പ്രണയം പൂക്കുന്ന നഗരം – 1

Pranayam Pookkunna Nagaram | Author : M.Kannan

[ Previous Part ] [ www.kambi.pw ]

നമസ്കാരം

ഞാൻ അഭിനവ് രാജഗോപാൽ, 24 വയസ്സ്. വീട് കോട്ടയം അച്ഛൻ രാജഗോപാൽ, അമ്മ മായ. ഞാൻ ഇളയ മകൻ ആണ്. എനിക്ക് ഒരു ചേച്ചി കൂടി ഉണ്ട് അഞ്ജലി അവൾക്കിപ്പോൾ 26 വയസ്സ് എറണാകുളത്തു ഒരു പ്രമുഖ ഹോസ്പിറ്റലിൽ ഡോക്ടർ ആണ് കക്ഷി . അവൾ പഠിച്ചതും കോട്ടയത്ത് മെഡിക്കൽ കോളേജിൽ തന്നെ. ചേച്ചിയുടെ അത്രേം പഠിക്കാൻ മിടുക്കൻ അല്ലെങ്കിലും ഞാനും നല്ല മാർക്ക്‌ വാങ്ങിയാണ് പാസ്സ് ആയതു. പിന്നീട് എഞ്ചിനീയറിംഗ് കോട്ടയത്ത്‌ ഒരു കോളേജിൽ .

അതും നല്ല രീതിയിൽ തന്നെ കഴിഞ്ഞതിനു ശേഷം അച്ഛന്റെ കൂടെ കൺസ്ട്രക്ഷൻ ആൻഡ് ബിസിനസ്സ് എല്ലാം നോക്കി രണ്ടു വർഷം പിന്നെ കുറച്ചു നാൾ വീട്ടിൽ നിന്ന് മാറി നിൽക്കാൻ ഒരു തോന്നൽ. എം ടെക്ക് ചെയ്താലോ എന്നും ആലോചന വന്നുതുടങ്ങി അതിനിടക്ക് ഗേറ്റും ഞാൻ പാസ്സ് ആയിരുന്നു.ഏതായാലും ഒരു വർഷം വീട്ടിൽ നിന്ന് ഒന്ന് മാറിനിൽക്കാം എന്ന് തന്നെ തീരുമാനം ആയി.

ഇതെല്ലാം വീട്ടിൽ പറഞ്ഞപ്പോൾ അവർക്കും എതിർപ്പ് ഉണ്ടായില്ല. പക്ഷെ ഒരു കണ്ടീഷൻ അവരും പറഞ്ഞൂ. എന്നോട് എറണാകുളത്തു പോയി അവിടെ നിൽക്കാമല്ലോ എന്ന്. അവിടെ അച്ഛന്റെ സുഹൃത്ത് പണിയുന്ന പുതിയ കൺസ്ട്രക്ഷൻ വർക്കിൽ പോയി ഇടക്കൊക്കെ എല്ലാം നോക്കിനടത്തുന്നതും നല്ലതായിരിക്കും എന്നും അവർക്കു തോന്നി . അച്ഛനും ആ കമ്പനിയിൽ ഇൻവെസ്റ്റ്മെന്റ് ഉള്ളതാണ് ചേച്ചി വർക്ക്‌ ചെയ്യുന്ന ഹോസ്പിറ്റലിന്റെ തന്നെ എക്സ്റ്റൻഷൻ വർക്കുകൾ ആണ്. വലിയ 9 നില കെട്ടിടം.
അങ്ങനെ അതിനു തീരുമാനം ആയി.

താമസം ചേച്ചിയുടെ ഫ്ലാറ്റിൽ. അച്ഛൻ 4 മാസം മുൻപ് ചേച്ചി ഹോസ്പിറ്റലിൽ ജോയിൻ ചെയ്തപ്പോൾ വാങ്ങിയത് ആണ് അത്. അതിപ്പോൾ എനിക്ക് പണി ആകുമോ എന്നൊരു ഭയവും എനിക്ക് ഉണ്ട് , കാരണം അച്ഛനേം അമ്മയേം പോലെ അല്ല, ചേച്ചിയുടെ അടുത്ത എന്റെ ഒരു അഭ്യാസവും നടക്കില്ല. കുഞ്ഞിലേ മുതൽ എന്റെ കാര്യത്തിൽ അവൾക്കു അത്രയേറെ സ്നേഹവും ശ്രെദ്ധയും ആണ്.

അങ്ങനെ ഞാൻ എറണാകുളത്തേക്ക് യാത്ര ആയി. എന്റെ ബൈക്കിൽ ആണ് വന്നത്. അവിടെ ഒരു കാർ ചേച്ചിയുടെ കയ്യിൽ ഉണ്ടല്ലോ.
അത്യാവശ്യം എനിക്ക് വേണ്ട സാധനങ്ങൾ എല്ലാം എടുത്തു ബൈക്കിന്റെ ബാക്കിൽ കെട്ടി. എന്റെ ഹിമാലയൻ ബൈക്കിൽ ഞാൻ ഇറങ്ങി..

—-എറണാകുളം നഗരം ഇനി എനിക്ക് എന്തൊക്കെ ആണോ കാത്തു വച്ചിരിക്കുന്നത്.—

രാവിലെ 7 മണിക്ക് വീട്ടിൽ നിന്ന് ഇറങ്ങിയതാണ് ഞാൻ. എറണാകുളത്തു ഇടക്കൊക്കെ വന്നു പോകുന്നതിനാൽ അത്യാവശ്യം വഴികൾ എല്ലാം എനിക്ക് പരിചിതമാണ്.

ഇൻസ്റ്റാഗ്രാം റീൽ ഇൽ ഞാൻ രാവിലെ ബ്രേക്ഫാസ്റ് കഴിക്കാൻ പറ്റിയ ഒരു കട കുറച്ചു ദിവസം മുൻപ് കണ്ടപ്പോൾ സേവ് ചെയ്തു വച്ചിരുന്നു. എന്റെ ആദ്യ ലക്ഷ്യം അത് തന്നെ. 8.30 ഞാൻ അവിടെ എത്തി.

പൊറോട്ടയും, ബീഫും കണ്ടപ്പോൾ കഴിക്കാൻ വന്ന വേറെ ഐറ്റം എല്ലം മറന്നു. അത്രയും അടിപൊളി ആയിരുന്നു. കൂടെ നല്ല ചൂട് ചായയും. ചെറിയ കട ആണെങ്കിലും സംഭവം കിടു. ഇനി ഇടക്കൊക്കെ രാവിലെ ഇവിടെ നിന്ന് തന്നെ എന്നും ഉറപ്പിച്ചു.

അപ്പോഴാണ് ചേച്ചിയുടെ കാൾ വന്നത്.
“ഡാ നി ഇതെവിടെയാ.. നി വന്നിട്ട് വേണം എനിക്ക് ഇറങ്ങാൻ. ഇപ്പോൾ തന്നെ വൈകി”

“ചേച്ചി ഞാൻ കഴിക്കാൻ കയറിയതാ. ഞാൻ ഇന്നലെ പറഞ്ഞില്ലേ ഒരു കട കണ്ടു എന്ന്. അവിടെ. ചേച്ചിക്ക് വാങ്ങാം . നല്ല അടിപൊളി പൊറോട്ടയും ബീഫും.”

“എനിക്കിപ്പോൾ വേണ്ടടാ. നി എത്തുമ്പോഴേക്കും വൈകും,ഇന്ന് രാവിലെ തിരക്കുണ്ട്. ഞാൻ നമ്മുടെ ഓപ്പോസിറ്റ് ഫ്ലാറ്റിലെ മെറിൻ ചേച്ചിയോട് നീ വരുന്ന കാര്യം പറഞ്ഞിട്ടുണ്ട്. നി വേഗം എത്തിയാൽ ചേച്ചി ഉണ്ടാകും ഇവിടെ. താമസിച്ചാൽ ചേച്ചിയും മോളും ഇറങ്ങും. ഞാൻ കീ മെറിൻ ചേച്ചിയുടെ ഫ്ലാറ്റിൽ ഏൽപ്പിക്കാം ചേച്ചി പോയാലും അവിടെ പണിക്കു വരുന്ന ഗീതേച്ചി ഉണ്ടാകും.”

“ഒക്കെ, ഞാൻ എന്തായാലും ഇരുപതു മിനിറ്റ് കൂടി എടുക്കും എത്താൻ, ചേച്ചി ഇറങ്ങിക്കോ, നമുക്ക് വൈകിട്ട് കാണാം”