“”…അപ്പൊഴേ… നാളെ പോണകാര്യത്തിലൊന്നും പറഞ്ഞില്ല… പോണ്ടേ..??”””_ വണ്ടി കുറച്ചുകൂടി മുന്നിലേയ്ക്കു നീങ്ങിയതും അവൾ വീണ്ടുമെന്നോടു ചൊതുങ്ങിയിരുന്നുകൊണ്ട്
ചോദിച്ചു…
“”…ഏയ്‌.! നാളെപ്പോവാൻ പറ്റില്ല… നാളെയെനിയ്ക്കൊരു മാച്ചുണ്ട്… അതുകൊണ്ട് നാളെക്കഴിഞ്ഞിട്ടു പോവാം… എന്തേയ്..??”””
“”…എന്നാലതു മതി..!!”””_ അവളതു സമ്മതിച്ചുകൊണ്ട് താടിയെന്റെ തോളിലേയ്ക്കുവെച്ചതും
വണ്ടി ഫ്ലാറ്റിന്റെ എൻട്രൻസിലെത്തിയിരുന്നു…
വണ്ടിയും പാർക്കുചെയ്ത് ഫ്ലാറ്റിലേയ്ക്കു കയറിയ ഞങ്ങൾ നമ്മുടെ ഫ്ലോറിലെത്തിയതും ഞാനവളോട് ചോദിച്ചു;
“”…നമ്മടാശേച്ചിയൊക്കെ ഒറങ്ങീട്ടൊണ്ടാവോ ആവോ..??”””
“”…പോയിനോക്ക്… എന്നിട്ടൊറങ്ങീലേൽ നീപോയി താരാട്ടുപാടി ഒറക്കിയേച്ചും വന്നാതി… ഞാമ്പോണു..!!”””_ എന്നെ രൂക്ഷമായൊന്നു നോക്കിക്കൊണ്ടവൾ തിരിഞ്ഞതും ഞാനും പിന്നാലേകൂടി…
“”…എന്തേ..?? ഇപ്പപ്പോണ്ടേ..?? പോടാ… അവളൊറങ്ങിക്കാണൂല… നീ ചെല്ല്… ചെന്നിട്ട് തല്ലുകിട്ടിയ കവിളിൽ തടവിക്കൊടുത്തിട്ട് അവിടത്തന്നെ കെടന്നോ..!!”””
അവൾ കലിപ്പിൽത്തന്നെ പറഞ്ഞൊന്നു നിർത്തിയതും ഞാനൊന്നു ചിരിച്ചു…
അപ്പോൾ കക്ഷി വീണ്ടും തുടർന്നു…
“”…അല്ലേലും സമയമിത്രയായ്ട്ടും ഒരുപോള കണ്ണടയ്ക്കാത്ത എന്നെയോർത്തല്ല… വേറെ വല്ലവളുമാരേമോർത്താ അവന് ദണ്ണം..!!”””_ അവൾ ഫ്ലാറ്റു തുറന്നകത്തേയ്ക്കു കയറുന്നതിനിടയിൽ പറഞ്ഞു…
“”…ആടീ… എനിയ്ക്കു പലരേമോർത്തു ദെണ്ണങ്കാണും… അതിനു നെനക്കെന്താ..??”””_ അവളെ ചൊടിപ്പിയ്ക്കാനായി പറഞ്ഞുകൊണ്ട് പിന്നാലേകേറിയതും അകത്തുനിന്നും അവളെന്നെ തള്ളിപ്പുറത്താക്കി…
“”…അങ്ങന ദെണ്ണോള്ളോര് അവരോടെ പൊയ്ക്കോണം… എന്റൊപ്പങ്കെടക്കണ്ട… പൊറത്തോടാ പട്ടീ..!!”””_ അവളെന്നെ തള്ളിപ്പുറത്താക്കി ഡോറടയ്ക്കാനൊരുങ്ങീതും ഞാൻ ഡോറുള്ളിലേയ്ക്കു തള്ളിപ്പിടിച്ചു…
എന്നിട്ട്,
“”…മിന്നൂസേ… ഞാവ്വെറുതേ തമാശയ്ക്കു പറഞ്ഞതാട്ടാ… വാശിയ്ക്കെന്നെ പൊറത്താക്കിയേച്ചും ഒറ്റയ്ക്കു കെടന്നു പേടിയ്ക്കണ്ട… അറിയാലോ അന്നിതേപോലെ പൊറത്താക്കീട്ട് പേടിച്ചുതൂറി എന്റടുക്കെവന്നത്..!!”””_ ന്നും പറഞ്ഞൊന്നു ചിരിച്ചു…
“”…അതന്നു നീ പട്ടി കൂവുമ്പോലെ സൗണ്ടൊണ്ടാക്കി പേടിപ്പിച്ചോണ്ടാ… അല്ലാണ്ടെനിയ്ക്കു പേട്യൊന്നൂല്ല..!!”””_ പുറത്തേയ്ക്കുള്ള തള്ളലിന്റെശക്തി കുറച്ചുകൊണ്ടവൾ പറഞ്ഞു…
“”…ഉവ്വ.! എന്റോടത്തന്നെ പറേണം… ഞാങ്കണ്ടതല്ലേ അന്നിരുന്ന് കിടുവിയെ… എന്നിട്ടതിന്റെ എന്തേലും ജാഡയൊണ്ടോന്ന് നോക്ക്യേ..??”””_ ഞാൻ കളിയാക്കിയതും അവൾ ഡോറിലാഞ്ഞു തള്ളി…
“”…എന്നെ കളിയാക്കീട്ട് നീയിങ്ങോട്ടു കേറണ്ടടാ പട്ടീ… പോ… പൊറത്തു പോ സാത്താനേ..!!”””_ പറയുന്നതിനൊപ്പം ഡോറിൽ തടഞ്ഞുപിടിച്ചിരുന്ന എന്റെകയ്യിൽ രണ്ടടികൂടിത്തന്നു…
“”…സാത്താൻ നിന്റെ തന്ത..!!”””_ മറുപടിയായി ഞാനങ്ങനെ പറഞ്ഞുകഴിഞ്ഞതും അടുത്ത ഫ്ലാറ്റിൽനിന്നുമൊരു ശബ്ദംകേട്ടു:
“”…എവറ്റകൾക്കീ പാതിരാത്രീമൊറക്കോല്ലേ… പകലെന്നില്ല… രാത്രീന്നില്ല സ്വൈര്യന്തരൂലെന്നു വെച്ചാ..!!”””_ ആ ചേച്ചി പറഞ്ഞതുകേട്ടതും ഇവരുടെ സ്വൈര്യമെന്താ എന്റെ കാലിന്റെടേൽ തൂങ്ങിക്കിടക്കുവാണോന്നും മനസ്സിൽ ചോദിച്ചുകൊണ്ട് ഞാനങ്ങോട്ടേയ്ക്കു തിരിഞ്ഞു…
“”…എങ്ങോട്ടാ പാഞ്ഞോണ്ട് പോണേ..?? സ്വൈര്യങ്കൊടുക്കാനാണോ..??”””_ ഞാനെതിർവശത്തേയ്ക്കു തിരിഞ്ഞതും ഡോറ് പകുതിതുറന്ന് തല പുറത്തേയ്ക്കിട്ടവൾ ചോദിച്ചു…
“”…ആ.! എന്തേ അവർക്കുകൊടുത്തേന്റെ ബാക്ക്യൊണ്ടേ കൊറച്ചുവേണോ..??”””
“”…ആം.! വേണോങ്കി..??”””_ ഒരു കള്ളച്ചിരിയോടെയവൾ ചോദിച്ചതും ഞാൻവീണ്ടും അവൾടടുത്തേയ്ക്കു വന്നു…
പക്ഷേ ഇപ്രാവശ്യവും ഡോറു വലിച്ചടയ്ക്കാൻ നോക്കിയ അവൾടെ ടൈമിങ് തെറ്റിച്ചുകൊണ്ട് ഞാനകത്തേയ്ക്കു ചാടിക്കേറി…
വീണ്ടും ഡോറിന്മേൽപിടിപ്പിച്ച് പുറത്തുനിർത്താനുള്ള പ്ലാൻ അപ്പാടെ മൂഞ്ചിയതുമവൾ തിരിഞ്ഞൊറ്റരോട്ടം…
“”….അയ്യ.! നീയങ്ങനങ്ങോടിയാലെങ്ങനാ… നെനക്കപ്പൊ കൊറച്ചു സ്വൈര്യമ്മേണ്ടേ..??”””_ ഡോറുംലോക്കിട്ട് അവൾടെപിന്നാലേ കുതിച്ചുകൊണ്ട് ഞാൻചോദിച്ചതും,
“”…കുട്ടൂസേ… എന്നെയിങ്ങനിട്ടോടിയ്ക്കല്ലേ… എനിയ്‌ക്കൊറക്കമ്മരുവാ..!!”””_ എന്നുമ്പറഞ്ഞ് അവളോടി ബെഡ്റൂമിലേയ്ക്കു കയറി…
“”…ആഹാ.! എന്നിട്ടൊറക്കമ്മരുന്ന നീയാണോ എലിപോണപോലെ പോണേ..??”””_ പിന്നാലെ ബെഡ്റൂമിലേയ്ക്കു കയറിയ ഞാൻ അവളെ പിടിച്ചുതള്ളിയതും
“”…ആഹ്..!!”””_ എന്നൊരൊച്ചയോടെ അവൾ ബെഡിലേയ്ക്കു വീണു…
“”…നീയെന്നെ പടിയടച്ചു പിണ്ഡമ്മെയ്ക്കുമല്ലേ..?? നെനക്കു കാണിച്ചുതരാടീ..!!”””_ പറഞ്ഞതും ഞാനവൾടെ മേലേയ്ക്കു ചാടിക്കയറി…
കൈ രണ്ടും മുകളിലേയ്ക്കുയർത്തി ബെഡിലേയ്ക്ക് അമർത്തിപ്പിടിച്ച് അവൾടെ വയറിലേയ്ക്കു ചന്തി കുത്താനൊരുങ്ങിയതും അവൾ കൈകാലിട്ടടിച്ചുകൊണ്ട് കുതറി…
“”…മതിയെടാ… വിട്… എനിയ്ക്കു ശ്വാസമ്മുട്ടുവാ..!!”””
“”…നെനക്കു ശ്വാസമ്മുട്ടുന്നേന് ഞാനെന്തോത്തിനാ വിടുന്നേ… നീയല്ലേവിടണ്ടേ..??”””_ ഞാനൊരാക്കിയ ചിരിയോടെ ചോദിച്ചതും കാര്യംമനസ്സിലാകാതെ അവളെന്നെ നോക്കി…
“”…ഞാനെന്തോ വിടണോന്ന്..??”””
“”…അല്ല… നെനക്കു ശ്വാസമ്മുട്ടുവാണേ നീയല്ലേ ശ്വാസംവിടണ്ടേ… അല്ലാണ്ട് ഞാനാണോ വിടേണ്ടേന്ന്..!!”””_ ഞാൻ സംഗതിവിശദീകരിച്ചതും അവളെന്നെ വല്ലാത്തഭാവത്തിൽ നോക്കി…
“”…എന്റെ കൈരണ്ടും കൂട്ടിക്കെട്ടി ഏതേലും പൊട്ടക്കെണറ്റി കൊണ്ടിടാമ്പറ്റോ നെനക്ക്..??”””_ അവളുടെയാ കിടപ്പിലുള്ള ചോദ്യംകേട്ടതും കണ്ണുംമിഴിച്ച് ഞാനവളെനോക്കി…
“”…അല്ല… നിന്റെയീ ചളികേട്ട് ഇഞ്ചിഞ്ചായി മരിയ്ക്കുന്നേലും ഭേദം ഒറ്റയടിയ്ക്കങ്ങു തീരോലോ… പോരാത്തേന് കൊറച്ചു വെള്ളോങ്കുടിയ്ക്കാം..!!”””_ അവളെന്നെനോക്കി ആക്കിചിരിച്ചശേഷം ശക്തിയായി പിടിച്ചുതള്ളിയതും ഞാനവളുടെ വശത്തേയ്ക്കുചെരിഞ്ഞു…
എന്നിട്ടു വീണ്ടും ചാടിയെഴുന്നേൽക്കാനൊരുങ്ങീതും അവളെന്നെ പൂണ്ടടക്കം കെട്ടിപ്പിടിച്ചു…
“”…ഒന്നടങ്ങിക്കിടക്കെടാ… എനിയ്ക്കു നല്ലൊറക്കമ്മരുവാ… ഞാനൊന്നറങ്ങിക്കോട്ടേ..!!”””_ അവൾ സ്വരത്തിൽ ദൈന്യതകലർത്തി കണ്ണുകളടച്ചു…
എന്നാലുറങ്ങിക്കോട്ടേന്നു
കരുതി അവളുടെ മേത്തുനിന്നും കൈയെടുത്തു തിരിഞ്ഞുകിടക്കാൻ തുടങ്ങിയതും അവളെന്റെ കയ്യിലൊറ്റപിടുത്തം…
എന്നിട്ട് ഒരു കണ്ണുതുറന്നെന്നെ കള്ളനോട്ടവുംനോക്കി… കൂട്ടത്തിലൊരു കള്ളച്ചിരിയും…
“”…ദേ… നീയൊറങ്ങാണ്ടു കെടന്നേച്ച് ഞാനൊറങ്ങാൻ സമ്മതിച്ചില്ലെന്നാണം പറഞ്ഞാലെന്റെ
വിധമ്മാറൂട്ടോ… അതോണ്ട് മര്യാദയ്ക്കു കെടന്നൊറങ്ങടീ..!!”””
“”…ഇല്ലേലെന്തോ ചെയ്യും..??”””
“”…ഇല്ലേലോ..?? ഇല്ലേലെന്തു ചെയ്യണോന്നു നെനക്കറിയണോ..??”””_ ചോദിച്ചുകൊണ്ട് ഞാനൊരു വെകിടചിരി ചിരിച്ചതും കാര്യംപന്തിയല്ലെന്നു കണ്ട മീനാക്ഷി, ങ്ഹൂന്നൊരു മൂളലുംമൂളി ഷട്ടറിട്ടപോലെ കണ്ണുകൾ മൂടുകയായിരുന്നു…