്റോന്റിനുള്ളിലേയ്ക്കു നടന്നു…
ഞാനും മീനാക്ഷീമൊരേപോലെ ഡ്രസ്സിട്ടേക്കുന്നതു കൊണ്ടാണോന്നറിയില്ല അവിടിരുന്നവരൊക്കെ ഞങ്ങളെ മാറിമാറി നോക്കുന്നുണ്ടായിരുന്നു…
ഇനിയിമ്മാതിരി കോലംകെട്ടി നടക്കുന്നേനാവോ..??!!
“”…വാടാ… ദേ അങ്ങോട്ടുപോവാം… അവടപ്പോയിരിയ്ക്കാം..!!”””_ എന്നേം പിടിച്ചുവലിച്ചവൾ പറഞ്ഞു…
ഞങ്ങളവിടെ ഒഴിഞ്ഞൊരുമൂലയിലെ ടേബിളിലേയ്ക്കു ചെന്നിരുന്നപ്പോഴേയ്ക്കും വെയിറ്റർപയ്യൻ മെനുകാർഡ് കൊണ്ടുത്തന്നു…
കയ്യിൽകിട്ടിയ സ്ഥിതിയ്ക്ക് നോക്കാതെവിടുന്ന ശെരിയല്ലല്ലോന്നു കരുതി അതിമ്മേലുഴിഞ്ഞു നോക്കുമ്പോൾ മീനാക്ഷിയെന്റെ കയ്യിൽനിന്നും മെനുകാർഡു പിടിച്ചുവാങ്ങി അവനു തിരികെക്കൊടുത്തു…
“”…രണ്ടു മീൽസ് മതീടാ മോനേ..!!”””_ അവനൊഴിച്ചുവെച്ച വെള്ളം ചുണ്ടോടു പിടിച്ചുകൊണ്ടവൾ പറഞ്ഞതും എനിയ്ക്കങ്ങോട്ടു പൊളിഞ്ഞു…
“”…മീൽസോ..?? എനിയ്ക്കെങ്ങുമ്മേണ്ട… എനിയ്ക്കു ചിക്കൻബിരിയാണി മതി..!!”””_ വാശിയോടെ പറഞ്ഞുകൊണ്ട് ഞാൻ ചാരിയിരുന്നതും വെയ്റ്റർപയ്യൻ ഞങ്ങളെ മാറിമാറി നോക്കിനിന്നു…
“”…ഇവമ്പറേണെന്നും കാര്യാക്കണ്ട… രണ്ടു മീൽസെടുത്തോ… ഇവങ്കഴിച്ചോളും..!!”””
“”…അതു നീ തന്നത്താമ്പറഞ്ഞാപ്പോരല്ലോ…. എനിയ്ക്കു മീൽസുവേണ്ട..!!”””_ ഞാൻ വാശിയോടെപറഞ്ഞതും മീനാക്ഷി ദയനീയമായെന്നെ നോക്കി…
“”…ഡാ… ഇതെങ്കിലും നെനക്കു ഞാമ്പറേണപോലെ കേട്ടൂടേടാ… എപ്പഴും നിന്റെ താളത്തിനു തുള്ളിത്തുള്ളിയാണ് നീയിങ്ങനെ വഷളായിപ്പോയേ… അതോണ്ടെന്റെ കുട്ടൂസ് ഞാമ്പറേണ കേക്കൂട്ടോ..!!””‘
“”…പിന്നേ… താളത്തിനു തുള്ളിയെന്ന്… ആര്..?? എന്നിട്ടാണോ ഞാങ്കാണിച്ച ഡ്രെസ്സെടുക്കാണ്ടെന്നെ കളിയാക്കിയെ..??”””
“”…ഞാങ്കളിയാക്കിയോ..?? അപ്പഴ്ത്തെ നിന്റ മൊഖങ്കണ്ടപ്പൊന്നു ചിരിച്ചുപോയി… പിന്നെ ഞാനേത് ഡ്രെസ്സാണെടുത്തേന്നു കൂടി നോക്കാണ്ടെന്നെ ചീത്തപറയാനാണേ ആയിയ്‌ക്കോ..!!”””_ അവളെന്നെ പാളിനോക്കിക്കൊണ്ടു പറഞ്ഞുനിർത്തിയതും ഞാൻ വിശ്വാസം വരാതവളെനോക്കി…
“”…സാർ…??”””_ ഒരു തീരുമാനത്തിലെത്താനാകാതെ നിന്ന വെയ്റ്റർപയ്യൻ വീണ്ടുംവിളിച്ചതും
“”….രണ്ടു മീൽസെടുത്തോ…!!”””_ എന്നു ഞാൻ മറുപടിനല്കി…
“”…മിന്നൂസ് പറഞ്ഞ സത്യവാണോ..??”””_ അടുത്തുകിടന്ന ടേബിളുകളിലേയ്ക്കു തിരിഞ്ഞുംമറിഞ്ഞും നോക്കിയിരുന്ന മീനാക്ഷിയോടു ഞാൻചോദിച്ചതും അവളെന്റെ മുഖത്തേയ്ക്കു വെട്ടിത്തിരിഞ്ഞു നോക്കി…
“”…എന്താ..??”””
“”…അല്ലാ… ഞാമ്പറഞ്ഞ ഡ്രെസ്സാണെടുത്തേന്നു പറഞ്ഞ സത്യാണോന്ന്..!!”””
“”…അതിനു ഞാനങ്ങനൊന്നുമ്പറഞ്ഞില്ലല്ലോ…!!”””_ അവളെന്നെനോക്കി ചുണ്ടുകടിച്ചു ചിരിയടക്കിക്കൊണ്ടു പറഞ്ഞു…
“”…അപ്പൊ ഞാങ്കാട്ട്യ ഡ്രെസ്സല്ലേടുത്തേ..??”””
“”…അല്ല..!!”””
“”…എന്നാലെനിയ്ക്കു ചോറുവേണ്ട..!!”””_ ഞാൻ കലിപ്പോടെപറഞ്ഞു ചാടിയെഴുന്നേറ്റതും മീനാക്ഷി ഇടതുകൈകൊണ്ട് പെപ്പർ ഹോൾഡെറുത്തു…
“”…പോവുവാണേ സത്യായ്ട്ടും ഞാനെറീം… മര്യാദയ്ക്കു വന്നിവടിരുന്നോ..!!”””_ പൂരക്കലിപ്പിലവളു പറഞ്ഞതും എന്റെ ഗ്യാസ്സുപോയി…
ഇനീം നല്ലകുട്ടിയായില്ലേല് ചിലപ്പൊയിവള് നാട്ടുകാർടെ മുന്നിലിട്ടെന്നെ ഞോണ്ടും…
പറഞ്ഞശേഷം പെപ്പെർഹോൾഡർ ടേബിളിലേയ്ക്കടിച്ചു വെച്ചതുമൊരു കിടുവലോടെ ഞാനവൾക്കെതിരേയിരുന്നു….
അപ്പോഴേയ്ക്കും ഫുഡെത്തിയിരുന്നു…
“”…മ്മ്മ്..?? എന്തോപറ്റി കഴിയ്ക്കണില്ലേ..??”””_ ആദ്യയുരുള കൈയിലെടുത്തുകൊണ്ടവൾ ചോറിലേയ്ക്കു കണ്ണും നട്ടിരുന്നയെന്നോടു ചോദിച്ചു…
“”…മ്മ്മ്… കഴിച്ചേക്കാം… എല്ലാം നെങ്ങടെക്കിഷ്ടോല്ലേ… നമ്മളെന്നും ബാക്കിയൊള്ളോരു പറേണ കേക്കാമ്മാത്രമ്പോന്ന പാവ..!!”””
“”…മ്മ്മ്…. അങ്ങനേങ്കി അങ്ങനെ… എന്റെ ചെക്കങ്കൊറച്ചൊക്കെ എന്നേം
അനുസരിയ്ക്കണോന്നൊരാഗ്രഹം എനിയ്ക്കുമൊണ്ടാർന്നു… ഞാനന്നേ പറഞ്ഞേണല്ലോ…. അപ്പോളെല്ലാം തലയാട്ടി സമ്മതിച്ചേച്ചുമിപ്പൊ പറ്റുകേലാന്നാണേ പൊക്കോ… എങ്ങാട്ടാന്നുവെച്ചാ പൊയ്ക്കോ… പാവയാന്നുപോലും…!!”””_ അവൾ കലിതുള്ളി വിറയ്ക്കുമ്പോഴും കണ്ണിൽനിന്നുമവളറിയാതെ രണ്ടുതുള്ളി കണ്ണുനീരുപൊഴിഞ്ഞു…
“”…ഞാനങ്ങനല്ല പറഞ്ഞേ… എപ്പഴും നീ പറയുന്ന കേക്കുമ്പോ ഞാവ്വെറുമൊരു കളിപ്പാവയായി പോകുന്നുണ്ടോന്നൊരു തോന്നൽ… അതുകൊണ്ടു പറഞ്ഞതാ..!!”””
“”…എപ്പഴുമോ…?? ഇപ്പോളിതു കഴിച്ചാ മതീന്നല്ലേ പറഞ്ഞുള്ളൂ…??”””
“”….പിന്നവിടന്നു ഡ്രെസ്സെടുത്തപ്പഴോ…?? നിന്റിഷ്ടത്തിനല്ലേ എടുത്തേ…എന്റിഷ്ടോന്നും നോക്കീലാല്ലോ..!!”””
“”…നോക്കീല… അതേ… അതൊരു കുഞ്ഞിനിടേണ്ട ഡ്രെസ്സാ…. അല്ലാണ്ട് എന്റോടൊള്ള വാശിതീർക്കാനൊള്ള സാധനോല്ല…. അതോണ്ടെടുത്തില്ല..!!”””
“”…അപ്പെന്റോടൊള്ള വാശിയ്ക്കു നെനക്കു നിന്റിഷ്ടത്തിനെടുക്കുന്നേ കൊഴപ്പോല്ലാ…?? “””
“”…അതിന് എന്റിഷ്ടത്തിനുവല്ല എടുത്തേ…!!”””
“”…പിന്നെ…??”””
“”…അവടെ നിന്ന സെയിൽഗേളില്ലേ… ആ കുട്ടിയോടു പറഞ്ഞെടുപ്പിയ്ക്കയാ ചെയ്തേ..!!”””_ അവളു പറഞ്ഞതുകേട്ടതും ഇതെന്തു ജീവിയെന്നമട്ടിൽ ഞാനവളെനോക്കി….
“”…എന്നാലുമതു വേണ്ടാരുന്നു മിന്നൂസേ…. നീയെടുത്ത തന്നായ്രുന്നു നല്ലത്..!!”””_ പൊട്ടിവന്ന ചിരിയടക്കിക്കൊണ്ടു ഞാൻപറഞ്ഞതും ഉണ്ടക്കണ്ണുരുട്ടിയവളെന്നെ തുറിച്ചുനോക്കി…
അടുത്തനിമിഷം അവളെഴുന്നേറ്റ് ഇടതുകൈകൊണ്ടെന്റെ മുടിയ്ക്കു പിടിച്ചുവലിച്ചു…
“”…ആഹ്… വിട്രീ… എടീ നോവുന്നെടീ..!!”””_ എന്നൊക്കെ പറഞ്ഞൊന്നുകേണപ്പോൾ ചുറ്റുമുള്ളവർ ശ്രെദ്ധിച്ചതിനാലാവണം അവൾ മുടിയിൽനിന്നും കയ്യെടുത്തു തിരിച്ചിരുന്നു…
“”…കിറുക്കി…!!”””_ വീണ്ടുമെന്നെ തുറിച്ചുനോക്കിയിരുന്ന മീനാക്ഷിയെ പതിഞ്ഞസ്വരത്തിൽ വിളിച്ചതും അവൾടെ ചുണ്ടിലും ചിരിപരന്നു…
“”…എന്നേം നോക്കിയിരിയ്ക്കാണ്ട് കഴിയ്ക്ക് ചെക്കാ…!!”””- അവൾ കഴിയ്ക്കുന്നതിനിടയ്ക്കു പറഞ്ഞതും ഞാൻ മുന്നിലെ പ്ലേറ്റിലേയ്ക്കു തല കുമ്പിട്ടു…