ജിത്തു എന്റെ കയ്യിൽ പിടിച്ചു പറഞ്ഞു…
“നീ മിണ്ടരുത് മൈരേ.. ഇപ്പൊ എങ്ങാനും വീണെന്കിലോ.. നീ ഇത് തന്നെ പറയോ.. ഇവള്ടെ ചെപ്പക്കുറ്റി നോക്കി ഒന്ന് കൊടുക്ക വേണ്ടെ..”
ഞാൻ ദേഷ്യം അടങ്ങാതെ പറഞ്ഞു..
“ഓ പിന്നെ എന്റെ കൈ അപ്പൊ മാങ്ങാ പറിക്കാൻ പോകുവൊന്നും ഇല്ല.. തിരിച്ചും കിട്ടും..”
ചെറുതായി ചെരിഞ്ഞ വണ്ടി നേരെ നിർത്തികൊണ്ടവളും ദേഷ്യത്തോടെ പറഞ്ഞു…
“എന്നിട്ടും ഈ നായിന്റമോൾടെ അഹങ്കാരം കണ്ടില്ലേ.. കൊണ്ട് വന്നു മുന്നിലിട്ടതും പോരാഞ്ഞിട്ട്..”
ഞാനും കിടന്നലറികൊണ്ട് പറഞ്ഞു…
“ദേ സൂക്ഷിച് സംസാരിച്ചോണം.. എനിക്കും ചീത്ത വിളിക്കാൻ അറിയാൻ പാടില്ലാഞ്ഞിട്ടൊന്നും അല്ല..ഇയാൾക്കില്ലാത്ത ഒരു സാദനം ഉണ്ടായിപ്പോയി… അന്തസ്സ്…”
അവൾ എന്നെ നോക്കി പുച്ഛത്തോടെ പറഞ്ഞു..
“കൊണ്ട് പോയി ഉപ്പിലിട്ട് വെക്ക് നിന്റെ കോപ്പിലെ അന്തസ്സ്…”
ഞാനും വിട്ടു കൊടുത്തില്ല.. ജിത്തു ഇതൊക്കെ നോക്കി എൻജോയ് ചെയ്തിരിപ്പുണ്ട്..
“ഇയാളാരാന്നാ വിചാരം ഹഹ്.. നിങ്ങളല്ലേ ഹോൺ അടിക്കണ്ടത്..ഇത്ര വലിയ മൊട്ടക്കണ്ണ് ഉണ്ടായിട്ട് കാര്യമില്ല അത് വച് കാണാൻ പഠിക്കണം.. ഓവർ സ്പീഡിൽ വന്നതും പോരാ എന്റെ മെക്കട്ട് കേറാൻ വന്നിരിക്കുന്നു ജന്തു..”
“നിന്നോടൊന്നും പറഞ്ഞിട്ടൊരു കാര്യവുമില്ല.. നിനക്കുള്ള പണി ഞാൻ തരാം..”
അതും പറഞ്ഞവൾടെ വണ്ടിടെ കീ ഞാൻ ഊരിയെടുത്തു പോക്കറ്റിൽ ഇട്ടു പറഞ്ഞു…
“നീയിനി വീട്ടിൽ പോയി ഡ്യൂപ്ലിക്കേറ്റ് കീ എടുത്ത് വണ്ടി ഇവിടുന്ന് കൊണ്ട് പോയ മതി.. അപ്പൊ ചേട്ടന്മാർ പോട്ടെ..”
“ദേ മര്യാദക്ക് എന്റെ കീ തന്നോ..നിങ്ങൾക്കിത് എന്തിന്റെ കേടാ.. മിനിഞ്ഞാന്നും ചുമ്മാ എന്റെ വണ്ടിക്ക് വന്നിടിച്ചു എന്നെ തന്നെ തെറിയും പറഞ്ഞു..ഇപ്പൊ ഇങ്ങനെയും..”
എന്നും പറഞ്ഞു അവൾ ചിണുങ്ങി..
“ടാ വിടെടാ.. നീ വന്നേ മൈരേ.. പിള്ളേരെ പോലെ.. അതെടുത്തു കൊടുത്തേ… നിങ്ങൾ രണ്ടും കഴിഞ്ഞ ജന്മത്തിൽ കല്യാണം കഴിച്ചവരാണെന്ന തോന്നുന്നേ.. എപ്പോ കണ്ടാലും അപകടം ആണല്ലോ പുല്ല് ”
എന്നും പറഞ്ഞു ജിത്തു എന്റെ പോക്കട്ടീന്ന് കീ എടുത്ത് അവൾക് കൊടുത്തു കൊണ്ട് തുടർന്നു..
“എന്റെ പൊന്ന് പെങ്ങളെ.. സോറി.. ഞാൻ ഹോൺ അടിക്കണമായിരുന്നു..ഓക്കെ.. പ്രശ്നം തീർന്നല്ലോ..”
“ഇയാളുടെ കൂടെ നടന്നിട്ടും അവന്റെ സ്വഭാവമെന്താ ഇങ്ങനെ.. നല്ലതൊക്കെ പറഞ്ഞു കൊടുത്തൂടെ…”
അവൾ ഞാൻ കേൾക്കേ ജിത്തൂനോട് പറഞ്ഞു..
അത് കേട്ടതും വിറഞ് കേറിയ ഞാൻ നല്ല പുളിച്ച തെറിയണവളെ വിളിക്കാൻ പോവുന്നതെന്ന് മനസിലാക്കിയ ജിത്തു വേഗം വന്നെന്റെ വായ അമർത്തി പിടിച്ചു..
ആ നാറി എന്നെ ഒന്നൂടി നോക്കിപ്പേടിപ്പിച് വണ്ടി സ്റ്റാർട്ടാക്കി പോവാനൊരുങ്ങി..
നമ്മളും വണ്ടിയിൽ കയറി.. പക്ഷെ ജിത്തു വണ്ടി സ്റ്റാർട്ടാക്കാതെ വന്നപ്പോ ഞാൻ ചോദിച്ചു..
“നിനക്കല്ലേ മൈരേ ലേറ്റ് ആയതിന് കുരു പൊട്ടിയത്.. എന്നിട്ടിപ്പോ വണ്ടി സ്റ്റാർട്ടാക്കാതെ സ്വപ്നം കാണെന്ന് നീ…???”
“അവൾ പണി തന്നെന്നാടാ തോന്നുന്നേ..”
കാര്യം മനസിലാവാതെ അവളെ നോക്കിയപ്പോ കക്ഷി വണ്ടിയെടുത്തു കുറച്ചു മുന്നോട്ടായി നിർത്തി നമ്മളെ നോക്കി ചിരിച്ചു..
“എന്താടി മൈരേ..”
ഞാൻ അവൾ ഇളിക്കുന്നത് കണ്ട് ദേഷ്യം വന്നു പറഞ്ഞു..
അപ്പഴാണ് അവൾടെ കയ്യിൽ എന്റെ വണ്ടിടെ കീ ഞാൻ ശ്രദ്ധിച്ചത്.. ന്റമ്മോ ഇമ്മാതിരി കള്ളി.. ഇതെപ്പോ പൊക്കി നാറി..
അവൾ കീ കയ്യിലിട്ട് കറക്കി ഒറ്റയെർ അടുത്തുള്ള പുല്ലിലേക്ക്.. എന്നിട്ട് പറഞ്ഞു..
“നിനക് ആള് മാറിപ്പോയെടാ.. മോൻ തരത്തിൽ പോയി കളിക്ക് ട്ടോ..” എന്നെ നോക്കി പറഞ്ഞിട്ട് ജിത്തൂനോടായി അവൾ തുടർന്നു..
“ഇയാളോട് സോറി ട്ടോ.. ആ ബാക്കിൽ ഇരിക്കുന്ന കുരങ്ങനെ ഒഴിവാകുന്നത് വരെ നിങ്ങൾക്കും ശനിയാണ്..”
എന്നും പറഞ്ഞു എന്നെയൊന്നു പുച്ഛത്തോടെ നോക്കി അവൾ വണ്ടി സ്പീഡിലെടുത്തു…
“കൊരങ്ങൻ നിന്റപ്പനാടി പുല്ലേ..”
അവൾ കേൾക്കാനൊന്നും വഴിയില്ലെങ്കിലും എന്റെ ഒരു ആശ്വാസത്തിനായി ഞാൻ വിളിച്ചു..