“ഐ ആം സോറി. ഫോട്ടോ കണ്ടപ്പോ ചോദിച്ചു എന്ന് മാത്രം, എനിക്ക് അറിയില്ലായിരുന്നു” ലോഹിത് മറുപടി കൊടുത്തു. കാര്യങ്ങൾ ഒക്കെ കേട്ടപ്പോ അവന്ടെ ഉള്ളിൽ വല്ലാത്തൊരു അസ്വസ്ഥത അനുഭവപെട്ടു. എങ്ങനെ എങ്കിലും അവിടെ നിന്നും പോയ മതി എന്ന അവസ്ഥ ആയി. അതിന് ശേഷം രണ്ട് പേരും ഒന്നും മിണ്ടിയില്ല, അലട്ടുന്ന നിശബ്ദത. വേഗം തന്നെ കഴിച്ച് ലോഹിത് അവന്റെ ഹോസ്റ്റലിലേക്ക് ഇറങ്ങി.
വാതിൽ തുറന്ന് കേറിയതും മറ്റ് രണ്ട് പേരും അവന് വേണ്ടി അവിടെ കാത്തിരിപ്പ് ഉണ്ടായിരുന്നു.
“ഹ്മ്മ്, എന്താണ്… എവിടെ ആയിരുന്നു ഇത്രെയും നേരം” ഒരു കളിയാക്കുന്ന ടോണിൽ സമീർ അവനോട് ചോദിച്ചു.
“ഒന്ന് മിണ്ടാതെ ഇരിക്കുമോ. എനിക്ക് ഉറങ്ങണം” എന്നും പറഞ്ഞ് ലോഹിത് തല വഴി പുതപ്പ് മൂടി.
“എന്താടാ എന്ത് പറ്റി നീ ഞങ്ങളോട് കാര്യം പറ” അവിടെ അടുത്തേക്ക് പോയി ഹൃതിക് ചോദിച്ചു. വല്യ താല്പര്യം ഒന്നും ഉണ്ടായിരുന്നിലേക്കിലും അവളെ ഡിവോഴ്സ് ആയ കാര്യം എല്ലാം ലോഹിത് ഇവരോട് പറഞ്ഞു.
“അതിന് നിനക്കു എന്തിനാടാ ഇത്ര സങ്കടവും ദേഷ്യവും. ഡാ നീ ശെരിക്കും കാര്യം പറഞ്ഞെ, നിനക്ക് അവളോട് വല്ലതും…” ഹൃതിക് ചോദിച്ചു.
“ഏയ്… പെട്ടന് കേട്ടപ്പോ വല്ലാത്തൊരു… എനിക്ക് അറിയില്ല” ചെറിയ പരിഭവത്തോട് കൂടി ലോഹിത് പറഞ്ഞു.
“ഓഹ് ഭാഗ്യം, ഞാൻ അങ്ങ് പേടിച്ച് പോയി നിനക്ക് അവളോട് വല്ലതും തോന്നി തുടങ്ങിയോ എന്ന്. മോനെ ആ പണിക്ക് ഒന്നും നിൽക്കരുത് കേട്ടോ” ഹൃതിക് പറഞ്ഞു. ചെറിയ രീതിയിൽ ദേഷ്യം വന്ന ലോഹിതാവണ്ടേ മുഷ്ടി ചുരുട്ടി, പക്ഷെ ഒന്നും പുറത്തേക്ക് കാണിച്ചില്ല. മറുപടി ഒന്നും കൊടുക്കാതെ അവൻ തിരിഞ്ഞ് കിടന്നു. ഇനി കൂടുതൽ ഒന്നും ചോദിക്കണ്ട എന്ന് സാം ഹൃതികിനോട് ആംഗ്യം കാണിച്ചു.
തിരിഞ്ഞ് കിടാണെങ്കിലും ലോഹിതിന് ഉറക്കം നഷ്ടപ്പെട്ടിരുന്നു. ത്രിവേണി കല്യാണം കഴിഞ്ഞ ഒരു സ്ത്രീ ആയിരുന്നു എന്ന കാര്യം അവന്ടെ മനസ്സമാധാനം കളഞ്ഞു. ഡിവോഴ്സ് ആയതിന് പിന്നിൽ ഉള്ള കാരണം കണ്ടുപിടിക്കണം എന്നും അവന് ഉണ്ടായിരുന്നു.
അടുത്ത കുറച്ച് ദിവസങ്ങൾക്ക് ശേഷം…
ഹൃതിക്കും ശ്രുതികയും ലൈബ്രറിയിൽ കുറച്ച് നേരമായി സംസാരിച്ച് ഇരിക്കുക ആയിരുന്നു. ഉച്ച സമയം ആയിട്ടും കൂടി ഒട്ടും വെളിച്ചം ഉണ്ടായിരുന്നില്ല, അവിടെ ഉണ്ടായിരുന്ന ജന്നലിന് നേരെ മഴ പെയ്ത് പുറത്തേക്ക് ഉള്ളത് എല്ലാം ഒരു മങ്ങിയ കാഴ്ച മാത്രം ആയിരുന്നു. ചെറുതായി തുറന്നിട്ടത് കൊണ്ട് തന്നെ, ചെറുതായി മഴ ചാറ്റൽ ഉള്ളിലേക്ക് വന്നു.
“എനിക്ക് ഡയറക്റ്റ് ആയിട്ട് കാര്യം പറയാൻ നല്ല ചമ്മൽ ഉണ്ട്, പക്ഷെ നിനക്ക് ഇതുവരെ ഉള്ള സംസാരങ്ങളിൽ നിന്നും കാര്യം പിടികിട്ടി എന്ന് എനിക്ക് മനസ്സിലായി. പ്ളീസ്, എനിക്ക് നിന്ടെ ഒരു മറുപടി വേണം (T)” ശ്രുതിക അൽപ നേരത്തെ സംസാരത്തിന് ശേഷം ചോദിച്ചു.
“എനിക്ക് താല്പര്യം ഇല്ലടാ, അറിയില്ല എനിക്ക്. നിനക്ക് കുറച്ച് കഴിയുമ്പോ ചിലപ്പോ വേണ്ടായിരുന്നു എന്ന് തോന്നുന്നതും (T)”
“അതൊക്കെ അപ്പൊ നോക്കിയാ പോരെ (T)”
“അതാണ്. എനിക്ക് ഇങ്ങനെ ഒരു പരീക്ഷണത്തിന് നിക്കാൻ ഒന്നും താല്പര്യം ഇല്ല. എന്റെ കാര്യം ഒന്നും എനിക്ക് തന്നെ അറിയില്ല, ഇപ്പോഴും പല പല ചിന്തകളിൽ ആണ് ഞാൻ (T)” ഹൃതിക് പറഞ്ഞു. ഇത് കേട്ടതും അവളുടെ മുഖം വാടി തുടങ്ങി.
“ഒരു കാര്യം ചെയാം, പക്ഷെ അതിന് മുന്നേ നീ ഒരു കാര്യം ചെയ്യണം (T)” അവൻ തുടർന്നു. വല്യ ആകാംഷയോട് കൂടി അവൾ അവനെ നോക്കി ഇരുന്നു. ഇതേ സമയം അത്യാവശ്യം കാറ്റ് അടിച്ചത് കാരണം ജന്നൽ മുഴുവനായി തുറന്നു. ആ ചാറ്റൽ മഴ അവളുടെ അവളുടെ മുഖം മൊത്തമായി പരതി. പെട്ടന് തന്നെ അവൾ കണ്ണും പൂട്ടി ഇരുന്നു. വേഗം തന്നെ ഞാൻ പോയി ജനാല അടച്ചു, അവൾ കണ്ണുകൾ തുറന്നു. നെറ്റിയിൽ നിന്നും ഉരുണ്ട് വന്ന മഴ തുല്ല് അവളുടെ കണ്ണുകളിലൂടെ പുറത്തേക്ക് ചാടി. ആ ഒരു നിമിഷം മാത്രം അവളുടെ കണ്ണുകൾ വല്ലാതെ തിളങ്ങുന്നത് പോലെ അവന് തോന്നി. തണുപ്പ് കാരണം കവിളും ചുവന്നിരുന്നു.