പക്ഷെ ആ കൂട്ടത്തിൽ ഒരു പെൺകുട്ടി അത്യാവശ്യം തെറ്റില്ലാതെ കളിക്കുന്നുണ്ട്, അവൾ പച്ച നിറത്തിലുള്ള പാവാടയും ബ്ലൗസുമാണ് ധരിച്ചിരുന്നതു,ഒപ്പം ഒരു വെളുത്ത ഷാളും ചുറ്റിയിട്ടുണ്ട്, അവളെ കാണാനും നല്ല ഭംഗിയുണ്ട്, നല്ല ഒരു വെളുത്ത സുന്ദരി.
ശശികലയുടെ ദീപാവലയം കഴിഞ്ഞതും, ഒരു സ്ത്രീ മൈക്കിലൂടെ അന്നൗൺസ് ചെയ്തു, അടുത്തതു് നമ്മുടെ നാടിൻറ്റെ അഭിമാനമായ, നമ്മുടെയെല്ലാം പ്രിയങ്കരിയായ മാളവിക എന്ന മാളുവിന്റ്റെ സോളോ പെർഫോമൻസ് ആണ്,, അതിനാൽ മറ്റുള്ള പെൺകുട്ടികൾ വേദി ഒഴിഞ്ഞു കൊടുക്കുക!!
അനൗൺസ്മെന്റ് വന്നതും മാളു ഒഴികെ മറ്റു പെണ്കുട്ടികളെല്ലാം വേദിയിൽ നിന്നും മാറി നിന്നു, ഈ മാളു തന്നെയായിരുന്നു ഞാൻ നേരത്തെ നോട്ടമിട്ട പച്ചപ്പാവാടക്കാരി!!
നേരുപറഞ്ഞാൽ അവളെ കാണാനും ഭംഗിയുണ്ട്, താരതമ്യേന മറ്റുള്ളവരെക്കാൾ നന്നായി ഡാൻസും ചെയ്യുന്നുണ്ട്, പക്ഷെ എനിക്കെന്തോ അവളെ ഇത്രയ്ക്കങ്ങു പുകയ്തി പറയുന്നത് ഇഷ്ടപ്പെട്ടില്ല (ആഹ്,, അത് തന്നെ,, അസൂയ)
അസൂയ മൂത്തു മനസ്സു പുകഞ്ഞു നിൽക്കുന്ന തക്ക സമയത്തു തന്നെ അടുത്തിരുന്ന പാർവ്വതിയമ്മ അവരുടെ മുഴുപ്പ് കൊണ്ട് എൻ്റെ മുഴുപ്പിൽ തട്ടിക്കൊണ്ടു പറഞ്ഞു,,
“ദേ,, അതാണ് മാളു,, ഇവളെ ഡാൻസിൽ വെല്ലാൻ ഈ നാട്ടിൽ വേറെ ആളില്ല, അത്രയ്ക്കും കഴിവുള്ള കുട്ടിയാ അത്”
അതും കൂടി കേട്ടപ്പോൾ എൻറെ ഉള്ളിൽ അസൂയയും, ദേഷ്യവും എല്ലാം കൂടെ നുരഞ്ഞു പൊന്തി, ഞാൻ അല്പം മുഖം കറുപ്പിച്ചു തന്നെ പാർവ്വതിയമ്മയ്ക് മറുപടി കൊടുത്തു
” ഓഹ്,, അതിനു മാത്രമൊന്നുമില്ല,, ഞാനും കണ്ടതല്ലേ,, തമ്മിൽ ബേധം തൊമ്മൻ അത്രേ ഉള്ളൂ,,”
എൻ്റെ ആ മറുപടി പാർവ്വതിയമ്മയ്ക് അത്രയ്ക്കങ്ങു പിടിച്ചില്ലെങ്കിലും അവരൊന്നും പ്രതികരിച്ചില്ല, പക്ഷെ എൻ്റെ ആ കമന്റ്റ് കേട്ട മറ്റൊരു സ്ത്രീ എനിക്കെതിരെ പ്രതികരിച്ചു,, അത്യാവശ്യം ശക്തമായി തന്നെ പ്രതികരിച്ചു!!
ആ സ്ത്രീയുടെ പ്രതികരണം: “ഓഹ്,, നമ്മളൊക്കെ ഗ്രാമവാസികളാ,, നമ്മളെ സംബന്ധിച്ചെടുത്തോളം മാളു തന്നെയാ ഇവുടത്തെ മിടുക്കിയും ഏറ്റവും വലിയ നൃത്തകിയും,, നിനക്ക് അതിനേക്കാൾ വമ്പുണ്ടെങ്കിൽ പോയി കളിച്ചു കാണിക്ക്, അല്ലാതെ വെറുതെ ഇവിടിരുന്ന അസൂയ മൂത്തിട്ടു കാര്യമില്ല”
ശരിക്കും ആ സ്ത്രീയുടെ ആ മുഖത്തടിച്ച പോലുള്ള സംസാരം എനിക്ക് വല്ലാതെ മനസ്സിൽ കൊണ്ടു, പക്ഷെ ഞാൻ ഇവിടുത്തെ അഥിതി ആയി വന്നതിനാൽ, മറുത്തൊന്നും പറയാതെ വെറുതെ ആ സ്ത്രീയെ ദഹിപ്പിക്കുന്ന തരത്തിൽ കണ്ണുകൾ ഉരുട്ടി ഒന്ന് നോക്കുക മാത്രം ചെയ്തു ,,
പക്ഷെ ആ സ്ത്രീ വിടുന്ന ലക്ഷണമില്ല,, അവർ വീണ്ടും പറഞ്ഞു തുടങ്ങി
പുറത്തു നിന്നു എല്ലാം വെറുതെ നോക്കിയിരുന്ന് കുറ്റം പറയാൻ എളുപ്പമാ,, ചുണയുണ്ടെങ്കിൽ അവിടെ പോയി ഒന്ന് കളിച്ചു കാണിക്ക്,,,
ഇത്രയും വലിയൊരു വെല്ലുവിളി ഞാൻ എൻ്റെ ജീവിതത്തിൽ നേരിട്ടിട്ടില്ല,, ഇപ്പോൾ ഇതെൻറെ അഭിമാന പ്രശ്നമായി മാറിയിരിക്കുന്നു,, എന്നാപ്പിന്നെ അത് തെളിയിച്ചിട്ടു തന്നെ കാര്യം,, ഞാനും ഒരുമ്പട്ടിറങ്ങാൻ തീരുമാനിച്ചു,,
ഞാൻ എൻ്റെ വലതു ഭാഗത്തിരിക്കുന്ന പാർവ്വതിയമ്മയോടായി പറഞ്ഞു
“പാർവ്വതിയമ്മേ,, മാളൂനോടൊന്നു ചോദിച്ചു നോക്കൂ,, ഞാനുമായി ഒരു മത്സരത്തിനുണ്ടോന്നു??”
ഇത് കേട്ടതും, പാർവ്വതിയമ്മയുടെ കണ്ണുകൾ ആശ്ചര്യത്താൽ വിടരുന്നതും, ഒപ്പം ചുണ്ടുകളിൽ ഒരു കുസൃതിച്ചിരി വിരിയുന്നതും ഞാൻ ശ്രദ്ധിച്ചു
പാർവ്വതിയമ്മ നേരെ നടന്നു ചെന്ന് മൈക്കിൽ അനൗൺസ് ചെയ്തു
“എല്ലാവരുടെയും ശ്രദ്ധയ്ക്ക്,, ഇപ്പോൾ ഇവിടെ ഒരു മത്സരം നടക്കാൻ പോവുകയാണ്,, നമ്മുടെ മിടുക്കിയായ മാളുവും പിന്നെ ഇന്നത്തെ നമ്മുടെ മുഖ്യ അധിതികളിൽ ഒരാളായ ചിത്ര മോളും തമ്മിൽ,,
ആ അന്നൗൺസ്മെൻറ് വന്നതും അവിടെ കരഘോഷമുയർന്നു,, വളരെ ഉറക്കെയുള്ള ആർപ്പു വിളികളും,കൈമുട്ടലുകളും!! പക്ഷെ ഗ്രൗണ്ട് സപ്പോർട്ട് മൊത്തം മാളുവിനാണ്,,
എല്ലാവരും ചേർന്നു ‘മാളു,,, മാളു,, മാളു,,’ എന്ന് ഒരു മന്ത്രംപോലെ ഉരുവിട്ടുകൊണ്ടിരുന്നു,, അതുകൂടി ആയപ്പോൾ എൻ്റെ വാശിയും കൂടി വന്നു,,