Tomboy Love Part 7

Author : Fang leng | Previous Part

---

 

ഇത് കേട്ട അർജുൻ കയ്യിലിരുന്ന ബൈക്കിന്റ താക്കോൽ അമലിന്റെ കയ്യിലേക്ക്‌ കൊടുത്തു അച്ഛൻ വാങ്ങി തന്നതല്ലേ മോനല്ലാത്ത സ്ഥിതിക്ക് എനിക്ക് ഇതും വേണ്ട

 

ഇത്രയും പറഞ്ഞു അർജുൻ അമ്മുവിനെയും കൊണ്ട് അവിടെ നിന്നിറങ്ങി

 

റോഡിലേക്കെത്തിയ അർജുൻ എന്തോ ആലോചിച്ചുകൊണ്ട് അല്പനേരം അവിടെ തന്നെ നിന്നു അപ്പോഴേക്കും അർജുന്റെ കണ്ണുകൾ നിറഞ്ഞിരുന്നു

 

അമ്മു : അജു…

 

അർജുൻ : എന്താ അമ്മു

 

അർജുൻ വേഗം കണ്ണ് തുടച്ചു

 

അമ്മു : നീ കരയുവാണോ

 

അർജുൻ : ഹേയ് ഞാൻ വെറുതെ… വാ നമുക്ക് പോകാം

 

അമ്മു : എല്ലാം ഞാൻ കാരണമല്ലെ അജു… അവർ പറയുന്നതും ശെരിയല്ലേ… ഞാൻ ഒരു സ്വാർത്ഥയാ എല്ലാം അറിഞ്ഞിട്ടും അർജുനെ വിടാതെ….

 

അർജുൻ : എന്ത് ശെരിയാണെന്ന് നീയും അവരെ പോലെ തുടങ്ങല്ലേ അമ്മു ശെരിക്കും പറഞ്ഞാൽ കുറച്ച് മുൻപേ തന്നെ നമ്മൾ മാറേണ്ടതായിരുന്നു പിന്നെ ഓരോന്ന് ഓർത്തപ്പോൾ അതിന് പറ്റിയില്ല നീ വാ പോകാം

 

ഇത്രയും പറഞ്ഞു അർജുൻ മുന്നോട്ട് നടന്നു ഒപ്പം അമ്മുവും

 

അർജുൻ : ആ ബാഗ് കൂടി ഇങ്ങ് തന്നേക്ക്‌ ഞാൻ പിടിക്കാം

 

അമ്മു : വേണ്ട അജു കുഴപ്പമില്ല

 

അവർ മുന്നോട്ട് നടന്നു പെട്ടെന്നാണ് ഒരു ഓട്ടോ അങ്ങോട്ടേക്ക് വന്നത് അർജുൻ പതിയെ അതിന് കൈകാട്ടി

 

“ചേട്ടാ ആ ടവറിന്റെ അടുത്ത് വരെ പോകുമോ ”

 

“ഉം കയറിക്കോ ”

 

“വാ അമ്മു ”

 

അർജുൻ അമ്മുവിനെയും വിളിച്ചുകൊണ്ട് ഓട്ടോയിൽ കയറി

 

ഓട്ടോ പതിയെ മുന്നോട്ടേക്ക്‌ പോയി

 

അമ്മു : അജു നമ്മളിത് എങ്ങോട്ടാ

 

അർജുൻ : ഇന്ന് രാത്രി ഏതെങ്കിലും റൂം എടുക്കാം ബാക്കിയൊക്കെ നാളെ തീരുമാനിക്കാം

 

ഇത് കേട്ട അമ്മു പിന്നെ അവനോട് ഒന്നും ചോദിച്ചില്ല

 

അല്പനേരത്തിനുള്ളിൽ തന്നെ സിറ്റിയിലുള്ള ഒരു റെന്റ് എ റൂമിന് മുന്നിൽ അവർ ഇറങ്ങി ശേഷം അതിനുള്ളിലേക്ക്‌ കയറി

 

“ചേട്ടാ ഒരു റൂം വേണമായിരുന്നു ”

 

ഇത് കേട്ട റിസപ്ഷനിസ്റ്റ് അർജുനെയും അമ്മുവിനെയും ഒന്ന് നോക്കി

 

അർജുൻ : എന്താ ചേട്ടാ റൂം ഇല്ലേ

 

“ഉം ഉണ്ട് എത്ര സമയത്തേക്ക്‌ വേണം ”

 

അർജുൻ : നാളെ കാലത്ത് വെക്കേറ്റ് ചെയ്തോളാം

 

“ശെരി ഇവിടെ പേരൊക്കെ എഴുതി ഒപ്പിട് ”

 

അർജുൻ രെജിസ്റ്ററിൽ ഒപ്പു വച്ചു

 

“റൂം നമ്പർ 27 ആണ് അങ്ങോട്ടേക്ക്‌ പൊക്കൊ റൂം ബോയ് കീ കൊണ്ടു വരും ”

 

അർജുൻ : ഇവിടെ കഴിക്കാൻ കാണുമല്ലോ അല്ലേ

 

“റൂം ബോയോട് പറഞ്ഞാൽ മതി കൊണ്ടുവന്നു തരും ”

 

അല്പനേരത്തിന് ശേഷം അർജുനും അമ്മുവും റൂമിനുള്ളിൽ

 

അർജുൻ : അയാളുടെ നോട്ടം കണ്ടില്ലേ നമ്മൾ ഭാര്യയും ഭർത്തവും ആണെന്ന് അയാൾക്ക് പിടികിട്ടിയിട്ടില്ല

 

എന്നാൽ അമ്മു മറുപടി ഒന്നും പറഞ്ഞില്ല

 

അർജുൻ : എന്താടി ഇങ്ങനെ എന്തെങ്കിലും പറ ഇല്ലെങ്കിൽ നൂറ് നാവാണല്ലോ

 

അമ്മു : ഒന്നും പറയാൻ തോന്നുന്നില്ല അജു ആകെ ഒരു മരവിപ്പാ ഇതിനു മുൻപ് ഇങ്ങനെ ഉണ്ടായിട്ടില്ല

 

അർജുൻ : ഇനി എന്താവും എന്ന് ആലോചിച്ചുള്ള പേടിയാണോ

 

അമ്മു : അതല്ല അജു ഒരു ദിവസം കൊണ്ട് എന്തൊക്കെയാ ഉണ്ടായത് എനിക്ക് ഒന്നും അങ്ങോട്ട് ഉൾകൊള്ളാൻ പറ്റുന്നില്ല

 

അർജുൻ : ഇപ്പോൾ അതിനെ പറ്റിയൊന്നും ആലോചിക്കണ്ട ദാ ഇതെടുത്ത് കഴിച്ചേ ഇതുവരെ ഒന്നും കഴിച്ചു കാണില്ലല്ലോ

 

അമ്മു : വേണ്ട അജു ഇപ്പോൾ ഒന്നും ഇറങ്ങില്ല

 

അർജുൻ : ഇറങ്ങിയില്ലെങ്കിൽ കുത്തി ഇറക്കാൻ ഞാൻ ആരെയെങ്കിലും വിളിക്കാം നീ എന്നെ ദേഷ്യം പിടിപ്പിക്കാതെ കഴിച്ചേ എനിക്കും നന്നായി വിശക്കുന്നുണ്ട്

 

ഇത് കേട്ട അമ്മു ഭക്ഷണം കഴിക്കാൻ തുടങ്ങി ഒപ്പം അർജുനും

 

അർജുൻ : വേറെ വല്ലതും പറയണോ അമ്മു

 

അമ്മു : വേണ്ട ഇത് തന്നെ കൂടുതലാ

 

അല്പനേരത്തിനുള്ളിൽ ഭക്ഷണം കഴിച്ച അവർ കിടന്നു