അങ്ങനെ കുറച്ചുനേരം അവളെയും നോക്കിക്കിടന്ന ഞാനുമെപ്പോഴോ ഉറങ്ങിപ്പോയി…
ഫോൺ മുഴങ്ങിയപ്പോളാണ് പിന്നെ ഞാനെഴുന്നേൽക്കുന്നത്…
അപ്പോഴേയ്ക്കും നേരം വെളുത്തിരുന്നു…
“”…ആരാടാത്..?? ഒന്നൊറങ്ങാങ്കൂടി സമ്മയിയ്ക്കാണ്ട്..!!”””_ കണ്ണുപോലും തുറക്കാതെ ചെരിഞ്ഞു കിടക്കുന്നതിനിടയിൽ മീനാക്ഷി തിരക്കി…
“”…ശ്രീക്കുട്ടനാ..!!”””_ ഫോണിന്റെ ഡിസ്പ്ളേയിൽനോക്കി ഞാൻപറഞ്ഞതും,
“”…അല്ലേലുമവനേ ഇങ്ങനിട്ടു ദ്രോഹിയ്ക്കുള്ളൂ..!!”””_ എന്നുമ്പറഞ്ഞവൾ തിരിഞ്ഞ് തലയിണയിലേയ്ക്കമർന്നു…
“”…മ്മ്മ്.! തൊലെ..!!”””_ ക്രാസിയിലേയ്ക്കു ചാരിക്കൊണ്ട് ഫോണെടുത്തതും കോളുകട്ടായി…
തിരിച്ചുവിളിച്ചപ്പോൾ ബിസിടോണും…
അതോടെ ഉറങ്ങാനുള്ള മൂഡ്പോയ ഞാൻ എഴുന്നേറ്റു മുഖവുംകഴുകി നേരേ കിച്ചനിലേയ്ക്കു നടന്നു…
പെട്ടെന്നുതന്നെ രണ്ടു കോഫിയുമുണ്ടാക്കി ബെഡ്റൂമിലേയ്ക്കെത്തുമ്പോൾ ഒരു ബോധോമില്ലാണ്ടുറങ്ങുവാ സഹധർമ്മിണി…
“”…മിന്നൂസേ… വാ… എഴുന്നേക്ക്… കോഫി കുടിയ്ക്കാം..!!”””_ തള്ളിപ്പിടിച്ചിരുന്ന കുണ്ടിയ്ക്കിട്ടൊന്നു പൊട്ടിച്ചതും അവൾ ഞെട്ടിയെഴുന്നേറ്റു…
“”…നാണോണ്ടോടീ പോത്തേ… ഇങ്ങനെ കുണ്ടീം തള്ളിപ്പിടിച്ച് കെടന്നൊറങ്ങാൻ..??”””_ ചോദിച്ചുകൊണ്ട് കോഫി അവൾക്കുനേരേ നീട്ടുമ്പോഴും വെളിവുവരാഞ്ഞ മീനാക്ഷി ചുറ്റുമൊക്കെ നോക്കുകയായിരുന്നു…
“”….എടീ പുല്ലേ… നീയിതു പിടിയ്ക്കുന്നുണ്ടോ അതോ ഞാനെങ്ങോട്ടേലുമെടുത്തു കളയണോ..??”””_ കുറച്ചുനേരം നീട്ടിയശേഷവും വാങ്ങാൻ കൂട്ടാക്കാതിരുന്നപ്പോൾ കലിപ്പായിക്കൊണ്ടു ഞാൻചോദിച്ചു…
പെട്ടെന്ന് കയ്യിൽനിന്നതു ചാടിവാങ്ങിയിട്ട് എന്റെ മുഖത്തുനോക്കിയവൾ ചിരിയ്ക്കുമ്പോഴും മുഖത്ത് ഉറക്കം തെളിഞ്ഞിട്ടില്ലായിരുന്നു…
“”…നീയിന്നു പോണുണ്ടോ..??”””_ ബെഡിൽ അവൾടടുത്തായിരുന്ന് കോഫിയൂതി കുടിയ്ക്കുന്നതിനിടയിൽ ഞാൻചോദിച്ചു…
“”…ങ്ഹൂം.! ലീവ്..!!”””
“”…എന്തോ മൂഞ്ചാൻ..?? കള്ളോടിച്ചു കെടക്കാണ്ട് പണിയ്ക്കുപോടീ..!!”””
“”…കുട്ടൂസേ… ദേ വെറുതെ തെറിപറഞ്ഞാലെന്റെ സ്വഭാവമ്മാറൂട്ടോ… ഞാനിന്നലേ പറഞ്ഞേലേ ഇന്നു ലീവാന്ന്… പിന്നെന്താ..??”””
“”…അതു വീട്ടിപ്പോവാനല്ലേ… ഇന്നിപ്പോ പോണില്ലല്ലോ… പിന്നെന്തോത്തിനാ ഇവടെ കെട്ടികെടക്കുന്നേന്നാ ചോയ്ച്ചേ..!!”””
“”…ഇന്നു ലീവാന്നു മനസ്സിലൊറപ്പിച്ചോയി… ഇനി പോവാമ്മയ്യ… നമുക്കിന്നിവടങ്ങുകൂടീട്ട് നാളെ വീട്ടിപ്പോവാം..!!”””_ അവൾ കുടിച്ചുകഴിഞ്ഞ കോഫിക്കപ്പ് എന്റെനേരേ നീട്ടിക്കൊണ്ടു പറഞ്ഞു…
“”…അല്ല… എന്തോത്തിനാ വെറുതേയൊരു ദെവസമ്പാഴിക്കളയുന്നേന്നു കരുതി ചോയ്ച്ചതാ..!!”””_ കപ്പുമേടിച്ച് ടീപ്പോയ്ക്കു പുറത്തുവെച്ചുകൊണ്ടു ഞാൻ മറുപടിയുംപറഞ്ഞു…
“”…നീ പോടാ മാക്രീ… എന്നെ ജോലിയ്ക്കു വിട്ടോളാമ്മയ്യോത്തോണ്ടൊന്നുവല്ല… നെനക്കവളുമാരെ വായിനോക്കാനാ എന്നെ പറഞ്ഞുവിടുന്നേന്നൊക്കെ എനിയ്ക്കറിയാം..!!”””_ അവളൊന്നു കോട്ടുവായുമിട്ട് ബാത്ത്റൂമിലേയ്ക്കു നടന്നതും ഞാൻ വിളിച്ചുപറഞ്ഞു:
“”…അതേ… ഞാനങ്ങനെ പെണ്ണുങ്ങളെക്കാണാണ്ട് അണ്ണാക്കു വലിഞ്ഞു നിയ്‌ക്കോന്നുവല്ല..!!”””
“”…ഇനിയങ്ങനാണേക്കൂടി ഇവടിരുന്നാ മതി… ഞാനിന്നുപോണില്ല… വേണേലെന്റെ സീമ്പിടിച്ചോ..!!”””_ അവൾ ബാത്ത്റൂമിൽകയറി ഡോറുപകുതിയോളം ചാരിക്കൊണ്ടുപറഞ്ഞതും ഞാൻ രണ്ടു കപ്പുകളുമായി ബെഡിൽനിന്നും ചാടിയെഴുന്നേറ്റു…
“”…അയ്യട.! സീമ്പിടിയ്ക്കാമ്പറ്റിയൊരു ചള്ക്ക്… എനിയ്ക്കെന്തായാലും അത്രേം ദാരിദ്ര്യോന്നും വന്നിട്ടില്ല..!!”””
“”…ഉവ്വ.! ഇനി നീയെന്തേലും പറഞ്ഞുവാടാ… ഞാനിതിനൊക്കെയപ്പൊ തരാട്ടോ..!!”””_ അവൾ ഡോറടച്ചതും ഞാൻ കപ്പുകളുമായി കിച്ചനിലേയ്ക്കു നടന്നു…
അങ്ങനെ ബ്രേക്ക്ഫാസ്റ്റിനുള്ള പൂരിയുണ്ടാക്കാനായി മാവുകുഴച്ചുകൊണ്ടു നിൽക്കുമ്പോളാണ്,
“”…നേരത്തേ ശ്രീ വിളിച്ചിട്ട് എന്തുപറഞ്ഞു..??”””_ എന്നുംചോദിച്ചുകൊണ്ട് മീനാക്ഷി അടുക്കളയിലേയ്ക്കു വന്നത്…
കുളിയൊക്കെ കഴിഞ്ഞ് ഒരു ക്രീംകളർ ഫുൾസ്ലീവ് ടീഷർട്ടും വെള്ള ഷെയ്ഡോടുകൂടിയ ടൈറ്റ് ബ്ലൂ ഷോർട്ട്സുമിട്ടുവന്ന അവൾ മുടി മെസിബൺ ചെയ്തേക്കുവായ്രുന്നു…
ടീഷർട്ടിന് അത്യാവശ്യം കഴുത്തിറക്കമുള്ളതുകൊണ്ട് മുലച്ചാലിന്റെ കുറച്ചുഭാഗം പുറത്തായിക്കാണാം…
ഷോർട്സാണെങ്കിൽ അവളുടെ കൊഴുത്തുമുറ്റിയ തുടകളിൽ മുറുകിപ്പിടിച്ച് കിടപ്പുണ്ട്…
“”…ഒന്നുമ്പറഞ്ഞില്ല… കോളെടുക്കുന്നേനും മുന്നേ കട്ടായി..!!”””_ അവളെയൊന്നു ചുഴിഞ്ഞു നോക്കിയശേഷം ആ ചോദ്യത്തിനു മറുപടിപറഞ്ഞതും അവളെന്റടുക്കെ വന്നു സ്ലാബിലേയ്ക്കു ചേർന്നുനിന്നു…
“”…മ്മ്മ്.! എന്നിട്ടു പിന്നെ വിളിച്ചില്ലാ..??”””
“”…വിളിച്ചപ്പോ ബിസി… ഇനിയിപ്പൊ അവനിങ്ങോട്ടു വിളിയ്ക്കട്ടേ..!!”””_ ഞാൻ മാവുമാറ്റിവെച്ച് സ്റ്റവിന്റെനേരേ തിരിഞ്ഞുകൊണ്ടാണ് മറുപടിപറഞ്ഞത്…
“”…കുട്ടൂസേ… വിചാരിച്ചപോലല്ലാട്ടോ… നെനക്കിപ്പൊ നല്ല മെച്ച്യൂരിറ്റി വന്നപോലെ… ഇപ്പഴ്ത്തെ നിന്റെ സംസാരോം പെരുമാറ്റോക്കെ കാണുമ്പോ വീട്ടിലെല്ലാരുമൊറപ്പായും ഞെട്ടും..!!”””_ എന്നെ കുറച്ചുനേരം നോക്കിനിന്നിട്ട് ഒരുപുഞ്ചിരിയോടെ മീനാക്ഷിപറഞ്ഞു…
“”…എന്നിട്ടു നീയിന്നല പറഞ്ഞല്ലോ എനിയ്‌ക്കൊരു മെച്ച്യൂരിറ്റീമില്ല… തോന്ന്യപോലാ നടക്കുന്നേന്ന്..!!”””
“”…അതോ… അതെപ്പോ… എനിയ്‌ക്കോർമയില്ലല്ലോ..!!”””_ അവൾ ചൂണ്ടുവിരൽ താടിയിലേയ്ക്കു ചേർത്തുപിടിച്ച് ആലോചിയ്ക്കുന്ന ഭാവത്തിൽ നിന്നു… (ആ നിൽപ്പാണ് കവർപിക്ക് ട്ടാ)
“”…ദേ… കൂടുതല് ഷോയിറക്കിയാ ഞാൻ മണ്ടതല്ലിപൊട്ടിയ്ക്കും… ഇന്നലെ നീ പറഞ്ഞയാ… എനിയ്ക്കു മെച്ച്യൂരിറ്റിയില്ലാന്ന്..!!”””
“”…ഇതിപ്പൊ തന്റെ പറച്ചിലുകേട്ടാ തോന്നോലോ മെച്ച്യൂരിറ്റിയൊണ്ടെന്നു പറഞ്ഞത് കുറ്റായ്പ്പോയെന്ന്..!!”””- അവളെന്റെ കിറിയ്ക്കിട്ടു കുത്തിക്കൊണ്ട് ചോദിച്ചതും ഞാനവൾടെ കൈ തട്ടിമാറ്റി…
“”…എടീ കോപ്പേ… നീ ശല്യഞ്ചെയ്യാണ്ടൊന്നു പോയ്‌ത്തരോ..?? എന്റെ കോൺസെൻട്രേഷമ്പോണു..!!”””
“”…പിന്നേ… ആയിരമ്പേർക്കൊള്ള സദ്യയൊണ്ടാക്കുവല്ലേ..??”””_ അവളെന്നെനോക്കി പുച്ഛിച്ചുകൊണ്ട് കൗണ്ടർടോപ്പിലേയ്ക്കു കേറിയിരുന്നു…
“”…ശെരി… ഇന്നാ പിടിയ്ക്ക്… ഇനിയെന്താന്നുവെച്ചാ ചെയ്തോ… ഞാൻ ആയിരമ്പേർക്കുള്ള സദ്യയൊണ്ടാക്കാന്നേരത്തു വരാം..!!”””_ മാവുകുഴച്ച പാത്രമെടുത്ത് മടിയിൽ വെച്ചുകൊടുത്തിട്ട് പറഞ്ഞപ്പോൾ അവളുടെ വല്ലാണ്ടായ മുഖഭാവംകണ്ട് എനിയ്ക്കു ചിരിയാണുവന്നത്…
“”…എടാ… ഞാഞ്ചുമ്മാ പറഞ്ഞതാടാ… സത്യായ്ട്ടും ഇനിയൊന്നുമ്മിണ്ടൂലടാ… മ്മ്മ്..!!”””_ അവള് വീണ്ടും മാവുകുഴച്ച പാത്രം എന്റെനേരേ നീട്ടിക്കൊണ്ടു പറഞ്ഞു…
“”…മ്മ്മ്.! ഞാൻ ബികോം ഹോട്ടൽ മാനേജ്മെന്റായിരുന്നത് നിന്റെഭാഗ്യം.! ഇല്ലേലിപ്പൊ കാണായ്രുന്നു… ഉപ്പിന്റെസ്ഥാനത്ത് പഞ്ചാരേം വാരിയിട്ടു നിന്ന് കിടിലങ്കൊള്ളുന്നെ..!!”””_ ഞാൻ ചിരിച്ചു…