അത്യാവശ്യം ധീർക നേരത്തേക്ക് മാളു പിടിച്ചു നിന്നെങ്കിലും,അവസാനം അവൾ തല കറങ്ങി തറയിലേക്ക് വീണു, വിജയം ഉറപ്പിച്ചു കഴിഞ്ഞിട്ടും ഞാൻ കറങ്ങിക്കൊണ്ടേയിരുന്നു.
‘ചിത്ര’,,,’ചിത്ര’,,,’ചിത്ര’,,,’ചിത്ര’,,,’ചിത്ര’
സദസ്സ് മുഴുവൻ,,, ആ ഒരു പേര് മാത്രം വിളിച്ചു കൂവിക്കൊണ്ടു എൻ്റെ വിജയപ്രഖ്യാപനം നടത്തി!!
ആ അത്യന്ധം ആവേശകരമായ മുഹൂർത്തത്തിലും, ഞാൻ നേരെ നടന്നു ചെന്നത് തറയിൽ വീണു കിടക്കുന്ന മാളുവിൻറ്റെ അടുത്തേക്കായിരുന്നു, ഞാൻ അവളെ ഷോൾഡറിൽ പിടിച്ചു ഉയർത്തിയതും അവൾ എന്നെ കെട്ടിപ്പിടിച്ചു കൊണ്ട് പറഞ്ഞു ” സമ്മതിച്ചു ചേച്ചി,, ഞാൻ തോൽവി സമ്മതിച്ചിരിക്കുന്നു,, നിങ്ങൾ വളരെ വലിയ ഡാൻസർ തന്നെയാണ്”,
ഇത്രയും പറഞ്ഞു മാളു എൻ്റെ കാൽക്കൽ തൊട്ടു വണങ്ങാൻ തുടങ്ങിയതും, ഞാൻ അവളെ തടഞ്ഞു, (ഇവിടെയുള്ളവർക്ക് ഇങ്ങനെയുള്ള മര്യാദകൾ സാധാരണമായിരിക്കാം, പക്ഷെ എനിക്കിതൊന്നും ശീലമില്ലാത്ത കാര്യങ്ങളാണ്, എന്തോ അവൾ അപ്പോൾ എന്നോട് കാണിച്ച ആ ബഹുമാനം കാരണം എനിക്ക് അവളോടുള്ള അസൂയ അലിഞ്ഞില്ലാതായി എന്ന് മാത്രമല്ല അവളോട് വല്ലാത്ത സ്നേഹവും തോന്നിത്തുടങ്ങി)!!
പ്രേകഷകരുടെ കരഘോഷങ്ങൾ അപ്പോഴും തീർന്നിട്ടുണ്ടായിരുന്നില്ല, ആദ്യമായിട്ടാവും അവർ ഇത്രയും ആവേശകരമായ ഒരു മത്സരത്തിന് സാക്ഷ്യം വഹിക്കുന്നത് എന്ന് അവരുടെ മുഖത്തെ സന്തോഷം കണ്ടാൽ തന്നെ അറിയാം!!
അല്പം കഴിഞ്ഞതും, സദ്യ പാകമായിട്ടുണ്ടെന്നും എല്ലാവരോടുമായി തീന്മേശയുടെ ഭാഗത്തേക്ക് ചെല്ലാനും ആരോ ഒരാൾ വിളിച്ചു പറഞ്ഞു!!
ഞാൻ വീട്ടിനകത്തേക്ക് കയറുമ്പോൾ, മഹി ഏതോ ഒരു കൈക്കുഞ്ഞിനെ മടിയിലിരുത്തി താലോലിക്കയായിരുന്നു, നല്ല രസമുണ്ടായിരുന്നു മഹിയെ അങ്ങനെ ഒരു കോലത്തിൽ കാണാൻ.
ഞാൻ കപടദേഷ്യം ഭാവിച്ചു കൊണ്ട് മഹിയുടെ അടുത്തേക് ചെന്ന് ചോദിച്ചു
ഞാൻ: സത്യം പറഞ്ഞോ,, ആരുടെയാ ഈ കൊച്ചു??
മഹി: (പേടിച്ച പോലെ അഭിനയിച്ചു കൈകൂപ്പിക്കൊണ്ട് പറഞ്ഞു) ഓഹ്,,, എൻ്റെ പൊന്നേ,, ഏതോ ഒരു സ്ത്രീ കുറച്ചു നേരം നോക്കുമോ എന്ന് ചോദിച്ചപ്പോ കൊതികൊണ്ടു വാങ്ങിച്ചതാ,,, നീ വെറുതെ എന്നെ ആരാന്റ്റെ കൊച്ചിന്റെ തന്തയാക്കല്ലേ,,,
ചിത്ര: അവൻ്റെ കാതിലേക്കു ചുണ്ടു ചേർത്ത് രഹസ്യം പോലെ പറഞ്ഞു ” സാറിനു ഇത്രയ്ക്കു കൊതിയുണ്ടെങ്കിൽ, സ്വന്തമായി ഒരെണ്ണത്തിനെ ഉണ്ടാക്കരുതോ??,,,
മഹി: പിന്നെന്താ,, നൂറു വട്ടം സമ്മതം,, പക്ഷെ നിൻറ്റെ ഫുൾ സപ്പോർട്ട് ഇണ്ടായിരിക്കണം,,
ഇത്രയും പറഞ്ഞു അവർ രണ്ടുപേരും ഒരുപോലെ പൊട്ടിച്ചിരിച്ചു,,,
മഹി തുടർന്നു: എന്നാ നീ പോയി ആന്റ്റിയോടൊപ്പം ഭക്ഷണം കഴിക്കാൻ നോക്കു, ഞാൻ ഈ കൊച്ചിനെ തിരിച്ചേല്പിച്ചു കഴിഞ്ഞാൽ വരാം.
ചിത്ര മറ്റുള്ളവരെ അനുഗമിച്ചു തീൻമേശ ലക്ഷ്യമാക്കി നടക്കാൻ ആരംഭിച്ചു, അപ്പോഴാണ് അവൾ നേരത്തെ കണ്ട ആ കറുത്ത് മെലിഞ്ഞ ചെറുക്കൻ മുകളിലേക്കുള്ള പടികൾ കയറിപ്പോകുന്നത് ശ്രദ്ധിച്ചത്, എന്തോ അവൻ്റെ ആ ചുറ്റുപാടും വീക്ഷിച്ചുള്ള ആ കയറിപ്പോകിൽ എന്തോ ഒരു പന്തികേടുള്ളത്പോലെ ചിത്രയ്ക്ക് തോന്നി.
ആദ്യം അത് വിട്ടുകളഞ്ഞെങ്കിലും വീണ്ടും സ്ത്രീ സഹജമായ ജിറ്റ്നാസ അവളുടെ മനസ്സിനെ അലട്ടിക്കൊണ്ടിരുന്നു (എന്നാലും എന്തിനായിരിക്കും അവൻ പാത്തും പതുങ്ങിയും മുകളിലേക്കു പോയിട്ടുണ്ടാകുക, ഇനി ചിലപ്പോൾ മാളുവും ഒത്തു എന്തെങ്കിലും??,,)
അതെ! അത് തന്നെ, ചിത്രയുടെ മനസ്സിൽ നിന്നും അവൻ മാളുവിനെ കാണാൻ പോകുകയാണെന്ന് ആരോ ശക്തമായി വിളിച്ചു പറയുന്നുണ്ടായിരുന്നു, എന്നാൽ അതൊന്നു അറിഞ്ഞിട്ടു തന്നെ കാര്യമെന്ന് ചിത്രയും ഉറപ്പിച്ചു!!
മറ്റുള്ളവരുടെ കണ്ണിൽ പെടാതെ, ചിത്രയും മെല്ലെ പടവുകൾ കയറിത്തുടങ്ങി, ഒന്നാം നിലയിൽ എത്തിയിട്ടും അവൾക്കു ആരെയും അവിടെ കാണാൻ സാധിച്ചില്ല, ബാൽക്കണിയുടെ വാതിൽ ചെറുതായി തുറന്നു കിടക്കുന്നതു കണ്ടതിനാൽ അവൾ മന്ദം മന്ദം ചുവടുകൾ വെച്ച് ബാൽക്കണി ലക്ഷ്യമാക്കി നടന്നു.
നട്ടുച്ച നേരമാണ്, കല്യാണ വീടാണ് അതിനാൽ തന്നെ അവൻ്റെ മുമ്പിൽ പെട്ടുപോയാലും തനിക്ക് അപകടമൊന്നും സംഭവിക്കില്ല എന്ന ധൈര്യം ചിത്രയ്ക്കുണ്ടായിരുന്നു, അതേ സമയം,താൻ അവരെ പിന്തുടരുന്നത് അവർ അറിയാനും പാടില്ല, എന്നാലേ അവരുടെ കള്ളക്കളി കയ്യോടെ പിടിക്കാൻ പറ്റൂ!!