അമ്മു : വേണ്ട അങ്ങോട്ടേക്ക് പോകണ്ട
റിയാസ് : ഉം ബെസ്റ്റ് അർജുനെ നിനക്ക് പറ്റിയ ആള് തന്നെയാ ഇത് കേട്ടോ
അർജുൻ : ടാ അവരുമായും ചെറിയ വഴക്കായി
റിയാസ് : ഉം കൊള്ളാം…
അവർ വീണ്ടും മുന്നോട്ട് പോയി അല്പനേരത്തിനുള്ളിൽ അവർ ഒരു ചെറിയ ഓടിട്ട വീടിനു മുന്നിൽ എത്തി റോഡിൽ കാർ പാർക്ക് ചെയ്ത റിയാസ് കാറിൽ നിന്നിറങ്ങി
“വാ ഇതാണ് വീട് ”
ഇത്രയും പറഞ്ഞു റിയാസ് വീടിന്റെ മുറ്റത്തേക്ക് നടന്നു പിന്നാലെ അർജുനും അമ്മുവും അങ്ങോട്ടേക്ക് കയറി
റിയാസ് : എന്റെ വകയിലെ ഒരു കസിന്റെ പഴയ വീടാ അവൻ ഇപ്പോൾ ഫാമിലിയായി us ലാണ്
അപ്പോഴാണ് വീട് മുറ്റത്ത് നിൽക്കുന്ന മാവ് മരത്തിൽ അമ്മുവിന്റെ കണ്ണ് പോയത്
റിയാസ് : നോക്കണ്ട… ഇപ്പോൾ കയ്ക്കാറില്ല അവനും ഫാമിലിയും പോയിട്ട് വർഷങ്ങളായി അവർ ആദ്യമായി വാങ്ങിയ വീടാ അതുകൊണ്ട് പൊളിക്കാനോ വിൽക്കാനോ ഒന്നും അവർക്ക് തോന്നിയില്ല ഇടക്കിടക്ക് ഞാൻ ആളെകൊണ്ടുവന്നു വൃത്തിയാക്കിക്കും സൗകര്യമൊക്കെ നല്ല കുറവാ
ഇത്രയും പറഞ്ഞു റിയാസ് വീടിന്റെ വാതിൽ തുറന്ന് ഉള്ളിലേക്ക് കയറി
റിയാസ് : ഇതിങ്ങനെ കിടന്ന് നശിക്കുന്നത് കണ്ടാ ഞാൻ അവനോട് വാടകയ്ക്ക് കൊടുക്കാം എന്ന് പറഞ്ഞത് ആദ്യം സമ്മതിച്ചില്ല പിന്നെ ഒക്കെ പറഞ്ഞു ഞാൻ കുറേ പേരെയൊക്കെ നോക്കിയതാ പക്ഷെ ആർക്കും വീട് പിടിച്ചില്ല കുറേ നാൾ അടഞ്ഞു കിടന്നതല്ലേ അതിന്റെ ഒരു ഭയം പലർക്കുമുണ്ട് പിന്നെ മറ്റുചിലർക്ക് സൗകര്യം പോരെന്ന് ആകെ ഒരു റൂമേ ഉള്ളു ഒരു കിച്ചൻ ഒരു ബാത്റൂം ഇതാണ് ഈ വീട് നിങ്ങൾക്ക് ഇഷ്ടപ്പെടാൻ വലിയ സാധ്യതയൊന്നുമില്ല
അർജുനും അമ്മുവും പതിയെ വീട് മുഴുവൻ ഒന്ന് നോക്കി പെയിന്റ് എല്ലാം ഇളകി പൂർണ്ണമായും ഒഴിഞ്ഞു കിടക്കുന്ന ഒരു വീടായിരുന്നു അത്
റിയാസ് : കണ്ടോ നിങ്ങൾക്ക് പറ്റില്ല ഞാൻ അവനോട് വിൽക്കാം എന്ന് പറഞ്ഞതാ അവൻ കേൾക്കണ്ടേ ഒരു സെന്റിമെൻസ് ഇനി ഇത് ഇടിഞ്ഞു വീഴുന്നത് വരെ ഇങ്ങനെ തന്നെ കിടക്കും… നിങ്ങള് വാ നമുക്ക് വേറെ വീട് നോക്കാം സിറ്റിയിൽ എന്റെ അറിവിൽ ഒരു വീടുണ്ട്
അർജുൻ : റിയാസേ നീ ഇങ്ങ് വന്നേ
ഇത്രയും പറഞ്ഞു അർജുൻ റിയാസിനെയും വിളിച്ചുകൊണ്ട് വീടിനു പുറത്തേക്ക് പോയി
റിയാസ് : എന്താടാ
അർജുൻ : ടാ സിറ്റിയിൽ വീടെടുക്കാനുള്ള പൈസയൊന്നും ഇപ്പോൾ എന്റെ കയ്യിലില്ല പിന്നെ അവിടെയൊക്കെ റെന്റും കൂടുതലാകില്ലേ ഇനി എന്തായാലും കമ്പനിയിൽ പോകാൻ പറ്റില്ല പുതിയൊരു ജോബ് കണ്ടുപിടിക്കണം ആദ്യം സാലറിയൊക്കെ എന്തായാലും കുറവായിരിക്കും പുതിയൊരു ജീവിതം തുടങ്ങുബോൾ വേറെയും ഒരുപാട് ചിലവുകൾ ഇല്ലേ
റിയാസ് : ഇതൊക്കെ നീ വീട് വിടുന്നതിനു മുൻപ് ആലോചിക്കണമായിരുന്നു ഇപ്പോൾ എന്താ നീ ഈ വീട് എടുക്കാൻ പോകുകയാണോ അമ്മു വലിയ വീട്ടിലൊക്കെ ജീവിച്ച കുട്ടിയല്ലേടാ അവളെ ഇവിടെ താമസ്സിപ്പിക്കുക എന്ന് പറയുമ്പോൾ മോശമല്ലേടാ
അർജുൻ : നീ പറഞ്ഞതും ശെരിയാ…. ടാ കുറച്ച് കാശ് കടം കിട്ടാൻ വല്ല വഴിയുമുണ്ടോ ഞാൻ പെട്ടെന്ന് തിരിച്ചുകൊടുകാം
റിയാസ് : കുറച്ചൊക്കെ ഒപ്പിക്കാം പക്ഷെ അത് പോരല്ലോ ഈടൊന്നും കൊടുക്കാതെ ആരും ഒന്നും തരില്ല അമ്മുവിന്റെ ഗോൾഡ് ഒക്കെ എവിടെ
അർജുൻ : എല്ലാം തിരിച്ചുകൊടുത്തു
റിയാസ് : നിന്നെയുണ്ടല്ലോ അർജുനെ…. ശെരി വാ ഇറങ്ങ് എന്തെങ്കിലും വഴി ഉണ്ടാക്കാം
ഇത്രയും പറഞ്ഞു അർജുനും റിയാസും തിരികെ വീട്ടിലേക്ക് കയറി
അർജുൻ : അമ്മു വാ പോകാം
അമ്മു : അജു നമുക്ക് ഈ വീട് മതി എനിക്കിഷ്ടപ്പെട്ടു
അർജുൻ : എന്താ അമ്മു പറയുന്നെ നമുക്ക് വേറെ…
അമ്മു : കൊള്ളാം അജു കുറച്ച് വൃത്തിയാക്കി എടുത്താൽ മതി നമ്മൾ രണ്ട് പേരല്ലേ ഉള്ളു ഇത് തന്നെ കൂടുതലാ
അർജുൻ : അപ്പോൾ നീ ഒക്കെയാണോ… സിറ്റിയിൽ വേറെ വീടുണ്ട് നമുക്ക് അത് കൂടി നോക്കാം