ഐസ് ക്രീം കണ്ടാൽ പിന്നെ പെണ്ണിന് വേറെ ഒന്നും വേണ്ട.
എന്ന് ചിന്തിച്ചോണ്ട് ഞാൻ ഫോണും എടുത്തു ഇരുന്നു..
ഐസ്ക്രീം കൊടുക്കാൻ വേണ്ടി എല്ലാവരെയും വിളിച്ചു വരുത്തി അവൾ തന്നെ പിള്ളേർക്കും എല്ലാർക്കുമുള്ളത് എടുത്തു കൊടുത്തോണ്ടിരുന്നു..
അതിനിടയിൽ ഷമി ആഹാ ഇതൊന്നും പോരാ .
ഞങ്ങളെ അങ്ങിനെ ഇതൊന്നും നൽകി പറ്റിക്കാമെന്നു വിചാരിക്കണ്ട കേട്ടോ.
ഉമ്മ – എന്താ മോളെ നീ പറയുന്നേ.
ഉമ്മ വിചാരിച്ചതു ഞങ്ങൾക്ക് മൂന്നാമതും റെഡിയായി എന്നാണ്..
ഷമി – അതെ ഞാൻ അറിഞ്ഞ വിഷയത്തിന്നു ആണെങ്കിൽ ഇതൊന്നും പോരാ ഉമ്മ.
ഉമ്മ – ചിരിച്ചോണ്ട് എന്താ വിശേഷം.
അപ്പോയെക്കും സലീനയുടസ് ഉമ്മയും.
ഷമി എന്താ നീ പറയുന്നേ മനസിലാമുന്നില്ലല്ലോ.
സലീനയും അത് തന്നെ ചോദിച്ചു.
ഷമി – അതെ ഉമ്മ നിങ്ങളറിഞ്ഞില്ലേ.
ഉമ്മ – എന്താ ഷമി നിങ്ങൾ പറഞ്ഞാൽ അല്ലേ അറിയൂ.
ഷമി – രണ്ടുപേരും ഇതുവരെ പറഞ്ഞിട്ടില്ല.
ഉമ്മ – ഇല്ല പെണ്ണെ നീ കാര്യം എന്താ എന്ന് വെച്ചാൽ പറ.
ഷമി – ഹോഹോ എന്നാൽ കേട്ടോ.
തത്തയും സൈനുവും കൂടെ ഗൾഫിലോട്ട് പോകാനുള്ള പരിപാടിയാ.
അപ്പോഴാണ് രണ്ടു ഉപ്പമാരും കൂടെ അങ്ങോട്ട്‌ കയറി വന്നത്.
അത് കേട്ടു ഉപ്പ എന്നെ ഒന്ന് നോക്കി ഉമ്മയും..
ഷമി – ഞാൻ കരുതി ഇവര് നിങ്ങളോടു പറഞ്ഞിട്ടുണ്ടാകും എന്ന്.
ഉമ്മ – എന്നിട്ട് രണ്ടാളും ഞങ്ങളോട് ഒന്നും പറഞ്ഞില്ലല്ലോ.
സലീന – അത് ഉമ്മ ശരിയായിട്ടൊന്നും ഇല്ലാ അതാ.
ഷമി – ഹോ അതിനിപ്പോ ശരിയാക്കാൻ എന്താ ജോലിക്ക് പോകുകയൊന്നും അല്ലല്ലോ.
ഉമ്മ – ആഹാ ഇതെന്തേ ഞങ്ങളോട് നേരത്തെ പറയാഞ്ഞേ അതോ ഞങ്ങളോട് പറയേണ്ട എന്ന് കരുതിയോ രണ്ടുപേരും.
ഉമ്മ – ഇത് കേട്ടോ ഇവർ ഗൾഫിൽ പോകാണെന്ന്.
ഉപ്പ – ആ അവര് എന്താന്നു വെച്ചാൽ ആയിക്കോട്ടെ നമ്മൾ പോകണ്ട എന്ന് പറഞ്ഞാലും അവര് പോകാതിരിക്കില്ലല്ലോ
എന്ന് ഇച്ചിരി നിരാശ കലർന്ന ഭാവത്തിൽ പറഞ്ഞോണ്ട് ഉപ്പ റൂമിലേക്ക്‌ കയറി.
ഉമ്മ കൂടെ കയറി പോയി.
അതുടെ ആയപ്പോൾ സലീനയുടെ മുഖം ആകെ വാടി.
ഷമിയാണെങ്കിൽ വേണ്ടായിരുന്നു പറയേണ്ടായിരുന്നു എന്നായിപ്പോയി അവളുടെ മുഖം കണ്ടാൽ മനസിലാക്കാം.
സലീനയുടെ ഉമ്മയും ഉപ്പയും ഒന്നും അറിയാത്ത ഭാവത്തിൽ നില്കുന്നു.
കുറച്ചു കഴിഞ്ഞു ഉമ്മയും ഉപ്പയും അങ്ങോട്ടേക്ക് വന്നു.
ഉപ്പ കുറച്ചു ദേഷ്യത്തിൽ ആണ്.
സലീന ഉപ്പയുടെ മുഖം കണ്ടതും ഇപ്പൊ കരയും എന്നായിപ്പോയി.
ഉമ്മയും ദേഷ്യം വന്നപോലെ.
അല്ലെങ്കിൽ എന്തിനാ നിങ്ങൾ ഇപ്പോ പോകുന്നെ.
എന്ന് ചോദിച്ചതും.
സലീന തിരിഞ്ഞോണ്ട് എന്നെ നോക്കി..
അവളുടെ കണ്ണിൽ നിന്നും വെള്ളം ഇപ്പോൾ ഇറ്റിവീഴും എന്നായിരിക്കുന്നു.
ഞാൻ അല്ല ഉമ്മ ഇതുവരെ എങ്ങോട്ടും പോയിട്ടില്ലല്ലോ അതാ.
ഹോ ഉപ്പ പറയുന്നേ അതൊന്നും വേണ്ടാന്ന ഇനി നിങ്ങൾ എന്താന്നു വെച്ചാ തീരുമാനിച്ചോ.
എന്നോട് പറയും വേണ്ട ചോദിക്കുകയും വേണ്ട ഒന്നും ഞങ്ങളോട് ചോദിച്ചിട്ടല്ലല്ലോ നിങ്ങൾ തീരുമാനിച്ചത്.
ഞാൻ ഉപ്പയെ നോക്കി ഉപ്പ അതെ പോലെ തന്നെ നില്കുന്നു.
ഒരു മാറ്റവും ഇല്ലാ.
വീണ്ടും ഉമ്മയെ നോക്കി.
സലീനയാണെങ്കിൽ ആകെ വിഷമിച്ചു കരയാൻ തുടങ്ങി.
ഷമി എന്താ പറയേണ്ടേ എന്നറിയാതെ കുഴങ്ങി നിൽക്കുകയാണ്.
സലീന കരഞ്ഞോണ്ട് എന്നെ നോക്കി.
അവൾ ഉമ്മയുടെ അടുത്തേക്ക് പോയി.
ഉമ്മ ഞാൻ അല്ല സൈനുവാ പറഞ്ഞെ .
എനിക്ക് ഇഷ്ടമുണ്ടായിട്ടല്ല സൈനു പറഞ്ഞപ്പോൾ എനിക്കും പോകാൻ എന്ന് പറഞ്ഞോണ്ട് അവൾ കരയാൻ തുടങ്ങി.
കരച്ചിൽ ഒന്ന് മുറുക്കിയപ്പോൾ ഉപ്പ വന്നു അവളെ പിടിച്ചോണ്ട്.
മോളെ ഞങ്ങൾ ഒന്നും ഉണ്ടായിട്ടു പറഞ്ഞതല്ല.
ഉപ്പ നിങ്ങക്കിഷ്ടമില്ലേൽ ഞങൾ എങ്ങോട്ടും പോകുന്നില്ല എന്ന് പറഞ്ഞോണ്ട് അവൾ പിന്നെയും കരയാൻ തുടങ്ങി.
ഞാൻ ആണേൽ എന്താ പറയേണ്ടേ എങ്ങിനെ അവസാനിപ്പിക്കാം എന്ന് വിഷമിച്ചോണ്ട് നിന്നു.
അയ്യേ എന്റെ മോൾ അതിനാണോ കരയുന്നെ.
മോളെ ഞങ്ങൾ നിന്നെ വെറുതെ ഒന്ന് കളിപ്പിച്ചതല്ലേ.
ഇന്നലെ തന്നെ ഞങ്ങൾ ഈ കാര്യം അറിഞ്ഞതാ.
ഞങ്ങൾ ചോദിക്കാതിരുന്നതാ നിങ്ങൾ തന്നെ പറയുമോ എന്നറിയാനായി.
അതെ മോളെ ഇന്നലെ അമീനമോളുടെ വീട്ടിൽ പോയപ്പോ അവൾ എല്ലാം പറഞ്ഞു.
നിനക്ക് പോകാൻ ഇഷ്ടമില്ലെന്നും അതെന്താണെന്നും ഒക്കെ പറഞ്ഞു.
നീ ഞങ്ങളെ കാര്യം ആലോചിച്ചു വിഷമിച്ചാണ് പോകാൻ കൂട്ടക്കാത്തത് എന്ന് എല്ലാം അമീന മോൾ പറഞ്ഞു.
എന്തിനാ മോളെ നീ ഞങ്ങളെ വിഷമിപ്പിക്കുന്നെ.
സലീന – ഞാൻ വിഷമിപ്പിച്ചോ.
എന്റെ ഉമ്മയെയും ഉപ്പയെയും.
ഉപ്പ – ഹ്മ്മ് വിഷമിപ്പിച്ചു.
അല്ലെങ്കിൽ ഇതുപോലെ ഒരു ചാൻസ് കിട്ടിയിട്ടും നീ ഞങ്ങളെ ഓർത്തു പോകാതിരുന്നാൽ പിന്നെ ഞങ്ങൾക്ക് വിഷമമാകില്ലേ.
നീ എന്താ അമീന മോളോട് പറഞ്ഞെ.
സലീന – ഞാൻ ഞാൻ എന്ത് പറഞ്ഞുന്ന.
ഉമ്മ – ഞങ്ങളെ ഇവിടെ ഒറ്റക്കാക്കി പോകാൻ പറ്റില്ല ഞങ്ങടെ കാര്യങ്ങൾ ഒക്കെ നോക്കാൻ ആരുമുണ്ടാകില്ല എന്ന് പറഞ്ഞില്ലേ.
ഉപ്പ – ആ അതെന്തിനാ മോളെ.
സലീന – അത് എനിക്ക് പറ്റില്ല ഉമ്മ. നിങ്ങളെ രണ്ടാളെയും ഇവിടാക്കി പോകാൻ.
അതാ ഞാൻ.
ഉപ്പ – ഹ്മ്മ്. അപ്പൊ പോകുന്നില്ലേ.
സലീന – ഇല്ലാ.
ഉപ്പ – ദേ വെറുതെ എന്റെ കയ്യിന്നു വാങ്ങിക്കേണ്ട കെട്ടോ.
ഞങ്ങളെ നോക്കാൻ ഞങ്ങൾക്കറിയാം പിന്നെ ഇവരൊക്കെ ഇല്ലേ അല്ലേ ഷമി മോളെ.
ഷമിക്ക് അപ്പോഴാണ് ശ്വാസം നേരെ വീണത്.
അതെ ഞാനും പറഞ്ഞതാ ഉപ്പ കേൾക്കേണ്ട.
ഞാൻ – അല്ല ഇവിടെ എന്താ പ്രശ്നം.
ഉമ്മ – ഹോ എന്റെ മോന് ഒന്നും അറിയത്തില്ല അല്ലേ.
ഞാൻ – ചിരിയോടെ അതാ ചോദിച്ചേ.
ഉമ്മ – എന്നാലേ എന്റെ മോളെ പറഞ്ഞു പറ്റിക്കാതെ വേഗം പോയി വരാൻ നോക്ക് രണ്ടുപേരും അല്ല പിന്നെ.
ഞാൻ – ഇപ്പൊത്തന്നെ പോയി വരാൻ എന്റെ വല്ലുപ്പന്റെ വീട്ടിലേക്ക് അല്ലേ ഞങ്ങൾ പോണെ.
ഉമ്മ – എടാ എടാ വേണ്ട എന്റെ ബാപ്പാനെ പറഞ്ഞത്. അങ്ങേരു അവിടെ സ്വസ്ഥമായിട്ട് കിടന്നോട്ടെ.
ഞാൻ – ഇല്ലയെ ഇനി പറയുന്നില്ലേ.
എന്ന് പറഞ്ഞോണ്ട് നിന്നതും എല്ലാവരും ചിരിക്കാൻ തുടങ്ങി.
ഉപ്പ – മോളെ അവര് എന്തെങ്കിലും പറഞ്ഞോട്ടെ.
എന്റെ മോൾ അതൊന്നും കാര്യമാക്കേണ്ട നിങ്ങൾ പോകാനുള്ളതെല്ലാം ശരിയാക്കാൻ നോക്ക്.
ഞങ്ങളെ കാര്യം ആലോചിച്ചു മോൾ വിഷമിക്കേണ്ട അതിനി വരൊക്കെ ഇല്ലേ.
അല്ലേലും ഈ വയസ്സായ ഞങ്ങൾക്ക് ഇനി എന്താ പ്രശ്നം.
അല്ല എത്ര മാസത്തേക്ക് ആണ്.
സലീന – എനിക്കറിയില്ല ഉപ്പ സൈനു വിനോട് ചോദിച്ചു നോക്കി.
ഉപ്പ – സൈനു എത്ര മാസത്തേക്ക് ആണെടാ.
ഞാൻ – രണ്ടോ മൂന്നോ മാസത്തേക്ക് ആണ് ഉപ്പ.
ഉപ്പ – അപ്പൊ തീരുമാനിച്ചില്ലേ.
ഞാൻ – അതിനി സലീന സമ്മതിക്കണ്ടേ. പിന്നെങ്ങനെയാ.
ഉപ്പ -ഹ്മ്മ് അതികം നിൽക്കേണ്ട കേട്ടോ.
ഉമ്മ – ആ അതാ എനിക്കും പറയാനുള്ളെ.
എന്റെ മോളെയും പേര കുട്ടികളെയും കാണാതെ ഞങ്ങൾക്ക് അതികം പറ്റില്ല.