Tomboy Love Part 6

Author : Fang leng | Previous Part

---

 

അടുത്ത നിമിഷം ചീറികോണ്ട് മുന്നോട്ടേക്ക്‌ പാഞ്ഞ അമ്മു ടേബിളിൽ ഇരുന്ന ചായ കയ്യിലേക്ക്‌ എടുത്ത് വിവേകിന്റെ മുഖത്തേക്ക്‌ ഒഴിച്ചു

“ആ…”

വിവേക് അലറിക്കൊണ്ട് മുഖം പൊത്തി

ഇത് കണ്ട് അവിടെ ഉണ്ടായിരുന്നവർ മുഴുവനും നടുങ്ങി

“അമ്മു….”

അർജുൻ വേഗം തന്നെ അവളുടെ അടുത്തേ ഓടി

“നിനക്ക് എന്നെ ഓർമ്മയുണ്ടോടാ കോപ്പെ ”

വർദ്ധിച്ച ദേഷ്യത്തോടെ അമ്മു വിവേകിനെ അടിക്കാൻ കൈ ഓങ്ങി

എന്നാൽ ഓടിയെത്തിയ അർജുൻ അമ്മുവിനെ പിന്നിൽ നിന്നും വട്ടം പിടിച്ചു

“വിട്…. എന്നെ വിടാൻ ”

“എന്താ അമ്മു ഈ കാണിക്കുന്നെ ”

“വിട് അജു ഇവനെ ഞാൻ….”

ഇത് കണ്ട വിവേകും അവന്റെ ഫാമിലിയും വേഗം തന്നെ സോഫയിൽ നിന്നും എഴുനേറ്റു

സുമ വേഗം കയ്യിലിരുന്ന ടവൽ കൊണ്ട് വിവേകിന്റെ മുഖം തുടക്കാൻ തുടങ്ങി

വിവേക് : ആ അമ്മേ…

എന്നാൽ അമ്മു അപ്പോഴും അർജുന്റെ കയ്യിൽ നിന്നും കുതറി മാറുവാൻ ശ്രമിക്കുകയായിരുന്നു

ഗിരിജ : ഇവൾക്കെന്താ പ്രാന്താണോ എന്റെ കൊച്ചിന്റെ മുഖം

അമ്മു : അവന്റെ ഒരു മുഖം…

എന്നാൽ അർജുൻ വേഗം അമ്മുവിനെ അങ്ങനെ തന്നെ പിടിച്ചുകൊണ്ട് അടുത്ത റൂമിലേക്ക്‌ കയറി കതക് കുറ്റിയിട്ടു

ഇതേ സമയം ദേവിയും സാന്ദ്രയുമെല്ലാം എന്ത് പറയണം എന്നറിയാതെ നടുങ്ങി നിക്കുകയായിരുന്നു

സുമ : മോനെ എങ്ങനെയുണ്ട് വിവേകെ….

വിവേക് : വാ നമുക്ക് പോകാം 😡

സുമ : എന്താ നിങ്ങൾ ഒന്നും മിണ്ടാത്തത് എന്റെ കൊച്ചിന്റെ അവസ്ഥ കണ്ടില്ലേ

ശ്രുതി : എന്തോ തെറ്റിദ്ധാരണയാണെന്ന് തോന്നുന്നു നമുക്ക്….

ഗിരിജ : ഒന്നും പറയണ്ട ഞങ്ങളെ വിളിച്ചു വരുത്തി അപമാനിച്ചതും പോരാ… നീ വരുന്നുണ്ടോ സുമേ ഇവരുമായി ഒരു ബന്ധവും നമുക്കിനി വേണ്ട

ദേവി : അങ്ങനെ പറയരുത് അവൾക്ക് ചെറിയ കുഴപ്പമുണ്ട്

സുരേഷ് : ഭ്രാന്താണെങ്കിൽ പിടിച്ചു ചങ്ങലക്കിടണം അല്ലാതെ അഴിച്ചു വിടുകയല്ല വേണ്ടത് ദാ ഇപ്പോൾ പറയുകയാ നിങ്ങളുമായി ഞങ്ങൾക്കിനി ഒരു ബന്ധവുമില്ല

ഇത് കേട്ട സാന്ദ്ര കരയാൻ തുടങ്ങി

സാന്ദ്ര : ആന്റി പ്ലീസ്…. വിവേക് പോകരുത്…

ശേഖരൻ : ഇവിടെ എന്തൊക്കെയാ ഈ നടക്കുന്നത് എനിക്ക് ഒന്നും മനസ്സിലാകുന്നില്ല വിവേകിന് അമ്മുവിനെ നേരത്തെ പരിചയമുണ്ടോ അവൾ ഇതിന് മുൻപ് ഇങ്ങനെ പെരുമാറിയിട്ടില്ല

അശ്വിൻ : ശെരിയാ അമ്മുവിന്റെ പെരുമാറ്റം കണ്ടിട്ട് വിവേകിനെ നേരെത്തെ പരിചയമുള്ളത് പോലെ തോന്നുന്നു

സുമ : പറ വിവേകെ നിനക്ക് അവളെ പരിചയമുണ്ടോ

വിവേക് : ഉണ്ട്….അവളാണ് അർജുന്റെ ഭാര്യ എന്നറിഞ്ഞിരുന്നെങ്കിൽ ഈ ബന്ധവുമായി ഞാൻ മുന്നോട്ട് പോകില്ലായിരുന്നു അന്ന് വിവാഹത്തിന് പങ്കെടുത്തിരുന്നെങ്കിൽ ഇന്നിവിടേക്കുള്ള വരവ് തന്നെ ഒഴിവാക്കാമായിരുന്നു

സാന്ദ്ര : എന്താ വിവേക് ഈ പറയുന്നെ എന്നെ നിനക്ക് വേണ്ടേ

വിവേക് : സാന്ദ്രേ അത്… ഇനി എന്തായാലും ഒന്നും മറച്ചു വച്ചിട്ട് കാര്യമില്ല നിന്റെ ചേട്ടത്തി ഉണ്ടല്ലോ അവൾ ശെരിയല്ല

****************

ഇതേ സമയം റൂമിനുള്ളിൽ

“വിട് അജു… എനിക്ക് പോകണം… ”

“അടങ്ങ് അമ്മു നീ എന്തൊക്കെയാ ഈ കാട്ടികൂട്ടുന്നെ 😡 ”

ഇത്രയും പറഞ്ഞു അർജുൻ അമ്മുവിനെ ദേഷ്യത്തോടെ മതിലോട് ചേർത്ത് നിർത്തി

അർജുൻ : കൂളാക് അമ്മു എന്നിട്ട് എന്താണ്‌ കാര്യം എന്ന് പറ അവനെ നിനക്ക് അറിയാമോ

അമ്മു : അറിയുമോന്നോ ആ ചെറ്റയെ എവിടെ കണ്ടാലും ഞാൻ തിരിച്ചറിയും നമ്മുടെ സാന്ദ്രക്ക്‌ അവൻ വേണ്ട 😡….വിട് അജു എനിക്ക് അവനിട്ടു രണ്ട് കൊടുക്കണം

അർജുൻ : നിന്നോട് നിർത്താനല്ലേ അമ്മു പറഞ്ഞേ എന്നിട്ട് എന്താണെന്നു വച്ചാൽ എന്നോട് പറയ് എന്നിട്ട് മതി നിന്റെ….

ഇത് കേട്ട അമ്മു അല്പനേരം അർജുനെ നോക്കി നിന്നു

*****************

ശേഖരൻ : ദേ അനാവശ്യം പറയരുത്…

ശേഖരൻ വിവേകിനോട്‌ കയർത്തു

വിവേക് : ഞാൻ പറയുന്നതിലാണോ ഇപ്പോൾ പ്രശ്നം

സാന്ദ്ര : എന്താ വിവേക് കാര്യം പറയ്

വിവേക് : എനിക്ക് നിന്റെ ചേട്ടത്തിയെ നേരിട്ട് പരിചയമൊന്നുമില്ല പക്ഷെ ഒരു തവണ കണ്ടിട്ടുണ്ട് അതും മോശപ്പെട്ട ഒരു സാഹചര്യത്തിൽ