” നിങ്ങള് സംസാരിക്ക്,, ടാ നീ ഒന്ന് ഇങ്ങ് വന്നേ..!”
എന്നോട് അതും പറഞ്ഞു അമ്മ അടുക്കളയിലേക്ക് നടന്നു ഒപ്പം ഞാനും എന്റെ പുറകെ ഗംഗയും
” അല്ല നീ ഇത് എങ്ങോട്ടാ “’
എന്റെ പുറകെ വാലുപോലെ വരുന്ന ഗംഗയെ നോക്കികൊണ്ട് അമ്മ അത് ചോദിച്ചപ്പോ ഞാനും അവളെ നോക്കി, ഇവൾ ഇത് എങ്ങോട്ടാ.?
” അല്ല ഞാനും അടുക്കയിലോട്ട് ”
” അവിടെ പോയി ഇരിയെടി….. ”
ഒറ്റ അലർച്ച അമ്മയിൽ നിന്ന്. ദേ പോണു വന്ന സ്പീഡിൽ.അവിടെ പിന്നെ ഒരു കുട്ടച്ചിരി ആയിരുന്നു..അമ്മ എല്ലാരേം നോക്കി കണ്ണിറുക്കി
” നീ ചിരിക്കാൻ വരട്ടെ… വാ എന്റെ കൂടെ ”
അവരുടെ ചിരിയിൽ പങ്കുചേർന്ന എന്നെ ഒന്ന് നോക്കി ഗൗരവത്തിൽ പറഞ്ഞു അമ്മ മുന്നോട്ട് നീങ്ങി
” ഏത്‌ കൊച്ചിന്റെ കാര്യം ആട നീയൊക്കെ കൂടെ പറഞ്ഞെ ”
അടുക്കളയിൽ എത്തിക്കഴിഞ്ഞു എന്റെ നേർക്ക് ആ ചോദ്യം ഇട്ടപ്പോ ഞാൻ ഒന്ന് പകച്ചു
” എന്റെ പൊന്ന് അമ്മേ…. അത് ഒന്നും ഇല്ല ”
” എടാ എന്തേലും ഉണ്ടേൽ പറയെടാ,, നല്ല ബന്ധം ആണെകിൽ നമ്മക്ക് ആലോചിക്കാം അല്ലാതെ കല്ലുമല കാതിൽ കളിക്കാൻ നിൽക്കല്ല് ”
എനിക്ക് ആദ്യം ഒന്നും പിടികിട്ടില്ലെങ്കിലും അമ്മയുടെ ചിരി കണ്ടപ്പോ മനസിലായി എന്നെ കണ്ണാപ്പി ആക്കിയതാണ്എന്റെ പുന്നാര അമ്മ…
” ദേ തള്ളേ എന്നെകൊണ്ട് ഒന്നും പറയിപ്പിക്കരുത് ”
ഞാൻ മുഖത്തു വരാവുന്ന ദെഷ്യം മുഴുവൻ വരുത്തി. പക്ഷെ അമ്മക് അറിയാം ഞാൻ സ്നേഹം കൂടുമ്പോളാ തള്ളേ എന്ന് വിളിക്കുന്നെ എന്ന് അവിടെ ഒരു ചിരിയായിരുന്നു മറുപടി
” വെറുതെ ആ കുടുംബശ്രീയിലെ വിലാസിനിയേം കുട്ടരേം കൊണ്ട് പറയിപ്പിക്കണ്ടല്ലോ എന്ന് വെച്ച് ചോദിച്ചപ്പോ.. അഹ് വേണ്ടേൽ പോ…. ”
അതും പറഞ്ഞു അമ്മ വെട്ടിതിരിഞ്ഞു ജോലിയിൽ ഏർപ്പെട്ട്. എന്തൊക്കെ ആയാലും അമ്മ പിണങ്ങിയാൽ എനിക്ക് സഹികുകേല ഞാൻ പുറകിലൂടെ അമ്മേനെ കെട്ടിപിടിച്ചു
” ഉം ”
മുഖം തിരിച്ചു എന്നെ നോക്കി ഒന്ന് മൂളി
” ങ്ഹും ”
ഞാൻ ഒന്നുമ്മില്ലെന്ന് ചുമ്മൽകുച്ചി
” നിന്ന് ചിണുങ്ങാതെ പറയെടാ..,ഏതാടാ ആ പെണ്ണ്, ”
ഞാൻ ആ ദേഹത്തുനിന്ന് മാറി നിന്ന് കൊണ്ട് അമ്മേനെ ഒന്ന് നോക്കി
” അത് വേണ്ടമ്മേ അത് അറിഞ്ഞാൽ ചിലപ്പോ അമ്മ എങ്ങനെ പ്രതികരിക്കും എന്ന് പോലും ഉറപ്പുണ്ടാകില്ല ”
ഞാൻ വരാൻ ഇരിക്കുന്ന പ്രശ്നങ്ങളെ ഒന്ന് സൂചിപ്പിച്ചു
” നീ പറയെടാ നിന്റെ ഏത്‌ ഇഷ്ടവാ അച്ഛനും അമ്മയും എതിർത്തിട്ടുള്ളെ ഏഹ്, അത് ഇപ്പോ അപ്പുറത്ത് നിക്കണ നമ്മടെ ഗൗരി ആണേലും നമ്മക്ക് നോക്കാടാ ”
” ഏഹ് ”
ഒരു ഞെട്ടലായിരുന്നു എന്നിൽ ഉണ്ടായേ… ഈ തള്ളക്കു എല്ലാം അറിയാവോ….?? ആ കുടുംബശ്രീ ചേച്ചിമാരുടെ കൂടെ കുടി അമ്മക്കും ആ സ്വഭാവം കിട്ടിയോ.
” അമ്മേ അത് അവ…. ”
പറഞ്ഞു തീരുന്നതിനും മുന്നെ പാതകത്തിൽ ഇരുന്ന അമ്മയുടെ ഫോൺ ബെൽ അടിച്ചു അമ്മ അറ്റൻഡ് ചെയ്ത് വെളിയിലേക്ക് ഇറങ്ങി
ഞാൻ പിന്നേം ഓരോന്ന് ആലോചിച്ചു.
അമ്മക്ക് എല്ലാം അറിയാമോ ഇനി അതോ അറിയാത്തപോലെ ഭവിക്കുന്നതാണോ അങ്ങനെ ഓരോന്ന് ആലോചിച്ചു നിന്ന്, കുറച്ചുകഴിഞ്ഞു അമ്മ വന്നു മുഖത്ത് ഒരു പുഞ്ചിരി ഒക്കെ ഉണ്ട്
” എന്താണ് മാതശ്രീയുടെ മുഖത്തു ഒരു മന്ദഹാസം ”
ഞാൻ ആ കവിളിൽ വലിച്ചു വിട്ടുകൊണ്ട് ആണ് അത് ചോദിച്ചത്
” അഹ്…. ..അടങ്ങി ഇരിചെക്കാ,, ദേ അച്ഛൻ നാളെ വരൂന്ന് ”
” ഏഹ്..അച്ഛൻ അടുത്ത ആഴ്ച അല്ലെ വരൂന്ന് പറഞ്ഞെ ഇത് എന്താ ഇപ്പോ ”
” അഹ് ടാ അച്ഛന്റെ ടിക്കറ്റ് നേരത്തെ റെഡി അയിന്ന്… “
” ഓ അതാണ് അമ്മക്കുട്ടിക്ക് ഒരു പ്രസന്നത മുഖത്തു ”
” പോടാ തെമ്മാടി ”
എന്റെ കവിളിൽ ഒന്ന് തലോടി അമ്മ തിരിഞ്ഞു ഹാളിലേക്ക് നടന്നു
പെട്ടെന്ന് ആ നടത്തം നിർത്തി എന്നെ ഒന്ന് നോക്കി
” അല്ല ആ കൊച്ചേതാണെന്ന് പറഞ്ഞില്ലല്ലോ നിയ്യ് ”
അത് ഇത് വരെ വീട്ടില്ലേ
” അത് ഇനി പിന്നെ പറയാം,, അമ്മ എല്ലാരോടും പറയ് ഈ കാര്യം, ”
സംഭവം അറിഞ്ഞപ്പോ എല്ലാർക്കും ഭയകര സന്തോഷം, കുഞ്ചുവിന് ഇനി കോളേജിൽ പോകുമ്പോ ഫ്രണ്ട്സ്ന്റെ മുന്നിൽ ഫോറിൻ സാധനം കൊണ്ട് പോകാല്ലോ അതിന്റെ തെളിച്ചം മുഖത്തുമുണ്ട്…
പിന്നെ എല്ലാം പെട്ടെന്നു ആയിരുന്നു അച്ഛൻ വന്നു സന്തോഷപ്രകടനങ്ങൾ ഒക്കെ ആയി വീട് മൊത്തത്തിൽ ഉണർന്നത് പോലെ..ഇതിന് ഇടയിൽ ഗംഗ അവളുടെ വീട്ടിലെക്ക് തിരിച്ചു പോയി.അങ്ങനെ രണ്ടാഴ്ച്ചക്ക് ശേഷം,
സൈറ്റിൽ നിൽകുമ്പോൾ ആയിരുന്നു എന്റെ ഫോൺ ബെൽ അടിക്കുന്നത്
” ഹെലോ അമ്മേ പറഞ്ഞോ ”
” അമ്മ അല്ലടാ ഞാൻ അഹ് ”
അച്ഛൻ ആയിരുന്നു അത്
” ഓ.. സാറായിരുന്നോ ”
” അല്ല നിന്റെ അമ്മേടെ നായര് ”
സത്യം പറഞ്ഞാൽ ഞാൻ ചിരിച്ചുപോയി
” എന്റെ തന്തക്കു വിളിക്കാതെ, കാര്യം എന്താണെന്ന് വെച്ചാ പറ തന്തേ…. ”
ചുണ്ടിൽ നിന്നും മായാത്ത ആ ചിരിയോടെ തന്നെ ചോദിച്ചപ്പോ മൂപ്പരും ഒന്ന് ചിരിച്ചു
” എടാ ഞങ്ങളു ഇന്ന് വീട്ടിലെക്ക് ഇല്ല കുഞ്ചുസും ഉണ്ട് ഞങ്ങടെ കൂടെ… നി നിന്റെ അമ്മാവന്റെ വീട്ടിലെക്ക് വരില്ല എന്ന് നിന്റെ തള്ള പറഞ്ഞു അതാ വിളിക്കാഞ്ഞേ ”
പുള്ളി ഒന്ന് ആക്കിചിരിച്ചോണ്ടായിരുന്നു അത് മുഴുവപ്പിച്ചത് സംഭവം നിങ്ങക്ക് അറിയാല്ലോ.. ഗംഗ. ഇപ്പോ കത്തിയോ….? കത്തിയില്ലേൽ കത്തണ്ട!!! ശെടാ..
” അത് നന്നായി… നിങ്ങള് പോയിട്ട് വാ, അല്ല വല്ലോം ഉണ്ടാക്കി വച്ചിട്ടുണ്ടോ ”
ഞാൻ ഒട്ടും വൈകിപ്പിക്കാതെ തന്നെ മറുപടിയും കൊടുത്തു
” അതൊക്കെ ഉണ്ട് പിന്നെ ഗൗരിയോടും അവള് വിളിച്ച് പറഞ്ഞിട്ടുണ്ട്, എന്തെങ്കിലും ആവശ്യം വന്നാലേ… ”
അത് എന്നിൽ ഒരു പൂത്തിരി കത്തിച്ച ഫീൽ ആയിരുന്നു നൽകിയത് എങ്കിലും അത് ഞാൻ പുറത്തു കാണിച്ചില്ല
” അത് വേണ്ടായിരുന്നു അവർക്ക് ഒരു ബുദ്ധിമുട്ട് ആയിക്കാണും ”
ഞാൻ ഉള്ളിലെ സന്തോഷത്തെ പുറത്തേക്കു കാണിക്കാതെ ഉള്ളിൽ തന്നെ വെച്ചുകൊണ്ടായിരുന്നു എന്റെ മറുപടി
” എന്ത് ബുദ്ധിമുട്ട് അവള് വേണേൽ ഇന്ന് അവിടെ കിടന്നോളാം എന്നാ പറഞ്ഞെ.. ”
ഏഹ്… എനിക്ക് കേട്ടത് വിശ്വസിക്കാൻ ആവാത്ത പോലെ.. ഇത് സ്വപ്നം ആണോ ഇയ്യോ.. അല്ല സ്വപ്നം അല്ല.. ഞാൻ കൈയിൽ ഒക്കെ ഒന്ന് നുള്ളി നോക്കി
” അഹ് ശെരി… ഞാൻ കുറച്ച് പണിയിൽ ആണ് ”
ഞാൻ ഫോൺ വെച്ചു.. എനിക്ക് എന്ത് ചെയ്യണം എന്നറിയില്ല ഇന്ന് മുഴുവനും എന്റെ പെണ്ണ് എന്റെ കൂടെ….
എത്രെ പെട്ടെന്ന് വീട്ടിൽ ചെന്നാൽ മതിയെന്നായി, അവൾ ഓഫീസിൽ ആണ് ഇന്ന് വർക്ക്‌
(അവൾ ഇന്ന് ലീവ് ആയിരുന്നു )
വീട്ടിൽ ചെന്ന ഞാൻ കാണുന്നത് അടുക്കളയിൽ കാര്യമായ പണിയിൽ നിൽക്കുന്ന ചേച്ചിയെയാണ്
” ട്ടോ ”
പുറകിൽ ചെന്ന് ആ ചെവിയോട് ചുണ്ടടുപ്പിച്ചു ഞാൻ വിളിച്ചതും അയ്യോ എന്നും പറഞ്ഞു നിന്നടത്തുനിന്ന് ചാടിയതും ഒന്നിച്ചായിരുന്നു ചേച്ചിയുടെ കൈയിൽ ഇരുന്ന മഞ്ഞൾ പൊടിയുടെ പത്രം കറക്റ്റ് ആയി എന്റെ തലയിൽ വീണു
