സലീന വാതിലടച്ച് കുറ്റിയിട്ട് ബൈസ്റ്റാന്റർക്കുള്ള ബെഡിൽ വന്നിരുന്നു.
മൊബൈലെടുത്ത് വാട്സാപ്പ് തുറന്ന് ആദ്യം നോക്കിയത് സ്കൂൾ ഗ്രൂപ്പിലേക്കാണ്. പത്താം കാസ്സിന്റെ ഗ്രൂപ്പാണ്. പതിമൂന്ന് കൊല്ലമായി പഠിച്ചിറങ്ങിയിട്ട്.. ഒരു കൊല്ലം മുൻപാണ് ഈ ഗ്രൂപ്പുണ്ടാക്കിയത്.
ഇപ്പോൾ അവൾക്കുള്ള ഏക ആശ്വാസം ഈ ഗ്രൂപ്പാണ്. നാല് ക്ലാസിലേയും കൂടി ഒറ്റ ബാച്ചിന്റെ ഗ്രൂപ്പാണ്. നൂറോളം ആളുകളുണ്ട്.
തന്റെ പ്രശ്നങ്ങളൊക്കെ എല്ലാർക്കുമറിയാം. എല്ലാരും തന്നെ ആശ്വസിപ്പിക്കാറുണ്ട്.
ഗ്രൂപ്പ് തുറന്നപ്പോ തന്നെ, ഗ്രൂപ്പഡ്മിൻ അബ്ദു ഒരു കാലിൽ പ്ലാസ്റ്ററിട്ട് ഒരു ഹോസ്പിറ്റൽ ബെഡിൽ കിടക്കുന്ന ഫോട്ടോ..
ഇതെന്താണ്… ? ഇവനെന്ത് പറ്റി..?
അതിന് താഴേയുള്ള വോയ്സ് അവൾ കേട്ടു നോക്കി.
“ഹലോ, ചങ്കുകളേ… ചെറിയൊരു ബൈക്കാക്സിടന്റ്… ഒരു കാല് പൊട്ടി… ഒന്ന് രണ്ട് മാസം ഇനി പരമ സുഖം…”
എല്ലാം തമാശ കലർത്തി പറയുന്ന അബ്ദു ഇതും തമാശ രൂപത്തിലാണ് പറഞ്ഞത്.
താഴേ ഓരോരുത്തർ ചോദിക്കുന്നുണ്ട്.
എങ്ങിനെയാ പറ്റിയത്..? എവിടുന്നാ?
ഏത് ഹോസ്പിറ്റലിലാ… ?
എല്ലാം കേട്ട സലീന അൽഭുതപ്പെട്ട് പോയി.
ഈ ക്ലിനിക്കിൽ തന്നെ തൊട്ടടുത്ത മുറിയിലാണവൻ കിടക്കുന്നത്… !
അവന്റെ ഫോട്ടോക്ക് താഴെ, പെട്ടെന്ന് സുഖമാവട്ടെ..! എന്നൊരു ടെക്സ്റ്റ് മെസേജയച്ച് അവൾ എഴുന്നേറ്റു.
ഷംന നല്ല മയക്കത്തിൽ തന്നെയാണ്. ഉമ്മ വരാൻ കുറച്ചൂടെ സമയമെടുക്കും. അവനെയൊന്ന് പോയി കാണാം.
അവൾ വാതിൽ തുറന്ന് പുറത്തിറങ്ങി. പത്താം നമ്പർ മുറിയാണ് അവളുടെ.അവന്റേത് പതിനൊന്നും.
അവൾ വാതിലിൽ പതിയെ മുട്ടി.
“കുറ്റിയിട്ടിട്ടില്ല… തുറന്ന് പോര്…”
അകത്ത് നിന്നും അബ്ദുവിന്റെ ശബ്ദം.
അവൾ വാതിൽ തുറന്ന് അകത്ത് കയറി. അവൻ കട്ടിലിൽ കിടക്കുകയാണ്. വേറെയാരും കൂടെയില്ല… അവളെ കണ്ട് ആദ്യം അവനൊന്ന് ഞെട്ടി.
“എടി സലീനാ… നീയെന്താടീ ഇവിടെ… ?
അതും ഈ സമയത്ത്…?”
അവൻ അൽഭുതത്തോടെ ചോദിച്ചു.
“ഞാനപ്പുറത്തെ റൂമിലാടാ… അനിയത്തിക്ക് സുഖമില്ലാതെ ഇവിടെ അഡ്മിറ്റാ…”
“എപ്പൊ…””?
“ഇപ്പോ വന്നതേയുള്ളൂ… അവൾക്ക് നല്ല പനി… അല്ല നീയെപ്പ വന്നു…”
“ഞാനും ഇപ്പൊ വന്നതേയുള്ളൂ… പണിയും കഴിഞ്ഞ് വീട്ടിലേക്ക് പോയതാ… ഒരു കാറ് വന്നിടിച്ചു… അവര് നല്ലവരായിരുന്നു… അപ്പഴേ വിട്ട് പോയി… പിന്നെ ഒരോട്ടോകാരനാ ഇങ്ങോട്ടെത്തിച്ചത്…”
“വേറാരും ഇല്ലേടാ… ?
ഇതെന്താ നീയൊറ്റക്ക്… ?”
“വേറാര്… വീട്ടിൽ ഉമ്മ മാത്രമല്ലേടീ ഉള്ളൂ… കെട്ടിച്ച് വിട്ട പെങ്ങളെ വിളിച്ചപ്പോ അവൾ രാവിലെ വരാന്ന്.. ഞാനൊരു കൂട്ടുകാരനെ വിളിച്ചിട്ടുണ്ട്..അവനിനി എപ്പോഴാണോ വരുന്നേ….”
അബ്ദുവിന് വീട്ടിൽ ഉമ്മ മാത്രേ ഉള്ളൂന്ന് സലീനക്കറിയാം… ഉപ്പ നേരത്തേ മരിച്ചു. അവനേക്കാൾ മൂന്ന് വയസ് കുറഞ്ഞ പെങ്ങളെ മൂന്ന് വർഷം മുൻപ് കെട്ടിച്ചയച്ചു.. മൂന്ന് വർഷം മുൻപ് വർഷം മുൻപ് തന്നെ ഇവനും പെണ്ണന്വോഷണം തുടങ്ങിയതാണ്. ഇത് വരെ ഒന്നും നടന്നിട്ടില്ല.
“എടാ…ഞാനിപ്പ വരാട്ടോ.. അവൾക്ക് നല്ല പനിയാ… ഒന്ന് പോയി നോക്കട്ടെ… നിനക്കെന്തേലും വേണോടാ…?”
കൂട്ടിനാരുമില്ലാതെ ഒറ്റക്കുള്ള അവന്റെ കിടപ്പ് കണ്ട് അവൾക്ക് പാവം തോന്നി.
“ ഒന്നും വേണ്ടെടീ… അവൻ വരുമ്പോ കഴിക്കാനെന്തേലും കൊണ്ട് വരും..”
“ ശരിയെന്നാ… ഞാൻ പോയിട്ട് വരാം..”
അവൾ വാതിലിനടുത്തെത്തിയതും അവൻ വിളിച്ചു.
“ എടീ സലീനാ…”
അവൾ തിരിഞ്ഞ് നിന്നു.
“ എടീ..നീയാ പാത്രം ഇങ്ങെടുത്തേ…”
കട്ടിലിനടിയിൽ വെച്ച മൂത്രമൊഴിക്കാനുള്ള പാത്രം ചൂണ്ടിക്കാട്ടി അബ്ദു പറഞ്ഞു.
സലീന അതെടുക്കാതെ അവനെ നോക്കി.
“ അബ്ദൂ… മൂത്രമൊഴിക്കാനാണേൽ ഞാൻ ബാത്ത്റൂമിലേക്ക് ആക്കിത്തരാം… “
സലീന ചിരിച്ച് കൊണ്ട് പറഞ്ഞു.
“നീ ഒരുപാടങ്ങ് ബുദ്ധിമുട്ടണ്ട… ആ പാത്രമിങ്ങെടുത്ത് വാതിലടലച്ച് പോടീ..”
സലീന കുനിഞ്ഞ് നിന്ന് കട്ടിലിനടിയിൽ നിന്നും പാത്രമെടുത്ത് കൊടുത്തു.
“അബ്ദൂ എന്തേലും ആവശ്യമുണ്ടേൽ വിളിച്ചോട്ടോ…”