പ്രതിമാസം ഒന്നര ലക്ഷത്തിലധികം ശമ്പളം.. പിന്നെ സ്വന്തമായി അദ്ധ്വാനിച്ചു മുന്നോട്ട് വരണമെന്ന ചിന്തയും ആയിരുന്നു കുവൈറ്റിൽ കിട്ടിയ ജോലിക്ക് പോകാനുള്ള ഒരു കാരണം. പിന്നെ എന്നോട് കുറ്റബോധം മാത്രം കാണിക്കുന്ന പപ്പയിൽ നിന്നും.., പിന്നെ എന്നോട് ഭയം മാത്രം തോന്നുന്നു എന്റെ ഇളയമ്മയിൽ നിന്നും രക്ഷപ്പെടാനും ഞാൻ ആഗ്രഹിച്ചിരുന്നു.
കുവൈറ്റിൽ പോയി മൂന്ന്‌ വര്‍ഷം കഴിഞ്ഞതും ഫ്രെഡി അങ്കിള്‍ എനിക്കൊരു ആലോചന കൊണ്ടുവന്നു.
ഫ്രെഡി അങ്കിള്‍ എന്നെ ഫോണിൽ വിളിച്ചു കാര്യം അറിയിച്ചു, കൂടാതെ ഫോട്ടോയും വാട്സാപിൽ അയച്ചു തന്നു. അതാണ് എന്റെ ഭാര്യ ജൂലി. വിനിലക്കും ജൂലിയെ ഇഷ്ട്ടമായെന്ന് എനിക്ക് മെസേജ് ചെയ്തിരുന്നു.
സുന്ദരിയായ ജൂലിടെ ഫോട്ടോ കണ്ടതും എനിക്കും അവളെ ഇഷ്ട്ടപ്പെട്ടു. ഉടനെ വിവാഹത്തിനും ഞാന്‍ സമ്മതിച്ചു. ഉടനെ ജൂലിയുടെ ഫോൺ നമ്പറിനെ വിനില എനിക്ക് അയച്ചു തരികയും ചെയ്തതോടെ ജൂലിയെ ഞാൻ വിളിച്ചും സംസാരിച്ചു.
ജൂലിക്കും എന്നെ ഇഷ്ടമാണെന്ന് എന്നോട് പറഞ്ഞു. അതോടെ ദിവസവും ഞങ്ങൾ ഫോണിൽ സംസാരിക്കാന്‍ തുടങ്ങി. രണ്ട് വര്‍ഷം ഞങ്ങൾ ചാറ്റ് ചെയ്തും വീഡിയോ കോള്‍ ചെയ്തും സംസാരിച്ചു. അങ്ങനെ ഞങ്ങൾ ശെരിക്കും പ്രണയത്തിലുമായി.
കുവൈറ്റിൽ അഞ്ചു വര്‍ഷം തുടർച്ചയായി നിന്ന ശേഷമാണ് വിസ ക്യാൻസൽ ചെയ്ത് തിരികെ ഞാൻ നാട്ടിലേക്ക് വന്നത്. അഞ്ചു വർഷത്തെ ശമ്പളവും പിന്നേ എന്റെ സർവീസ് ബെനിഫിറ്റും എല്ലാം കൂടി വളരെ വലിയൊരു തുക തന്നെ സമ്പാദ്യമായി എന്റെ അക്കൗണ്ടിൽ ഉണ്ടായിരുന്നു.
നാട്ടില്‍ തന്നെ ഒരു ഇടത്തരം ഷോപ്പിങ് മാളിന്റെ പണിയും.. പിന്നെ സ്വന്തമായ രണ്ടു നില വീടിന്‍റെ പണിയും കഴിപ്പിച്ചിട്ടായിരുന്നു നാട്ടിലേക്കുള്ള എന്റെ തിരിച്ചു വരവ്.
നാട്ടില്‍ വന്നതും മാളിന്റെ ഉത്ഘാടനം ആദ്യം നടന്നു. സ്റ്റാഫ്സിനെ എല്ലാം എന്റെ അച്ഛനും ഫ്രെഡി അങ്കിളും ചേര്‍ന്നാണ് റെഡിയാക്കി തന്നത്. ശേഷം മാളും പ്രവർത്തിച്ചു തുടങ്ങി… തരക്കേടില്ലാത്ത വരുമാനവും കിട്ടാന്‍ ആരംഭിച്ചു.
കയ്യോടെ ഞങ്ങളുടെ വിവാഹവും നടന്നു. വിവാഹ ദിവസമാണ് ഞങ്ങളുടെ പുതിയ വീട്ടിലേക്ക് അവളെയും കൊണ്ട്‌ ഞാൻ കുടിയേറിയത്. ഒരു മാസത്തേക്ക് ഞങ്ങളെ സഹായിക്കാനായി അച്ഛനും ഇളയമ്മയും അവരുടെ മൂന്ന്‌ കുട്ടികളും ഞങ്ങളുടെ കൂടെ തന്നെ താമസിച്ച ശേഷമാണ് തിരികെ പോയത്.
അറേഞ്ച് മാര്യേജ് ആണെങ്കിലും.. രണ്ട് വര്‍ഷം പ്രണയിച്ച ശേഷമാണ് ഞങ്ങൾ വിവാഹിതരാവുന്നത്. അതിന്‍റെ ത്രില്ലിലായിരുന്നു ജീവിതം തുടങ്ങിയത്. പക്ഷേ സെക്സ് ലൈഫ് ഇല്ലാത്ത ജീവിതമായിരുന്നു ദൈവം ഞങ്ങൾക്ക് വിധിച്ചത്. എന്നിട്ടും ഞങ്ങൾ അതെല്ലാം സഹിച്ച് പരസ്പരം സ്നേഹിച്ചു. ലൈംഗീക പട്ടിണിയെ മാത്രം ആരെയും അറിയിക്കാതെ രഹസ്യമാക്കിയാണ് ഞങ്ങൾ വെച്ചിരുന്നത്.
പുറത്ത്‌ എന്തോ ഒച്ച കേട്ടാണ് എന്റെ പഴയ കാല ചിന്തകളില്‍ നിന്നും ഞാൻ മോചിതനായത്.
തറയില്‍ ചിന്തി പോയ ചായയെ സാന്ദ്ര തുടച്ചു വൃത്തിയാക്കുകയാവും.
ഞാൻ പെട്ടന്ന് കുളിച്ചിട്ട് പുറത്തേക്ക്‌ വന്നു. ശേഷം വീട്ടിലിടുന്ന മുക്കാല്‍ പാന്റും ടീ ഷര്‍ട്ടും എടുത്തിട്ട ശേഷം കിച്ചനിലേക്ക് ചെന്നു.
എന്റെ ഭാര്യയും, സാന്ദ്രയും, എന്റെ അമ്മായിയും, പിന്നെ വിനിലയും ഒത്തു ചേര്‍ന്നാണ് രാവിലത്തെ കാപ്പി ഉണ്ടാക്കി കൊണ്ടിരുന്നത്. ജൂലിയുടെ കരച്ചില്‍ മാറിയിരുന്നത് കണ്ടെനിക്ക് സമാധാനമായി.
സാന്ദ്ര എന്നെ ചീറി നോക്കിയിട്ട് ജോലിയിൽ ശ്രദ്ധ തിരിച്ചു.
ഇറച്ചിയുടെ ആ കൊതിപ്പിക്കുന്ന മണം എന്റെ വിശപ്പിനെ ഉണര്‍ത്തി.
“ആഹാ…! എന്തു നല്ല മണം. നിങ്ങളുടെയൊക്കെ കൈപ്പുണ്യം അപാരം തന്നെ.” മൂക്കില്‍ മണം വലിച്ചുകേറ്റി കൊണ്ട്‌ ഞാൻ പറഞ്ഞു.
എന്നെ കണ്ടതും അമ്മായി പുഞ്ചിരിച്ചു. സ്കൂള്‍ പ്രിന്‍സിപ്പല്‍ ആണെങ്കിലും കര്‍ശനക്കാരി അല്ലായിരുന്നു. എന്നോട് സ്നേഹവും ബഹുമാനവും മാത്രമേ കാണിച്ചിട്ടുള്ളു.
“ആന്നോ…?!” അമ്മായി ഒരു ചിരിയോടെ ചോദിച്ചു. “എന്നാ ഒരു ഇറച്ചി കഷ്ണം കൂടുതലായി നിനക്ക് ഞങ്ങൾ വച്ചു തരാട്ടോ.” അമ്മായി തമാശ പറഞ്ഞതും ഞാൻ ചിരിച്ചു.
സാന്ദ്ര ഇൻഡക്ഷൻ സ്റ്റവ് ഓഫാക്കി അതിൽ വച്ചിരുന്ന ചായ പാത്രത്തെ എടുക്കുന്നത് ഞാൻ കണ്ടു.
“ഞായറാഴ്‌ച എട്ടു മണിക്കേ സാറ് കുളിച്ചു വന്നല്ലോ?” വിനില ചിരിച്ചു കൊണ്ട്‌ ചോദിച്ചു.
“എന്തു ചെയ്യാനാ എന്റെ വിനി..!” ഞാൻ നെടുവീര്‍പ്പിട്ടു. “ഞാൻ എണീക്കാത്തതിന് നിന്റെ മോള് എന്റെ മുഖത്ത് നക്കി എണീപ്പിച്ചു…” ഞാൻ പറഞ്ഞതും അവർ നാലുപേരും ചിരിച്ചു.
“പിന്നേ റോമില്‍ പ്രാര്‍ത്ഥിക്കാന്‍ പോയ എന്റെ അങ്കിളും ആന്റിയും എന്തു പറയുന്നു..?” ഞാൻ തിരക്കി.
എല്ലാ വര്‍ഷവും വിനിലയുടെ അച്ഛനും അമ്മയും റോമില്‍ പോകാറുണ്ട്. കൂടാതെ എല്ലാ പുണ്യ സ്ഥലങ്ങളെയും സന്ദര്‍ശിച്ച് കറങ്ങിയെടുത്ത് ഒരു മാസം കഴിഞ്ഞാണ് തിരികെ വരാറ്. വിനിലയുടെ വിവാഹത്തിന് മുമ്പ്‌ വരെ അവളും പോകുമായിരുന്നു. പക്ഷേ ഇപ്പോഴൊന്നും അവള്‍ പോകാറില്ല.
അതുകൊണ്ട്‌ അങ്കിളും ആന്റിയും എന്നോട് അവളെ നോക്കിക്കോളാൻ പറഞ്ഞേൽപ്പിച്ചിട്ടാണ് പോകുന്നത്. രണ്ട് ദിവസത്തിന് മുന്‍പ് അങ്കിളും ആന്റിയും ഇങ്ങോട്ട് വന്ന് എന്നോട് സംസാരിച്ചിരുന്നു.
“എടാ, ഇന്നു കാലത്ത് അവർ ഇവിടത്തെ എയർപോർട്ടിൽ പോയതല്ലേയുള്ളു.. പിന്നെന്തു വിശേഷം ഞാൻ പറയാനാ!!” അതും പറഞ്ഞ്‌ ഒരു മണ്ടനെ നോക്കുന്നത് പോലെ വിനി എന്നെ നോക്കി ചിരിച്ചു.
“മോന് ചായ ഒഴിച്ചു കൊടുക്ക് സാന്ദ്ര മോളെ.” അമ്മായിയും ചിരിച്ചു കൊണ്ട്‌ ഇളയ മോളോടായി പറഞ്ഞു.
“ചായ എടുത്തു കഴിഞ്ഞു മമ്മി.. ദാ ഞാൻ കൊടുക്കാം.” എന്റെ മുഖത്തെ വായിച്ചു പഠിക്കാൻ ശ്രമിച്ചു കൊണ്ട്‌ സാന്ദ്ര ചായ കൊണ്ട്‌ തന്നതും ഞാൻ വാങ്ങി.
പക്ഷേ എന്റെ ഭാര്യ മാത്രം എന്നെ മൈന്റ് ചെയ്യാതെ ജോലി ചെയ്തുകൊണ്ട്‌ നിന്നു. ഉടനെ ഞാൻ പോയി അവളുടെ കവിളിൽ ഒരു ഉമ്മ കൊടുത്തതും അവള്‍ പെട്ടന്ന് നാണിച്ച് ചുറ്റും നോക്കി. എന്നിട്ട് ആ നാണം കലര്‍ന്ന ചിരിയെ മറയ്ക്കാൻ കഴിയാതെ അവൾ വായ പൊത്തി പിടിച്ചു.
എല്ലാവരും എന്നെ തന്നെ അന്തിച്ചു നിന്ന് നോക്കുന്നത് കണ്ടതും എനിക്ക് ചമ്മലുണ്ടായി. ആദ്യമായാണ് മറ്റുള്ളവര്‍ക്ക് മുന്നില്‍ വച്ച് എന്റെ ഭാര്യയ്ക്ക് ഞാൻ ഉമ്മ കൊടുത്തത്.
എന്റെ പ്രവര്‍ത്തിയില്‍ അവരൊക്കെ അന്തിച്ചു നിന്നെങ്കിലും അവരുടെ കണ്ണുകളില്‍ എന്റെ പ്രവര്‍ത്തിയോടുള്ള സ്വീകാര്യതയും ഞങ്ങളോടുള്ള സ്നേഹവുമെല്ലാം ഞാനും എന്റെ ഭാര്യയും കണ്ടു.