” എന്താടാ ഞാൻ ഇല്ലാത്തേരം എന്നെ പറ്റി പുയിപ്പടിക്കുന്നത്… ”
ഞാൻ ശ്രീയുടെ അടുത്തായി ചെന്നിരുന്ന് കൊണ്ട് ചോദിച്ചു…
” അല്ല നിന്റെ ഇങ്ങോട്ട് വരാൻ ഉള്ള കൃത്യനിഷ്ഠതയെ പറ്റി പറഞ്ഞതാണേ…എല്ലാം വന്ന് കേറിയ കൊച്ചിന്റെ ഗുണം… ”
അതിന് അവൻ്റെ വായീന്ന് വീണ മറുപടി കേട്ടതും ഞാൻ ആ പന്നിയെ ചൂഴ്ന്നൊന്നു നോക്കി…
” അതല്ലേലും എല്ലാവരുടേം ജീവിതത്തിൽ ഒരു ലൈവ് ചെയിംജിങ്ക് മൂമൻ്റ് ഉണ്ടാവില്ലെ… ഇവൻ്റെ ജീവിതത്തിൽ ആ പെണ്ണായിരുന്നു… “
നന്ദുവായിരുന്നു ആ ഡയലോഗിൻ്റെ ഉടമ… കണ്ട ഊള റീൽസും കണ്ടെറങ്ങിക്കോളും മൈരൻ ബാക്കിയുള്ളവൻ്റെ നെഞ്ചത്ത് കൊട്ടാൻ…
” പഫാ… അവളോ ഞാൻ…എനിക്കാണ് ആ ക്രഡിക്റ്റ്…ഞാൻ ബൈക്കിന്റെ മണ്ടേന്ന് നിലത്ത് വീണ് മണ്ണ് ടെസ്റ്റ് ചെയ്തില്ലായിരുന്നേൽ ഇങ്ങനൊക്കെ നടക്കുവോ… ”
അതുല് വളരെ അഭിമാനത്തോടെ അത് പറഞ്ഞത് കേട്ടപ്പൊ ഞാൻ അന്തം വിട്ടു നിന്നു…അല്ലേ പിന്നെ നിങ്ങള് തന്നെ പറ ഇതിനൊക്കെ ഞാൻ തിരിച്ചെന്ത് മറുപടി പറയാനാ…അവന് ക്രെഡിറ്റ് വേണത്രേ…
” നിനക്ക് എൻ്റെ കല്ല്യാണത്തിന് രണ്ട് പപ്പടം തരാം പോരേ…ഇതികൂടുതൽ ഒന്നും ചോദിക്കരുത്… ”
ഞാൻ അവനെ നോക്കി ആക്കി ചിരിച്ചുകൊണ്ട് പറഞ്ഞു കൂട്ടത്തിൽ ആ വിശ്വരൂപത്തെ ഒന്ന് തൊഴുകയും ചെയ്തു..റെയറ് പീസാണേ…അതോടെ അവിടൊരു കൂട്ട ചിരിക്കുള്ള വകയായിരുന്നു പിന്നീട്… പിന്നെ അങ്ങോട്ടും ഇങ്ങോട്ടും ഇത്തിരി നേരം തമാശകൾ പറഞ്ഞ് നേരം അങ്ങ് തള്ളിനീക്കി…ഒടുക്കം ഫുഡും കഴിച്ച് ശേഷം ആശാന്മാർ എല്ലാവരും കിടക്കാൻ എന്നോണം ബെഡുകളിൽ ചുരുണ്ടുകൂടി…
അങ്ങനെ ഒരുവിധം പിള്ളേരൊക്കെ ഉറങ്ങിയെന്ന് തോന്നിയപ്പോൾ ഞാൻ നമ്മുടെ കഥ നായികയെ ഒന്ന് ഫോണ് ചെയ്തു… കാമുകന്മാരുടെ ഒരു കഷ്ടപ്പാടേ….
” ഹലോ…ന്വാമിന് ദേവിയെ ഒന്ന് ദർശിച്ചാൽ കൊള്ളാമെന്നുണ്ട്…ഒന്ന് ഇത്രേടം വരെ വരുവോ… ”
അവൾ ഫോൺ എടുത്തതതും ഞാൻ ഡോറിന്റെ അടുത്തേക്ക് നടന്നുകൊണ്ട് പറഞ്ഞു…ആഹാ കൊള്ളാലോ എനിക്ക് ഈ അച്ചടി ഭാഷ നല്ല അസ്സലായി വഴങ്ങുന്നുണ്ടല്ലേ…ഇനി കഴിഞ്ഞ ജന്മത്തിൽ വല്ല തറവാട്ടിലും ആണോ ഈ ഉണ്ണി പിറന്നത്…ചിന്തകൾ അങ്ങോട്ട് കാട് കേറാൻ തുടങ്ങുമ്പോൾ ഒടുക്കം മനസ്സ് തെണ്ടി ഉള്ളിൽ നിന്ന് മിസ്റ്റർ ധരം നമ്മൾ കാര്യത്തിൽ നിന്നും വഴിമാറുന്നു എന്നോർമിപ്പിച്ചു…
” ഇല്ല… പറ്റില്ല…ഇയാളാരാ… ”
ഞാൻ പറഞ്ഞ് മുഴുവിപ്പിച്ചതും ലവളുടെ മറുപടി വന്നതോ ഞാൻ ആരാന്ന്…ആഹാ…എങ്ങനിരിക്കണ്…
” ആഹാ ഞാനോ ഞാന്നിൻ്റച്ഛൻ്റെ… ”
ലവളുടെ തന്തയ്ക്ക് ഇട്ട് രണ്ട് പറയാം എന്ന് കരുതിയതും ഡോറും തുറന്നപ്പൊ ദാണ്ടെ നിൽക്കുന്നു പെണ്ണ് മുന്നിൽ…ഇവളാര് മേഘസന്ദേശത്തിലെ റോസിയോ ആസ്ഥാനത്ത് പെട്ടെന്ന് പ്രത്യക്ഷപ്പെടാൻ…
” അച്ഛൻ്റെ…? എന്തേ നിർത്തി കളഞ്ഞേ… ബാക്കി കൂടെ പറാ… ”
പെണ്ണ് ഫോണും കട്ടാക്കി റൂമിൻ്റെ ഉള്ളിൽ കേറിയതും ഒരുമാതിരി എൽകെജി പിള്ളേരെ വിരട്ടുന്ന ടീച്ചർമാരുടെ ഭാവത്തിൽ കൈയ്യും കെട്ടി എന്നെ നോക്കി നിൽപ്പുണ്ട്…
” അത് അച്ഛൻ്റെ കൂട്ടുകാരൻ്റെ മോനാന്ന് പറയാൻ വരുവാർന്നു… ”
ഞാൻ അവളെ നോക്കി ഒന്ന് സൈറ്റടിച്ച് കാണിച്ച് പറഞ്ഞതും പെണ്ണെന്നെ ഇരുത്തിയൊരു നോട്ടം…ഇനി ഇവളെ വല്ല കട്ടുറുമ്പും കടിച്ചോ…പാവം ആ ഉറുമ്പിന് വല്ലതും പറ്റിയോ ആവോ…
” നോക്കണ്ടടി ദിവ്യാ ഉണ്ണി അത് ഞാൻ തന്നെയാ… ”
ഞാൻ ഒന്ന് ഇളിച്ച് കൊണ്ട് പറഞ്ഞതും ദാണ്ടെ കിട്ടി ആദ്യ നുള്ള്…എൻ്റമ്മോ…എരിവ് വലിച്ച് കേറ്റിപോയി…ഇവളുടെ ഒക്കെ നഖത്തിൽ ആക്സോ ബ്ലേഡ് ഫിറ്റ് ചെയ്തിട്ടുണ്ടോ ഇങ്ങനെ നോവാൻ…
” എൻ്റെ പെണ്ണേ വിട്ടേ…നോവുന്നു… ”
ഞാൻ അവളുടെ കൈയ്യിൽ നിന്നും കുതറിമാറാൻ ശ്രമിച്ചു…
” ആഹാ സൗകര്യമില്ല… മോന് നേരത്തെ വിളിച്ചപ്പോൾ ഏതാണ്ടൊക്കെയോ കാണണമെന്ന് പറഞ്ഞല്ലോ… കാണണ്ടേ… ”
പറഞ്ഞ് തീർന്നതും അവള് ഒന്നൂടെ നുള്ളിന്റെ ഗിയർ മാറ്റിയതും ഒരു കാര്യം ഉറപ്പ് അവിടെ ബോഡിയുടെ പെയിൻ്റ് പോയിട്ടുണ്ടാവും…
” വേണ്ടെൻ്റെ പൊന്നേ ഞാൻ പാഞ്ചാലിയെ പോലെ കണ്ണ് കെട്ടി നടന്നോളാം…നീ വിട്…പിള്ളേര് എഴുന്നേൽകും…. ”
കട്ടുറുമ്പ് കടിചാൽ പോലും ഇല്ലാത്ത വേദനയാ പെണ്ണിന്റെ കൈയ്യിൽ നിന്ന് കിട്ടുന്ന നുള്ളിന്…ഒടുക്കം സഹികെട്ട ഞാൻ പിള്ളേരുണരും എന്ന തന്ത്രം പ്രയോഗിക്കാൻ തീരുമാനിച്ചു…
” പാഞ്ചലിയല്ലടാ പൊട്ടാ ഗാന്ധാരി… ”
അതെന്തായാലും ഏറ്റു…ഒടുക്കം കൈവിട്ട ശേഷം ദുഷ്ട എന്നെ നോക്കി ഒരു ചിരിയോടെ പറഞ്ഞു…
” കാന്താരിയോ അപ്പൊ അവരുടെ ഭർത്താവാള് കലിപ്പനാ…കൈയ്യുടെ ഇറച്ചി പിച്ചി എടുത്തിട്ട് അവളുടെ ഒരു പുരണക്ലാസ്… ”
ഞാൻ നുള്ള് കൊണ്ട സ്ഥലം തടവിക്കൊണ്ട് ലവളെ നോക്കി പല്ല് കടിച്ചു…അതിന് മറുപടി എന്നോണം അവളുടെ ഒരു കുണുങ്ങി ചിരിയും…
” വേദനിച്ചോ എൻ്റെ കുട്ടന്… “
അവളെന്റെ അടുത്ത് അതേ ചിരിയോടെ വന്നാ നുള്ള് തന്ന സ്ഥലത്ത് തടവിക്കൊണ്ട് ചോദിച്ചു…
” ഏയ് ഇല്ല ഇരട്ടപെറ്റ സുഖം മാറങ്ങട്… ”
ഞാൻ അതിനെ തള്ളിമാറ്റികൊണ്ട് പറഞ്ഞു… നുള്ളി തോലുരിച്ചിട്ടവളുടെ അമ്മൂമ്മയുടെ ഒരു കിന്നാരം…പക്ഷെ തട്ടി മാറ്റിയതും അതേ സ്പോട്ടിൽ ലവള് വീണ്ടും എൻ്റെ കൈയ്യിൽ ചുറ്റിപിടിച്ചു… ഈ സാധനം ചെറുപ്പത്തിൽ മുലപ്പാലിന് പകരം റബ്ബറും പാലാണോ കുടിച്ചത്… ഇനി ഇവൾടെ തന്തയ്ക്ക് വല്ല റമ്പറ് കച്ചോടവും ആയിരിക്കുവോ ബിസിനസ്സ്…
” അത് ഓർത്തപ്പോഴാ ഇന്ന് നിന്നേയും ഇറക്കി വീട്ടിൽ ചെന്നപ്പൊ അവിടൊരാളുണ്ടായിരുന്നു… ”
ചിന്തകൾ അങ്ങോട്ട് കാട് കേറിയപ്പോൾ ആയിരുന്നു ഞാൻ ആ കാര്യം ഓർത്തത്…
” ആരാത്… ”
അവളാരണെന്നറിയാൻ ഉള്ള തൊര കൊണ്ട് ചോദിച്ചത് എനിക്ക് നേരത്തെ മിസ്സായ അവളുടെ തന്തയ്ക്ക് ഇട്ട് വിളിക്കാൻ കിട്ടിയ ചാൻസിന് പകരമായി കിട്ടിയ ഫ്രീഹിറ്റായാരുന്നു…
” നിന്റെ തന്ത… ”
ആ ഫ്രീഹിറ്റ് ഞാൻ നല്ല വെടിപ്പായി ബൗണ്ടറിക്ക് മുകളിലൂടെ പറത്തി…ഇത്തിരി കനത്തിൽ ആണ് അത് പറഞ്ഞത്…അതോടെ പെണ്ണ് കളിയാക്കിയതാണെന്ന് കരുതി വീണ്ടും എൻ്റെ കൈയിൽ കേറി പിച്ചി…അപ്പൊ എവിടുന്നോ എൻ്റെ കാതിൽ മറ്റേ പാട്ടാരോ പാടും പോലെ തോന്നി ” അവനവൻ കുടുക്കുന്ന കുരു കഴിച്ചെടുക്കുമ്പോൾ ഗുലുമാൽ… ”
” എൻ്റെ പെണ്ണെ കാര്യായിട്ടാ നിന്റെ തന്തപടി അവിടുണ്ടായിരുന്നു… ”
ഞാൻ അവളെ നോക്കി പല്ലുകടിച്ച് പറഞ്ഞു…അല്ലാതെ അവളെ കേറി കടിക്കാൻ നിന്നാൽ ചുണ്ടെലി കേറി മുതലയെ കടിച്ചത് പോലിരിക്കും എൻ്റെ അവസ്ഥ…
” ആന്നോ എന്നാൽ മാഡത്തിനെ കാണാൻ വന്നതായിരിക്കും…ഞാൻ നേരത്തെ വിളിച്ചു പറഞ്ഞാർന്നു സംഭവം… ”