‘ എതിർക്കണം രാമേട്ടാ… സന്തോഷത്തോടെ ജീവിക്കാൻ വേണ്ടി പൊരുതണം… ‘
ഉമ്മർ പറഞ്ഞ ആ വാചകം രാമേട്ടന്റെ ചെവിയിൽ കിടന്ന് മുഴങ്ങി..
പൊടുന്നനേ ഒരൂർജ്ജം ദേഹമാസകലം വന്ന് പൊതിയുന്നത് രാമേട്ടനറിഞ്ഞു..
“അവനെ ഒഴിവാക്കാനൊന്നും പറ്റൂല..
അവൻ നല്ല പണിക്കാരനാ…”
പതുക്കെയാണെങ്കിലും ഉറച്ച ശബ്ദത്തിൽ രാമേട്ടൻ പറഞ്ഞു..
ജയ വിശ്വാസം വരാതെ അയാളെ തുറിച്ച് നോക്കി..
തന്നോടെതിർത്ത് സംസാരിക്കുന്നോ..
ഇത്രക്ക് ധൈര്യമോ… ?.
എവിടുന്ന് കിട്ടിയിത്..
ഇല്ല.. ഇത് വെച്ച് പൊറുപ്പിക്കാനാവില്ല..
അവൻ… ആ പുതിയ കൂട്ടുകാരനാവും ഈ ധൈര്യം കൊടുത്തത്..
ഹും.. ജയയെ അവനറിയില്ല..
ഏതൊരാണിനേയും വരച്ചവരയിൽ വിറപ്പിച്ച് നിർത്താൻ തനിക്കറിയാം..
“ഒഴിവാക്കും… നാളെത്തന്നെ നീയവനെ ഒഴിവാക്കും…
എന്തേ, പറ്റില്ലാന്നുണ്ടോ..?.
എങ്കിൽ ഇനി കിടത്തം അവന്റെ കൂടെയാക്കിക്കോണം… അവന്റെ വീട്ടിൽ…
ഇതെന്റെ പേരിലുള്ള സ്ഥലമാ… ഇതെന്റെ വീടും…
അവനുമായുള്ള കൂട്ട് വിട്ടില്ലേൽ ഇപ്പോ, ഇപ്പോ ഇവിടുന്നിറങ്ങണം…
ഇറങ്ങിപ്പോടാ നായേ…”
ജയ,ബെഡിൽ നിന്നെണീറ്റ് രാമേട്ടന്റെ തൊട്ട് മുന്നിൽ നിന്ന് വെല്ല് വിളിച്ചു..
“ ഇത്… ഇതെന്റെ വീടാ… “
രാമേട്ടൻ പിടിച്ച് നിൽക്കാൻ ശ്രമിച്ചു..
“ അതങ്ങ് പള്ളീ ചെന്ന് പറഞ്ഞാ മതി…
ഇതെന്റെ സ്വന്തം വീടാ… എന്റെ മാത്രം പേരിൽ… വേറൊരു പട്ടിക്കും ഇതിൽ അവകാശമില്ല..
നീയെന്ത് കരുതി… ?.
ഇതൊക്കെ മുൻകൂട്ടി കണ്ടാടാ എന്റമ്മ ഇത് എന്റെ മാത്രം പേരിലാക്കിയത്…
നീ ഇരുന്ന് ഊമ്പത്തേയുള്ളൂ…
അവൻ അവകാശം പറഞ്ഞ് വന്നിരിക്കുന്നു…”
രാമേട്ടനൊന്ന് പതറി..
ഈയൊരപകടം അയാൾ പ്രതീക്ഷിച്ചതേയല്ല..
ഒരായുസിലെ അദ്ധ്വാനമാണിത്..
ഒരു കാലിച്ചായ പോലും പുറത്തൂന്ന് കുടിക്കാതെ, കിട്ടുന്നതെല്ലാം ഇവിടെ കൊണ്ട് വന്ന് കൊടുത്ത തനിക്കിതിൽ ഒരവകാശവുമില്ലേ..
അന്ന് ഇവളുടെ പേരിൽ മാത്രം ആക്കണമെന്ന് ഇവളുടെ അമ്മ നിർബന്ധം പറഞ്ഞപ്പോ ഒന്നും ചിന്തിക്കാതെ താൻ സമ്മിച്ചതാണ്..
“ ഒരു കാര്യം ഞാൻ പറഞ്ഞേക്കാം..
ഞാൻ പറയുന്നതും കേട്ട് അടങ്ങിയൊതുങ്ങിക്കഴിയാമെങ്കിൽ മാത്രം ഇവിടെ നിൽക്കാം..
അതിനിടക്ക് അവകാശം പറഞ്ഞ് എന്റടുത്ത് വന്നാ ആ നാവ് ഞാനരിയും..
എന്നെ അറിയാലോ നിനക്ക്…?”..
“നാളെ… നാളെ മുതൽ ഒരു പൈസ കുറയാതെ എന്റേൽ കിട്ടണം…
നാളെത്തന്നെ ആ നാറിയെ പിരിച്ച് വിട്ടോണം…
അവനെ കണ്ടൂന്ന് പോലും ഇനി ഞാനറിയരുത്…
ഇനിയെങ്ങാനും കുടിച്ചിട്ട് വന്നാ…
രണ്ട് കാലിൽ നടക്കില്ല നീ…
ഇത് ജയയാ പറയുന്നത്…
നിന്നെ മര്യാദ പഠിപ്പിക്കാൻ എനിക്കറിയാടാ…
അവനെ… ആ തെണ്ടിയെ ഞാനൊന്ന് കാണുന്നുണ്ട്…
അവനെന്നോട് പറഞ്ഞതൊന്നും പൊറുക്കാൻ എനിക്കാവില്ല… അതിനുള്ളത് അവന് ഞാൻ കൊടുത്തിരിക്കും…”
ജയ നിന്ന് ചീറുകയാണ്…
എല്ലാം കൈവിട്ട് പോയെന്ന് രാമേട്ടന് ബോധ്യമായി..
എങ്കിലും ഒന്നും ചെയ്യാൻ കഴിയാത്ത നിസഹായാവസ്ഥയിൽ അയാളുടെ ഉള്ളിൽ പക നുരഞ്ഞ് പൊന്തുന്നുണ്ടായിരുന്നു..
‘കരിങ്കല്ല് പിടിച്ച് തഴമ്പായ കയ്യല്ലേ നിങ്ങളുടേത്… അവളുടെ കരണം നോക്കി ഒന്ന് പൊട്ടിച്ചൂടായിരുന്നോ..?’
ഉമ്മർ ആദ്യം തന്നെ ചോദിച്ച ചോദ്യം രാമേട്ടന്റെ ഉള്ളിൽ മുഴങ്ങി..
പക്ഷേ കഴിയില്ല…
എതിർക്കാനാവാത്തവിധം താൻ ഇവൾക്ക് അടിമപ്പെട്ട് പോയി..
“ ഇനി നീയിത് ആവർത്തിക്കാൻ പാടില്ല..
എന്നെ എതിർത്താൽ എന്താണുണ്ടാവുകയെന്ന് നീ അറിയണം..
ജയയുടെ മേലെ ചവിട്ടിക്കയറാൻ ഒരു പട്ടിയേയും ഞാൻ സമ്മതിക്കില്ല…
അത് ഭർത്താവായാലും വേണ്ടില്ല, നിന്റെ കൂട്ടുകാരൻ പട്ടിയായാലും വേണ്ടില്ല… “
ക്രൂരമായ മുഖത്തോടെ ജയ, രാമേട്ടന്റെ ഷർട്ടിന്റെ കോളറിൽ പിടിച്ചു..
പിന്നെ വലിച്ച് കൊണ്ട് പോയി മുറിയിൽ തന്നെയുള്ള ബാത്ത്റൂമിന്റെ വാതിൽ തുറന്ന് അയാളെ അകത്തേക്ക് തള്ളി..
“നാളെ നേരം വെളുക്കുന്നത് വരെ ഇതിനുള്ളിൽ കിടക്കണം നീ…
ജയക്കെതിരെ ഇനി നിന്റെ നാവ് പൊന്തിയാ മരണമായിരിക്കും നിനക്കുള്ള ശിക്ഷ…
എന്നെ മര്യാദ പഠിപ്പിക്കാൻ നിനക്ക് കഴിയില്ലെടാ പട്ടീ..
ജയയെ മുഴുവനറിയില്ല നിനക്ക്… ഹും….”