നീ വിളച്ചിലെടുക്കാതെ കാര്യം പറ…””.
ടാ നാളെയാണ് സീനിയേഴ്സിൻ്റെ ഫെയർവൽ പാർട്ടി … വേറെ എന്തിന് വന്നില്ലെങ്കിലും പുള്ളി നാളെ എന്തായാലും കാണും….””
എന്നാ ശരിയടി നാളെ കാണാം..””
ബൈ…”” ഫോൺ കട്ട് ചെയ്തതിന് ശേഷം അഞ്ജലിക്ക് ആകെ ഒരു പരവശമായിരുന്നു… നാളെ സൂരജിനോട് എന്ത് പറയും… അവൻ താൻ പറയുന്നത് വിശ്വസിക്കുമോ, താൻ ചെയ്ത് അറിഞ്ഞാൽ അവളെ വഴക്ക് പറയുമോ… അങ്ങനെ പലതും അവളെ അലട്ടി .. അവൻ്റെ പേര് ഉചരിക്കുമ്പോൾ പോലും ഒരുഅങ്കലാപ്പ് പോലെ… ശരീരം കുളിരുന്നു ഫീൽ, അവനോട് കൂടുതൽ അടുപ്പവും സ്നേഹവും അതിൻ്റെ കൂടെ ബഹുമാനവും തോനുന്നു… അവളുടെ ഉള്ളിൽ പല വിസ്‌ഫോടനങ്ങൾ നടന്നു…
എന്താടി അവള് എന്ത് പറഞു…”” അന്തം വിട്ടു നിൽകുന്ന അഞ്ജലി കേൾക്കാൻ പാകത്തിൽ ശരദാമ്മ ചോദിച്ചു.
പുള്ളി നാളെ കോളേജിൽ പരിപാടി നടക്കുന്നിടത്ത് ഉണ്ടാവുമെന്ന് പറഞ്ഞു..”” ഒറ്റ സ്‌ട്രചിൽ അവള് മറുപടി നൽകി.
പിന്നെന്താ… നിനകിത്ര ടെൻഷൻ..””
അമ്മെ സത്യം പറയാലോ, ഞാൻ എല്ലാം ഏറ്റു പറഞാൽ അവൻ എന്നെ തല്ലുമോ എന്നാണ് എനിക് പേടി..””
നിനക്ക് രണ്ട് കിട്ടാത്ത കുറവുണ്ട്… അവൻ്റെ കയ്യിൽ നിന്ന് കിട്ടിയാ അത് സന്തോഷപൂർവ്വം മേടിക്കുക അത്രതന്നെ…””
അമ്മേ….””
ഒരമ്മയുമില്ല വന്ന് കിടക്കാൻ നോക്ക് നേരമൊരുപാടായി..””
ദിവസങ്ങൾക്ക് ശേഷം അഞ്ജലിക്ക് ഇന്ന് മരുന്നില്ലാതെ ഉറങ്ങാൻ സാധിച്ചു… രാവിലെ കുളിച്ച് ഫ്രെഷായി മെറൂൺ കളർ അനാർക്കലി എടുത്തിട്ടു, പതിവിലും സുന്ദരിയായി അവള് കോളേജിൽ യാത്ര തിരിച്ചു…
കോളേജ് മൊത്തം അലങ്കരിച്ചിരുന്നു… അവിടെ ഇവിടായി പലരും സെൽഫി എടുക്കലും കൂട്ടം കൂടി തമാശ പറയുക്കയായിരുന്നു… അഞ്ജലി അവരുടെ ഇടയിൽ സൂരജ് ഉണ്ടോയെന്ന് പരതി നടന്നു…
ഡീ കഴുതെ നീ എന്തോ നോക്കി നില്ക്കാ, നടക്ക് ഇങ്ങട് പരിപാടി ഇപ്പൊൾ തുടങ്ങും…”” അലഞ്ഞു നടക്കുന്ന അഞ്ജലിയെ മാലു കൈ വലിച്ച് കൂട്ടികൊണ്ട് പോയി..
എഡി സൂരജ്…””
പുള്ളിയൊക്കെ ഹാളിൽ പരിപാടി നടക്കുന്നിടത്ത് കാണും നീ വാ..””..
ഹാളിൽ നിറയെ ആൾക്കാരായിരുന്നു…. അതിൻ്റെ ഇടയിൽ സൂരജിനെ കണ്ടുപിടിക്കാൻ അവർക്ക് കഷ്ടമായിരുന്നു…. അന്നേരമാണ് പുറകിൽ നിന്ന് അക്ഷര അവരെ കൈ കാണിച്ച് വിളിച്ചത്…
ഹായ്… സുഖല്ലെ രണ്ടാൾക്കും .. “”
അതെ ചേച്ചീ സുഖം…””
കുറച്ച് ദിവസം നിങ്ങള് വന്നിലെന്ന് കേട്ടപ്പോ ഞാൻ ഒന്ന് പേടിച്ച്… ഇപ്പൊ കണ്ടല്ലോ എനിക്കാശ്വാസമായി…””
ചേച്ചീ ചേച്ചിയോട് എങ്ങനെ നന്ദി പറയണമെന്ന് എനിക്കറിയില്ല…””
നന്ദിയുടെ ആവിശ്യമെന്നുമില്ല അഞ്ജലി…””
അങ്ങനെ പറയല്ല ചേച്ചീ.. ആ സമയത്ത് ചേച്ചീ വന്നില്ലായിരുന്നെങ്കിൽ…””
ഏയ്… അഞ്ജലി ഇങ്ങനെ ഡെസ്പ് ആവല്ലേ… കൂൾ… കഴിഞ്ഞത് കഴിഞ്ഞു … ഇനി നിനക്ക് നന്ദി പറയാൻ അത്രയ്ക്ക് നിർബന്ധമാണെ സൂരജിനേട് പറ, അവൻ കാരണമാണ് ഞാൻ ഇതിൽ ഇടപെട്ടത്…””
അപ്പൊ ചേച്ചീ ഇവള് പറഞ്ഞിട്ട് വന്നതല്ലേ…””
എന്നാരു.. പറഞ്ഞു… ഞാൻ അങ്ങനെ നിന്നോട് പറഞ്ഞോ അഞ്ജലി… ചേച്ചിയാണ് എന്നോട് ഇങ്ങോട്ട് വന്ന് കാര്യം തിരക്കിയത്… ഞാൻ കരുതിയത് നീ പറഞ്ഞിട്ടാണ് ചേച്ചീ കാര്യം മനസ്സിലാക്കിയത് എന്നാ”” മാലു അഞ്ജലിയെ നോക്കിയപ്പോ അജ്ഞലി കിളി പോയിട്ട് അക്ഷരയെ നോക്കി…
അതോർത്ത് നിങ്ങള് ഇങ്ങനെ കൺഫ്യൂഷൻ ആവണ്ട… തുടർച്ചയായി തുണ്ട് പൊക്കിയപ്പോ.. സൂരജ് എന്നെ ഗേൾസ് ബാത്റൂമിൽ ഒരു സ്പൈ ആയി നിൽകാൻ ആവശ്യപ്പെട്ടു…അവിടെ നിന്ന് ആരെങ്കിലും അവന്മാരുടെ സംഭാക്ഷണം ഒളിഞ്ഞു കേൾക്കുനുണ്ടോ എന്ന് അവനൊരു സംശയം… അത് കൊണ്ട് എന്തായി നിങൾ രണ്ടും പറഞത് മൊത്തം ഞാൻ കേട്ടു… ഞാനത് അവനോടു പറഞ്ഞു… അവൻ്റെ നിർദ്ദേശം പ്രകാരമാണ് ഞാൻ ഇവളെ കണ്ടതും നിന്നെ രക്ഷിക്കാൻ വന്നതും ഒക്കെ… ഇനി നന്ദിയോ കുന്നിയോ എന്താണ് വെച്ചാ അവനോട് നേരിട്ട് പറഞ്ഞാ മതി… എന്ന ഞാൻ അവിടെ ചെല്ലട്ടെ ബൈ..””
ഇതൊക്കെ കേട്ടപ്പോൾ അഞ്ജലിയും മാലുവിനും അൽഭുതമായി.. അവർ ചിന്തിച്ചതിലും അപ്പുറമാണ് അവനെന്നു അവർക്ക് ബോധ്യമായി… അതിനു ശേഷം അഞ്ജലി മാനം രക്ഷിച്ചതിന് അവനോടുള്ള ആരാധനയാണോ അതോ കുറച്ചിലാണോ… എന്തോ ഒരു വികാരം അവനെ കാണുന്നതിൽ നിന്നും അവളെ തടഞ്ഞു.. അത് ചിലപ്പോ പ്രണയവും ആവാം…
ഡീ ദേ നോക്കിയേ അവിടെ അതാ സൂരജ്..”” മുന്നിൽ കൂടി നിന്നവരുടെ ഇടയിൽ കൂടി ലൈറ്റ് പച്ച ഷർട്ടും അതേ കരയുള്ള മുണ്ടും ധരിച്ച് നിൽകുന്ന സൂരജിനെ മാലു അഞ്ജലിക്ക് കാട്ടിക്കൊടുത്തു…
വാടി നമുക്ക് അങ്ങോട്ട് പോകാം..””
നീ പൊയ്ക്കോ ഞാനില്ല…””
ഇതുവരെയും നിനക്ക് ഒരു പ്രോബ്ലം ഇല്ലായിരുന്നല്ലോ… ഇതെന്താ പെട്ടെനിങ്ങനെ..””
അത്… എടാ… എനിക് പുള്ളിയെ ഫേസ് ചെയ്യാൻ ചെറിയ ബുദ്ധിമുട്ട്..””
അതൊക്കെ മാറിക്കോളും നീ വാ..”” മാലു അവളെയും വലിച്ച് നടന്നു…. കുറച്ച് നടന്നതും അഞ്ജലി സെഡൻ ബ്രേക്കിട്ട് നിന്നു…
എന്താടാ നിന്നു കളഞ്ഞത് വാ…””
ഡാ എനിക്ക് പറ്റില്ല… നോക്കിയേ എൻ്റെ കൈയൊക്കെ വിറക്കുന്നു… തൊണ്ട വറ്റിയ മാതിരിയുണ്ട്, ഞാൻ ആകെ വിയർത്തു…എന്തോ നെഞ്ചോക്കെ പടപടാണ് ഇടിക്കുന്നത് പോലെയുണ്ട്..””
ആ…അ…. ആ…. ഇത് അത് തന്നെ….”” മാലു ആകി ചിരിച്ച് കൊണ്ട് അവളെ കളിയാക്കി..
എന്തെന്നേന്നാ നീ പറഞ്ഞു വരുന്നത്…””
അതോ… അതാണ് മോളെ ദിവ്യ പ്രണയം കാതൽ ലൗവ് ഇഷ്ക് മുഹമ്പത്ത്..””
ദേ തോന്നിയത് വിളിച്ച് പറഞ്ഞാലുണ്ടല്ലോ എൻറെ സ്വഭാവം അറിയാലോ നിനക്ക്..””
അത് നന്നായി അറിയുന്നത് കൊണ്ട് തന്നെയാ ഞാൻ ഇത് ഉറപ്പിച്ച് പറയുന്നത്… നിനക്കവനോട് മുടിഞ്ഞ പ്രേമമാണ്…””
അല്ല…. നീ കള്ളമാ പറയുന്നത്…””
മോളെ അഞ്ജലി നിൻറെ നാവിനു മാത്രമേ കളവ് പറയാൻ പറ്റൂ പക്ഷെ നിൻ്റെ മുഖത്തിന് പറ്റില്ല… മുഖമൊക്കെ നോക്കിയേ ചുവന്ന് തുടിച്ച് നാണത്തോടെ…””
പോടീ അവിടുന്ന്…””
ഇങ്ങനെയാണെ നീ ഇവിടെ തന്നെ നിൽക്കലെ ഉണ്ടാവു… എന്തേ ഉണ്ടെങ്കിൽ ഇപ്പൊ പറഞ്ഞോ ഇത് കഴിഞ്ഞാൽ അവനെ ഇനി കണ്ടെന്ന് വരില്ല… ഇവൻ പുറത്ത് പോയാ കൊള്ളാവുന്നവൾമാര് വന്ന് അടിച്ചോണ്ട് പോകും എനികുറപ്പാണ്..””
അതിന് ഞാൻ സമ്മതിക്കില്ല അവൻ എൻ്റെയാ….”” അഞ്ജലിയുടെ നാക്ക് അവളെ ചതിച്ചു….
എന്താ പറഞ്ഞത് ഞാൻ കേട്ടില്ല…””
എടാ അത് ഞാൻ അറിയാതെ…””
കിടന്ന് ഉരുളണ്ട… എനിക്ക് മനസ്സിലായി… വാ നമുക്ക് അവനോട് ഉള്ളത് പറയാം…””
ഞാനില്ല ചിലപ്പോ അവന് എന്നെ ഇഷ്ടമല്ലങ്കിലോ….””
നീ മനക്കണക്ക് കൂട്ടാതെ വാ പെണ്ണേ…”” മാലു വീണ്ടും അഞ്ജലിയെ നിർബന്ധിച്ചു..
അടുത്തതായി നമ്മുടെ ക്രിക്കറ്റ് ടീമിൻ്റെ ഗോൾഡൺ ബാറ്റ്മാനും നിങ്ങളേവരുടെയും കണ്ണിലുണ്ണിയുമായ സൂരജിനെ, ഞാൻ ഈ വേദിയിൽ മനോഹരമായ ഒരു പാട്ട് പാടാൻ ക്ഷണിക്കുന്നു… എല്ലാവരും ഒന്ന് കൈ അടിച്ച് പ്രോത്സാഹിപ്പിക്കൂ… കോമൺ എവറി ബഡി…. സ്റ്റേജിൽ നിന്നും ഒരു പെൺകുട്ടി മൈക്കിൽ കൂടെ അനൗസ് ചെയ്തു… അതോടെ എല്ലാവരും സൂരജിനെ പാടാൻ നിർബന്ധിച്ചു… ഒരുപാട് ഒഴിഞ്ഞു മാറാൻ ശ്രമിച്ചെങ്കിൽ എല്ലാവരും കൂടി അവനെ എടുത്ത് പൊക്കി സ്റ്റേജിൽ നിർത്തി…