അങ്ങനെ കുറച്ചു കഴിഞ്ഞപ്പോൾ എന്റെ ഫോൺ അടിക്കുന്നത് കേട്ട് ഞാൻ ഫോൺ എടുത്തു .
ഇക്ക യുടെ കാൾ ആയിരുന്നു ഓഫീസിലേക്ക് ചെല്ലാൻ പറഞ്ഞു കൊണ്ട്.
ഞാൻ വേഗം വായന നിർത്തി അവിടെന്നു എഴുന്നേറ്റു.
ആ സമയം ഞാൻ നെസി ഇരിക്കുന്ന ഇടത്തിലേക്ക് ഒന്ന് നോക്കി അവിടെ അപ്പൊ ആരെയും കാണാൻ ഉണ്ടായിരുന്നില്ല.
ഞാൻ പിന്നെ വേഗം തന്നെ റെഡി ആയി ഇക്കയുടെ അടുത്തേക്ക് പോയി.
പിന്നിട് എല്ലാദിവസവും ഞാൻ ആ നേരം ആകുമ്പോൾ വായിക്കാൻ ആയി ടെറസിൽ പോകും നെസിയും ഉണ്ടാകും ആ ഊഞ്ഞാലിൽ പക്ഷെ പഴയ പോലെ തന്നെ മൈൻഡ് ഒന്നും ചെയ്യില്ല .എന്നാലും അവളെ കണ്ടോണ്ട് ഇരിക്കലോ എന്നു കരുതി ഞാൻ ടെറസിൽ തന്നെ ഇരിക്കും.
അങ്ങനെ കുറച്ചു ദിവസങ്ങൾ കഴിഞ്ഞപ്പോൾ . ഞാൻ നൂറയേം നെസിയെം കൂട്ടി ക്ലാസിലേക്ക് പോകുന്ന വഴി,
“അഖിലേട്ട, ഇപ്പോൾ എന്താ ടെറസിൽ കാണാത്തതു “
നൂറാ എന്നോട് ചോദിച്ചു.
“അതാ ആ നോവൽ വായിച്ചു കഴിഞ്ഞു, എന്റെൽ വേറെ ബുക്ക്സും ഒന്നും ഇരിപ്പില്ല അതാ ഞാൻ ടെറസ്സിൽ വരാത്തത് “
“ഉം “
അല്ല നൂറാ എന്താ ഇതിനെ പറ്റി ചോദിച്ചത് ഞാൻ ടെറസ്സിൽ ഇരിക്കുമ്പോൾ നൂറയെ അധികം കാണാറില്ലല്ലോ ,പിന്നെന്താ ഇവൾ ഇങ്ങനെ ചോദിച്ചത് .
ഞാൻ ടെറസിൽ ഇരിക്കുമ്പോൾ നെസി മാത്രമേ എല്ലാദിവസവും ഉണ്ടാകാറുള്ളൂ അവൾ ആണെങ്കിൽ എന്നെ ശ്രദ്ധികാറും ഇല്ല ,… ഇനി നെസി ആണൊ നൂറയോട് ഇത് ചോദിക്കാൻ പറഞ്ഞത് , അവൾ ഇനി എന്നെ ഞാൻ അറിയാതെ ശ്രദ്ധിച്ചിരുന്നോ???.
എന്റെ മനസ്സിൽ കൂടി കുറെ ഏറെ കാര്യങ്ങൾ കടന്നു പോയി .
ഞാൻ ഡ്രൈവ് ചെയുന്ന ഇടയിൽ പെട്ടന്ന് റിയർ വ്യൂ മിററിൽ നോക്കി.
എന്റെ കണ്ണുകൾ മിററിൽ പതിഞ്ഞപ്പോൾ നെസി പെട്ടന്ന് തല തിരിച്ചു വേറെ എവിടെ നോക്കി ഇരിക്കുന്നു.
അപ്പൊ എനിക്ക് ഒരു കാര്യം മനസ്സിൽ ആയി നെസി ഞാൻ മിററിൽ നോക്കുന്ന വരെയും അവൾ മിററിൽ എന്നെ തന്നെ നോക്കി ഇരിക്കുക ആയിരുന്നു എന്നു.
ഞാൻ മിററിൽ നോക്കി ഒന്നു പുഞ്ചിരിച്ചിട്ട് കാർ ചവിട്ടി വിട്ടു…
അന്ന് വൈകുന്നേരം നെസിയെം നൂറയേം ക്ലാസിൽ നിന്നും തിരിച്ചു കൊണ്ട് വന്നു ഞാൻ റൂമിൽ വെറുതെ ഇരിക്കുക ആയിരുന്നു.
“ഡും. ഡും “
വാതിലിൽ മുട്ട് കേട്ടപ്പോൾ ഞാൻ എഴുനേറ്റ് വാതിൽക്കലിലേക്ക് ചെന്നു ,
ഞാൻ വാതിൽക്കലിൽ എത്തിയപ്പോൾ
“ഇതെന്താ നൂറാ , നീ പുസ്തക വില്പനക്ക് പോകുന്നോ “
ഒരു കെട്ട് പുസ്തകങ്ങളും ആയി എന്റെ മുൻപിൽ നിൽക്കുന്ന നൂറയെ നോക്കി കൊണ്ട് ഞാൻ ചോദിച്ചു.
എന്റെ ചോദ്യം വക വെക്കാതെ അവൾ ആ പുസ്തകകെട്ടും പിടിച്ചു എന്നെ തളി മാറ്റി കൊണ്ട് റൂമിന്റെ അകത്തേക്ക് കടന്നു.
“അതെ ഇനി ബുക്ക് ഇല്ലാത്തതിന്റെ പേരിൽ വായന മുടക്കേണ്ട,ഒരു മാസത്തേക്ക് വായിക്കാൻ ഉള്ളത് ഉണ്ട് “
അവൾ അതും പറഞ്ഞു ആ പുസ്തക കെട്ട് മേശപ്പുറത്തു വെച്ചു.
“നൂറാ ഇതു എവിടെന്നാ,ഇത്താത്ത യുടെ ആണൊ? “
“അപ്പം തിന്നാൽ പോരെ കുഴി എണ്ണണോ? “
നൂറാ ചിരിച്ചു കൊണ്ട് പറഞ്ഞു.
“ശരി മാഡം “
“അതെ വേഗം പോയി വായന തുടങ്ങിക്കോ , ഇത് തീരുമ്പോൾ അടുത്തസെറ്റ് കൊണ്ട് തരാം “
“ഉം “
നൂറാ അതും പറഞ്ഞു റൂമിൽ നിന്നും പോയി.
ഞാൻ ആ ബുക്കുകൾ ഓരോന്ന് ആയി എടുത്തു നോക്കാൻ തുടങ്ങി.
ഞാൻ സ്കൂളിൽ ആയിരുന്നപ്പോൾ വായിക്കാൻ ആഗ്രഹിച്ചിരുന്ന ബുക്കുകൾ അതിൽ ഉണ്ടായിരുന്നു , അന്ന് ലൈബറി യിൽ വാടക കൊടുക്കാൻ പൈസ ഇല്ലാത്തതിന്റെ പേരിൽ വായിക്കാതെ മാറ്റി വെച്ച രണ്ടു മൂന്ന് ബുക്കുകൾ അതിൽ കണ്ടപ്പോൾ എനിക്ക് വളരെ സന്തോഷം ആയി.
ഞാൻ ഒരു ബുക്കും എടുത്തു ടെറസിൽ പോയി ഇരുന്നു .
ബാൽക്കണി യിൽ നെസി ഉണ്ടാകും എന്ന പ്രതീക്ഷയിൽ ആണു ഞാൻ ടെറസിൽ ചെന്നത് . എന്നാൽ അന്ന് അവളെ കാണാൻ സാധിച്ചില്ല , പിറ്റേന്നും ഞാൻ ടെറസിൽ ചെന്നു ഇരുന്നു കുറച്ചു സമയം കഴിഞ്ഞപ്പോൾ ഒരു ബുക്കും ആയി നെസി ആ ഊഞ്ഞാലിൽ വന്നു ഇരുന്നു .
അവൾ ഊഞ്ഞാലിൽ ഇരിക്കുന്നതിന് മുൻപ് ഞാൻ ഇരിക്കുനടത്തേക്ക് ഒന്നും നോക്കി,
അവിടെ എന്നെ കണ്ടപ്പോൾ അവളുടെ മുഖം വിടർന്നു പിന്നെ ചെറു പുഞ്ചരിയും അവളുടെ പവിഴാധരങ്ങളിൽ വിരിഞ്ഞു.