“ഞാൻ 6 മണിക്ക് എത്തും എന്നിട്ട് നമുക്ക് പുറത്ത് പോകാം. നി ഉച്ചക്ക് അവിടെ ആ റോഡിലേക്ക് കേറുമ്പോൾ ഉള്ള മന്തി കടയിൽ കേറി കഴിക്കു. നല്ലതാണ് ”
“അത് ഞാൻ നോക്കിക്കോളാം, അപ്പോ ഒക്കെ”
ചേച്ചി ഫോൺ കട്ട് ചെയ്തു ഞാൻ കയ്യും കഴുകി ക്യാഷ് കൊടുത്തു ഇറങ്ങി. ലൊക്കേഷൻ നോക്കിയപ്പോൾ ഇനി 6 കിലോമീറ്റർ കൂടിയേ അവിടേക്കു ദൂരമുള്ളൂ. പക്ഷെ നല്ല ട്രാഫിക് ഉണ്ട്.
ഫ്ലാറ്റ് വാങ്ങിയിട്ട് ഇപ്പോൾ 4 മാസം ആകുന്നതേ ഉള്ളു. വാങ്ങിയ ടൈം ഇൽ ഞാൻ ഒരു തവണ വന്നിട്ടുണ്ട്. പക്ഷെ അന്ന് ഇവിടെ ഫ്രണ്ട്സ് ഒക്കെ ഉണ്ടായൊരുന്നതിനാൽ പെട്ടെന്ന് പോയി. 7 നിലകളുണ്ട് ഇവിടെ. ഏറ്റവും മുകളിലത്തെ നിലയാണ് നമ്മുടെ ഫ്ലാറ്റ്. ഒരു ഫ്ലോറിൽ 2 ഫ്ലാറ്റ് എന്നപോലെ ആണ് മുകളിൽ,താഴെ 4 നിലകളിൽ 3 എണ്ണം വച്ചും. അത്യാവശ്യം എല്ലാ സൗകര്യങ്ങളും ഉള്ള ഒരു ലക്ഷ്വറി ഫ്ലാറ്റ് തന്നെ.
അച്ഛന്റെ സുഹൃത്ത് ബെന്നി അങ്കിളും അദ്ദേഹത്തിന്റെ പാർട്ണർ മാത്യു തരകനും ചേർന്ന് നിർമിച്ച ഫ്ലാറ്റ്. ബെന്നി അങ്കിളിന്റെ കമ്പനിയാണ് ഹോസ്പിറ്റൽ വർക്ക് ചെയ്യുന്നത്. അച്ഛന്റെയും ബെന്നി അങ്കിളിന്റെയും ഒരുമിച്ചുള്ള തീരുമാനം ആണ് ഞാൻ അവിടുത്തെ വർക് കൂടി പോയി നോക്കണം എന്നുള്ളത്. എല്ലാം പഠിക്കാനും പറ്റുമല്ലോ.. അവർ തമ്മിൽ കോളേജ് മുതലുള്ള പരിചയം ആണ്.
അച്ഛൻ നാട്ടിൽ കോട്ടയം ബേസ് ചെയ്തു കൺസ്ട്രക്ഷൻ ആൻഡ് ബിസിനസ്സ് ചെയ്തപ്പോൾ ബെന്നി അങ്കിൾ എറണാകുളത്തും ചെയ്തു തുടങ്ങി. എന്നായാലും ഞാൻ തന്നെ നോക്കി നടത്തേണ്ട എന്റെ സ്വന്തം കമ്പനിയിൽ ഇപ്പോൾ പണികൾ നടക്കുമ്പോൾ അവിടെ നിൽക്കാതെ, എനിക്ക് ഒന്ന് മാറി ഒരു ചേഞ്ച് വേണം എന്നാ എന്റെ ഒരു തോന്നൽ കൊണ്ടാണ് അടുത്ത ആണെങ്കിലും ഇങ്ങോട്ടേക്കു വന്നത്. പിന്നെ എറണാകുളത്തും അവർ പുതിയ പ്രൊജക്ടസ് പ്ലാൻ ചെയ്യുന്നുണ്ട്.
റോയൽ ഓർക്കിഡ് എന്ന ഫ്ലാറ്റിനു മുൻപിൽ ഞാൻ കുറച്ചു കഴിഞ്ഞ് എത്തി. സെക്യൂരിറ്റിയോട് ചേച്ചി ഞാൻ വരുന്ന കാര്യം പറഞ്ഞു ഏൽപ്പിച്ചിരുന്നത് പോലെ ആണ് അയാൾ എന്നോട് പെരുമാറിയത്. പാർക്കിങ്ങും, അവിടെയുള്ള ലിഫ്റ്റും എല്ലാം അയാൾ എനിക്ക് കൂടെ വന്നു കാണിച്ചു തന്നു. അങ്ങനെ ഞങ്ങൾ തമ്മിൽ പരിചയപ്പെട്ടു. കാദർ എന്നാണ് ആളുടെ പേര്. ഒരു 60 വയസ്സ് ഉണ്ടാകും.
ഇവിടെ അടുത്ത്, കുറച്ചു അകത്തേക്ക് കേറി അണ് വീട്. രാത്രി കാദർ ഇക്കയാണ് സെക്യൂരിറ്റി. പകൽ മനോജ് എന്നൊരു ചേട്ടനും. 9-9 ആണ് ഡ്യൂട്ടി ടൈം. ഇപ്പോൾ സമയം 9.30 ആയി. പക്ഷെ മനോജ് ചേട്ടൻ ഇന്ന് ഇളയ മോളുടെ സ്കൂളിൽ പോയേക്കുകയാണ്. അത് കേട്ടപ്പോൾ പ്രായം കുറഞ്ഞ ഒരു ആൾ ആകും മനോജ് എന്ന് എനിക്ക് തോന്നി.
“നമുക്ക് പിന്നീട് കൂടുതൽ പരിചയപ്പെടാം ഇക്കാ “അതും പറഞ്ഞ് ഞാൻ ലിഫ്റ്റിൽ കേറി. രണ്ടു കാറിനുള്ള സ്പേസ് ആണ് ഓരോ ഫ്ലാറ്റിനും ഉള്ളത്. ചേച്ചി കാർ കൊണ്ടുപോയതിനാൽ നമ്മുടെ സ്പേസ് വേക്കന്റ് ആണ്. പക്ഷെ അതിന്റെ അടുത്ത് തന്നെ. മൂടി ഇട്ടിരിക്കുന്ന ഒരു വണ്ടി എന്റെ ശ്രെദ്ധയിൽ പെട്ടിരുന്നു. പക്ഷെ അതൊരു മഹീന്ദ്ര താർ ആണെന്ന് വ്യക്തമാണ്.
അതും കുറച്ചു മോഡിഫൈക്കേഷൻസും ചെയ്തിട്ടുണ്ടെന്നു ഉറപ്പാ. കാദർ ഇക്ക പോയത് കൊണ്ട് കൂടുതൽ ചോദിക്കാനും പറ്റിയില്ല. പൊതുവെ ഒരു വണ്ടി ഭ്രാന്തൻ ആയ എനിക്ക് വെറുതെ അതൊന്നു തുറന്നു കാണാൻ ഒരു ആഗ്രഹം. എനിക്കും വീട്ടിൽ ഇങ്ങനെ കുറെ വണ്ടികൾ ഉണ്ട്. എന്റെ വീടും നാടും വണ്ടികളും എല്ലാം നമുക്ക് പിന്നെ പരിചയപ്പെടാം.
ലിഫ്റ്റ് കേറി 7ആം നിലയിലേക്ക്. 6ആം നിലയിൽ എത്തിയപ്പോൾ ലിഫ്റ്റ് തുറന്നു. അവിടെ നിന്ന് അകത്തേക്ക് കേറിയ ആളെ കണ്ട ഞാൻ ആദ്യം ഒന്ന് ഞെട്ടി.കയ്യിൽ ഒരു ബാഗും തുറന്നു പിടിച്ചു അതിൽ എന്തോ നോക്കി വരുന്ന ഒരു സുന്ദരി പെണ്ണ്. ഒറ്റ നോട്ടത്തിൽ നമ്മുടെ പയ്യ മൂവിയിലെ തമന്നയെ പോലെ ഉണ്ട്.
അവൾ എന്നെ മൈൻഡ് ചെയ്യുന്നില്ല. ബാങ്കിൽ എന്തൊക്കെയോ തിരഞ്ഞുകൊണ്ട് തന്നെയാണ് അകത്തേക്ക് കേറുന്നത്.
നോട്ടം മാറ്റണം എന്ന് ആഗ്രഹം ഉണ്ടെങ്കിലും എനിക്കതിനു കഴിഞ്ഞില്ല. അവൾ അത് ശ്രെദ്ധിക്കുന്നില്ല എന്ന് കണ്ടതും എനിക്ക് കൂടുതൽ സൗകര്യം ആയി. പക്ഷെ 1 നില മുകളിലേക്കു കേറാൻ അധികം സമയം വേണ്ടല്ലോ. ഞാൻ അങ്ങനെ 7ആം നിലയിൽ ഇറങ്ങി.