അതുകൊണ്ട് ഞാനും പരിചയമുള്ള ആളോട് സംസാരിക്കുന്നതുപോലെ ആണ് പറഞ്ഞത്.
“നിന്നോടാരാ രാവിലെ പുറത്തുനിന്നു കഴിക്കാൻ പറഞ്ഞെ?., അവൾ നി വന്നിട്ട് കഴിക്കാം എന്ന് പറഞ്ഞ് കാത്തു നിന്നതാ. പിന്നെ നീ വൈകും എന്ന് പറഞ്ഞതുകൊണ്ട് പോയതാണ്.
അതുപോലെ തന്നെ ഞാനും. ഹ്മ്മ് ഏതായാലും നമുക്ക് രാത്രി കാണാം.”
ഇപ്പോൾ പറഞ്ഞതിൽ ചെറിയൊരു വഴക്ക് പറച്ചിൽ ഇല്ലേ. അതും എന്റെ ചേച്ചി ഒക്കെ എന്നോട് പറയുന്നത് പോലെ തന്നെ.
ഞാൻ ഫോൺ ഗീതേച്ചിക്ക് കൊടുത്തിട്ടു അകത്തേക്ക് കേറി. സോഫയിൽ ഇരുന്നു. മുഴുവനും ഒരു സ്റ്റാൻഡേർഡ് ആൻഡ് സിമ്പിൾ തീംഇൽ ആണ് ഈ ഫ്ലാറ്റ് ഡിസൈൻ. പെയിന്റ് മുതൽ ഫർണിചർ വരെ ഒരു പ്രേത്യേക ഭംഗി. എല്ലാം നോക്കി ഇങ്ങനെ കണ്ണോടിച്ചപ്പോൾ ആണ്.
അവിടെ വാളിൽ ഒരു വലിയ ഫോട്ടോ ഫ്രെയിം ഞാൻ കണ്ടത്. അതിൽ അതിസുന്ദരി ആയ ഒരു പെൺകുട്ടി ഒരു കൊച്ചു കുട്ടിയെ പിടിച്ചു ചിരിച്ചുകൊണ്ട് കൊണ്ട് ഇരിക്കുന്നതാണ്. “ഇനി ഇതാണോ മെറിൻ “ ഞാൻ വെറുതെ ആലോചിച്ചു. ഒരു ഇരുപതു വയസ്സ് പറയാമേ ആ പെൺകുട്ടിക്ക് തോന്നിക്കു. മടിയിൽ ഇരിക്കുന്നകുട്ടി ആണെങ്കിലും ഒരു വയസ്സ് മാത്രം. അതും നമ്മൾ ടീവി ആഡ്സിൽ ഒക്കെ കാണുന്ന പോലെ.
“അത് മെറിനും, സാറ മോളും ആണ്.
ഞാൻനോക്കി ഇരിക്കുന്നത് കണ്ടു ചായയും ആയി വന്ന ഗീതേച്ചി പറഞ്ഞു.
“സാറ മോൾടെ അച്ഛൻ എടുത്ത പടം ആണ്. ഇപ്പൊ മോളു രണ്ടാം ക്ലാസ്സിൽ ആയി.”
കാര്യം മെറിൻ ചേച്ചിയുടെ ഫോട്ടോ കണ്ടു കണ്ണ് എടുക്കാൻ തോന്നിയില്ലെങ്കിലും, ഒരു അമ്മ കൊച്ചിനേം പിടിച്ചു ഇരിക്കുന്നത് അവരുടെ അച്ഛൻ എടുത്ത ഫോട്ടോ വായിനോക്കാൻ പിന്നെ എനിക്ക് തോന്നിയില്ല. പക്ഷെ മെറിൻ എന്ന കഥാപാത്രം എനിക്ക് എത്രയും വേഗം പരിചയപ്പെടണം എന്ന് വല്ലാത്തൊരു ആഗ്രഹം.
പിന്നെ കൂടുതൽ വിശേഷം ഒന്നും ഞാൻ ചോദിച്ചില്ല. ഗീതേച്ചി എന്തൊക്കെയോ എന്റെ കാര്യങ്ങൾ അഞ്ജലി ചേച്ചി പറഞ്ഞു അറിഞ്ഞത് വെച്ചു ചോദിക്കുന്നുണ്ടായിരുന്നു.ഞാനും ചായ കുടിച്ചു തീരുന്നതു വരെ അതിനൊക്കെ മറുപടി പറഞ്ഞു.
പിന്നെ അവിടെനിന്നു പിന്നീട് കാണാം എന്ന് പറഞ്ഞു ചായക്ക് ഒരു താങ്ക്സും പറഞ്ഞു ഇറങ്ങി.
“എന്തിനാ മോനെ താങ്ക്സ് ഒക്കെ, അഞ്ജലി ഇവിടെ ഉണ്ടാകും മിക്കപ്പോഴും, സാറയുടെ ഫേവറേറ്റ് ആണ്. പിന്നെ ഇവിടെ മെറിനും ആകെ ഒരു അടുപ്പം എന്ന് പറയുന്നത് അഞ്ജലി മാത്രം ആണ്. ചേച്ചി പറഞ്ഞു അനിയന്റെ വിശേഷങ്ങൾ എല്ലാം ഞങ്ങൾക്ക് അറിയാം “
ഒന്ന് ചിരിച്ചിട്ട് ഞാൻ ഇറങ്ങി. തിരികെ ഫ്ലാറ്റിൽ വന്നു കട്ടിലിൽ കിടന്നപ്പോൾ എനിക്ക് വല്ലാതെ ഒരു അടുപ്പം ഈ നഗരത്തോട് തോന്നി തുടങ്ങിയിരുന്നു. എന്നെ അറിയാവുന്ന ആളുകൾ ഇവിടെയും ഉള്ളതുപോലെ. ഇവിടെ കണ്ടുമുട്ടുന്ന പല ആളുകളും എന്റെ പ്രിയപ്പെട്ടവർ ആകും എന്നൊരു തോന്നൽ..\
പിന്നെ അച്ഛനെയും അമ്മയെയും വിളിച്ചു.
നല്ല ഒരു പാട്ടും ഹെഡ്സെറ്റിൽ വെച്ചു ഞാൻ ബെഡിൽ കിടന്നു.
എപ്പോഴോ പതുക്കെ ഉറങ്ങി പോയി.
..
ഫോൺ ബെൽ അടിച്ചപ്പോൾ ആണ് പിന്നെ ഞാൻ എഴുന്നേറ്റത്. ചേച്ചി ആണ്. അവൾ 6 മണിക്ക് വരും എന്നും. ഉച്ചക്ക് കഴിക്കുന്നത് മെറിൻ ചേച്ചിയുടെ വീട്ടിൽ നിന്ന് മതിയെന്നും, ചേച്ചി വിളിച്ചു നിർബന്ധം പറഞ്ഞു എന്നും ഒക്കെ പറഞ്ഞ് ഫോൺ വെച്ചു.
“വീണ്ടും മെറിൻ എന്റെ കാര്യത്തിൽ എന്താണ് ഇത്ര ശ്രദ്ധ. ഏതായാലും ഈവെനിംഗ് കാണാമല്ലോ”
കഴിക്കാൻ പക്ഷെ ഞാൻ ഉച്ചക്ക് അവിടെ പോകുന്നില്ല എന്ന് തന്നെ തീരുമാനിച്ചു. ഇനി അവരെ ഒക്കെ നേരിട്ട് പരിചയപ്പെട്ടിട്ടു മതി ബാക്കി എല്ലാം.
എന്റെ കുറെ ഫ്രണ്ട്സ് ഉണ്ട് ഇവിടെ. അവരെ ആരെയൊക്കെ അറിയിക്കണം ഞാൻ ഇവിടെ ഉണ്ടെന്ന്. അടുത്ത കുറച്ചു സുഹൃത്തുക്കളെ വിളിക്കാം. ഞാൻ ഫോൺ എടുത്തു. പക്ഷെ പിന്നെ ആലോചിച്ചു, രണ്ടു ദിവസം കഴിയട്ടെ.
സമയം ഉച്ചക്ക് ഒരുമണി ആയിട്ടുണ്ട് . ”ഞാൻ അപ്പോൾ നല്ല ഉറക്കം തന്നെ ആയിരുന്നു ഇതുവരെ.” മുഖം കഴുകി ഫ്രഷ് ആയി ഞാൻ ഹെൽമെറ്റും എടുത്ത് പുറത്തേക്ക് ഇറങ്ങി. റൂം ലോക്ക് ചെയ്തു കീ പോക്കറ്റിൽ ഇട്ടു.