ഒരുതവണ എങ്കിലും എന്നെ ഒന്ന് നോക്കിയിരുന്നെങ്കിൽ എന്ന് ഞാൻ ആഗ്രഹിച്ചു പക്ഷെ എവിടേട്ട്, നോക്കി ആ കൂട്ടത്തിൽ ആരോ. ഞാൻ നോക്കുന്ന കണ്ടിട്ട് മറ്റുള്ളവരെയും എന്നെ ചുണ്ടി കാണിച്ചു കൊടുത്തു, പെട്ടന്ന് തന്നെ ഞാൻ തല വെട്ടിച്ചു. പക്ഷെ അധിക നേരം അങ്ങനെ ഇരിക്കാൻ എനിക്കായില്ല ഞാൻ വീണ്ടും പുള്ളിയുടെ നേരെ കണ്ണ് പായിച്ചു. പക്ഷെ അവിടെ അയാൾ ഉണ്ടായിരുന്നില്ല. അവിടെ ഒക്കെ ഞാൻ നോക്കി എങ്കിലും പുള്ളിയെ പിന്നെ അവിടെ ഒന്നും കണ്ടില്ല. പിന്നെ ഞാൻ അയാളെ കാണുന്നത് പിറ്റേദിവസം ആയിരുന്നു ആ ദിവസം ഞാൻ ഒരിക്കലും മറക്കൂല്ല, എന്റെ ജീവിതത്തിലെ ഇരുണ്ട ഏടുകളുടെ തുടക്കം.
***
” ആരു നിനക്ക് എഴുന്നേൽക്കാൻ ആയില്ലേ ” oh അമ്മ കൊച്ച് വെളുപ്പാൻ കാലത്ത് തന്നെ തുടങ്ങിട്ടുണ്ട് എന്നും പിറുപിറുത്തു കൊണ്ട് ഞാൻ വീണ്ടും എന്റെ പുതപ്പിന്റെ ഉള്ളിലേക്ക് ചുരുണ്ടു. അപ്പോഴാണ് മേത്തു വെള്ളം തുള്ളി തുള്ളിയായി വീഴുന്ന പോലെ തോന്നിയത്, ഇനി ദേവി എന്റെ തലവഴി
കമത്താൻ ബക്കറ്റും വെള്ളവുമായി വന്നതാണോ ആവോ. ഞാൻ ഞെട്ടി പിടഞ്ഞെഴുന്നേറ്റു, നോക്കിയപ്പോൾ ആതു ആണ് അവൾ കുളി കഴിഞ്ഞു മുടി ചീവിയപ്പോ തെറിച്ചു വീണ വെള്ളം ആണ്. വെറുതെ തെറ്റ് ധരിച്ചു. അല്ല ഇവൾ ഇതെന്തിനാ ഇത്ര നേരത്തെ ഒരുങ്ങുന്നേ. ടൈം നോക്കിയപ്പോൾ ഞാൻ ഒന്ന് ഞെട്ടി ആറ് മണി ആയിരിക്കുന്നു. വെറുതെ അല്ല ദേവി രാവിലെ തന്നെ ഭദ്ര കാളി ആയത്.
” ഈശ്വരാ ഇന്ന് മൊത്തത്തിൽ വൈകുമല്ലോ, അതെങ്ങനാ ഇന്നലെ ആ കോന്തനെ ഓർത്തിരുന്ന് ഒറങ്ങിയപ്പോ വെളുപ്പിനെ ആയില്ലേ ”
” ഏത് കോന്തനെ?? ” ആതു ചോദിച്ചപ്പോഴാണ് എന്റെ ആത്മഗതം ഇത്തിരി ഉറക്കെ ആയിരുന്നു എന്ന് ഞാൻ മനസ്സിലാക്കിയത്.
” നീ റെഡി ആയി പോവാൻ നോക്കടി ” ഞാൻ ആതു വിനോട് ചൂടായിട്ട് നൈസ് ആയി അടുക്കളയിലേക്ക് വെച്ച് പിടിച്ചു.
” പറയുമ്പോൾ രണ്ട് പെൺപിള്ളേരാ എന്ന് വെച്ച് എനിക്ക് എന്തേലും സഹായം ഉണ്ടോ ഏഹേ, അടുക്കളയിൽ പോലും ഒരെണ്ണം കയറൂല്ല. മൂത്തവൾ ആണേൽ ഇതേവരെ എഴുന്നേറ്റിട്ട് പോലുമില്ല, എന്റെ തല വിധി ” അമ്മ ഓരോന്ന് പിറുപിറുത്തോണ്ട് ദോശ ചുടുവാണ്.
” അമ്മൂസെ ” എന്നും വിളിച്ചു ഞാൻ പുറകിൽ നിന്ന് കെട്ടിപിടിച്ചു.
” ദേ പെണ്ണെ അടങ്ങി ഇരി, എന്റെ കയ്യിൽ ചട്ടുകം ആണ് ഇരിക്കുന്നെ, ഞാൻ എടുത്ത് കവിളിൽ വെക്കും ” അമ്മ രാവിലെ തന്നെ കലിപ്പിൽ ആണ്.
” ചോരി, ഉറങ്ങി പോയിട്ടല്ലേ അമ്മൂസെ, ദോശ വേണേൽ ഞാൻ ചുടാം ” ഞാൻ അമ്മയെയും ഒന്നൂടെ ചേർത്ത് പിടിച്ചിട്ട് ആ കവിളിൽ ഒരു ഉമ്മ കൊടുത്തോണ്ട് പറഞ്ഞു.
“മതി മതി സോപ്പ് ഇട്ടത്, നീ പോയി കുളിക്കാൻ നോക്ക് ആദ്യ ആഴ്ച തന്നെ ക്ലാസ്സ് ലേറ്റ് ആക്കണ്ട ”
” താങ്ക്യു ” അമ്മക്ക് ഒരു ഉമ്മ കൂടി കൊടുത്തിട്ട് ഞാൻ വേഗം കുളിക്കാനായി ഓടി. ഇത്രയേ ഉള്ളു ന്റെ അമ്മ. എത്ര കലിപ്പിൽ ആണേലും ഞങ്ങൾ ഒന്ന് സോപ്പിട്ടാൽ അലിയും. ഞാൻ വേഗം തന്നെ കുളിച് ഇറങ്ങി. എനിക്ക് ഏറ്റവും പ്രീയപ്പെട്ട ചുവന്ന കളർ ചുരിദാർ എടുത്തിട്ടു, കണ്ണ് എഴുതി, മൂക്കുത്തി എടുത്തണിഞ്ഞു. പിന്നെ ഞാൻ പതിയെ കണ്ണാടിയുടെ മുന്നിൽ നിന്ന് തിരിഞ്ഞും മറിഞ്ഞും നോക്കി. Mm ഒരു ഭംഗി ഒക്കെ ഉണ്ട്.
” ഇതൊക്കെ പുതിയ കലാ പരുപാടി ആണല്ലോ, കോളജിൽ കാലെടുത്തു വെച്ചപ്പോഴേ ഇങ്ങനെ ആണേൽ ഇനി ന്തൊക്കെ കാണേണ്ടി വരും ഈശ്വരാ ”
ശബ്ദം കേട്ടു തിരിഞ്ഞു നോക്കിയപ്പോഴാണ് അവിടെ നിന്ന് ബുക്ക് തപ്പി കൊണ്ടിരുന്ന ആതു വിനെ ഞാൻ കണ്ടത്.
” നീ ക്ലാസ്സിൽ പോവാൻ നോക്ക് പെണ്ണെ ” ചമ്മൽ മറച്ചു കൊണ്ട് ഞാൻ പറഞ്ഞു.
അവൾ ഒന്ന് അമർത്തി മൂളിയിട്ട് പുറത്തേക്ക് പോയി. അവൾ പത്താം ക്ലാസിൽ ആയത് കൊണ്ട് ടൂഷൻ ഒക്കെ ഉണ്ട്, അത് കൊണ്ട് നേരത്തെ പോണം. ഞാൻ ചായ കുടിക്കാൻ ചെന്നപ്പോൾ അവൾ പോയിരുന്നു.
” അമ്മൂസെ അച്ഛ ഉണർന്നില്ലേ?? ” ചൂട് ദോശയിലേക്ക് ചമ്മന്തി കോരി ഒഴിച്ച് കൊണ്ട് ഞാൻ ചോദിച്ചു.
” അച്ഛൻ രാവിലെ തന്നെ പോയി, വിശ്വനാഥൻ സാർ ഓട്ടം വിളിച്ചിരുന്നു ”