ഗ്രീൻ ടീ കുടിച്ചൊണ്ട് ഇരുന്നത്തും അമ്മയുടെ റൂമിൻ്റെ വാതിൽ തുറന്ന് പപ്പ പുറത്തേക്ക് വന്നു….
പപ്പക്ക് രാവിലെ നടക്കാൻ പോവുന്ന ശീലം ഉണ്ട്….
ഹാളിൽ ലൈറ്റ് കണ്ട് പപ്പ തിരിഞ്ഞ് നോക്കി സോഫയിൽ ഇരിക്കുന്ന എന്നെ കണ്ടു….
ഗുഡ് മോണിംഗ് പപ്പ …. ഗുഡ് മോണിംഗ്…..
നീ എന്താടാ ഈ നേരത്ത് … ഓ ഇന്ന് നേരത്തെ എണീറ്റു പപ്പ പോവാണോ ഞാൻ ചോദിച്ചു….
അതെ വരുന്നോ പപ്പ ചോദിച്ചു…. വരണോ…. ഞാൻ ചോദിച്ചു…
വാ ടാ പോവാം …. എന്ന വരാം ഗ്രീൻ ടീ വേണോ ഞാൻ ചോദിച്ചു…
ഇങ്ങു തന്നെക്ക്….പപ്പ പറഞ്ഞു…. ഞാൻ പോയി ഷൂസ് ഇട്ട് വന്നു….
അങ്ങനെ നടക്കാൻ ഇറങ്ങി സത്യം പറഞ്ഞ നല്ല രദം ഉണ്ടായിരുന്നു ചെറിയ തണുപ്പ് പിന്നെ റോഡിൽ ആരും ഇല്ല ….
നല്ല രസം അല്ലേ പപ്പ ഞാൻ പപ്പയോട് പറഞ്ഞു… എത്ര കാലം ആയി ഞാൻ പറയുന്നു എൻ്റെ കൂടെ വരാൻ നിനക്ക് പൈസ കൊടുതുള്ള എക്സർസൈസ് മതി എന്നല്ലേ…പപ്പ പറഞ്ഞു…
അതിന് എനിക്കറിയില്ലായിരുന്നു ഇത് ഇത്ര പൊളി ആണെന്ന്… ഞാൻ പറഞ്ഞു….
ചിലത് അങ്ങനെ ആണ് നമ്മക്ക് അതുമായി ഒട്ടും പൊരുത്തപ്പെടാൻ പറ്റില്ല എന്ന് തോന്നും പക്ഷേ വൺസ് നമ്മൾ ഒന്ന് മനസ്സ് കൊണ്ട് ഇഷ്ടപ്പെടാൻ ശ്രമിച്ചാൽ എല്ലാം ശേരിയവും പപ്പ പറഞ്ഞു…. എന്താണ് പപ്പ ഉദ്ദേശിച്ചത് എന്ന് എനിക്ക് കൃത്യം ആയി മനസ്സിലായി….
പിന്നെയും കൊറേ ദൂരം നടന്നു പിന്നെ വരുന്ന വഴി ചായ കുടിച്ചു…. പപ്പ ഇത്രക്കും വലിയ സോഷ്യൽ ബീയിങ് ആണ് എന്ന് എനിക്കന്ന് മനസ്സിലായി….
ഇത്രയും വലിയ ആളാണോ എൻ്റെ പപ്പ ഞാൻ പപ്പയോട് ചോദിച്ചു… നീ എന്താ വിചാരിച്ച്ത് രാമനാഥൻ എന്ന് പറഞ്ഞ സുമ്മാവാ പപ്പ തള്ളി തുടങ്ങി….
അങ്ങനെ ഒന്നും രണ്ടും പറഞ്ഞു വീട്ടിൽ എത്തി …. ഇവനും വന്നോ ഇന്ന് ….അമ്മ ചോദിച്ചു….
ഞാൻ രാവിലെ എണിക്കുമ്പോ മോൻ ഹാളിൽ ഇരിക്കുന്നു പിന്നെ അവനെയും കൂടെ കൂട്ടി…പപ്പ പറഞ്ഞു….
ആണോ നന്നായി ചായ എടുക്കട്ടേ അമ്മ ചോദിച്ചു…
വേണ്ട അമ്മ ഞാൻ ഒന്ന് ഫ്രഷ് ആയിട്ടു വരാം … ഞാൻ പറഞ്ഞു…..
അങ്ങനെ കുളിയും കഴിഞ്ഞ് താഴേക്ക് പോയപ്പോ അതുല്യ താഴെ ഇരിപ്പുണ്ട് ഞാൻ വലിയ മൈൻഡ് കൊടുത്തില്ല….
അമ്മ ഫൂഡ്…. ഡൈനിങ് ഏരിയയിൽ പോയി ഞാൻ വിളിച്ച് പറഞ്ഞു…. ഇന്നാ അമ്മ നല്ല ചൂട് ഇഡലിയും സാമ്പാറും തന്നു…
ടാ കുഞ്ഞു നീ പോയി തടിയും മുടിയും മുടിയും ഒക്കെ ഒന്ന് ഗ്രൂം ചെയ്തിട്ട് വാ അമ്മ പറഞ്ഞു…
ഇപ്പൊ എന്തിനാ നാളെ പോരെ ഞാൻ പറഞ്ഞു… നാളെ ഇപ്പൊ മുഹൂർത്തത്തിന് രണ്ട് മിനിറ്റ് മുന്നേ ആണോ.. അമ്മ പറഞ്ഞു….
അമ്മ അത് പറഞ്ഞപ്പോ ആണ് നാളെ എൻ്റെ കല്യാണം ആണ് എന്ന കാര്യം ഞാൻ ഓർത്തത്….
അതൊന്നും വേണ്ട ഇപ്പൊ തന്നെ പോവാൻ നോക്ക് വൈകീട്ട് ആൾകാർ ഒക്കെ വരും സമയം കിട്ടി എന്ന് വരില്ല അമ്മ പറഞ്ഞു…
ശെരി ഇതൊന്നു കഴിച്ചിട്ട് പോരെ അതോ ഇപ്പൊ തന്നെ പോണോ ഞാൻ ചോദിച്ചു…. തർക്കുത്തരം മാത്രം ഒരു കുറവും ഇല്ല; ദേ നാളെ ഒരു കൊച്ച് കേറി വരാൻ പോവാ നിൻഡ്3 ഈ സംസാരം അവളോട് വേണ്ട കേട്ടല്ലോ…. അമ്മ പറഞ്ഞു…
ഓ ഇപ്പഴേ ജൈൽ വാസം തുടങ്ങി….ഞാൻ പറഞ്ഞു….
ജയിൽ ഒന്നും അല്ല നീ ഒന്ന് പറയും അവൾ രണ്ട് പറയും എൻ്റെ മോൻ അതിന് മൂന്ന് പറയും അവസാനം അത് എൻ്റെ പെടലിക്ക് വരും … വൈയാ വയസ്സായി അമ്മ പറഞ്ഞു…
അങ്ങനെ കഴിപ്പ് ഒക്കെ കഴിഞ്ഞ് ഞാൻ ഇറങ്ങാൻ നിന്നു അമ്മ ഞാൻ പോവാ… ദേ വല്ല കളറും അടിച്ച ആ വഴി എങ്ങോട്ടെങ്കിലും പൊക്കോ കേട്ടല്ലോ….
ആ കേട്ടു കേട്ടു….
ഞാൻ മുടിവെട്ടലും പരിപാടികളും കഴിഞ്ഞ് വീട്ടിൽ എത്തി….
വൈകീട്ടോടെ വീട് പാക്ക് ആയി അമ്മയുടെ അനിയത്തിയും ഫാമിലിയും അച്ഛൻ്റെ ഫാമിലിയും ചേറിയച്ചനും ഫാമിലിയും എല്ലാരും എത്തി തുടങ്ങി….
രാത്രിയോടെ മഹാലക്ഷ്മിയും എത്തി നേരെ അവൾ വന്നത് എൻ്റെ റൂമിൽ ആണ് അവിടെ ഞാനും അമറും അച്ചുവും ഉണ്ടായിരുന്നു….
അപ്പോഴാണ് വിളിച്ച് കാറിന് ഡീസൽ അടിക്കാൻ പറഞ്ഞത് അവന്മാർ രണ്ടും കൂടെ അതിന് പോയി…
ഞാൻ ഫോൺ എടുത്ത് ദീപുവിൻ്റെ നമ്പറിൽ വിളിച്ച് എവിടെ ആണ് ; വേഗം വരാനും പറഞ്ഞു…