അർജുൻ : അങ്കിൾ എല്ലാം അനേഷിച്ചറിഞ്ഞുള്ള വരവാണല്ലേ എന്തായാലും ചോദിച്ചതിന് നന്ദി ഞാൻ എന്തായാലും ഈ ജോലിയിൽ തന്നെ തുടരാനാ തീരുമാനിച്ചിരിക്കുന്നെ ഇപ്പോൾ കിട്ടുന്നത് കൊണ്ട് ഞങ്ങൾ ഹാപ്പിയാണ് കാര്യങ്ങളൊക്കെ ഒരുവിധം നന്നായി നടന്നു പോകുന്നുണ്ട്
രാജീവ് : ശെരി അർജുന്റെ വാശി നടക്കട്ടെ
അർജുൻ : വാശി ഒന്നുമല്ല അങ്കിളെ
രാജീവ് : അർജുൻ ചോദിക്കില്ല എന്നറിയാം എങ്കിലും ചോദിക്കുവാ നിങ്ങൾക്ക് പൈസക്ക് വല്ല ആവശ്യമുണ്ടോ ഉണ്ടെങ്കിൽ എന്നോട് പറയണം ഞാൻ വേണമെങ്കിൽ അമ്മുവിന്റെ അക്കൗണ്ടി….
അർജുൻ : സാരമില്ല അങ്കിളെ ആവശ്യമുണ്ടെങ്കിൽ ഞാൻ പറയാം ചോദിച്ചല്ലോ അത് മതി.. പിന്നെ വീട്ടിൽ സ്ഥിരമായി താമസിക്കാൻ ഇല്ലെന്ന് മാത്രമേ ഞങ്ങൾ പറഞ്ഞുള്ളു ഇടക്കിടക്ക് ഞങ്ങൾ അങ്ങോട്ടേക്ക് വന്നോളാം ഇന്നലെ കൂടി അവിടേക്ക് വരുന്ന കാര്യം ഞാനും അമ്മുവും കൂടി സംസാരിച്ചിരുന്നു ദാ ഇവൾക്ക് നിങ്ങളെ കാണാതെ അധിക നാളൊന്നും ഇരിക്കാൻ പറ്റില്ല
റാണി : അവൾക്ക് മാത്രമല്ല ഞങ്ങൾക്കും അങ്ങനെ തന്നെയാ
അർജുൻ : പിന്നെ അങ്കിളേ അമ്മുവിനെ ചികിസിച്ചതിന്റെ റിപ്പോർട്ടുകളൊക്കെ കയ്യിൽ കാണില്ലേ അതൊക്കെ ഒന്ന് കിട്ടിയാൽ കൊള്ളാമായിരുന്നു നാളെ ഹോസ്പിറ്റലിൽ വരെ ഒന്ന് പോയാൽ കൊള്ളാമെന്നുണ്ട്
രാജീവ് : അതുകൂടി പറയാൻ തന്നെയാ ഞങ്ങൾ വന്നത് നിങ്ങൾ ഹെൽത്ത് പോയിന്റ് ഹോസ്പിറ്റൽ വരെ ഒന്ന് പോയാൽ മതി അവിടെയാ ഇവളെ ചികിത്സിച്ചത് ഒരു ഡോക്ടർ ശ്രീ വിദ്യയുണ്ട് അവർക്ക് കാര്യങ്ങളൊക്കെ അറിയാം നിങ്ങൾ അങ്ങോട്ടേക്ക് പോയാൽ മാത്രം മതി ഡീറ്റെയിൽസ് ഒക്കെ അവിടെ തന്നെയുണ്ട്
അർജുൻ : ശെരി അങ്കിളെ… പിന്നെ നിങ്ങൾ എന്തെങ്കിലും കഴിച്ചിരുന്നോ അമ്മു ഇവർക്ക് എന്തെങ്കിലും കൊടുക്ക്
രാജീവ് : ഒന്നും വേണ്ട ഞങ്ങൾ കഴിച്ചതാ പോയിട്ട് തിരക്കുണ്ട്
അർജുൻ : ഇത്ര പെട്ടെന്ന് ഇറങ്ങുവാണോ
രാജീവ് : ഉം പോയിട്ട് ധൃതിയുണ്ട് നിങ്ങൾ അങ്ങോട്ടേക്ക് ഇറങ്ങ്
റാണി : അപ്പോൾ ഞങ്ങൾ ഇറങ്ങട്ടെ പിന്നെ അങ്ങോട്ടേക്ക് താമസം മാറുന്ന കാര്യം നിങ്ങൾ ഒന്നുകൂടി ആലോചിക്ക്
രാജീവ് : നിർബന്ധിക്കണ്ട റാണി കുട്ടികൾ കുറച്ച് നാൾ ഒറ്റക്ക് ജീവിക്കട്ടെ ഇവർക്ക് ജീവിതവും പഠിക്കാൻ പറ്റും കുറച്ച് കൂടി പക്വതയും കൈവരും ഇപ്പോൾ തന്നെ നോക്കിയെ ഇവളിപ്പോൾ നമ്മുടെ പഴയ മടിച്ചി കുട്ടിയാണോ നല്ല മാറ്റമില്ലേ
അമ്മു : ഒന്ന് പോയേ അച്ഛാ
രാജീവ് : എന്നാൽ ശെരി ഞങ്ങൾ ഇറങ്ങുവാ
അർജുൻ : ശെരി അങ്കിളെ എന്നോട് വിഷമമൊന്നും തോന്നരുത്
രാജീവ് : ഒരു വിഷമവുമില്ല അഭിമാനം മാത്രമേ ഉള്ളു
ഇത്രയും പറഞ്ഞു അവർ അവിടെ നിന്നും പോയി
അർജുൻ : അച്ഛനെയും അമ്മയേയും കണ്ടില്ല എന്ന നിന്റെ പരാതി തീർന്നല്ലോ അല്ലേ
അമ്മു : അജു അവരോട് മിണ്ടില്ല എന്നാ ഞാൻ കരുതിയത്
അർജുൻ : നീ ഒന്ന് പോയേ അമ്മു ഞാൻ എല്ലാം അപ്പോഴേ മറന്നു പിന്നെ ഒന്നാലോചിച്ചാൽ അവർ എല്ലാം മറച്ചു വച്ചത് കൊണ്ടല്ലേ നമ്മുടെ വിവാഹം നടന്നത് ഇല്ലായിരുന്നെങ്കിൽ എന്റെ അമ്മു പെണ്ണിനെ എനിക്ക് കിട്ടുമായിരുന്നോ
ഇത്രയും പറഞ്ഞു അർജുൻ അമ്മുവിന്റെ നെറ്റിയിൽ മുത്തി
അമ്മു : അപ്പോൾ സത്യം അറിഞ്ഞിരുന്നെങ്കിൽ എന്നെ കെട്ടില്ലായിരുന്നു അല്ലേ
അർജുൻ : ഉള്ളത് പറഞ്ഞാൽ അതെ നിന്നോട് എനിക്ക് ഒന്നും ഒളിക്കാൻ ഇല്ല ഈ കാര്യം വിവാഹത്തിന് മുൻപ് അറിഞ്ഞെങ്കിൽ ഇത് പറഞ്ഞു ഞാൻ ഒഴിഞ്ഞേനെ പക്ഷെ കണ്ടോ വിധി പോലെ നമ്മൾ ഒന്നിച്ചില്ലേ നീയല്ലാതെ വേറൊരാളെ ഇപ്പോൾ എനിക്കെന്റെ ഭാര്യയായി സങ്കല്പപിക്കാൻ പോലും പറ്റില്ല പിന്നെ അങ്കിളും ആന്റിയും വേറെ എന്തെങ്കിലും ചോദിച്ചോ
അമ്മു : അജൂന്റെ വീട്ടുകാരെ പറ്റി ചോദിച്ചു
അർജുൻ : ഉം… പിന്നെയുണ്ടല്ലോ അമ്മു എനിക്കിന്ന് ആദ്യത്തെ സാലറി കിട്ടി ഞാൻ പറഞ്ഞിരുന്നത് പോലെ നമുക്കിന്നു പുറത്തൊക്കെ പോയി ഒന്ന് കറങ്ങിയിട്ട് വരാം